北方餃子源 (砵蘭街)

Open Now

Now Closed

又食餃子，今次試呢間。蔡老先生和梁公子推介，有口碑見證，咁就即管試下。很多獎狀掛滿在牆上叫左碗酸辣湯$19。好細碗，三兩下已經喝完。味道也不算太酸辣，可以再勁d。不過，材料都算多，不會如粥水，有湯羹效果。西洋菜豬肉餃麵餐$43餃子包著滿滿的餡料，皮薄餡靚，咬下去有鮮味湯汁流出，餃子做得很出色。湯底鮮甜，麵條有彈性，配上店家自製的辣椒醬，大滿足。仲有個小食，炸菜加花生，微辣。還有很多款餃子和小吃，有機會再來試。

下著微雨 一心想去食川爺爺不過人龍太長了所以轉來餃子源坐下看到無味精3個字真的佩服萬分外出食飯能吃到無味精真係買小見小全場人士都叫西洋菜餃所以我們也叫了一客十個的餃子同時也點了蒜泥白肉及韮黃蝦仁豬肉餃麵西洋菜餃 粒粒飽滿咬下去菜及肉汁滿溢菜是脆及清甜配上豬肉的肉汁真係無得頂呀！對比下去韮黃蝦仁餃除左韮黃味較突出之外就平淡好多了。要說一說麵條真係太差勁, 同台的食客紛紛說麵條唔得。湯底淡之餘麵條是過軟一夾即散。失敗之作也。最後來的蒜泥白肉又帶返啲驚喜比我地。白肉微溫,肉及脂肪分布十分平均。味道鮮甜配埋個醋汁十分開胃。

唔知道呢麼嘅餃子係出名定唔出名，但我偶然都見到有人食，有人share出來，但就唔係呢間分店。喺附近番工都食到冇野好食，今日另一半出來接我收工，都唔知食咩好，即管來呢度睇睇。食飯時間黎到都幾多人，不過我覺得近年鐘意食餃嘅人多左好多，呢間相對之下算人少，太子有幾間餃子，長期有人龍，我都係粉絲，但懶得排隊呢度圓枱，搭枱都係例牌，我地坐近門口位，冇人爭。餐牌供應水餃、煎餃、米線、麵、飯、小食、選擇都幾多，係上海式嘅店，價錢都可以接受，只係小食會貴啲。我地一人點左一份餃、加一份醉雞翼同山楂茶，人均65，可能因為冇叫麵底，就唔算話好飽。枱上已經放有調味料，我覺得幾企理鮮肉白菜餃：湯餃都幾多選擇，有白菜豬肉、韭菜、芹菜、翠玉瓜、京蔥羊肉、鮑魚露筍等，分5隻10隻，我地兩個share食，點左10隻，$44。餃子都幾大粒，上海式果種，餃皮有點厚身，餃餡都幾飽滿，不過味道唔係太突出，我都係加啲豆瓣醬食較過癮。湯底非常普通，加啲鹽，加啲雞粉果種，不飲也罷。煎鮮蝦豬肉韭黃餃：煎餃方面同湯餃嘅餡係一樣，都係分5隻10隻，但價錢會貴啲，10隻賣$53，唔係咁抵食。我地點左5隻試試，即時煎嘅理論上都唔會差得去邊。餃

晚上經過見到我最愛的餃子，於是入去試吓。睇落原來這間店好似幾有名的，而裝修都企理，最靚的是牆上龍的掛飾。我叫咗芝麻醬麵，可能我揀咗熱麵比較淋身，而芝麻醬亦比較結，感覺麻麻哋。另外叫咗蒜羊，這個都可以，汁的味道幾野味。最後叫西洋菜餃，足料但菜味唔夠濃味，但我都鍾意食的。最出色的是杯山揸茶，酸度適中。

我先生特別愛吃餃子，所以我會特別找好吃的餃子館，自從搬到Austin ，發現了這家曾經位於廟街的餃子店，感覺好幸福。可是回了台北一個月後，再想去吃結果發現竟然沒有了，好可惜。直到前幾天竟然意外的發現在旺角新開了，而且還是同一家！平時除了在店內吃，還會買新鮮的餃子帶回家自己煮，我和我先生都特別喜愛他們家的素餃，木耳、青菜、麻油，沒有過多調味，但真的相當好吃，建議愛吃餃子的朋友先吃一個原味感受一下。其它餃子也都不錯，很新鮮，味道都很乾淨。除了餃子，其實店裡的小菜也是我特別鍾愛的，煎素鵝、蒜泥白肉等，種類雖然不多，但都很經典！雖然現在距離遠了一點，但我一定會繼續光顧的

酸辣湯好咸，成世都未飲過這麼難喝的酸辣湯，京葱羊肉餃的皮，厚薄尚可(但好多店都做得到)，而內裡的肉味好唔得，真係食唔出有京葱味，羊味好薄，好吃的羊肉餃一定不是這樣的，味道偏甜，算，忍佢。心中已經知道自己唔會來第二次，但都想試埋蒜泥白肉，結果係勁中伏，見到碟野已經唔想吃，廚師你究竟知不知道甚麼是蒜泥？你弄的是蒜粒，而你的白玉只是原片沒有切細的雪藏五花腩(仲要係有硬骨果種)，望見已經唔開胃，鬧都浪費氣力。

岩岩過左食晏時間，又未到晚飯時間，就最好搵個下午茶食下😬旺角真係好多餐廳選擇，多到有啲唔識選擇！行行下，見到呢間餐廳唔太多人，又有餃子小食，就試下啦！叫左個下午茶餐，$36有8隻餃（可選擇2款）送豆漿！我選擇左西洋菜豬肉餃，同埋菲菜豬肉餃。味道唔太突出，但口感不錯！本來想要酸辣湯㡳，但要+$17， 所以我地就直接叫左碗「一人酸辣湯」，$19不過碗湯一來到⋯⋯ 我同我朋友都呆左，隻碗同平時去飲茶既碗仔差唔多！仲細過隻飯碗😅😅味道可以接受，但呢碗湯既價錢就好似貴左少少。如果可以大碗返少少，會開心啲！