蟠龍半島餐廳

Open Now

Now Closed

環境幽靜，舒適！免費泊車，職員服務很好。食物質素高，午餐很多選擇，各種肉数都有。最喜愛豬扒，煮得恰到好處。吃完可到附近黃金海岸散步，欣賞海景，實在一流！👍🏻👍🏻👍🏻

疫情之前都會經常幫襯，餐廳經理都會介紹啲食物，服務都幾好，價錢雖然較貴但係都可以接受，見咁耐冇幫襯就嚟食啦，餐廳經理唔見咗，得一個女侍應，唔叫水都唔斟，食海鮮拼盤碟又唔俾，叫咗兩個牛扒同一個海鮮拼盤，海鮮拼盤唔新鮮，啲翡翠螺都未解凍，蝦又梅梅地，南瓜湯同沙律都可以，兩個牛扒叫咗五成熟，嚟到一個10成熟，切都切唔開，另一個仲衰切開啲肉怪怪地，好明顯唔係用新鮮牛扒，兩個都難食，好韌，埋單食咗千幾蚊，依個價錢，依個質素，唔怪之得成晚得我一枱客，仲要收九點，真係冇下次，伏到暈！

係黃金海岸附近睇下有咩餐廳，一search之下呢間都真係幾吸引我🤔 因為佢並唔係係黃金海岸商場/酒店嗰邊，係黃金海岸二期隔離，係蟠龍半島嗰邊，係西餐嚟🤓父親節我哋一行六人本身叫咗4個餐，之後再嗌多咗嗰🤓 味道係真係幾好，但性價比真係唔算高，呢度食得一係住呢頭，一係就特登揸車過嚟🫣 佢set dinner，主菜外有沙律、湯、甜品同飲品，沙律係尼哥斯吞拿魚沙律🥗，佢做到賣相，但嗰吞拿魚就無乜味😂 湯都okay嘅🤔 甜品可以形容有賣相但好難食😂 飲品就正正常常嘅奶茶咖啡，無乜特別😗到主菜了🤓珍寳帶子意式茄蓉海鮮燴飯 $378 - 好普通水準嘅燴飯，完全唔值呢嗰價😂香煎三文魚柳拼帆立貝松露忌廉汁 $388 - 外脆內軟嘅三文魚，味道質素都唔錯，但一定唔值呢個價🤔炭燒黑毛豬鞍配菠蘿 $448 - 呢嗰都俾我想像中超水準，整得一啲都唔Un，都真係幾好食😋烤焗寳酥羊架配露絲瑪莉汁 $448 - 整得好好👍🏻呢嗰我會形容為必叫，不過呢嗰再encore再一嗰set，水準做得返，但size做唔返，希望俾客人嘅份量都可以平均啲🤔呢三個都有嗰共通點，就係佢啲薯蓉做得好滑，就咁食/加埋主菜/啲sauce食都好正

今日朋友生日就book咗呢間餐廳喺龍珠島嗰邊，餐廳樓下有得免費泊車，揸車嚟係好方便。我哋係夜晚嘅時候嚟食，叫咗佢哋嘅Set Dinner我嗌咗個安格斯肉眼扒，好好味！呢個質素呢個價錢我覺得幾抵食，我今次叫咗medium啲肉都好嫩又冇根。同埋真係好多肉汁，值得一試👍🏻另外我朋友佢叫豬仔骨，店員落枱嗰下真係嚇一嚇，超大份！！份量好夠🤤而且都唔會好韌。整體嚟講叫咗呢兩個主菜都係好好味，有水準。最後我哋叫咗兩個甜品，因為我朋友生日所以叫咗店員寫生日祝福。叫咗一個心太軟同芝士蛋糕，個心太軟仲配左一球雪糕。個心太軟做到流心之餘個蛋糕面仲要係好鬆軟，仲要佢唔會好甜。另外個芝士蛋糕都好重芝士味同埋feel到好足料。用兩個好好味嘅甜品作句號呢餐飯我地都食得好滿意。個環境都好舒服，亦都好靚🤭配合埋餐廳播嘅歌令人地好放鬆，好適合同朋友傾偈，因為環境都好靜👍🏻👍🏻店員服務態度都好好，好有禮貌。推薦推薦

琴日嚟咗呢間喺屯門龍珠島嘅餐廳，餐廳個環境氣氛都好舒服，最好嘅係餐廳留下就有免費車位泊車好方便！我同我媽媽叫咗一個二人餐，味道都係水準之上。套餐入面有個海鮮拼盤，裏面啲生蠔都好新鮮同埋份量都幾多👍🏻👍🏻另外我地仲叫咗一份鵝肝多士，件多士加埋鵝肝啲肉汁超級加分！十分推薦👍🏻主菜嗰度揀咗紐西蘭肉眼，我地叫咗7成熟，裏面有超多肉汁同埋完全唔韌，好好食同埋價錢都好合理🤤之後我哋再叫咗個芝士薯條，啲芝士醬好多同埋啲薯條都好脆，份量都係好多好抵食！最後仲有一個心太軟，完全做到朱古力醬流出來嘅效果，食落去仲係亂粒粒加埋啲雪糕真係好驚喜！媽媽平時唔太鍾意食朱古力但因為佢呢款唔會好甜，所以媽媽都話好食😋啲服務態度都好好👍🏻👍🏻見我哋水杯冇水會即刻過嚟加水同埋服務員都好有禮貌。最後我哋問店員攞咗個午市餐牌睇吓，見到午市餐牌嘅價錢都好抵食！下次一定會嚟試吓佢哋嘅午餐😎😋

難得放假，諗起上次同媽咪喺母親節食咗一次覺得幾好食。今次專登打上去book位再食多次。隔咗咁耐，食物質素嗰啲都冇變，都好好食。成間餐廳都keep住好有氣氛，啲燈飾配樂都唔錯。媽咪話想食海鮮，就嗌咗佢哋嘅海鮮拼盤。生蠔好新鮮！在嗌咗其他啲主菜，調味嗰啲都好好！下次再嚟過今次揸車過嚟，原本仲擔心冇位泊，好彩樓下有免費泊車，唔錯唔錯食嘢嗰陣時，同店員詢問左下。原來平時午市都好多人專登揸車過嚟食西餐，睇咗一下餐牌都幾吸引人價錢嗰啲都OK ！媽咪話下次一定要過嚟試吓

今日天氣帶點涼意，總是想下雨似的！心情好像跟著天氣一樣，有點鬱悶！想到蟠龍半𡷊餐廳附近的沙灘走一走！漫步於細沙中，是一種寜謐的感覺！悶氣亦隨風而飄散！精神為之一振後，再走進蟠龍半𡷊餐廳，餐廳的光線柔和，予人一種很舒服的感覺！而淺淡啡色的主題顏色突顯那種簡約主義！整體給我8分的印象分！看過了餐牌後，我點了黑虎蝦黑松露意大利飯！黑虎蝦的鮮味增加了不舔不膩的意大利飯的層次感！最後以一杯咖啡來結束這次龍珠島之旅！

朋友介紹我去咗呢間位於屯門龍珠島既蟠龍半𡷊餐廳！食物質素都在水準之上！串燒雞肉沙律嘅配搭帶出多層次口感！安格斯肉眼扒面層酥脆，而且肉質軟嫩！性價比高！而餐廳最吸引人嘅地方係果種寕靜同優恬嘅環境彷彿能令時間慢落嚟！忘卻都市生活嘅煩囂！由心底𥚃流露了一種平靜嘅感覺！服務員有禮貌，俾到我一種好pleasant嘅感覺，另外，食完每道菜式後都收碟！餐後叫了一杯咖啡，環境嘅氛圍令到咖啡嘅味道也昇華了！呢度確實系一個＂叉電＂嘅好地方！值得再嚟試下其他菜式！

不推介系列 服務差 食物一般幾年前食過幾次食物普通 服務常可聽聞轉左手 今日經過再一試9月氣溫氣溫還是30度以上🔥🔥中午前來餐廳好像無冷氣 叫左德國豬手及吉列豬扒飯另外服務差 長髮馬尾店員長期黑面 🌚🌚倒瀉水 整濕客人物件一句唔好意思都無德國豬手豬手個皮淋的 食落煙un 不脆口 失望肉質還可以吉列豬扒飯 🐷 配左咖喱水 無錯係咖喱水因為個咖喱稀到好似水咁 😆吉列豬扒飯味道還可以成餐飯最好既係個餐湯 味道濃不會過咸 食到帶子

🐑 炭燒紐西蘭羊西冷配露絲瑪莉汁 🇳🇿..屯門有咩食⁉️ 相信好多人係屯市果幾個商場食野應該都食到好悶🤭 所以特登上網搵下屯門有咩好西👻 搵搵下就比我搵到Nova Cafe，佢的確有啲隱世，但環境一流，氣氛好有情調💌 夜晚重有set dinner，最岩情侶去👩‍❤️‍👨..主菜叫左5成熟嘅炭燒紐西蘭羊西冷🐑 配埋綠色嘅碗豆泥醬同埋芥末醬，但要提一提，個芥末醬都幾辣下😵..餐廳建議點5成熟，但我覺得太熟太硬啦，所以建議大家點3-4成熟好啦🤐..

當日和老公去食午餐，我們不只一次在這家餐廳食飯，因為近我住的地方，而且有免費泊車，雖然車位不多，但多數有位。這兒食物質素好，而且水準穩定，做的餐點非常美味，我們分別點了香煎鱸魚配薯蓉，紅酒燉牛肉配飯，南瓜蓉餐湯配蒜蓉麵包，還有基本的餐飲，看似簡單的午餐也絕對是有五星級酒店水準。雖然價錢未至於抵食，但可算是合理。加上服務態度也非常好，餐廳環境舒適，職員也注意衛生，每次客人結帳後，有清潔消毒一番，讓食客可以安心在此用餐。餐廳座位分隔充裕，而且通風也做得很好，好讓我們靜靜地享受一個優秀的午餐。

今晚同朋友食生日飯，openrice預訂咗枱，寫咗「如有機會食甜品，請餐廳寫慶生句子」，電話又提前講過，聽電話嘅女侍應有提醒我只有心太軟同埋芝士餅可以寫字，但嗰時我未揀到要邊款甜品，想自然啲現場傾咗先落order...到食飯時，我哋一開始成功鋪排咗正餐後想食甜品呢件事，但正餐剛食完無耐，未等我提出不如叫甜品，一個女侍應竟然行埋嚟我哋張枱（嗰刻已心知不妙）點知佢真係開口問：「請問你哋決定咗甜品係心太軟定係咩未？」我哋明明無舉過手話要甜品，當下真係好odd...全世界deadair 兩秒你眼望我眼，被逼扮自然揀甜品回應，但睇到朋友嘅眼神，好明顯佢已經睇穿咗，好sad幫人慶生咁多次，第一次遇到踢爆驚喜嘅豬隊友竟然係間餐廳，內心真係好崩潰！！平心而論，呢度環境幾好，食物質素同份量都唔錯，今晚一切都幾乎完美，唯獨個結局...食完真係留下深深嘅遺憾，唉......

總共叫咗3個set lunch蜆肉意粉 食到一堆碎蜆殼 無味煙三文魚忌廉汁天使麵 忌廉汁texture好似水 天使麵完全掛唔到汁 亦都無忌廉汁味 得青椒味德國豬手 個皮好「將口」 味道尚可老實反而個紅湯係最岀色 好飲嘅 甜甜地 雖然我分唔到係罐頭定係自己煲嘅味另外服務好普通 我叫跟餐上野飲 食完晒野催先上 全程係黑面 不過我個人可以接受到環境好似冇乜冷氣咁 對住個冷風機落晒窗簾先好啲 仲要keep住有好多蚊滋總括食得唔太開心 唔知食左啲乜

6月11日，下雨天，在九龍回到屯門，好在有你哋，又等埋我，因為有少少塞車，所以3：45先到。一個清靜的環境，可以和我太太共進一頓美味我午餐，真的好食，員工有禮。推推推

趁住星期日母親節諗住同mama慶祝一下，但係一路都冇諗到要book位。揸住架車同媽咪兜嚟兜去，啱啱好兜過咗黃金海岸之後就見到有個地方叫龍珠島，覺得幾好奇就揸車咗入去啦，就撞到呢個餐廳。Nova~可能因為同媽咪去嗰陣時仲早啱啱好有個窗邊位可以坐下。（樓下有免費泊車）餐廳裝修整體幾好，窗邊掛住一啲燈仔氣氛都幾溫馨同媽咪一齊嗌左幾樣嘢，本身就已經好鍾意食海鮮，就叫咗幾隻蠔同埋嗌咗個紅蝦海鮮拼盤，上菜之後啲海鮮都好新鮮。生蠔有淡淡的海水味而且都幾甜，而海鮮拼盤可以見到海鮮係非常新鮮，啲蝦肉都幾彈牙添。總括而言，媽咪幾開心幾滿意