Video
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
6點前落單都可以叫到佢地既下午茶，而且選擇非常之多，飯 撈檬 湯面 小食，樣樣都有齊哂，最緊要下午茶既價錢，但係正餐既份量!!!而且跟指定特色熱飲唔洗加錢，真係好抵，我地今次叫左下午茶傳統撈檬 河內烤豬肉撈檬❤ 豬肉肥瘦相間，入口微脆唔油膩，醬汁小酸微辣，檬粉煙UN彈牙，配菜既青瓜絲紅蘿蔔絲，撈埋一齊食，口感同味道都好豐富。越北四寶配米飯❤ 有香脆可口既香茅豬扒 惹味香茅雞翼 爽口既扎肉 同 厚實既蛋餅，佢地既蛋餅有粉絲 木耳絲等食材，食起黎口感好特別。當中我地最愛緊係香茅豬扒，大大塊，啖啖肉，一D都唔油膩。蕃茄蟹肉扎肉蝦丸湯檬😄 配料有彈牙蝦丸 爽口扎肉小量蟹肉同豬肉，蕃茄蓉湯底味濃，檬粉都好掛汁，如果份量再多D就更好喇!飲品方面我地叫左 薑味濃厚既越南老姜蜜❤ 正常發揮既檸檬水❤ 同醒胃越南鹹桔水❤
continue reading
今日到紅磡開會，好耐冇食越北，咁encore啦。餐廳環境唔錯，晚市提供套餐，平平地已經有主食同埋飲品。熱越南老姜蜜，姜味溫和唔會好辛辣，成杯嘢唔會好甜。越南椰汁冰咖啡，咖啡豆係偏酸果款，落咗大量椰奶搭配，入口椰汁味好重又唔會強曬咖啡香味，balance得幾好。椰青水慢煮扣肉配米飯，配菜好豐富，有煎雞蛋，酸蘿蔔絲同沙律菜。扣肉大大件有4件，悶煮到軟爛，鮮甜鹹香唔肥膩，皮仲有少少Q彈TIM，搭配飯一流。會安雞絲紮肉湯粉，搭配埋青檸同辣椒。牛肉湯湯底濃郁，回味甘甜，河粉嗦曬湯底鮮味，食到停唔落口。越式烤豬頸肉（半份），豬頸肉烤得好香口，食落彈牙有韌性，伴有少少焦香味。蝦頭膏通菜，落咗大量蝦頭膏同通菜大火爆炒，通菜炒到啱啱斷生，脆口清甜又鮮味十足。
continue reading
今次黎到黃埔食晚飯，揀咗食越南餐廳，晚餐時段好多人爆場，但好快就有位，餐廳侍應都多，service幾好，裝修整潔，有卡位越北生牛肉湯粉生牛肉軟熟，湯底夠滾亦都好重牛味，河粉份量都好多，飽曬順化香茅豬扒香茅豬扒炸得鬆軟，啲肉仲係白色嘅，醃得起好好，另外有配越南蛋餅，蛋餅入面夾雜咗好多越南香料，幾得意炸蝦餅 & 豬頸肉炸蝦餅裏面好似魚腐咁鬆軟，外脆內軟好好味豬頸肉煮得好惹味，半肥瘦好有口感越南老薑蜜兩杯都係越南老薑蜜一凍一熱，熱嘅飲落好暖胃，凍嘅飲落去喉嚨好快就感覺到好重薑味， 兩種感覺截然不同，兩杯都好重薑味好好飲
continue reading
今日用外賣平台越南河粉 越北牛肉粉因為有折扣同免運費。。2碗牛肉粉加2杯野凍飲大約HKD170。。。。半個鍾到，都準時到達。未倒湯時的牛肉都真係生生地。望落好似係唔錯。。。。有個盒仔跟配料青檸，辣椒粒。。。。。當我想整青檸時。。。。。發現我同老公舊青檸都係干到一滴汁都冇👎👎當堂灰左。。個湯底又淡。野飲又冇跟紙飲管。。最大罪係青檸咁樣都比個客。。。。。。完全係‘’零‘’回頭率。。。。。。
continue reading
朋友想吃越南嘢，行呀行呀去咗呢間店。大部份人都係第一次去這品牌店。門面好似新裝修咁，入到去地方乾淨企理。一行7人將幾張2人枱合併坐，簡單D叫自選套餐，咖哩牛南飯，香茅牛肉撈檬，香茅豬扒飯，椰青水慢煮扣肉飯等等，有加小食如炸蝦餅，酸辣無骨風爪等。餐飲凍O茶，凍及熱老薑蜜，凍吉水等。整體來說，個飯少咗D（唔知可唔可以免費加飯，無問過），牛腩都算腍，咖喱都唔錯，D檬粉朋友就話普普通通，素菜份量多，檬粉就比較少，無骨鳳爪D汁就比較辣，總結各人都話食物不過不失。
continue reading