山野日本料理 (Closed)

情人節出街食飯真係好灰，因為無book位食野，想食好少少嘅餐廳，間間都係得超貴嘅情人節餐，最後行到黎呢間放題，食之前已經話無最易返本嘅海膽同和牛供應，咁都算啦照食。入到去環境都幾闊落，坐底即時畫左好多野。首先上左盤好靚嘅刺身，都算新鮮，另外仲有啲小卷物，都幾好味，不過驚飽就唔叫咁多飯類啦。之後黎左碟炒金菇，細到眼都突埋，唔洗兩啖已經食哂。之後黎第二輪刺身，同第一輪相比細勁多，最不滿係啲串燒同肉類，催咗四五次都未出到，真係火都黎，最後又連出兩盤，激死，不過好在味道ok。總體黎講食物種類太少，每頁得4款左右可以揀，仲要好多都無供應。

食日本放題，係我同幾個朋友每個月嘅指定約會 ，放題食好多，要搵到一間好味嘅就真係唔易，山嘢同其他一般嘅放題質素差唔多 ，唔係特別差，但真係好一般 ，食完唔會諗住再食過 。食放題最重要就梗係刺身，刺身新唔新鮮、靚唔靚好緊要，呢間嘅刺身真係好一般，同你喺其他餐廳食到嘅差唔多，唔出色，但唔係好差囉。其次最緊要嘅係串燒，串燒嘅味道都係好一般，冇乜記憶點 。其他嘅日本熟食都係冇乜記憶點，如果當係一個聚會嘅時光，絕對可以，因為環境唔會好嘈，幾個朋友傾下計，好享受，唯有將個重點放喺聚會，而唔係食物...

第一次黎九龍城行街食飯，九龍城廣場都算多野食，雖然比較靜。今日心血來潮想食日本野，見到呢間放題都幾抵食！就入去試下！食物選擇都多，有部分用紙落單，都有唔同既沙律、熟食同糖水可以自助攞。壽司就必食！鰻魚同煙三文魚好正！入口即溶，無渣！飯既份量又岩岩好，唔會太大舊！炸物都多，炸粉唔算太多，即叫即炸，夠新鮮！雞翼係我最愛，一定要試。無煎既，得炸既。但炸得岩岩好，食落都唔會覺得好熱氣！飲品有好多，酒都有，有唔少韓國飲品！食飽再食下甜品同滋潤糖水就滿足曬！

朋友話喺九龍城附近有一間唔錯嘅日式放題，今日就去試一試。環境都好闊落，裝修簡約。食放題梗係要瘋狂地點樣食。但後來有啲後悔....,因為好似叫得太多首先梗係要叫個刺身食先啦，非常之新鮮，甜蝦唔係細細隻嗰啲，我都食咗好多隻。跟住輪到個天婦羅啦，炸粉好趣，大家有機會一定要試吓個紫薯天婦羅好好食。令我諗翻起細個街邊買炸嘢嘅鋪頭，有炸番薯食。壽司都好好味，竟然有火炙話我壽司食！牛樓粒都好嫩滑！個辣酒煮顯味道唔錯，不過就真係有啲辣，有啲放題呢一類嘅食物住得會好吃，啲錢會冇晒味，但呢間就唔會。而個壽喜燒未到就好正路，同出邊食嘅收起燒嘅味道一樣，而且裏面啲料都好豐富。蒜蓉燒完杯都好好食，好新鮮。而個燒羊架就10分唔錯，新鮮得來調味都係剛剛好。二嘢飲同埋甜品方面就比其他嘅放題選擇多，雪糕種類都好多吓。你每人＄200都唔使都非常之超值

依家去九龍城嘅次數少之又少，咁啱今日過到嚟搵到間飽肚抵食服務非常好嘅日式放題。價錢雖然都係二百幾，但佢有自助熟食、沙律吧、大量不同類型既甜品同雪糕雪條。仲有仲有.....飲品櫃都好多好多選擇，日本飲品都有。中意飲酒既連啤酒apple cider都有、跟住跟住......清酒梅酒都係放題！咁一定值回票價啦雖然人客不多，但坐位非常闊落，好舒適！值得一讚，服務係非常好抵讚店員態度親切，難忘在埋單時因有少許阻滯，只係等多左好少好少既時間，臨走佢地都好客氣咁講唔好意思。要我地等咁耐！其實等待時間真係不多，但就感受到被在乎既感覺！常常都說服務好緊要，係直接關乎客人會唔會再幫襯Menu👇🏻👇🏻放題食物眾多，由其辣酒煮蜆、壽喜牛肉鍋同蟹粥係good good good這裡既熟食比生食好味，海鮮類就一般般！埋單都係$228/1位，另加一

話說媽媽想食日本嘢，但我又唔想佢岀旺角咁勞累，咁啱上網搜尋下，見到九龍城有間日式放題，今晚試下先19:00大家會合左就入坐，唔洗等位先點刺身，有三文魚、甜蝦、希靈魚、鮑片、馬刀貝，都很鮮甜，又爽口，尤其有我最喜愛的有頭甜蝦刺身三文魚及和牛火灸壽司我媽媽最喜歡燒物有很多款，分別燒羊架、蒜香燒蠔、鹽燒海蝦及燒三文魚頭⋯⋯亦很入味鍋物:辣洒煮蜆、壽喜牛肉鍋，還有隻鮮雞蛋向面，好滑呀海膽手卷，外面很少有機會食很到食翻碗胡麻冷讚岐手打烏冬，烏冬伴麻醬還有很多款甜品及各式各樣的飲料

知道呢間餐廳有二人同行一人半價嘅優惠，我哋就入咗去睇吓啦一入到餐廳就見到出面擺曬雪櫃，裝住汽水、apple cider、jolly shandy等等，又有好多種類嘅雪條同雪米糍，竟然仲有瑞士卷同埋泡芙、豆腐花餐廳裏面全部都係以卡位形式，我哋都坐得好舒服。再行入啲更有攞熟食嘅地方，有雞肉串、炸芝士丸，仲有味噌湯同埋蕃薯糖水，地方好寬敞，裝修好有特色。壽司種類有好多，連海膽花枝卷都有！！壽喜牛肉鍋好高質，好大鍋同埋熱辣辣，唔使自己煮鹽燒海蝦都好好味，好入味。辣酒煮蜆好足料，蜆肉都好肥美我會介紹大家黎食

九龍城，大家都會諗起食泰國菜，但今次我地去食日式放題！估唔到係九龍城廣場收埋左一間性價比高既放題！放題最緊要夠放，唔係點叫係放題！要一讚既係 山野日本料理真係好放，話咁快就上菜，仲要齊齊整整，十隻甜蝦就十隻甜蝦，絕不取巧！最最最吸引我既係飲品 有apple cider 同 hoegaarden 任飲，更有不同種類的飲品，雪糕是韓國的，完全滿足我既需求。食物首推甜蝦蝦，長過中指的甜蝦，既有口感又帶鮮甜。鹽燒海蝦都是一流，微微的咸味，香脆的外殼，叫人欲罷不能！座位方面都夠闊，黎飲下野傾下計都不錯。畢竟都已經過了那年十八放縱狂食的日子，慢慢食 聊聊天，這兒確是不錯。

突然又已一年，一年前我地係九龍塘食泰國菜，今日突然發現了日本放題，說是日本放題，我覺得係一個唔錯既聚腳地。話明聚腳地 飲品當然唔少得，氣水啤酒任飲讓有最愛的apple cider! 我地由熟食開始，特別推介是 瑞士雞翼，十分入味，雞肉都浸𣵛了一絲絲甜美。十一月當然少不得蟹，蟹粥用上了整整一隻蟹，放題黎講，極之足料粥底夠綿，蟹肉的鮮甜落曬粥入面，加上粟米，是冬日的comfort food花之戀 不過不失黑松露油甘魚，是完美配合！松露的香氣加上魚肉口感，是味覺饗宴！

店舖店面開揚，屬於半自助半點單型式放題。沙津吧有螺肉、中華沙津、蟹籽、沙津菜及是日水果。飲品櫃選擇多，以紙包及罐裝飲料為主。兩個地方擺放雪糕櫃，應有盡有。甜品: 布朗尼蛋糕巧克力味濃郁卻不甜，最底層的奶凍香滑而奶香味重。單點項目以刺身、壽司、卷物、燒物為主。刺身:三文魚魚油豐富，口感富有彈性。油甘魚厚切，肉質結實嫩滑，入口甘香。甜蝦鮮甜不腥，肉質軟滑。鮑片爽口，味道濃。鱆紅魚薄切配柚子沙津油:魚質細緻綿密，魚淡淡飄香。三色海膽花之戀:海膽入口即溶，新鮮不腥，配上三文魚及呑拿魚，味道搭。蒜香扇貝、燒牛舌香蒜惹味香濃，扇貝軟滑保留水份，火喉剛好。牛舌有厚度，口感軟熟彈牙，配上黑椒惹味十足。

其實有時覺得放題間間都差不多，都是刺身、壽司、一品料理，所以有時揀食哪間放題時，價錢都是一個主要因素。剛好發現一間8:30後有第二位半價的放題 (半價後$114)，通常餐廳的特價時段都是9:00、什至是9:30後才有，現在8:30就有實在太好了，早些食都無咁易肥有一特別的精選壽司及刺身紙，推介當中的芒果龍蝦沙律壽司、隻色吞拿魚壽司、三色海膽花之戀。刺身方面有極邪惡的三文魚腩及帶子。三文魚腩超肥美，帶子則鮮甜。吃得多刺身壽司等冷凍食物，要點個牛肉鍋暖暖身，上枱時牛肉像是吃泰式生牛肉粉的狀況，生牛肉等候鍋內的熱湯把牛肉焯熟，所以在進食時，牛肉即處於剛熟的狀態，鍋內還有不少豆腐、蔬菜等配料。熱食方面我最喜愛芝麻雞翼，雞翼本已炸得香脆，再灑上粒粒香口的芝麻，結果我一口氣連吃了三隻。還有榴槤波波，吃完滿口充斥著榴槤味。最後不得不提飲品及甜點，雪櫃內有大量本地及韓國的飲品，Somersby apple cider更是免費任飲。我選了一款韓國的菠蘿飲品，最驚喜是入面有居然有粒粒菠蘿肉。在超市賣$10條的韓式雪條也是任食，還發現有馬來西亞的雪條。

這晚跟同樣喜歡刺身的朋友來吃飯，她一直很喜歡香港的放題，覺得很新鮮、很美味，一說到刺身眼睛都發光一樣襯她回家以前多吃一點吧餐點選擇多，由刺身、壽司、燒物，炸物、鍋物、麵食、一品料理到自助沙律吧、熱盤、飲品、甜品、雪糕雪條一應俱全！但放題最主要是吃刺身，一來就先吃一輪是常識吧？所以先點了一盤刺身，有三文魚、玉子、八爪魚、油甘魚、帶子、甜蝦和赤貝這盤刺身很新鮮！而最驚喜的是三文魚、甜蝦和帶子三文魚是厚切一片甜蝦則是大大隻有光澤，鮮甜帶子雖然切得較細，但味道也很鮮！點完這一輪，我倆決定了下一輪要追加什麼三色海膽花之戀是新菜色，包圍的吞拿魚較遜色，而上面的海膽雖不算很大，但沒有苦味，口感滑，微甜。因為不想吃得太飽，只點了少量壽司。值得一讚是每件壽司都貼心的做到一口份量，不怕吃飯吃到飽就嗜不到其他食物其中火炙壽司選擇比較吸引火炙芝士松葉蟹棒鮮味蟹棒配略溶芝士很美味火炙和牛壽司-牛肉薄薄一片、易入口不靱熟食方面選擇多得很，簡直花多眼亂，唯一要擔心的是每款也點一定吃不完。朋友點了羊架、帆立貝和鹽燒蝦，帆立貝size較細，味道還可以，鹽燒蝦則不錯，頗大。蟹粥有原件蟹件，加粟米煮有鮮甜味，粥也煮得很綿滑

每人加118任食生蠔和長脚蟹，上菜慢， 送了兩次來 已經話冇貨， 實質上我只食了五隻生蠔 六條長腳蟹腳， 其他放題魚生不新鮮 ，三文魚瘀黑色， 芝麻雞翼又凍又多油， 壽司仲衰過爭鮮， 仲要收我300幾， 嗰五隻生蠔又細又冇味， 嗰六條長腳蟹腳 沒有鮮味只有冰鮮味，老闆娘仲要扮friend過嚟say hi， 仲話唔好意思 長腳蟹腳已沽清 但係照收我哋錢， 一睇個格就知係奸商， 傻仔只會做一次， 現呼籲各位食家不要光顧這間 掛羊頭賣狗肉節生野。

團購見到有優惠,一家14人決定去試吓,預祝2位長者生日，由於是團購可以由5:30食到10:30, 我們6:40到達，不是太多人，食物有自取和order 2種，上菜很快，沒有漏單！👍🏻食品味道ok 係有1、2種不太好吃，種類款式都算多，尤其是飲品和雪條，真的很滿足😋

九龍城唔係只係得泰菜架，原來仲有間叫山野日本料理放題係九龍城廣場！！仲有得任飲hoegaarden同埋 apple cider真係超抵約埋班 friend去飲下食下夠哂平只係200幾蚊！8:30後第二位仲有半價！！真係平都冇人有啦有大量既刺身壽司供應~質數仲唔差 wo!! 甜蝦，三文魚都幾鮮嫩！又有d創意壽司手卷都仲係脆脆的飯既平例唔會太多~岩岩好！炸過既芝麻雞翼好香脆，又唔會太油膩！仲 keep到幾juicy榴槤波波 d餡夠哂多榴槤迷係個好選擇仲有好多甜品雪條芒果味正呀