屋喔 (Closed)

今日係銅鑼灣上班，午餐約了同同事去金百利食lunch，去了O casa越下台灣風味。各人分別點了鹽酥雞肉燥飯，古早味牛肉湯麵同豬軟骨肉燥飯等。整體環境清靜好舒服，服務都好好，各款食肉燥飯同事們都讚好，豬軟骨好香又大份，鹽酥雞好脆好香。不過我的古早味牛肉湯麵係好正～不過就份量就小了點，如果可以多小小肉同麵就完美得多，三小件牛肉都好入味又香口，麵都好爽好有嚼口。午市餐依個價都可以接受⋯⋯但個麵有改善空間（如多小小麵）

來到半年一次sogo作戰日，更係要為進入購物戰鬥mode作好準備，所以就先到對面金百利搵間餐店醫醫肚再去拼命，今次亂撞入屋喔 O'Casa。見個名咁西化就以為呢度食西餐呢？我都被fake! 坐底見到menu先知原來係食台式美食，呵呵！ 我同朋友同佢媽媽叫左二個set lunch 三人share，分適岩岩好。叫左有鹽酥雞肉燥飯、豬軟骨肉燥飯（各$64再加一）再加飲品！價錢相當經濟，而且環境十分舒適。肉燥好好食，肉粒、冬菇分量都唔少，最好用來撈飯，真係好正。豬軟骨炆到好入味，好lum，食落唔覺膩，但個鹽酥雞就麻麻地啦⋯⋯因爲攤凍晒先囉出來，食落唔香口，肉料唔嫩滑，呢到要扣分。飲品我地補錢叫左杯水果茶同洛神花山楂茶，二杯飲品上既時候都唔夠熱，放先之後雖然有蠟燭keep 煲住都係幫助唔大，而且水果茶味道一d唔出，都幾失望，好在杯洛神花山楂茶還可以，都幾好飲。

晚餐時間多數都系book位安全啲book 左星期1晚既7點半因為ot關係 差不多7點10先到上去前confirm多次仲有無枱好彩仲有先至上去。地點方面 系正金百利上面其實好方便cwb亦算系各地方既中間點。去到人流無想像中甘多menu方便比較特別有台灣set 同西餐set朋友中意食唔同野都得每個set包湯/沙律1個main course1杯$14/以下野飲。我叫左個3重芝士既risotto同有杯香芋奶茶risotto 不錯就算3重芝士都唔會覺得"溜"唔會有硬飯份量亦幾岩女士而香芋奶茶就幾香芋頭味不過1個set甘叫就真系會好飽女士們可以同人share/單叫。。飽住走都系128 未加1唔錯!

睇完戲好肚餓，諗住咁肚餓食乜都應該好食，呢個諗法原來係錯嘅🙄平時見呢間食評都唔錯，咁一於入去試下啦，同男朋友嗌左一人一個set dinner。Sorry成餐無影相，因為賣相唔吸引所以都費事影..先黎餐湯， 味精湯加d菜咁， 都算， 諗住咁嘅價錢就咁上下，希望其他野食會好d啦..小食: 滷水雞翼👉🏽正常溏心蛋👉🏽還可以啦主菜: 胡椒牛肉(好似係咁嘅名🤔)👉🏽同茶餐廳是日午餐嘅黑椒汁牛柳一樣，雖然肉質係淋，但普通茶餐廳仲好食過佢三杯雞👉🏽 一食都幾香有鑊氣，心諗終於有一樣係合格，但食落去唔對路，d雞煮得老左， 肉質又鞋， 食左一半都唔想再食..飲品: 棉花糖朱古力👉🏽 係普通朱古力加d棉花糖響面.. oreo奶茶👉🏽還可以.. 但太多粉， 飲飲下都唔想飲lu.見好多食評話服務態度差，好彩我又無遇到， 只係d waiter/waitress唔係醒目果d😆結論: 原來唔係好肚餓食咩都變好食... 食茶餐廳都好過呢間

踏入金百利廣場的３/Ｆ，首先見到的就是這間＂屋喔＂。店堂很大，門口被花簇擁抱著，店內的光線幽暗雅緻，座椅之間有足夠的空間，下午茶時間顧客很少，門口不見侍應帶位，顧客要自行走入店內搵位坐，然後叫點菜。［四季蔬菜薄餅］HK$ 82 另收加一。賣相麻麻，三色蔬菜＂蘑菇、粟米、菠菜＂分佈得不均勻，芝士的拉絲效果也不明顯，味道不鹹不濃，淡！［珍珠奶茶］HK$ 32 另收加一。奶多茶少，顏色偏白。其實這間餐廳的價錢不算低廉，環境又不錯，只是供應的食物無論從賣相還是味道都不敢恭維！

我一直知道屋喔係一間主打食台灣菜既餐廳，但係呢一日係我第一次食，上網睇餐牌先發現原來佢同我一直以為既野大有出入，大部份既野食都好西式😳不過呢日冇話特別想食台灣野，所以就算冇咩台灣菜都吾緊要😳👁‍🗨 黑松露野菌蚵仔燉飯 (7/10)💲78我呢個黑松露愛好者+菇控其實係未離食之前，上網見倒個餐牌有呢個黑松露野菌蚵仔燉飯就已經自行揀好左要食佢😂雖然目測只係見倒碗飯既面頭得一堆黑松露，但係其實個飯本身都有用黑松露去整，所以再撈埋飯上面既黑松露離食，碗飯就充滿左黑松露味🤤意外既係蚵仔份量比我預期中多，可以話每食兩三啖就會食倒一隻蚵仔，份量真係夠哂，而且仲同黑松露幾夾Tim🤓食完成口都係黑松露味呀😂至於同行既朋友想食牛肉麵，但係係普通餐牌入面就冇牛肉麵呢樣野食，所以唯有叫個套餐😳👁‍🗨 古早味牛肉麵 (台式風味套餐: 魚湯時蔬+前菜+主菜+$32或以下之飲品) (7/10) 💲108個麵一到，我呢個吃貨當然偷左少少離食試下係咩味啦😛所謂既古早味其實得個名，加左個古早味就令到成件事好似好味d升級左咁，實質上同平時食開既牛肉麵冇咩分別，味道吾算濃，亦都吾意外地食得出佢整得吾夠正宗，不過整體上吾差既，麵

講真，唔係因為鍾意周圍試，一定唔揀呢度。朋友想食台灣嘢同Waffle, 所以我揀咗呢度，佢啲set lunch 真係唔敢當，揀無可揀試下佢個鹽酥雞糖心蛋肉操飯，但真係麻麻地，唔好食，唔知係因為唔酥唔香唔脆，定係只係唔係我鍾意嘅類型。而肉操飯完全唔係我諗咁樣，佢啲肉操就只係一pet汁，其實冇乜肉碎喺入面。可能係我唔識嘢，原來肉操係咁嘅至真？！我叫嘅嗰杯玫瑰薄荷甘菊茶先難飲到暈。以後唔會再叫呢個，或跟本唔會再黎。再者係佢哋啲waiter/waitress好唔專業，叫極都唔過黎，又漏單，我明嘅，而家啲後生最好係乜都唔駛做就有錢收。唉！

星期六銅鑼灣食飯周圍都多人，見依間唔洗等位，餐牌又好多選擇，於是入去試下。叫咗一個set，$108，前菜揀，切得太細粒，冇咩口感。麻辣分數係小，接受到。仲有，菜夠淋，湯夠清。主菜揀咗，好快上菜，但係暖的，感覺似快餐店煮咗好耐，客叫就裝碟。牛肉好淋，醃咗好耐，有d咸，份量算多，但唔好食。飲品補多$6要，有d太甜，野莓味道好假，食得出係用糖漿，唔似咖啡弄真材實料，唔夠fresh。另外散叫咗，熱辣辣上菜，味道唔錯，creamy得黎有微微海水咪。煙鮭魚有兩大塊，味道合格，唔會死咸。總結，今餐味道中規中矩，不過不失，冇咩驚喜/特別，下次再去銅鑼灣，留肚試其他。

下午茶叫咗個鹹酥雞肉燥飯，肉燥汁份量略少，飯就大大碗，個汁係幾唔錯既，一啖飯一啖肉燥汁，食到舔舔脷。反而鹹酥雞一口咬下，雖然係炸得非常酥脆，但完全沒有味道。仲配咗一粒滷水糖心蛋，蛋白非常入味，蛋黃係膏狀，口味同口感都係棒棒的🤗隨餐奉送一杯32蚊以下既飲品，我就揀左Taro 奶茶，真係十級甜，無誇張，感覺係飲緊十幾粒糖粒。總括來講比起其他食台灣野既餐廳，下午茶喱個價有點略貴，因為仲要加一服務費，埋單加埋都七十幾蚊。

繼上次超級難食RBTea慘痛經歷之後..今日再次喺金百利中伏...其實之前都去其他分店都食過..銅鑼灣店就第一次.. 我個friend不嬲自稱劣食王..佢都食到汗顏😰😰明太子Carbonara..係有史以來食過最難食嘅..我有理由相信廚師手快快落錯左茄汁去煮...但基於唔想浪費嘅情況之下再加番啲白汁落去溝淡佢.. 但係當茄汁遇上明太子嘅時候..個味道都幾難堪..真係食到面都青埋🤢🤢 棉花糖朱古力..係水嘅味道出過朱古力味嘅..嚴格嚟講係要用心先感受到啲朱古力味.. 總之呢餐飯就等於佢餐廳名一樣 ...發誓名單有多一成員..

晚餐多選擇，不同風味也可以選擇頭盤凱撒沙律和西蘭花忌廉湯沙律d菜好香脆，翠綠清新，加埋醬汁十分清新個湯好香好濃，西蘭花味道好特出，幼滑的忌廉湯帶著粒粒口感主菜是烤安格斯肉眼牛排，牛排好大塊，估唔到係銅鑼灣可以食到咁抵食，入口林林軟軟，牛味鮮而十足，味道豐郁，切開牛排中間粉紅色的，廚師功力一流。薯條大條又脆囗，薯味十足，真份禮物材料珍珠奶茶大大Jar, 解渴香滑，不會太甜，茶味保存，清新口味甜品的士多啤梨奶凍，好大大舊，甜甜又清新，奶味十分濃郁，士多啤梨味突出奶涷的軟滑

星期二夜晚同朋友行完銅鑼灣 想搵個近d既地方食野 就去左呢間台灣野試下 Dinner set 有台式同西式野選擇 我叫左三水雞個餐 前菜我簡左雞翼 感覺一般般 d雞翼未夠入味 尚可 三水雞 真係要俾個讚 材料十足 食左好耐都食唔曬d肉 最後飽到要俾埋大食朋友食 汁濃 肉唔老 朋友叫左西餐 蠔湯呢個真係好正 淡淡蠔味 唔會太稀/太結 有黑松露 多多少少對個飯有d期待 好彩食落都好ok 我最後搶左朋友呢個飯黎食士多啤梨沙冰 同 荔枝綠茶 唔錯 士多啤梨唔會太酸 消暑一流 荔枝綠茶 黎個陣未攪勻 一開始飲落好淡 不過攪左之後d甜味返曬黎 埋單2xx 咁既份量同質素我覺得好值 岩曬行到好攰又唔想去到咁遠食既人

伙計面口差到不得了，特別係相片中短褲女侍應，係咪同客人有仇呢？木口木面講嘢無尾音，企喺度hea到爆，最精靈就係企喺廳面玩手機嗰刻😣反而藍色衫睇落係Junior 嘅男仔態度仲好啲，幾好食都無用!梗何況普通過普通👎

經過一番努力之後，排山倒海嘅工作，差不多完成得七七八八，暫時可謂舒一口氣，認真可喜可賀！周末終於唔使點OT，慢活嘆番個relaxing lunch了！近近地，去銅鑼灣試試「O'Casa」呢間台式fusion cafe先我倆下午兩點左右嚟到，隨即入座。餐廳設計簡約casual，特別適合放假揾地方「hea」的。Lunch時段有set lunch供應，包埋飲品，划算得很！就揀台式洋風滋味套餐試試1. 黑松露野菌蚵仔燉飯$82: 碟飯香噴噴，好重黑松露味，野菌、蚵仔都唔少，奇妙在於黑松露與蚵仔燉飯嘅搭配; 蚵仔嘅鮮味與香氣四溢嘅黑松露雙重奏下，奏出蚵仔嘅鮮甜！燉飯濕潤油亮，味道濃郁好食！2. 紅花蟹肉意大利濶條麵$82: 蟹籽多過蟹肉，濶條麵太乾身，欠缺滑溜感，整體味道過淡！每個set包$32飲品一杯~3. Coffee Latte: 柔滑感一般，奶香不足，咖啡味淡！4. 草莓玫瑰乳酸: 有草莓嘅甜味，但乳酸太稀！整體僅屬一般，不過平平地一餐都ok嘅。

平日下午茶時段的銅鑼灣，依然有很多人來金百利覓食，而我們今天來試台灣菜。一人點一份下午茶餐，目標一百元下樓。屋喔牛肉麵中規中矩，牛肉軟得無牙老人家都能吃。黑松露野菌蚵仔燉飯賣相就⋯，味道都ok,黑松露通常不太差，蚵仔小小的幾粒珍珠奶茶是跟餐配的，叫少甜，味道可口香芋奶茶都是跟餐的，但很明顯用粉沖的，太甜，這杯單點要$32為何不到天仁x茶買？我只飲了一口！還有，這種杯不是壺嗎？想我怎樣喝？下午茶花了$105，銅鑼灣來說會有更好的選擇。