蟠龍半島餐廳

Open Now

Now Closed

今晚同朋友食生日飯，openrice預訂咗枱，寫咗「如有機會食甜品，請餐廳寫慶生句子」，電話又提前講過，聽電話嘅女侍應有提醒我只有心太軟同埋芝士餅可以寫字，但嗰時我未揀到要邊款甜品，想自然啲現場傾咗先落order...到食飯時，我哋一開始成功鋪排咗正餐後想食甜品呢件事，但正餐剛食完無耐，未等我提出不如叫甜品，一個女侍應竟然行埋嚟我哋張枱（嗰刻已心知不妙）點知佢真係開口問：「請問你哋決定咗甜品係心太軟定係咩未？」我哋明明無舉過手話要甜品，當下真係好odd...全世界deadair 兩秒你眼望我眼，被逼扮自然揀甜品回應，但睇到朋友嘅眼神，好明顯佢已經睇穿咗，好sad幫人慶生咁多次，第一次遇到踢爆驚喜嘅豬隊友竟然係間餐廳，內心真係好崩潰！！平心而論，呢度環境幾好，食物質素同份量都唔錯，今晚一切都幾乎完美，唯獨個結局...食完真係留下深深嘅遺憾，唉......