Oasis Cafe & Party House (Closed)

今日同老婆係先達廣場買野，有朋友介紹呢間日式cafe 幾舒服，所以就上黎食個lunch, 起初以為係坐tatami ，上到黎原來轉左梳化舒服好多，我地點左咖哩吉列豬排飯，醬油叉燒湯拉麵，豬排外脆內軟“”，日式咖哩偏辣 ，拉麵軟硬適中仲有半隻糖心蛋添，飲品一杯latte還可以啦！但櫻花雪就幾好味，係士多啤梨沙冰做底加芝士奶蓋。小食點左一個芝麻雞翼同章魚燒外脆內軟值得試一試，重點係點一個飯或麵就可以半價再點一份小食，以旺角既cafe都幾抵食

係旺角要搵一度寧靜嘅角落真係唔易，但今次有mk妹帶我黎呢間新開嘅日本野～～環境好閣落，仲有得揀他他咪坐～～夠哂日式風味首先一黎就嗌左好耐都無食過嘅章魚小丸子，外脆內軟，醬汁亦唔會話好濃味蓋過左原味再黎一客串燒拼盤！真係幾有驚喜～牛肉腍身得黎好夠肉味，仲有我至愛嘅雞肝，超爽脆，燒得好出色之後係牛腩肉豆腐，一濃一淡嘅combination，一陣間就清哂呢個好特別，炸雞軟骨但係配上惹味辣醬再炒～～好香濃，配啤酒飲一流呀招牌菜～～豬扒富士山，呢個賣相已經好吸引，墊底嘅係炸豬扒，配上清新嘅椰菜絲，再沾上溫泉蛋黃GE蛋汁，真係好夾日式野菜炒拉麵 - 原來依家麵同飯做緊買一送一，雖然都飽飽地但都嗌返個啦，醬汁濃度剛剛好最後用抹茶紅豆雪糕收尾，雖然本身麻麻地綠茶味GE野，但呢個又平衡到BOR仲有佢D野飲都好有特色，全部都有D好有詩意GE名馬鹿係抹茶芝士奶蓋、案山子係柚子益力多加檸檬GE冰沙仲有個養生朋友試GE玫瑰花茶～～質素真係唔錯，由野飲到野食都好滿意～想同朋友CHILL下下次都會再黎

同朋友星期五放工來係一個好好既CHILLAX 地方, 而且有TATAMI 既同富士山為主題既餐廳真係好特別, 至少覺得喺香港比較稀有.我和朋友的晚餐點了凍豆腐, 雞軟骨 (Snacks & Starter), 本身我好鍾意食日本凍豆腐, 亦覺得呢隻又滑又軟身真係好融入到對住富士山/TATAMI 環境既地方, 所以一D 都無望呢!而店員亦另外介紹左墨魚丸, 真係好香! 不過更滿意就係最新出既富士山豬扒 (又有溫泉蛋同燒汁) 真係又香又JUICY!飲品: 巨鋒沙冰同埋一個唔記得左咩熱飲,  因為熱飲既招點就係放左喺隻杯度了總結: 好滿意坐正宗TATAMI既感覺咁食飯, 環境又COLOURFUL, 同埋D STAFF都好NICE 同親切! 不過如果都算係PARTY HOUSE/CAFE. 建議餐店可以擺D BOARD GAMES黎俾客人感受SOCIAL/休閒既CAFE既印象

今次係黎食野，呢間café其實似居酒屋，不過係樓上舖黎，都可以搞party，其實都幾岩一大班人黎玩呢到除左普通坐位，都仲有榻榻米，可以換對膠魚拖鞋，勁搞笑，之前已經想買好耐呢到都有唔少食物揀既，好似洋蔥圈、日式shake shake 薯條香口小食等等，全部都炸得好脆，冇咩油抑味仲有好正既芝麻雞翼，個邊夠曬脆，又冇燶，雞翼肉好juicy我地仲有叫左赤蝦海膽、蒲燒鰻魚串燒同芝士明太子玉子燒，但因為掛住食唔記得影，不過都好好味，估唔到呢D樓上café質素都算唔差而且呢到D飲品名有D難估，案山子係杯酸酸地既沙冰，味道有D似益力多？至於個性又係杯岩鹽奶蓋士多啤梨，士多啤梨味又唔算假，奶蓋都唔錯總結黎講，呢間樓上居酒屋質素都算唔錯，野食可以試得過！

不時都周圍試下好野，呢間值得一提既係，職員服務態度都好好，要咩都即刻比你，上菜速度都算快手，只不過可能因為樓上café既關係，唔算好爆人流，但可以話係旺角之中都搵到個地方唔洗咁嘈呢間café其實係走日式路線，餐點都係日式菜，多數為小食特濃芝士年糕，話明係特濃，真係好濃香芝士味，面頭芝士都燒到見焦香，上到檯都仲係半溶狀態仲有食左明太子雞翼、番薯仔串燒同魷魚軟骨串燒，全部都幾好味，冇咩失手之處我叫左杯檸檬乾既洛神花茶，個樣望落有少少紫貝天葵咁，飲落都好香，杯野叫真面目，幾特別另一杯無念係北海道360鲜奶红豆抹茶，係好飲既，紅豆林，抹茶味濃，唔錯啦

放工搵友人飯聚，識食友人今次搵到間都幾隱蔽嘅日本餐廳。和式裝修，要除鞋坐低食。叫咗杯柚子檸檬沙冰解解渴，食到粒粒柚子，好清新怡人。友人就養生底，叫咗熱玫瑰花茶，酸酸甜甜咁，開胃解膩。章魚小丸子 - 外脆內軟，好食過街邊嗰啲，食到粒粒章魚。串燒拼盤 - 咩肉都有，牛肉最正，又淋又夠味。最特別係燒北寄貝，刺身就食得多，熟食就第一次見，爽口嘅，都唔錯。炸雞軟骨 - 日式住家風味，好有風味。牛腩豆腐 - 豆腐嘅大豆味好香濃，懷疑係自家磨，好食。豬扒富士山 - 店員推介，切絲椰菜同豬扒墊底，山頂有玉子。對於夜晚唔食米飯嘅我就最啱，啖啖菜，好健康。豬扒好入味，切一條條，方便入口。飯團 - 友人唔夠飽所以追加，用鰻魚汁整，幾香。抹茶紅豆雪糕 - 友人鍾意綠茶，話唔錯。埋單先知咖哩飯同拉麵做緊買一送一，下次又有藉口嚟食嚕。

近排必須要出旺角一轉，走走下去左呢間樓上cafe坐一坐本來都唔知，但店員話我地知而家做緊半價，係好抵既，但我地都係食少少野就走裝修都幾有特色，好日式風格，入面有塌塌米，仲有D膠魚拖鞋，前排hit過個隻扮魚既拖鞋，幾搞笑而且呢到既店員服務態度都好好，叫我地慢慢食，上菜執野速度都好快味噌雞肉湯拉麵湯做得幾好，拉麵幾彈牙唔會林曬，份量唔算好細，熱辣辣另外味噌牛肋肉個蘿蔔炆得幾林，好入味，冇咩渣，牛肉都好入味，好和風味道最後仲叫左份章魚小丸子，比左好多醬同紫菜粉，入面都唔係空心，足料，味道唔錯臨走前發現有個招財貓放左係到幾靚，希望真係可以幫餐廳招到財啦

樓上cafe cover 日式屋台屋2個人唔知食乜好 🤔，又唔想去茶餐廳食完比人趕，想吹吹水坐多陣都唔得， 終於去左呢間樓上cafe ， 之前都已經嚟過啲嘢食好好食，估唔到今次上到嚟，轉咗做日式嘅，新裝修好靚， 所以我哋就諗都唔諗，就入咗去試吓 🤣 。叫左個日式咖喱炸雞飯 😋，咖喱汁味道岩岩好， 配埋炸雞外脆內軟好juice👍讚👍，醬油叉燒拉麵 ，竟然令到我好似身在日本食緊拉麵既感覺， 👍讚讚👍芝士明太子玉子燒 ，真係寶寶要哭了😂， 點解會咁好食架 😍😍不得不提d飲品，又靚又好飲 (無念)抹茶紅豆冰香甜岩岩好 ，用左360奶蓋滑到不得了，🤩我的最愛🤩，朋友叫果杯(海月)提子味成杯紫色， 底下仲會發光的 ，靚到嘩嘩聲🥰，今晚同朋友真係食得好開心， 大滿足😘😘

放工後搵個地方同友人食飯，搵左間樓上cafe, 係食日本野嘅，幾特別，飲品名都改得好有心思。店內和風味濃，要除鞋坐，好relax.言語道斷，玫瑰茶底，入口酸酸地，都幾好飲。馬鹿，係抹茶芝士奶蓋，抹茶味濃，個奶蓋都做得唔錯。案山子，檸檬沙冰黎，面頭有柚子，冰凍解渴。章魚小丸子，外皮脆，入面有足料章魚，好味。牛腩豆腐，豆腐唔係百福，好有豆味。炸雞軟骨，爽脆，帶少少辣，但幾好味。叫左一堆串燒一齊食，北寄貝好特別，未試過燒，味道唔錯。燒牛肉好香口，整體啲串燒都好有水準。日式炒麵，入面有椰茶同菇，夠哂味，個麵炒得幾好食！豬扒富士山，豬扒炸得好香，被椰菜包住，好似沙律咁，個配搭唔錯。可以撈埋溫泉蛋一齊食。整多兩個飯團，帶微暖，全部飯粒都調好味，好有心。最後食埋抹茶紅豆雪糕～埋單發現咖哩飯同拉麵做緊買一送一，下次可以黎食過！

旺角真係算比較多Cafe 同Party Room而今次試咗呢間叫做Oasis Cafe & Party House 唔知感覺會係點呢？——————————我哋嗌咗一個漢堡蛋咖喱飯（$70）、一個醬油叉燒湯拉麵（$68）、香菇（$22）、雞肉（$26）、牛肉（$28）首先要講下個飯先，真係勁出乎我意料，因為我覺得漢堡扒要整得好食係好難嘅，但係呢度塊漢堡扒好有牛味，食得出係用一啲高質嘅牛肉嚟整，勁好口感，而且一啲都唔鞋烚烚，如果你嚟嘅話我覺得一定要試呢個❤️❤️因為真係好高質之後就講下個碗拉麵啦，呢度嘅拉麵會煮得太腍，口感啱啱好，唔會太韌搞到好難食，而且我覺得份量OK叉燒都有四塊，配埋個湯底就更加Match 之後就講埋嗰幾串串燒，佢呢度嘅牛肉係好滑嘅，即使燒完都仲好肥美Juicy，而且雞肉都好滑完全唔會乾爭爭，好入味👍👍香菇亦都好值得一試同埋嗌咗兩杯嘢飲，一杯係稻妻（黑芝麻Latte) 同埋海鹽，前者嘅話就係好似鈣思寶再加左cream，後者味道就酸酸甜甜咁

咁岩有日朋友帶左我去一間新既樓上café，與其話café，其實佢又裝修好似係居酒屋，好少見樓上café係咁成個裝修好日式，同埋D波波燈五顏六色都幾有Feel，仲有貼左好多日本既海報其實我地黎都係純粹叫下小食野飲同傾下計，價錢唔算好貴，而且都冇限時趕客走，可以點少少野坐下都幾好我地就點左個日式明太子炒麵同唐揚炸雞個明太子炒麵汁好香，加上D木魚絲上去，仲又好多蝦，都幾足料炸雞就舊舊都好大款，味道唔錯，唔會乾柴柴咁，都有D肉汁，點埋沙律醬食就更好味至於野飲我地就一人一杯，一杯叫放心，一杯叫馬鹿，D名勁搞笑放心個杯其實係藍莓果粒茶，用左兔兔杯具套裝好Cute，飲落甜甜地幾香至於馬鹿就係抹茶配呢個芝士奶蓋，抹茶味唔會好澀，我都幾like係呢到幾舒服，黎hea下都唔錯

又一次寫食評 oasis 令到我要讚一下的衝動👍，男朋友生日🥰 睇完戲搵地方食野 坐下舒舒服服傾下計，先達oasis搭車也方便，上到去~嘩!!原來轉型了 日式oasis!!驚喜了💥裝修好靚👍👍看得出花了好多心思，感覺好似係旺角既空中花園💥沒有商業化既對答，看不到街上既煩囂，因為在4樓 感覺太好了👍，叫左3個日式小食🍡， 味噌牛肋肉啲牛肉好淋身，啲味道一樓真係想encall多一碟， 1碗叉燒拉麵🍜 ，驚喜😱味道真係好似係大板食既一樣!太好了😋叫左2杯特式飲品🍹， 賣相好靚 ，好有心思， 睇到都唔捨得飲🤣，今時今日咁有heart既綠洲🏝真係好難搵👍。

沿途上去感覺不是太好！心裡面不知幾多個伏！最重要的是新鮮嗎？乾淨嗎？但朋友堅持想著就一次吧！到了，Wow~~隱世日系??門口的驚喜只有4個字(隱世日系)！入到去心裡面完全癲倒了！服務、裝修、設計~10個讚！！叫野食啦！仲等！4個人叫得比較多款~樣樣都想試~d飲品好有特色好靚💥🍸~不太甜!岩哂我!👍飲品名好攪笑😂好彩有寫成份🍸我最擔心的食物來了~Wow Wow 真新鮮真新鮮真新鮮！💥(重要野要講3次)💥！！果碗叉燒拉麵同我係大板食既一模一樣!湯底~麵質超正！仲有個日式咖喱吉列豬扒飯!嘩~塊豬扒外鬆內軟!配埋佢既咖喱汁絕配好味(掛住食唔記得影相)=.=”不過唔緊要啦！今晚真係食得好開心~好滿足!推介呢間真係一個聚會既好地方!!由我上來到離開既心態轉變真係好大!哈哈~I Will Be Back For Sure!!