金寶甜品 (Closed)

琴晚同女友去金寶食甜品（之前已經想去，不過沒有時間）間鋪頭好得意，同隔離既金寶菜館打通黎叫野食。叫左個紅茶芭菲配芝士味雪糕同紫蕃薯芭菲配雲呢拿雪糕。兩個都非常好味，尤其是佢每一個既材料都好有心思：窩夫係自製，香又鬆脆。紅茶味道調較得剛剛好，很好的伯爵茶味。以後會經常幫襯，因為實在有驚喜。

近年九龍城除了泰菜，還走上甜品路線。有前酒店甜品師傅主埋的精緻西式糕點，亦有傳統中式糖水的老字號，讓不少年青人都愛飯後三五成群來湊個甜品熱。早前無線甜姐兒介紹的金寶甜品亦在九龍城駐足。店主曾經到日本取經，回來後造出各款芭菲，成為店中受歡迎的主打特色甜品。傳說中的心太軟芭菲 創意滿分！芭菲杯上層是迷你心太軟，中間放了一球黑芝麻雪糕（自選味道的），底層則是士多啤梨粒配士多啤梨醬。味道雖然普通，但創意跟賣相也值得一試！心太軟上面還畫了一個漂亮的心心，真的很花心思。雖然甜品推介還有拿破菕芭菲和 tiramisu 芭菲，但還是想試試其他款式。跟我一樣心多的就不能錯過這個香蕉 tiramisu pancake 配豆腐雪糕。簡直一次過滿足曬兩個願望！雖然味道沒有令人嘩然，等候食物的時間亦較長（大概等了二十分鐘）。但論創意及款式，這裡絕對適合喜歡嘗試新事物的人！

有個好有趣的現象, 如果在Openrice search九龍城, 頭十位出現最多的竟然不是泰國菜, 而是甜品舖.有日與朋友食完泰菜'籽苗葉'(詳見另一食評), 當然要食埋甜品才夠完滿. 行了一陣, 最終決定去'金寶甜品'.'金寶甜品'都算易搵, 不過由於打鼓嶺道食肆不多, 晚上並不顯眼.睇menu才知道主打芭菲, 仲要張張相都影得好靚好吸引. Order時才知道雪糕可以選擇味道, 仲有非常多選擇, 還有比較少見的如鹽味,芝士味,柚子味雪糕可選.揀了一輪, 決定要'紐約芝士蛋糕芭菲'(配綠茶雪糕)$42, 及'拿玻崙芭菲'(配栗子雪糕)$42.當兩杯芭菲上檯時, 大家都有點失望, 因為個杯的大小與想像有點距離(杯與手提電話的高度差不多).紐約芝士蛋糕味道不錯, 有芝士香, 又不會太甜; 綠茶雪糕都不錯, 綠茶味道濃郁. 至於下層則是一埋cream, 蛋糕粒及脆片.拿玻崙及栗子雪糕同樣不俗; 拿玻崙夠脆, 而雪糕栗子味濃郁. 下層同樣是cream,蛋糕粒及脆片.恕小弟孤陋寡聞, 不知芭菲是否有standard的材料, 不過個人覺得這兩杯芭菲的問題是入口太乾, 如果底層有些'水份'可能會更好

傳聞這間金寶甜品是洪金寶開的,如果是事實, 真係估唔到雄糾糾的洪金寶大哥都會開這些品味餐廳 !門面裝飾絕不馬虎, 棕色的門框加上一個放滿DEMO嘅廚窗,廚窗內的DEMO幾可亂真 ! 已經好吸引 !!!心想"希望事實與圖片係相付GA"見到MENU, 即刻放鬆哂..........FINALLY, 我試了綠茶拿破崙綠茶我味道裊適合我, 不太甜, 又有茶味旁邊更有一小件拿破崙岩哂我貪心嘅性格, 可以一次過滿足哂我APART FROM 拿破崙, 可以有TIRAMISU / CHEESE CAKE 我都好想試呀 ^^

行經九龍城多次，次次都想食金寶的芭菲，無奈一直未有機會...前日，在九龍城食過飯之後，立即到金寶掃甜品。叫了一個芝士餅配綠茶雪糕。芝士餅的芝士不太膩，酒味也不濃，反而綠茶雪糕很有驚喜，茶味是濃濃的。

深夜芭菲@金寶甜品九龍城打鼓嶺道38號地下九龍城食肆多,像小聯合國不只是泰國菜出名的而更好的是收好夜正常餐廳收十點在不夜天的這兒, 很多收深夜的我這些經常ot遲放工架人8時可以走到約人食飯已叫萬幸食到打烊到想食甜品已沒選擇今次就專程到九龍ad hoc食dessert專吃日式芭菲, 影了半本menu有很多款呀~怎好呀~~~大大話話有3,40個choice材料有cheese cake, blueberry及雪糕cream 上放1看了數粒blueberry~酸酸甜甜顏色又好雪糕球味道可以自選我就轉了綠茶味另外還有一些特別口味如鹽味上面的醬是青酒車厘子汁壓根兒沒有酒味, 連不喝酒的我也ok最低就是粟米片, crispy~yummy個cheese cake就不太重cheese味放在杯上賣相倒是很吸引人$45全是mange~~temptation份量不太多, 而店會主動比杯清水你過濾一下味蕾, 很貼心呀!!!!!!店內環境舒服食完唔會趕你走仲可以談一陣天食完都迎十二點, 開心捧住個甜胃走了一定會再來的店!!!!!!!!!!!!!!!!! i miss 芭菲

從前吃過金寶的芭菲後，便一直念念不忘，皆因要吃到集多款甜的芭菲實在不易，吃過日本料理後，便突意跑到這條街的金寶，放肆的吃一下芭菲。在花多眼亂的情況下，點了紅茶白朱古力芭菲。賣相滿分!豐富的芭菲放上了一件四方形的白朱古力蛋糕，不少忌廉，一塊垂直的脆餅，底層是不少啫喱，雪糕是自選的，款式多達十多款，有大路的士多啤梨，朱古力，也有較少見的鹽味，芝士味，栗子味，平常的話我是定會點少見的選擇，不知怎麼了，是次點了綠茶味，芭菲的表面灑了糖霜。白朱古力蛋糕的味道是較中性的，沒有想像中強烈的白朱古力香味，蛋糕是黏黏的厚身，也是好吃的。脆餅是香脆而有厚實感的，可沾忌廉一塊吃。綠茶雪糕是很大的一球，味道不過不失。底層的啫喱是簡單好吃的，形狀很隨意，但不會死甜，有淡淡的甜香。吃了一口姊妹的紐約芝士蛋糕芭菲，芝士蛋糕的質素值得一讚，芝士香相當濃郁，唯餅底假如是脆的話會更出色吧。另一姊妹反其道而行，於冬日點了一個宇治金時的冰，賣相是最强勢的，冰量很多，拌着紅豆吃，還真透心涼。雖然感覺沒有第一次來時好吃，但還是覺得值得再到訪。消費: $42

聞說九龍城這家甜品店已久, 今天特來一試味道不錯, 咖啡味若然濃一點會更好, 層次感ok, 伴了一些咖啡凍, 配撘不錯層次分明, 酥皮很脆但略為硬了點, 吃起來有點困難而令情況混亂, 整體味道很好, 不會太甜, 但吃下是很飽肚的甜品

食完個印度餐後,就趕緊來這裡食甜品,來到已經差不多10點,入到去只見一張枱有客人,雖然店內燈光光猛,但有些兒覺得冷青,起初有一剎那說話時都要壓低聲音,坐下來之後,環望四周,又覺這兒的裝修給人好溫暖見到啲餐牌圖案,很多款甜品好漂亮,最後各人各自選了以下幾款焦糖燉蛋~~食了一口覺得是凍的,後來問妹妹燉蛋不是熱的嗎於是她叫我同店員說,叫他們叮番熱,不過我就話算了,加了奶甜甜地,好味些,蛋都幾滑,如果是熱的,我會給90分心太軟配雜果籃~~心形的心太軟好靘,外脆內軟紐約芝士蛋糕芭菲~~幾濃郁的綠茶味芭菲,芝士蛋糕好幼滑Tiramisu配雪糕~~平時食Tiramisu好像沒有酒味,今日這個卻食到有酒味,原來好特別,豆腐味的雪糕好清淡,我反而好喜歡食那塊脆餅,脆卜卜臨走時在店外見到門口玻璃窗擺放了很多甜品模型,十分亮麗吸引,但望到店舖在這冷青的街道一角,感覺有些可惜,可能現在已經入夜吧^^

2011壓軸大餐從雪糕火鍋變了九龍城牛肉餅,美味的清真食品滿足了我們的鹹胃,至於女生的另一個胃嘛.....先看看對面馬路的金寶甜品能否引起兩位的興趣,不然就到區內其他甜品店好了,反正九龍城甜品店俯拾皆是。先帶兩位honhon在店前望望那些迫真的芭菲杯模型,模型像真度令她們本來已很大的水靈靈大眼睛即時變得更大,與此同時店員也熟練地拉開門稍作招徠,結果我們就被吸了進店。下午茶時間店內環境仍如上次般寧靜,當兩位客人離座後就變成仨人包場般,多麼閒適的氣氛哦!! 那本令人揭完又揭也拿不定主意的紫色餐牌最是討厭,皆因每款拍攝精美的甜品照片皆看得人心猿意馬,今次還有額外一張展示好大一杯"心太軟芭菲"的餐牌,結果連我這個平時決定很快的心急人也花了好幾分鐘作決定,也許侍應們早已習慣了拿不定主意的客人,放下幾杯水後也任由我們慢慢挑選,沒有給予任何壓力。 慢工出細活情況下,兩杯造型漂亮的芭菲同時上場,上次認為極好吃的brownie芭菲今次也被美人選中並配以芒果雪糕,cut cake型brownie焗得實在中帶柔軟,混入核桃仁後不但加重了果仁香也加添了香脆口感,朱古力濃香帶甘的滋味真的不錯,要是能單獨購買br

朋友介紹. 話好好味~1月1日特登同男朋友兩個人3點左右黎到呢度, 午餐都未食, 就黎試下呢個金寶甜品. 心太軟巴菲 ($52) 配芒果雪糕: 新甜品, 梗要試~心太軟好流心呀, 熱辣辣, 味道唔錯, 杯中配有奇異果, 士多啤梨, 最重要係, 加埋D雪糕, 令到D生果夠晒凍XX黑糖巴菲 ($4X) 配芝麻雪糕: 我就覺得一般, 杯中配料係蛋糕如果份量再太杯D, 感覺就抵食D. 因為好快食晒了

同幾個朋友仔1齊去食好多人推介既甜品.企係門口果陣已經好心急. 好期待.舖頭細細感覺特別warm. 服務員好nice. 我地1坐底就拎左幾杯暖水俾我地. 個menu整得好靚. 連做攝影既朋友仔都大讚good.我地個個都叫左唔同既野黎食. 可以試下丫嘛落單果陣發現原來有唔同味道既雪糕可以揀. 真係太好喇.個人鍾意食甜品. 但唔鍾意太甜太漏. 所以點左栗子味雪糕.次次去食甜品. 個menu1個樣. 出黎另1個樣. 甜品到左喇. 果然冇貨不對辦. 今次真係同menu1模1樣. 見到已經好開心. 影完相之後就1齊試食. 樣樣都好好味呀. 唔會太甜. 朋友仲order左個心太軟. 做得真係唔錯. d雪糕真係好好味. 下次1定會再黎食

金寶甜品出的心太軟款式靚加上配冰凍生果食起來好好味!!!心太軟流出來的朱古力不太急,可能用杯的關係.店內環境整潔佈置精美給人好舒服感覺是一間值得去完再去試的甜品店

去完同心食泰國菜，再行前啲就試下呢間金寶甜品！好耐未食過咁好食既甜品喇，我地三個人分別叫左三款---薄脆拿破倫、香蕉班戟、芒果班戟伴朱古力蛋糕(實際名字唔記得左...)，三款都好好食，而且見得出啲甜品做得好有心機！另外，加喺面既雪糕都出奇地好味喎，食得出唔係咩維X或牛奶XX啲雪糕，似日本雪糕咁滑但又唔係好甜！之前我都好鍾意去Tony Wong 度買拿破倫食，宜家我情願黎呢度食喇，起碼大件夾抵食好多！我一定會再黎幫襯呢～

星期日行經九龍城, 看見這裡的甜品外觀不錯, 便試了!我點的是拿破"倫", 值得一讚是他們的芒果很甜, 混合了吉士醬加脆脆餅乾, 很不錯 店內的牌子說是即叫即做的, 幸好當天人不多, 很快便有得食啦~ 下次再戰金寶!