港麵子 (Closed)

當天本來約了友人到另一食店吃飯，可是臨時因會議延誤、原來食店人龍太長而只好轉戰別處，最後來到了「港麵子」。老實說不是這樣誤打誤撞甚至連有此店我們也不知道，見到正門大餐牌食物較為吸引，而且店內有足夠的位置，便進去一試！點了較有特色的鐵板銀芽肉絲炒麵及鐵板沙嗲牛肉炒麵，上菜時竟然是一個煎Pan的上，而且炒麵竟然有兩個麵底，而味道則是正常的銀芽肉絲及沙嗲牛肉味，算是不錯，而唯一的不足就是麵本身是分開炸的，因此沒配上菜汁的會很乾身，但整體已算是可以推介的餐廳！

以前同一位置做韓國餐館 ， 食過一次又貴又唔好食， 拍曬烏蠅 ，終於轉咗呢間 好似係食香港麵類 ，第一次試 ，叫咗個 牛肚牛柏葉擔擔麵 黑醋雲耳 ，個麵幾好食 ，唔算好辣 ，牛肚牛柏葉夠多， 夠淋爽口唔韌， 擺得都幾靚 ，肉醬汁都幾好味， 黑醋雲耳雖然個醋汁有啲怪怪哋， 唔似平時食開嗰隻 ，但都ok ，雲耳爽口， 又夠蒜蓉味， 整體嚟講咁嘅價錢， 普普通通食得過 而且坐得舒服， 不過可能位置問題， 死角位冇乜人留意到 舖位大得利坐唔滿， 仲好唔使咁嘈靜靜地食。

今日LUNCH同個同事諗住出去睇電視機，順便去食埋午餐，我記得呢間店開張咁耐我都未去試過，所以就建議同事去這間店試食，其實我同事都有同我講佢試過覺得麻麻地，但我始終未食過就想去試，同事唯為捨命陪君子啦。這間店位於德福一期第二層既開頭，在麵包店隔離，環境算簡約，但又帶點色彩，入到去就急忙睇個餐牌有乜東東食，後來我點選了一個喇沙雞絲湯麵，而同事就點選了一個成都牛腩牛肚湯麵。因為我們公司是德福廣場的優惠對象，所以我們只出示職員証，就可以免費有一個小食和一杯飲品，今日小食是蒜茸青瓜，而飲品我們就叫了一杯熱檸水和一杯熱檸茶。蒜茸青瓜蒜茸幾香，青瓜都幾爽口，如果將青瓜拍打來製作，我諗會梗入味可口。湯麵都陸陸續續上枱，同事的成都牛腩牛肚湯麵採用上海麵，但煮得有點腍，雖然佢加入了麻辣味道，但本身湯底好淡，所以食落麻辣同湯底味道係分開似的。牛腩好腍，牛肚都唔錯，有淡淡都五香味。我的喇沙雞絲湯麵都上枱了，用料包括有豆卜，芽菜，半隻半生熟雞蛋和一些雞絲，豆卜入晒喇沙湯味道，都算唔錯，半生熟蛋我覺得好奇怪，食落去軟腍腍，但在口腔入面硬係食唔到佢既蛋味，連蛋白味都冇，我一路食都感覺唔到我係食緊隻蛋似的。湯底同牛

日日經過九龍灣地鐵站都同到這間「港麵子」廣告牌。但一直都未試過。今天到等銀行開門所以就在德福食埋早餐等埋銀行開門。本來想去文華冰室點知門口有十幾個排隊。於是就過來試試這間港麵子。入到去我估無100個都有80個位。成間餐廳我是第二枱客。算啦食個公子面間間差唔得幾遠。點左個沙嗲牛肉公仔麵，跟煎蛋，多士，跟凍咖啡要$35。以今時今日九龍灣來說算平。以德福商場來說算非常平。等5分鐘左右有得食（因為只剩我一個人包場）🤦🏻‍♂️ 個麵係暖的，煎蛋又凍又硬，多士又硬又乾的。諗住仲晒伏，那那林扒兩啖飲埋杯野就走啦。點知連杯咖啡都有問題。叫左少奶少油冰，成杯飲晒仲有三份之二杯係冰。味道都唔好講喇。一間以港式麵做招來，可以難食到呢個程度，真係好難理解。

九龍灣「德福廣場」一期裡面，原本有間韓國菜餐廳「SchXXl Food」，不過九龍灣分店「SchXXl Food」最近已經宣告結業關門，原舖位現在已經變成了港式茶餐廳，名稱叫做「港麵子」。不過，舖位現在即使已經變成了，疑似主打粉麵類食品的港式餐廳「港麵子」，但是「港麵子」餐牌實際上，仍然有港式「炒粉麵飯」食品，跟港式沖調冷熱飲品，「港麵子」在本質上仍然是港式茶餐廳。雖然我說「港麵子」實在很像港式茶餐廳，但是實際上「港麵子」餐牌裡面主打的食品，始終都是以各式港式湯麵為主。我一看到「港麵子」主餐牌裡面不乏港式湯麵，就知道我在正餐時間光顧「港麵子」，應該會很難找到適合我自己享用的港式「雞飯」食品。相反，如果我抱着在下午茶時間，單純想食個簡單粉麵茶餐就解決問題的話，在「港麵子」勉強還可以找到，適合我在下午享用的粉麵下午茶。「港麵子」八款下午茶餐牌裡面，其中有兩款食品不屬於「粉麵類」食品，而是一般炸薯角配炸雞髀，或者配炸雞翼而成的西式下午茶茶餐，我就對在「港麵子」裡面食炸雞髀下午茶興趣不大了。後來我詢問過「港麵子」的侍應之後，才知道「港麵子」的粉麵下午茶，原來可以自由選擇以港式即食麵，或者通心粉

同同事食lunch 本身見到個menu都覺得食麵來講都算貴啦😕飲品又要再加錢 Even熱飲都係要加 但佢開喺德福商場入面就無法啦 結果明明見到其他餐廳都好爆場排哂龍 得佢間野咁少人..都心知不妙🤭但因為同事之前食個擔擔麵好推介 咁就真係試吓佢啦 我本身點左個番茄雞絲米線 黎到嘅時候變返蕃茄雞絲麵 我話叫咗米線 佢話冇得改 心諗冇得改你落單嘅時候就單聲啦😤我食魚湯呀嘛 算！個麵係一般嘅雞蛋麵 蕃茄湯底有啲怪 唔係食開既味 好似腥腥地味🤨即係冇咩特別好食唔好食 最衰都係啲侍應既態度同面口可以好d lor! 問佢請問有冇糖 佢話後邊啦自己拎啦⋯⋯原來要自助🤦🏻‍♀️🤦🏻‍♀️🤦🏻‍♀️事實證明 有期望就通常會失望😞

德福廣場1期嘅食肆選擇唔太多，呢間算是有少少主題嘅食店。食店環境尚算整潔，原本嘅位置係school food，所以好大，好多位置。食物方面，以面為主嘅餐廳嚟講，算係可以接受。都會有d出面無嘅特色嘢。我哋叫左成都牛腩湯麵，紅油抄手同魚湯雞絲米線，上菜速度都幾快。成都牛腩湯麵係辣嘅，整體味道普通，係普通嘅牛腩麵再另一種麵煮，再加辣，辣都係普通嘅辣，唔會太特別。麵都煮得有d淋。分量亦不多。魚湯米嘅魚湯並非奶白色個隻，但係真係有魚嘅香味，偏鹹，唔會差，都幾多雞絲。紅油抄手都幾足配料，，好多蒜蓉蔥粒等等。唔會太辣。人均75蚊，，食麵嚟講算係中等價錢，總體而言係有選擇嘅情況之下未必會再食多次。

兩個人吃，點了三麵三小食的套餐$108番茄麵，喇沙麵及担担麵都非常好吃小食有木耳，味道不錯，海蜇看起來有點像豬手皮，口感一般，味道還可以，口水雞不過不失一男一女吃這個餐是完全夠飽的(我們兩個都很飽), 不過如果兩位男仕就可能要多點一些另外配熱飲只需加五元，凍飲加八元，我怕肥所以晚上一般都不點飲品給五星的主要原因是性價比太高了每人只需$54, 又可以試六款食物，最適合貪吃的我而且沒有加一，所以自助拿碗和水我也可以接受

每星期一定相約這位舊同事飲飲食食，大家在附近上班，總有這個方便。記得這食肆新開張時，我們已經說好來光顧，但一說就快半年了，最終吃午餐變了早餐，沒法子，九龍灣確實選擇太多了，老實說還是未能全部食肆也光顧。一早店內人流較少，寧靜舒服，沒想到店內是那麼大，裝修風格亦很親民。是日點了一份午香肉丁即食麵配多士煎蛋，賣相有一點意料之外，煎蛋外表及口感有點怪怪。價錢如市價般，質素同樣一般，或許午市或晚肆會更好吧。

Happy Friday還要加班的孩子有點可憐，黎到九龍灣都八點，心想應該去邊度食都要等位諗住去到邊度無乜人等入去就算，見到呢間餐廳又無乜人，隊都唔洗排，見食物種類都ok就入去見到麵類都少少貴，但有gimmick野就係某d種類會有石鍋，都幾得意！同埋寫明邊樣係辣，呢方面都非常貼心！其實...無人真係有原因擔擔小雲吞湯麵的麵底似生麵，同擔擔的湯底好唔夾，雖然有花生，但辣味完全蓋過所有味道。小雲吞還有點似某大水餃牌子出的小雲吞！蕃茄湯牛腩麵比擔擔那個正常，用石鍋送上，係有少少睇頭，但湯底偏淡，牛腩都淋ge....四川黃金皮蛋豆腐賣相已經告訴你，皮蛋和豆腐是分開的，好似只係將兩樣唔關事的食物放在一起總結試一次就夠！

本來今晚岩岩同朋友睇完場戲諗住睇下有啲咩食，點知見到呢間野好似幾好咁就行左入去食，之後我見到冇咩岩食就叫左碗番茄湯雞翼麵，我朋友就叫左菠蘿炒飯，咁叫之前我問左一次個侍應啲雞翼同面可唔可以分開擺，佢好冇禮貌咁答左我一句冇喎，咁我食完之後諗住再問多次另一位侍應睇下佢地既答案係咪一樣，點知個女侍應就答我應該冇，好喇，咁都冇辦法喇既然佢話冇得分開，咁我既然問佢咁啲雞翼係新鮮咁炸出黎既如果浸落湯到咪林曬，我未講完佢就已經行開左，極度冇禮貌，好喇，到我地食完係度傾緊計，個女侍應就企左係度望住我地，我明白可能人地趕收工，但既然你係一間餐廳，只要未到關門時間，如果個客一分鐘前行入黎你地鋪頭你地係咪都有責任去services佢地呢😠

As well as Nooodies, there is another noodle joint in Sai Ying Pun called NOODIES that opened in 2015.I bet if NOODIES didn't exist, Nooodies would probably have used that name and not needed that extra "o" to be different!Anyway, both joint offer a choice so that you can try different noodles.Here they have the tasting choice for $108 which lets you try three different noodles in small portions but unfortunately I came here in the afternoon when it isn't served.Ordered the Dandan noodles!I can'

屋企人去晒旅行，自己又唔得閒（懶）煮飯，但附近啲餐廳啲野都好濃味又多油，諗起之前食過一次呢間餐廳個雞煲，唔油啲雞又好滑，就決定去呢度食晚飯。去嗰日係星期四晚，可能餐廳新開，唔係好多人。餐廳坐位幾闊落，坐得幾舒服。待應有禮貌，但水要自己serve。叫咗一碗白飯，無油嘅生菜（佢有俾蠔油）同五隻餃子，埋單都係50蚊。雖然簡單，但呢餐就好似一餐家常便飯，令我好滿足，係唔錯嘅一餐。 埋單時要俾cash，無八達通。

餐廳很大，客人很少，同事說想嚐新，但一入去不禁有種伏味直捲心頭。我點了個花膠海參撈面，用料是很足的，味道也不錯，其實也是一道尚算矜貴的菜，不知為何放在這個帶點寒酸的白色疑似大學cantenn的碟後，覺得好唔值這個價錢，唉真應了句人靠衣裝。朋友叫了麻辣擔擔麵，好細碗，大呻中伏，我想，我應該grateful d啦枱子上放了支樽裝水，同事以為免費的，幸好我精明眼看到枱上有細字寫著要另外收費，才喝止了她。

今日係德福行街，間間餐廳都好多人，係咗呢間餐廳坐得幾個人。懶得等位之下，本住中伏既心態去試食下午茶。佢價錢最貴都係$38，唔洗加一，好似幾抵。叫咗個沙嗲牛肉即食麵同埋蕃茄牛腩通粉，兩個都包煎蛋、牛油多士烘底、熱飲。個面嘅湯底就一般，冇咩味，沙嗲還可以，但份量唔多。番茄牛腩通粉味道比想像好，有牛肉味，但同樣份量唔多。個太陽蛋煎得幾靚，有蛋味。多士雖然係烘底，但涼咗，冇咩特別。奶茶茶味濃，但有少少酸同唔夠滑。呢個價錢有咁既質素，可以接受。