Oasis Cafe & Party House (Changed Hand) New Restaurant

剛剛同閏蜜去完日本旅行，返到嚟香港，隔咗一個禮拜，就忍唔住要再見面啦，大家都係旺角工作，所以近近地，今晚就揀咗呢間ＯＡＳＩＳ　ＣＡＦＥ食dinner, 呢間餐廳環境坐得幾舒服， 卡位又寬躺，完全冇壓迫感，啱晒我哋有排傾慢慢坐 ！食物方面，我哋見價錢咁平，兩個女仔當然要試下呢度ｄ甜品啦～所以就叫左個藍莓芝士蛋糕同埋普通既芝士蛋糕，大家都係３８咁平，所以就一人叫左一個泥食啦～一入門口就發現有兔仔，好特別，鐘意動物既你地一定要泥

旺角開左唔少食肆, 除左郎豪坊、工廈, 什至新建既寫字樓地下層都開左D平價茶餐廳, 附近返工既打工仔多一個用膳地方選擇。係旺角返工既朋友今晚帶左我去一間比較隱閉既新興CAFE食DINNER。MENU上款式選擇令我花多眼亂, 而且價錢出奇地平，而且呢度仲有一個好特別既地方就係有兔仔，Ｄ兔仔真係好得意，激發到我既少女心，Ｄ兔仔真係好ＣＵＴＥ呀！！！！！！！我叫左＄９２既特級海鮮拼盆，９２蚊有５樣野，真係抵到不得了

旺角亞皆老街83號先施大廈4樓406室既ＯＡＳＩＳ　ＣＡＦＥ，算係旺角區出名既食店集中地，中午食飯時間經過一定會見到2條人龍，唔知有餐廳真係以為開左城市電腦售票，其實香港打工仔係唔係有咁長Lunch Hour 排隊架2間係正入口既就不需介紹啦，反而要推介一下行入少少既ＯＡＳＩＳ　ＣＡＦＥ。呢度希好多好特別又好好味既野食，今次我就叫左個車打芝士海鮮焗飯，真係好好食，同埋唔貴，＄１１５，平到咁你地真係要好好試下呢碟飯呀～

Happy Friday收工後同朋友黎到位於旺角亞皆老街83號先施大廈4樓406室的ＯＡＳＩＳ　ＣＡＦＥ，這裡面積很大很寬敞，跟朋友兩個人來到被安排了旁邊超級寬闊的卡座，闊到應該坐到八個人呢！食物選擇都幾多呢，除左ＣＡＦＥ必有既飯類之外，還有意粉、ＴＥＡ　ＳＥＴ、特飲、窩夫甜品等等，呢度有個１２星座特飲好特別，我係金牛座，所以我就叫左杯屬於自己既特飲啦～佢係一杯用玫瑰，乳酪同檸檬既特飲，顏色好多，好特別，大家一定要試下呀

可encore 樓上cafe 大熱天時屋企唔可以成日開冷氣，就約咗朋友去Cafe傾計，貪佢可以坐幾個鐘，又可以涼冷氣，人生一大樂事我之前其實已經去過，因為我好鍾意兔仔，入邊有兩隻bunny 兔，毛茸茸的，好可愛而且而家有79折，抵過以前我叫咗蜜糖雞翼，有成10隻，好入味，甜甜地，外面脆脆的，正啊！另外加咗一杯士多啤梨沙冰，沙冰好大杯，唔係好甜，有少少益力多味，酸酸地，好解渴，如果有啲生果就更perfect

very bad experiencemissed order and cannot cancel even the whole table finishednever go again

本身諗住去行山 點知呢兩日天氣不穩定 但前一晚先來book party room又太遲了最後都係決定來呢間cafe 一間有兔兔有board game 嘅cafe兩年同舊同學都有來過 隔離檯仲帶咗自己嘅兔兔但今日就唔知係咪落雨嘅關係 定時間嘅問題 變咗我地兩個人包場我今次又叫咗肉丸意粉同花茶口味永遠不變😂😂啲肉丸真係好好味 意粉汁有啲酸酸甜甜嘅感覺 好易入口呢個有小小芝士 my favor另外每一個套餐都包$38飲品 如果過咗就價錢 但其實得普通水果紅茶綠茶先係$38🤦🏻‍♀️另外飲品加$18蚊又可以多一客薯條 啲薯條炸得好脆openrice預先訂位套餐仲有79折 可以抵銷加一呢度可以有個地方玩下遊戲休息下 都幾舒服

從來未試過見過一間餐廳差到咁。本來想找一間Cafe有party set, 又有個空間比我地傾計。嚟咗呢間餐廳，第一次有中伏的感覺。一嚟到，12個人俾得一個Menu，我哋問佢比多幾張menu,佢話剩係得一張。真係火都嚟埋好啦唔緊要，我哋嗌嘢食，例如想要凱撒沙律，同瑞士雞翼，竟然話要預早book定！咁之前book位時，又唔一早講，總之叫乜冇乜。食物質素亦都非常低，好多嘢食都過咗一個鐘都未到，大家都食得好唔盡興，食完都背脊骨落，唉，今時今日呢啲餐廳仲可以生存到。。希望其他朋友不要受到同樣的待遇

-職員態度ok！-皓熱天氣警告下、餐廳內冷氣充足-舊式大廈，一出升降機傳來異味-上菜速度快-黑松靈risotto較咸-oreo奶式少冰少甜，味道適中，可以一試！

cafe位於先施大廈，不難找，上到去仲以為自己去咗賓館開房，品流好似好複雜，搞到我個心都驚咗一驚。點知入到cafe係另一片天地，環境幾好，又好坐。點完野食幾乎等到發毛。。。終於等到飲品到，又真係好清新好好味（叫咗芒果紅茶同巨鋒提子乳酪），食物如焗飯、意大利飯、意粉都好好味，算大份。最後強烈推介爆脆薯條，堅係好脆，超好味，好想叫多盤

星期日下午無所事事，响旺角行嚟行去， 貢完先達睇手機，响 openrice search 睇下有咩優惠，oh 之前去過間cafe有discount喎， book好枱…… 竟然五分鐘後接到cafe來電confirm我張枱 ， 間cafe處於商住樓， 準時到達。其實間cafe都開咗好耐下,仍然屹立不倒,應該有佢嘅原因嘅同老婆點咗個鰻魚炒飯海鮮焗飯，仲有一杯熱嘅紅棗蜜、 latte, 碟鰻魚炒飯都好大碟下， 老婆要我幫手幫口先搞得掂， 海鮮飯味道濃沃都有好多餸，竟然有埋藍青口, 芝士黐埋啲飯yummy.最後加多個甜品，千層蛋糕嘩正呀！吃飽飽埋單，加埋之前訂座嘅優惠百零蚊落樓， 響旺角cafe食野 ，唔使逼茶記麥記， 靜靜地同老婆談下心 ，乜都值啦 ，抵到爆呀！

同朋友出親旺角都唔知係邊度食嘢好，因為旺角人有多，難坐得舒服，朋友介紹到呢一間樓上cafe 食飯，估唔到食物和環境都ok 啊！值得推介係黑松露帶子天使麵，個汁好creamy 同多汁，又唔會食到好滯，而且仲有好多黑松露醬，如果鍾意黑松露就一定要試下喇飲品方面我叫咗芒果沙冰，沙冰好大杯可以慢慢俾我哋吹水，慢慢飲，而且唔會太甜，酸味味，都唔錯啊！2個朋友就叫咗雪糕七喜，貪佢有得食又有得飲，呢個係雲呢拿雪糕，味道就中規中矩，都唔錯喇！

諗住同朋友一齊食飯，又想坐得耐，就諗住搵間cafe. 見評分算ok, 就去左呢間。本身唔熟旺角，唔知先施大廈喺咩，點知一去到，就覺得中伏。大廈有好多賓館,搵嘅時候同啲麻甩佬你眼望我眼，好尷尬。食物方面叫左黑松露天使面，黑松露risotto, 車打芝士海鮮焗飯。黑松露risotto好似湯飯咁。所有食物極咸，特別係黑松露risotto 咸到high high，直情食唔到。叫waitress幫我地換左一次之後。相信係將我同個friend 果碟混合加水煮成，有啲噁心。整完依然係好鹹。廚師哥哥見我地冇再食，出黎同我地講個鹹味係黑松露味，出面用3%，佢地係用15%。我真心唔知佢15%係咩意思，不過如果解釋為佢地比出面鹹5倍，就絕對正確。上菜速度亦係一絕，其中一個飯（焗飯），叫果陣話要等半個鐘，點知最後等左1.5小時。P.S. 芝士海鮮焗飯係冇黑松露的，但依然都係好鹹。間cafe收費唔平，但野食真係唔得，食完腎衰竭，絕對唔會再去。

同男朋友出開去旺角 諗住去cafe食生日飯 於是男朋友就搵左依間cafe食位置上其實都唔算難搵 都幾方便 入到餐廳 估唔到都差唔多full哂 職員都得1個左右 等左一陣先入到去坐 一入門口 第一眼就見到兩個籠 入面有2隻好得意既兔仔肥肥地又懶洋洋 好得意職員安排坐左係簾後面戈張2人枱 位置真係好逼好唔方便 肥少少都入唔到入面坐 而出面戈個位又咁岩塞住入面梳化位既人出入搞到要男朋友不停咁移位俾入面既客人出 而偏偏對出小小有個小階梯 一唔小心真係會跌低 而因為度簾係流蘇類型 入面既客人咁岩拎隔離既遊戲挽 結果一勾到件衫 就係咁發落男朋友度好唔方便而食物方面 點左個吉列豬扒飯 個賣相其實唔錯既 美中不足係用左個鐵兜裝 好似好頹既感覺 而舊豬扒味道太林 完成唔似豬扒既感覺😓 有d失望 我就點左個玫瑰花茶飲 一壺上好令 仲送埋一個蜜糖 職員解釋可以用黎調下味 好細心解釋 可能個位係冷氣位 所以點黎點去都熄左個火 😓 味道加左蜜糖會好飲好多 調列個花茶既味道 男朋友就叫左沙冰 但味道就好淡 冇乜味 最後男朋友叫左個千層蛋糕俾我仲寫左名牌 好驚喜好開心 職員仲會同我講生日快樂 好驚喜好開心 千層糕

原來諗住平安夜好難book 到位一家大細食個節日飯，點之一開openrice 就比我睇到哩間cafe ﹐膽粗粗一試這間cafe ﹐果然真的沒有令我失望。大節日既3 日 前都可book到位，是個驚喜，book 位時亦有致電詢問當日既節日佈置及座位安排，老板非常有禮回應。大節日既食物價錢是屬於平價，真係好抵， 食物份量超級足夠，亦是個驚喜，此cafe又有消磨時間既小玩具，座位都舒適，真係一大班人慶祝節日聚腳的好去處。