越北牛肉粉專門店

Open Now

Now Closed

夏日炎炎☀️，又熱又渴，午餐想食下越南湯粉。今次選擇去元朗分店試吓，呢度嘅坐位有啲迫。我哋點左雞絲扎肉湯粉及猪頸肉撈檬🐷。雞絲冇味，整體湯粉冇味，芽菜配菜好少，食左少少，已經唔想再食😔。豬頸肉撈檬一般，冇驚喜。雞絲扎肉湯粉$63猪頸肉撈檬 $68價錢貴左，質素一般….😑

今日想食越南野諗住去越北食個午餐，去到見到有2個空位諗住可以入去，入到去待應叫我攞飛係出面等一陣先，但攞完飛等到有客出都仲未叫我入去，我就入去問下個待應，先帶我入坐。其間一個待應就掛住同客傾計，一個就招呼遲過我既一台客。我一個人食就唔洗理？當我完全冇到咁🤷🏽‍♀️如果我唔入去問佢地係咪要我一直企係出面等？野食係ok既，但要接受啲咁既服務態度既話、啲野食幾好味都冇用啦🤷🏽‍♀️整體應覺黎講好一般囉🤷🏽‍♀️

餐廳環境乾淨 下午2點來到餐廳 人不算多，有卡位座坐Order了 兩個Tea set 一個生牛肉河粉 熱湯浸熟生牛肉 牛肉很滑配菜 粗芽菜 蔥 也很多 配熱湯好夾餐飲叫了咸吉水 另外Order了一碗豬扒撈檬份量很多 豬扒炸得好香口 味道也很好餐廳加12元 Order了越式滴漏咖啡口味偏甜 咖啡豆味濃 無帶酸味

環境乾淨整潔，衛生情況良好，讓我倍感放心。我與身邊的家人們找了一個舒適的座位坐下，準備開始這個美味的食物之旅。首先上桌的是牛丸湯金邊粉，碗中盛滿了金黃色的湯汁，牛丸滿滿，令人垂涎欲滴。湯汁的鮮甜滋味與嫩滑的牛丸相輔相成，入口即化。金邊粉的口感彈牙，配合湯汁入口更是美味。每一口都讓我感受到滿滿的牛肉香氣，令人陶醉其中。接著，我們品嚐了金邊粉仔，小碗裡的金邊粉仔迷人的香氣讓人食指大動。細嫩滑順的粉條搭配上濃郁的醬汁，加上煮熟的金邊粉仔，每一口都帶來無限的滿足感。金邊粉仔的獨特口感，讓我們彷彿置身於柬埔寨的街頭小吃攤中，享受異國風味。最後，豬扒湯上場了！一碗熱氣騰騰的豬扒湯放在面前，讓我們瞬間感受到滋味與溫暖。湯汁濃郁，豬扒鮮嫩多汁。每一口都帶來滿滿的肉香，讓人胃口大開。

今日真的很熱啊，走過壽富街剛好有點餓，便跟朋友走進了越北剛坐下卡位，店員細心的把窗邊屏風下降，把猛烈的太陽擋住了，這點大贊3時備有下午茶餐，套餐很化算蕃茄牛腩飯若喜歡辣可以選西貢咖哩 或轉 湯粉蕃茄湯帶甜，牛腩份量多而且肉淋，伴飯同吃很美味海防肉碎小法包2件也可以選海防肝醬，長條型小法包烘得脆脆的，味道不濃不淡挺好小食加配峴港炸蝦餅 每次來也點上，沾著甜酸醬同吃，入口帶點脆，內裡軟滑不錯馬拉盞通菜 可以選 魚露 或 蝦頭膏 及 轉 生菜蒜蓉包最最最推介的是這個，醬料滿滿的鋪在麵包上，單吃也非常好，若沾咖哩，蕃茄湯的話同吃也不錯飲品 有免費指定熱飲 或 加8元轉特飲椰汁紅豆冰原來椰汁是沙冰來的，解暑一流，甜甜的亦很好喝百香果青檸紅茶這個百香果微甜，青檸帶點酸，配上紅茶本人十分喜愛，凍飲適合夏天呢📍越北 - 元朗元朗壽富街60號順福糧倉地下G25號舖

好順福商場翻新咗後，唔同晒多咗好多間嘢食今次試吓越北牛肉粉，鋪面唔係好大，但係都坐得舒服👍🏻見到佢嘅Menu唔同咗顏色，原來價格調整左，加幅驚人🙇🏼‍♂️🙇🏼‍♂️L05 牛丸湯，金邊粉$62有6粒牛丸，唔大粒，冇乜牛味🙇🏼‍♂️湯既牛味幾重，唔錯，金邊粉其實係好味嘅，不過叫咗兩碗金邊粉，兩碗都係勁碎，Sad…金邊粉仔L20 豬扒湯，金邊粉$63豬扒好食👍🏻👍🏻👍🏻推薦😋辣椒粒放湯唔錯，少少辣，金邊粉嘅份量正常，男士可能有機會覺得少。太碎了，個人認為碎其實唔大問題，不過真係兩碗都勁多就有d sad….送熱飲，凍飲加$3總結：好食👍🏻加價幅度都大，不過都還可以接受

順化湯檬湯底微辣，好開胃，加上大量蔥、芽菜，成個湯都好fresh。配菜有牛腩片、扎蹄、扎肉、牛肉丸，牛腩片軟腍入味，扎肉扎蹄爽口，牛肉丸彈牙仲有啲爆漿。檬粉爽滑，同湯底非常之咁夾。咖喱牛腩湯金邊粉湯底濃郁，咖喱味唔會太重口，味道適中，有小小甜，惹味開胃。牛腩都炆到好腍好入味，金邊粉爽滑，份量都唔少。烤豬頸肉豬頸肉外面烤到金黃香脆，肉質新鮮爽口，味道不俗，份量都幾多，認真抵食。椰汁班蘭糕（2件）造型精緻，上層斑蘭味係花嘅形狀，下面一層係椰汁，味道都ok。薄荷青檸梳打淡淡薄荷味，青檸味好fresh，梳打夠汽，解膩一流。三色鹹檸七鹹鹹甜甜又帶酸，仲有汽，清新冇得輸。

元朗越北由雞地搬咗大橋壽富街好耐冇食過啦 我覺得依然係最好食嘅越南菜食店牛三寶湯河 湯底係好濃郁牛骨湯牛腩片好薄身重牛味 生牛肉滑嫩鮮香牛丸新鮮彈牙 河粉爽滑唔油膩 正豬扒雞翼札肉撈檬 一向係我嘅至愛豬扒葉得個味好好 肉質滑得來保持口感雞翼同樣濃味 香酥外皮鮮嫩多汁札肉清淡啲但都好好味 撈檬汁自己加可以按自己口味加多少馬拉盞通菜好大碟 好香濃 好有東南亞風味嘅調味 下一個原隻椰青 冰涼清甜 夏天良物椰青肉好容易不出來 好味！椰汁紅豆冰亦同樣出色

好耐無食越南菜🇻🇳 於是晚餐同屋企人試下呢間新開嘅餐廳～ 呢度有室外室內座位，光猛企理👍🏻越北綜合牛肉湯粉 $63有生牛肉、牛腩片、牛肉丸，牛味香濃，口感鮮嫩多汁；河粉份量足又好咬。整體好味又飽肚👍🏻越北三寶撈檬 $68大大碗好豐富🙌🏻 有香茅豬扒、香茅雞翼、扎肉，夠晒啖啖肉，尤其豬扒同雞翼好正；檬粉彈牙爽口～椰汁斑蘭糕 (2件) $18玫瑰🌹嘅造型幾靚，口感軟糯，味道香口。滴漏咖啡 +$12可以揀凍或者熱。上層嘅咖啡會慢慢滴落嚟，而底層係煉乳，攪勻嚟飲味道就比較甜，略有回甘。鮮椰青 +$28味道清甜爽口，大大隻幾抵飲。職員態度唔錯，食物又高質，有下次💯

酸辣海鮮湯檬粉：呢個湯嘅味道真係好正，又酸又辣，仲有啲海鮮嘅鮮味，好開胃！有好多蜆肉、兩隻青口、肉丸兩粒，仲有啲洋蔥，加埋檬粉，味道更加清新，真係一道好好味嘅菜。海蜇沙律：呢個沙律好清爽，脆脆嘅海蜇加埋啲蔬菜，好健康。味道又酸又甜，仲有啲辣，好適合夏天食。生牛肉生腩片河粉：生牛肉加河粉絕配，生牛肉浸落啲湯岩岩好灼熟牛肉，唔會過韌，脂肪分布適中，口感爽滑兼散發油香味，湯底清清地但味道濃，一啖湯一啖粉，正呀味道好正，一口接一口，食完都仲想再黎一碗。炸春卷：呢個小食好香脆好好味，皮炸得好酥，內餡都好豐富😋😋三色咸檸七：鹹檸檬加七喜好夾😛😋薄荷青檸梳打：呢杯飲料好清爽，飲落去好涼爽，有薄荷同埋青檸嘅味道，好好飲。氣泡感都好好，飲完都覺得好舒服。

尋日無食lunch 就同呀仔睇Mario, 睇完諗住早D 去食晚餐，呀仔就話好想食芝心蝦多士，就帶左佢黎食越北，順便行陣遊戲機鋪先返屋企啦。我仔必嗌～河內芝士蝦多士（4件）$55我有幸佢俾左啖我食，麵包香脆，有流心芝士同蝦滑包住，係好食既。軟殼蟹米紙卷 $60米子嘅口感好好，非常軟滑煙靭，加埋蔬菜同炸軟殼蟹，唔錯。海防蕃茄蟹檬（下午茶） $66想像唔到呢個價錢，碗粉仲有2舊蟹你食，不過最好食竟然係蝦丸同扎肉，好彈牙，仲要我本身鐘意飲茄湯，成碗粉俾我清哂。越式烤豬頸肉（下午茶加配）$28食左塊係幾好食，不過有d 飽，我最後打包左。荔枝洛神梳打 $15 加配價酸酸甜甜夠開胃薄荷青檸梳打 $8 跟餐價我仔嗌既，佢話好飲。順福糧倉即係以為既好順福，我耐唔耐就會去下呢度睇遊戲機碟順便食飯，下午茶咁抵我會常來。

經常光顧餐廳之一2人套餐。一人一個主食燒豬頸肉飯燒牛肉飯仲有個菜再加2個小食 同埋2杯特飲人均100左右晚市黎講 算抵食越南菜 黎講 都算好味 值得推介 🤤🤤 今晚食完 聽晚又再想食

我成日都搵一間好食嘅檬粉 終於比我試到一間好食架啦！平時成日出去食撈檬，唔係檬粉太硬就有雪櫃味，一係個醋淡茂茂唔好食，一係齋甜唔酸，一係齋酸唔甜，呢兩年來無食過一間滿意，估唔到呢間連鎖店竟然比到驚喜我！叫左個晚餐set，$88 雞肉串撈檬+海蜇+三色咸檸七。個撈檬質地好軟身，唔會硬骨骨成抽野咁痴埋哂，好分明，彈牙爽脆；個醋甜酸度都好足！好好味！仲有乾蔥碎花生等等材料加埋一齊好好食！！！真係好好食！好滿意❤️小食海蜇好大碟，全部大塊又粒粒通透，好好食！超正！咸檸七有三種唔同檸檬，好味！朋友叫左海鮮湯檬，試左好鬼辣，無乜味道，辣到好難入口，個湯底又無乜味咁，麻麻地唔會再試。小食係蓮藕餅，細塊又唔好食，唔會再試。整體覺得撈檬做得好好，湯檬個湯無乜味道。衞生方面張凳好多油漬，同佢反映都好快好積積清潔，算係咁👌🏻

經過見到原來呢邊都開咗分店✨之前食過下午茶抵食份量都幾多，食完連晚餐都唔使食😂叫咗越北綜合牛肉湯粉湯頭充滿牛香配料生牛肉、牛丸、牛腩片啱晒我呢個牛魔王嘅口味越北三寶 可以配飯或者湯粉天氣開始熱叫咗撈檬個香茅豬扒同雞翼特別出色新鮮熱辣好入味扎肉好有咬口爽爽的 檬粉入邊都有好多蘿蔔絲青瓜絲，好清爽仲叫咗（餐)蒸粉包（2件）以為係細細粒嘅兩件，點知好足料！同炸蝦餅 煙韌有咬口🫶🏻好抵食加錢配熱滴漏咖啡蜂蜜玫瑰柚子茶好滿足又抵食嘅下午茶

元朗好順福改裝後好多餐廳進駐，今晚去試左越北牛肉粉。新裝修充滿越南風情，坐位之間隱私度高。今晚叫咗晚市2人餐，有小食主菜幾吸引～軟殼蟹米紙卷（2件）炸軟殼蟹香脆可口，米紙煙煙韌韌，口感好特別海防肝醬小法包🥖（2件）肝醬味道比較特別馬拉盞通菜，通菜吸收了馬拉盞的味道，整碟馬拉盞炒通菜份量充足！好惹味順化香茅牛肉撈檬牛肉份量好多，最近天氣熱熱地食個撈濛都好清爽越式烤豬頸肉湯粉，香茅豬頸肉彈牙爽口蜂蜜玫瑰柚子茶唔會太甜，飲落有陣陣玫瑰香氣，幾適合女仔飲越南椰汁冰咖啡椰香十足，充滿越南風味