NUTTEA (海光街) (Closed)

Nuttea 嘅茶會加入堅果，令茶中多左一份口感見佢有抹茶味飲品，覺得同奶蓋應該都會好夾，於是就試吓了凍定熱都好飲，不過一開始會覺得個抹茶較為苦，飲耐少少之後，抹茶同奶蓋溝埋咗D，令個抹茶甜返D，呢個時候就會好好飲😋個奶蓋好厚好滑，有D芝士味，正😋杯蓋上嘅提示亦好窩心價錢上$39杯都係值得嘅，可以成為常客去幫襯呢😆

之前喺網上見到呢間茶飲店,見到有好多好評👍🏻仲見到friend推介話幾正🥰而且係一間黃店💛咁啱經過鰂魚涌見到呢間茶飲店就,想入嚟買番杯試吓~佢主打堅果奶茶🥤有唔同口味,仲有水果茶等等~全部都幾特別😚黑芝芝堅果奶$40因為好耐冇食芝麻糊🙈想試吓黑芝麻堅果奶😆飲落有好濃郁嘅芝麻味🤩叫咗微糖，所以少少甜～芝麻味比較突出☺️幾好飲😚第一次試堅果奶，感覺幾香💕而且幾易入口，唔錯👍🏻紫米堅果奶$40係一款健康嘅飲品🥰以前都鍾意紫米飲品💕入面有好多紫米粒粒😚同樣叫咗少甜，所以唔會覺得好甜🤗有紫米嘅香甜味😋口感幾正😍

Well I did say I quite liked the drinks here so I’m back again at NUTTEA! This time I tried their quarry bay branch and had different drinks😆😆Strawberry fruit tea with strawberry nut cream 🍓 The menu said that it was a seasonal limited and a sucker for gimmicks like me, of course I got it 🤣 once again the cream did not disappoint with its smooth yet rich flavour infused with the taste of strawberries. The cream itself was delicious as it wasn’t too sweet yet flavourful and the tea tasted very re

呢間人氣堅果奶飲品店已經想試好耐, 難得已經開始放大假, 一於比自己好好享受一下。佢地主打堅果奶類飲品, 特別照顧一眾素食或對奶類制品敏感既人士, 值得一讚。佢地唔似一般台式飲品用奶精沖制, 全部真材實料, 感覺非常健康, 啱哂我呢類間唔中想飲甜野, 但又唔想飲化學類飲品既人。睇左好耐, 由於天氣太凍, 只想飲暖胃既熱飲, 最後決定ORDER 香芋堅果奶。一入口堅果味超級重, 加上濃郁既香芋, 好綿滑順口, 味道好夾。不過飲完成杯真係勁飽肚, 好有飽足感。

經過一日的辛苦工作，好想飲杯嘢慰勞下自己。忽然諗到好耐冇飲過奶蓋茶，即刻外賣回家慢慢品嚐吧。飲茶同時有堅果🌰，市面上少有，也是他的賣點之一。單邊舗面，兩邊都係玻璃，將外面兩街景攝入眼簾連成一體，雖然店面不大，但頓覺視覺變得遼廣。店舖一角有藝術氣息。當然少不了主打介紹茶飲的原材料。好期待～落單一陣就見到出品啦。伯爵朱古力堅果奶蓋茶＄47它己列入排行榜三甲位置之一，香濃奶味，甜 度適中，順滑的口感，仲有堅果令營養價值上升，飲完完全無罪疚感的一杯奶蓋茶。家人也唔執輸，托我買多一杯紅莓堅果奶蓋茶＄45，這是季節限定，紅茶底，奶油上面加上堅果，可以用匙羹來吃。比起伯爵朱古力奶蓋，飲落甜中帶有少少草莓果酸，好清新又好開胃。果然係排榜首。美滋滋的兩杯奶蓋茶~對，只要堅持做對的事情，必然會成功，堅持下去也必然會歷久常新。估唔到飲茶還為自己補上一課人生哲理學。真係收穫多多。為咗慶祝太古坊店一周年，外賣落單免費多一杯(指定飲品）。難得嘅優惠，要好好把握。仲有好多其他唔同嘅口味茶飲，下次再嚟試吓。

我終於都飲到nuttea 啦😭😭 好感動 因為nuttea最近我個間係旺角 上次去排哂長龍放棄左 今次去開鰂魚涌一定要飲!!!本人不嬲都鐘意飲奶蓋 不過好耐冇飲（要懂的會懂的) 一直都想試nuttea 因為好多foodie都話好正同埋佢係non diary milk琴日我一飲落去就明點解啦 佢蓋上嘅紙教我首先1️⃣用鏟食奶蓋 2️⃣再45度飲 3️⃣最後stir it with 飲管 四季春堅果奶蓋茶 (微甜走冰)- $35👉🏻第一啖 食到奶蓋嘅濃厚 好有堅果香 係有點’杰’嘅creamy 奶蓋上還有花生碎豐富口感 十分驚喜❤️👉🏻45度飲落去只係飲到茶唔係好飲到奶蓋 但清清地 冇苦澀味👉🏻最後溝埋佢地一齊好似飲緊奶咁 甜度岩岩好 我同個friend飲完都十分滿足 真心推介依個來自台灣嘅手搖飲品👍🏻

見到好多好評都話依間野飲好正，雖然我第一反應都係覺得咁貴嘅，但本住人一世物一世既心情試下，叫左一杯手沖咖啡堅果奶蓋同朱古力榛果堅果奶兩杯都好有驚喜同好正！睇嚟我之後應該會成日飲😂😂😂首先手沖咖啡堅果奶蓋同我平時飲咖啡好唔同，除咗多左陣堅果香味，我仲覺得有奶蓋會特別滑，然後佢咖啡味道好濃，完全唔會因為少糖少冰就唔好味。朱古力榛果堅果奶依杯好適合好中意朱古力既sis飲，因為真係好好味！佢既朱古力好濃味，仲有榛果味同堅果味，成件事好健康，又唔會太肥，成杯飲哂都冇乜罪惡感😂😂😂冇點影到圖啊。。。掛住食外賣。。但真係真心推介！

今日行過鰂魚涌比呢一間飲品店吸引咗，Nuttea之前都見過朋友飲過，所以一直都好想試吓，其實自己本身對堅果冇特別大興趣，但係竟然今次一試難忘😍環境都好靚，我俾門口嘅slogan「堅持做對的事」吸引，咁門口就有寫咗佢哋用啲咩類型嘅堅果，亦都有寫到人氣推介嘅冷熱飲品，今次我就試下每日得100杯嘅伯爵朱古力堅果奶蓋茶，原來仲要係台灣奶茶節2019年嘅金獎，相信味道一定有保證！飲品亦都可以根據自己喜好揀選甜度同冰量，所以我就嗌咗無糖少冰嘅選擇😙初初以為堅果奶蓋會好似平時啲台式飲品咁樣，點知原來佢望落冇咁流質，感覺比較似雪糕嘅質感，杯蓋上面有教你用唔同方法去品嘗味道，45度打斜飲就可以飲到好香濃嘅伯爵茶味加少少朱古力堅果奶蓋味道，我非常喜歡呢個伯爵茶，之後就我以用飲管一齊飲個奶蓋同茶，更加容易飲到個朱古力堅果奶蓋味道，先講吓個奶蓋味道，佢唔會係好甜好膩嘅奶蓋，仔細品嚐仲會食到入邊啲堅果碎，朱古力味道尚算濃郁，想像唔到佢唔係真正嘅奶整出嚟，如果對牛奶敏感嘅人真係多個選擇，佢個質感都好特別，我比較喜歡將成個朱古力堅果奶蓋撈埋伯爵茶一齊飲，就好似變咗伯爵朱古力奶茶，我相信就算本身唔鍾意食堅果嘅人都會愛

每個周一都會有大半天心情不好，也許就是所謂的Monday blue。所以要喝兩杯奶茶，來安撫一下自己。又去了最愛的堅果奶茶店，裝修很清新，色調都是我喜歡的乾淨舒適的顏色。原來老闆是型男，難怪會投資這麼有品味的店舖。 最喜歡的還是他們以健康堅果燕麥為配方，打造的健康飲品，像我這樣不能喝咖啡☕的人，也有了熱朱古力以外的更多選擇。今天買了葡萄堅果奶蓋茶＄41和牛油果堅果奶＄46。第一次用產子喝堅果奶，確實是十分新奇，首先扣開杯蓋，用小產子鏟上面濃郁的奶蓋，味道甜中帶鹹，然後傾斜45度，大口喝茶，感受清香，最後，將飲品攪拌均勻，感受不同口感。一茶多喝，口味層次豐富，口感繽紛。NUTTEA (海光街)鰂魚涌海光街36號地下2號舖

🔹之前Pooh食完大讚呢間野，讚到Olaf都忍住去咗飲😛飲完簡直愛上咗呢間手搖，好岩食奶素嘅人，希望佢係港島區開多啲分店啦🤤1️⃣ ⭐️火龍果堅果奶蓋(8/10) $39⭐️冇諗過火龍果同埋堅果會咁夾😳超有驚喜🤩火龍果打得好得好smooth，連啲火龍果籽都唔係好食到👍🏻奶蓋因為係用堅果所以比起普通牛奶蓋會結身少少，飲嘅時候會難飲少少，不過連埋火龍果汁飲會好飲啲🤫佢另外會有枝好cute 嘅鏟仔俾你鏟啲奶蓋梨食🤤就算冇得改甜度亦都唔會好死甜，感覺係似火龍果本身嘅甜味多啲，而奶蓋都唔係好甜，成件事罪惡感減200分🤩2️⃣ 朱古力榛果堅果奶 (7/10) $38呢一杯嘅堅果味超級重，有少少蓋過咗朱古力味，超鍾意堅果味嘅人應該會幾鍾意飲🤓雖然堅果奶同朱古力都好夾，但兩樣野加埋會變得好結，所以飲曬成杯會好飽🤭對比起火龍果，呢杯會冇咁Fresh，應該好啱冬天好凍又好肚餓嘅時候飲😂Olaf家姐就超鍾意飲呢隻味，但相比之下Olaf就麻麻哋啦

.上星期同同事去鰂魚涌做嘢 lunch time既時候見到呢間nuttea 好多人排隊買 我地即刻買埋一份！買左紫米堅果奶同牛油果堅果奶紫米呢款係冬日限定啊 可以揀做熱飲冬天拎住飲真係好幸福❤️配埋半糖 朋友表示甜度剛剛好 而且有紫米碎粒可以食堅果奶打到好綿密 飲落順口 愛紫米既人士唔好錯過😋.我好鍾意食牛油果 🥑 當然叫返杯牛油果堅果奶！呢個只有凍飲 我就揀左去冰走甜 一飲就好似食緊牛油果咁 好香濃 配堅果既味道好不錯👍🏻估唔到咁夾有少少奶昔既感覺 都幾杰身的 飲完好有滿足感 飽肚之選💙下次一定要試埋呢度最出名既堅果奶蓋茶底款式！

普通奶茶飲得多，用堅果來做主打的奶茶還是很少見，今天經過鰂魚涌，就來試一試吧。黑糖薑薑堅果奶配黑糖凍女士在秋冬時節還是點一些暖胃的熱飲吧👍🏼毫不考慮地點了這杯黑糖薑薑堅果奶，還配上黑糖凍（是貪新鮮，呵呵）。除了充滿黑糖薑味外，還有淡淡的堅果香味，配上煙煙韌韌的黑糖凍🤤，實在是亮點。和仙草凍的口感截然不同,值得一試。烏龍堅果奶茶配黑糖凍這杯是買來孝敬爸爸的，爸爸一向喜歡茶味濃，於是今次點了這杯烏龍堅果奶茶。爸爸表示滿意，加上有黑糖凍，新鮮感十足😋下次再試試其他堅果茶先。見到店舖還有堅果醬，心郁郁，下次再來買😋剛巧見到附近的上班族用環保紙籃，細心一看店鋪的單張，原來只需$2，餐廳非常支持環保👍🏼

Nuttea 已經開了多間分店，今天就來到鰂魚涌海光街，因為門口可以泊車。點了一杯 「伯爵朱古力堅果奶蓋茶」，隨 order 送匙羹一支，因為是用來食茶面的奶蓋。起初以為會很甜，但食落完全可以接受，而且口感很滑，入口即溶。再飲伯爵茶底，陣陣朱古力味，亦不太甜，朱古力味和伯爵茶味，沒有互相搶味，反而很夾。其實堅果奶蓋跟普通奶蓋，味道上沒什麼分別，口感反而更滑。最後一提，當然是香港人開設給香港人的黃店，多多支持吧。

今日過左海搵朋友 又好鬼死凍 等佢個時就去買杯熱野飲 見到有間係用堅果沖調的野飲店 比較平時的手搖飲品店唔同 就決定試一試唔知飲咩好的時候就睇佢個Top3 叫左杯熱的紫米堅果奶 同埋熱的黑糖薑薑堅果奶 等緊野飲望下店面 有介紹唔同種類的堅果 俾大家認識多d 有12 oz 飲落口薑味配上黑糖好夾 堅果奶幾滑 個薑味又唔會話override 左個黑糖同堅果奶 我覺得個比重係夾得唔錯幫朋友點埋的紫米堅果奶 紫米mix落奶味都重 飲得出紫米份量唔少 叫左微糖 但因為本身足料 紫米同堅果奶已經夠味 飲完暖笠笠 好滿足

由好多年前開始珍珠奶茶興起我已經非常鍾意飲珍珠奶茶🤤但偏偏男朋友對奶有敏感😖出街買杯野飲都要諗過度過係朋友嘅介紹下知道有間用唔同堅果製成嘅素奶決定要帶男朋友一試！Nuttea用5款唔同嘅堅果萃取出堅果奶所有奶入面都冇奶精不論素食者或者對奶敏感人士堅果奶絕對係取代牛奶好好嘅代替品佢地嘅選擇都唔會比其他台式飲品店少最吸引係佢地嘅奶蓋系列同期有芝麻做主角嘅季節限定最後分別order左伯爵朱古力堅果奶蓋茶同黑芝芝堅果奶黑芝芝堅果奶芝麻同奶味balance得好好打開蓋先見到裡面真係落左好多芝麻原來堅果奶係咁滑🤩第一次飲真係好驚喜！伯爵朱古力堅果奶蓋茶同平時飲嘅奶蓋相比Nuttea嘅比較挺身Order奶蓋系列嘅都有個細鏟方便就咁食或者攪渾啲奶蓋奶蓋除左好滑唔會好甜而蓋過茶底~而個茶底係彩用台灣日月潭紅玉紅茶☕️加埋奶蓋嘅creamy一齊飲成個口都充滿一陣陣嘅伯爵同朱古力味☺️