Oasis Cafe & Party House (Changed Hand) New Restaurant

上星期同朋友去開旺角先達行街買嘢,行到咁上下梗係要搵地方食下嘢啦，咁就睇下Open Rice附近有乜好食,見到佢哋介紹呢間Oasis Cafe 響正樓上四樓。見咁就腳就上去試試。一入到去環境舒服，到十分乾淨。侍應好快安排好我哋。入座後和位畀咗個餐牌我哋睇。裏面都有多個主食的選擇，選咗主餐後又可以再加小食。我們選擇了三個主食。芝士脆炸雞扒茄茸意大利粉，明太子蝦肉意大利粉，美國安格斯漢堡。場地裏面仲有好多桌上游戲畀我哋玩。地方整體環境地方十分舒服，十分非常適合我哋朋友聚腳吹水。

睇到openrice介紹買一送一優惠 上去試下 ，地方唔難搵，條走廊黑蚊蚊有d恐怖 ，晚餐選擇唔多，四個人去叫左跟餐小食， 份量太少，如一個人份量起馬要叫多個小食先夠飽，每人最少要叫一杯正價野飲，個餐唔包，最後一人$130 埋單，如果係搵個地方坐下都可以，野食就一般般，無乜驚喜，如果以晚餐就唔太抵食，如果係坐下吹水都尚可接受，但CP值就唔係太高喇。

在旺角這個繁華喧鬧的地區，可以找到一個寧靜的地方，與朋友一起聚會是不錯的想法。這次是來到 Oasis Cafe & Party House，店內簡潔，不算很多人，而且有遊戲提供和免費Wifi服務，很合適三五知己留在整天，hea足成日款式以西餐為主，而賣相不錯，相機食先是常識吧~~~~(偷笑)這個卡邦尼煙肉意粉味道不錯再配上一杯暖暖的紅棗茶，杯子是一隻很可愛的兔子，好棒~~~~

琴日同個朋友去呢間餐廳食，入到去佢比左張幾張紙點餐，問佢地係咪有本menu，佢話果個係之前，以前係由家姐管，依加係果細佬接手。的確因為見到主餐牌做緊買一送一。主餐我地兩個都係叫左炸雞配意粉果個 (我唔記得叫咩名)，而飲品我地叫左小天使(茶)，仲叫左果小食拼盤。果茶味道偏淡，但果小食拼盤幾好食，果麥樂雞有調味。到上左果主菜時，擺盤，而果炸雞唔錯，果意粉連醬食落酸酸地，都可以接受既。總括黎講，呢間餐廳我只會食一次，因為果地方同環境、餐牌既選擇少。

是咁的，即興同個同事O完T食飯，想搵個舒服啲嘅環境食嘢同講是非！ 結果誤打誤撞就去咗呢間樓上Cafe！ 經訂檯有主菜半價！ 抵！ 我哋啱啱好兩個人，只係比咗一份錢就有兩個主菜！ 我哋就叫咗安格斯牛肉漢堡同明太子大蝦意粉，再叫多左個手香草蜜糖雞翼！ 等嘢食嗰陣仲可以玩佢Board Game漢堡係真牛肉！ 薯條超級好味我哋冇得坐梳化位，但都OK舒服好味！ 呢個係Oreo唔知乜嘢! 甜左少少呢杯薄荷朱古力總括嚟講呢間野嘅性價比都唔錯，喺旺角想搵個舒服嘅地方傾吓計，呢間係個唔錯選擇！ 其他好多樓上Cafe都唔係好着重食物質素！ 但係呢一間有中價西餐味道！ 真心OK!

店舖環境溫暖，座位空間都多，有不少卓遊供應。今日光顧，客人餘數，冷清得很，心想質素一定不好，所以沒人來。實不如此，雖然，食物款式不多，但質素卻很好，我與朋友聚餐都大讚好味，意粉味道濃郁，意粉經過與醬油撈炒，所以比一般餐廳都更入味。我朋友一個人食了三份意粉，我自己都先後食左兩份，意粉魔力太吸引。我等五人，由7點用餐至12點半，多長的時間，服務員無間斷為我們點用之花茶一一加水，服務員相當有耐性，有禮貌，很用心。本次聚餐我和朋友們都很滿意，希望下次光臨，會加新款食物。

今次係第二次來Oasis cafe，之前嗰次係朋友介紹我嚟嘅，今次我就介绍另外兩個朋友過嚟， 上次呢個我覺得好好味所以就推介朋友一齊再嚟！今次吃的是吉列雞排辣漢堡餐及芒果沙冰。先說兩者賣相不差，能引起食慾。跟餐沙律菜非常新鮮，薯條香脆，而主菜吉列雞排辣漢堡，麵包上蒜蓉和牛油比例剛好，麵包烘熱時間適中，使麵包軟滑得嚟有啲香口美味，正！雞排上的辣味醬汁可再辣些，對於喜歡吃辣的我略嫌不足，吉列雞排好脆口，整體而言，值得一試。芒果沙冰甜度剛剛好， 而且有好香嘅芒果味仲有啲果肉添 ! 至於另外一個朋友就飲咗杯oreo奶昔，個賣相好吸引，佢畀我試咗一啖，超好味，不過我已經叫咗芒果沙冰，下次一定會揀oreo奶昔， 超好味！

星期日一家四口去Oasis Cafe食lunch,地點喺旺角先達樓上，都算易搵 。坐低叫咗杯芒果嘅飲品，個名唔太記得，只記得叫咩咩夢幻，幾好飲，唔太甜，味道好清新。仲要咗個安格斯牛肉漢堡同明太子意一粉，味道好好味，牛肉漢堡好大個，牛肉D肉汁好Juicy, 仲配薯條同黑醋沙律，其實最好就係嗰度有啲board game 比我哋一家一路食一路玩，真係不錯嘅親子時間，輕輕鬆鬆就hea咗2個鐘，埋單都係2佰鬆啲，極力推介。

前兩日係旺角附近行街，見到有少少餓，所以就上網係open Rice 度揾附近有咩餐廳或者cafe食野，俾我揾到le間Oasis cafe，上到去發現環境幾舒服，大多數都係沙發位，位與位之間又幾闊，坐得幾舒服。燈光充足得黎，帶點柔和。坐左陣就叫左個明太子意大利粉，味道很好，再加少少檸檬汁，嘩！超好食，D蝦重好大隻，食落去好新鮮。最後叫仲左個凍蘋果綠茶，甜度適中，適合所有人飲，值得再嚟食多次，openrice網上訂位，主菜仲買一送一㖭！超抵食！下次一定會帶D朋友過黎一齊食。

book左今晚枱 當日晏就先話比人包場 臨時臨急取消booking 一早知比人包場就唔好開放比人book啦👹👹👹👹👹👹👹👹👹👹👹👹👹👹👹

💁🏻‍♀️Oasis Cafe & Party House (旺角)🍴-大同reu到呢間樓上cafe吹水，座落系住宅大廈入面，有好多旅客住呢到，等𨋢等左一段時間先上到去。🤦🏻‍♀️入到去，環境都幾闊落，亦算靜，坐落幾舒服，🙆🏻‍♀️老闆好熱情問我地食咩，好friendly.呢間cafe冇set meal叫，所以我地每人叫左一樣野食😀-日式饅魚炒飯🍛（$80）上菜幾慢，等到肚餓都未有野食，個飯係蛋包飯，炒得幾惹味，饅魚都幾香，但份量個人覺得可以多啲😅呢個飯lunch set只係$55，夜晚來食貴左勁多😵😵😭之後仲叫左個藍莓果🍓花茶（$55）味道還可，但樓上cafe啲野飲真係有啲唔抵😢/📍 Oasis Cafe & Party House (旺角)#旺角 亞皆老街83號先施大廈4樓406室#小丸子搵食記 #小丸子旺角-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #樓上cafe

約左朋友聚一聚 就揀左呢間樓上Cafe 地點其實真係一般般 外面又黑又舊又暗 自己一個人行上去都驚驚地但入左去就完全吾同晒啦 完全兩個世界黎 地方清靜 啲梳化都好好坐 亦有正常嘅card games同棋果啲 星期六7：30pm去 竟然全晚計埋我地只係得3至4枱人 所以好好 吾嘈 成班女仔圍埋傾下偈就啱晒講番啲野食 食左黑松露牛肝菌漢堡飯 賣相正常 個碟係有少少平凡 但味道真係吾錯 漢堡有肉汁 夠味亦吾會太咸 個汁亦都散出好足嘅黑松露同牛肝菌味 松露控必試 份量足 加埋飲品好夠食 飲品亦有特色 配搭吾吾會奇奇怪怪咁另外亦叫左拼盤 新鮮炸出黎 好香脆 最愛係炸帶子 咬落去有肉汁架總括黎講 cafe野食質素高 價位正常 任你坐幾耐都得 真係幾滿意

之前就有朋友介紹我過黎旺角呢間，party house ，話呢度好抵食又可以坐好耐傾計。咁我哋就約埋舊同學一齊，系度坐下食下嘢咁。我自己就系度叫咗個卡邦尼煙肉意大利粉，好食嘅。上面仲有個滑蛋，d汁同蛋黃撈埋一齊去拌意大利面，真系唔錯。d料又落得好足夠，一份面都已經食得好飽。味道都好好食嘅！我最喜歡嘅系佢哋嘅環境真系好舒適。又可以望住樓下嘅鬧市。如果人多嘅話仲可以一齊完桌遊之類嘅嘢，叫一杯飲品就可以坐好耐，抵。

一入到舖頭就見到有兩隻兔仔，不過好彩唔係太大陣味，可能我地比較早去到，所以全間餐廳都未有人 ，所以任我哋揀枱坐，五個人畀咗張梳化為我哋坐，啲座位都幾舒服，我哋叫咗四份晚餐加一份小食諗住share食，叫左兩個飯同兩個天使麵，老實講天使麵味道真係麻麻地，唔太好食，但反而龍蝦汁燴飯同焗海鮮飯就唔錯，可能人手唔夠，因為見到其實做嘢嘅廚房加樓面似係得兩個人， 所以出餐真係慢慢得有少少可怕，每一個面每一個飯都隔咗一段時間先出到，最意外嘅係叫我地咗個小食拼盤，其實啲嘢食應該全部都係放落炸爐炸，但係居然落左單一個鐘都仲未整，於是我哋就取消咗，因為其實個小食我哋係預呢一邊食飯麵一邊食小食，四個嘢食加埋嘢飲 前後用咗差唔多一個半鐘，所以出餐嘅時間真係耐咗少少，嗰一個半鐘入面啲嘢食係每隔20至25分鐘先上一碟，不過呢間餐廳最難得嘅就係只係有兩個職員做嘢，後尾坐下坐下幾乎全場坐滿，所以的確有少少忙，但係個職員都仲可以一直保持好好禮貌好好態度，食物出得慢可能因為人手唔夠，但係人手唔夠亦冇改變對客人嘅態度，呢方面真係好值得稱讚，唯獨需要改善嘅真係出餐嘅時間

前排就同老友們出黎聚下，食到呢度嘅 黑松露醬忌廉珍珠帶子天使面，我覺得系值得推薦嘅。呢排市面上面多咗好多黑松露料理，但系d'料又真系落得好少。。。。但系呢間cafe嘅黑松露帶子意麵就真系好足料，d黑松露好多，拌系個面度，啖啖面都可以食到黑松露嘅香味。仲有個帶子，好好食，都好多個，好大隻，入口好鮮甜，好嫩。d意大利麵又煮得啱啱好，不會過硬，亦唔會話無嗮口感。忌廉汁同d食材一齊就更加凸顯食物嘅風味。。。。