屋喔 (Closed)

我呢啲新界妹成日覺得去銅鑼灣食野想坐得舒服少少點都要成舊水走唔甩O'saca中位價 食台式野同西洋野最緊要坐得舒服環境燈光同氣氛都正👍🏻Lunch & tea menu 👆🏽同區相比價錢算合理豬軟過煮得好淋 但得兩舊仔 有啲唔開心麵就真係勁普通 759啲刀削面可能正啲湯有少少藥材味 有台灣feel😻鹽酥雞糖心蛋肉噪飯 簡直可以用正形容menu上最平既餐亦係最好食既餐雞炸得好脆且唔硬 炸粉幾正所以餐都包一杯$32既野飲 多左補錢就得所以好多野飲揀 唔係得奶茶咖啡玫瑰咖啡泡打得唔夠密 個圖案未上枱就花左玫瑰味 聞落去都香 但唔多飲得出玫瑰草莓Latte呢個正呀！好似玫瑰味既士多啤梨奶咁👍🏻

久不久就會想念台灣的味道，得知銅鑼灣有家主打新派台菜的餐廳，就拉著友人去試試了。到達時還只是六點多，未到繁忙時段不用排隊，太好了！餐廳設計簡單但不乏窩心設計，椅子下有個小籃子可以放袋，咁就唔洗攬住個袋食嘢咁麻煩啦～同朋友各自點了個晚市套餐，我選了黑松露蚵仔燉飯，而朋友則點了咖哩鳳梨雞柳燉飯，另外仲叫咗個鹽酥雞。而飲品方面就叫咗杯珍珠奶茶同蘋果乳酸。晚市套餐包括沙律同餐湯，沙律的菜新鮮灑上芝士碎，是日餐湯為南瓜湯，湯blend得細膩，放入口中，陣陣南瓜夾著奶香散發出來，我很喜歡。再來是黑松露蚵仔燉飯，燉飯的蚵仔數量很多，基本上一口至少有1-2粒，這樣的價錢都放上足料蚵仔實在抵讚，一碗吃下去，飽得要摸著肚子坐。我試了試朋友的咖哩鳳梨雞柳燉飯，原以為菠蘿同咖哩是風馬牛不相及的兩種食材，怎料到搭在一起可以得出這麼驚喜的味道，果然是新派台菜。最後是鹽酥雞，外皮穌脆內裡鮮嫩，有台灣夜市水準！而且價錢相宜，份量卻很大，我同朋友最尾都吃不完。吃完這麼多美食後，飲一杯台式珍珠奶茶簡直是滿足。

今個星期六要加班，放工約咗朋友去銅鑼灣行街，所以午餐我哋都去咗銅鑼灣。金百利大廈其實好多新嘅食肆，以前一樓到三樓都係買衣服為主，依家零售市況冇以前咁好，3樓都變咗餐廳。我哋到達時已經係兩點半，餐廳唔太多人。呢度以台式為主，但都有少少fusion菜。我哋兩個女仔叫咗一個主食再加兩個小食，首先來到的芝士墨魚餅。超級新鮮超級熱，眼見芝士份量多到好似湧晒出嚟！墨魚餅炸得金黃，超熱！入口超脆。墨魚餅中間仲有啲煙煙韌韌嘅墨魚肉！好好味！另外仲叫咗個木魚七味鹽酥雞！同樣係炸得超級香脆！雞嘅肉質都好滑！名副其實外脆內軟。加上少少七味粉同埋木魚就更加惹味！我哋叫咗一個午餐，就係呢個黑松露野菌蚵仔煮飯。份量超級多， 我哋兩個女仔食唔晒。野菌同埋黑松露味好香，但係原來加入一啲蚵仔都好夾！飲品我叫咗水果茶，用上Lipton 茶包，好香 不會過甜。入面仲有大量嘅水果！其實只係兩個小食加一碟飯，但每樣嘅份量都好多，質素不錯，兩個人都食唔晒。來銅鑼灣有多一個好選擇。

今天是和老公💏一個月的日子。我們到銅鑼灣逛Ikea，之後走進金百利商場一間餐廳吃飯。餐廳的裝潢設計挺舒適的，是休閒台式cafe風格。我們點了紅花蟹肉義大利闊條麵麵上沾滿紅花粉，橙紅色的，酸酸甜甜很開胃，闊條麵質彈牙，蟹肉和三文魚子很新鮮，拌勻後吃更有口感鹽酥雞排肉燥拌麵老公很喜歡台式食品，煎炸食物尤其熱愛。幸好鹽酥雞排不是全炸粉，份量很足，炸得脆脆的，肉燥拌麵味道也很配合呢蜂蜜芥末雞鎚這款十分推薦！蜂蜜芥末醬汁惹味，雞鎚炸得剛好，肉質嫩滑，很美味👍🏻👍🏻👍🏻冰藍蝶花青檸特調這杯飲品和老公一樣充滿浪漫感覺🤤顏色很特別，上半是透明的，下半是迷幻的紫色，青檸味道很醒神紫芋沙冰很香很濃的芋頭味，甜度適中，沙冰很綿而細滑。老公說很好吃，自己還再來光顧一遍，點了一樣的餸菜呢🙈傻瓜

喺銅鑼灣行街行到攰 搵個地方坐下食下啲小食咁樣。首先我哋就叫咗兩個麵食一個中一個西啦，一個就係台式牛肉麵。一個就係蟹肉意粉。先來一個台式牛肉麵蚊得都算林，而且牛肉湯無乜味精 飲多兩口都唔怕 粗身既麵好特別 掛湯能力高意粉嘅賣相相當吸引，配埋粒粒蟹子，口感好得意！不過我覺得個汁食食吓會有少少漏，如果落少啲汁會好啲，整體都係好味嘅，推薦！最後小食就係台式芝心墨魚餅，一切開真係有芝士流出來，好吸引又好好味！而且入面有一粒粒章魚，好彈牙！炸得香脆亦唔係太油！我覺得成餐飯最出色係呢樣 大家黎到要試一試！

晚上七點，餐廳入面竟然一檯人都冇仲好～唔洗食咁急Set dinner有台式set，也有fusion set。但由於唔太餓，所以單點就算了～最鐘意食鹽酥雞既我，當然是必要點一客。餐牌共有4款鹽酥雞供應，有傳統的、黑糖的、木魚七味粉和海苔。選擇困難症發作，又或是多人飯局的話，不妨試試左手面那個拼盤，看到端到人家桌上的也頗大碟點了黑糖薑母的～不是上了厚炸粉的那種，皮脆，肉沒有雪味，黑糖份量適中，甜甜的又不會太膩，然後來到的是西班牙海鮮紅花燉飯（$168）。除了紅花，還有其他3款供應，包括青醬、辣茄蓉和墨汁。燉飯賣相很好，色澤鮮明，大大的龍蝦更是搶眼焦點。份量足以2-4人一起吃😂😂幸好我們2人只點了2樣菜，2樣已經飽得很。海鮮有青口、魷魚、蝦和龍蝦，還有雞肉。湯汁略嫌微未收得夠乾，用米應該是普通的白米飯。吃龍蝦時，如果想食得乾乾淨淨，就要用手屍殺了😂由於餐廳人流不多，吃完還可以慢慢傾，慢慢坐二人總共242蚊，既吃到西餐，又吃到台式料理，滿足

早排過去第一次食，侍應服務好惡劣，我叫左野飲配芝士蛋糕，基本上我志在食件蛋糕，如果唔係唔會叫野飲，結果食完主菜叫佢黎甜品，侍應至話今日無芝士蛋糕，我話我落單個陣無人同我講，佢好串咁話'咁我依家同你講'，聽到真係火都黎！以後都唔會再黎，亦叫左朋友唔好黎依度！真係好嬲！

銅鑼灣金百利廣場又一新餐廳! 最適合美女們買完衫shopping完嘆一下。 開放式餐廳設計時尚、年輕化，椅桌配搭別具心思。椅下有籃放手袋，桌面用的是典雅的marble雲石紋，簡單得來大方，雲石控一定不會放過拍照的機會。2人來吃晚飯，嗌一份set dinner，一份散點的西班牙飯。我選了$102的一份set dinner。前菜有一份凱撒沙律，主菜是野菌奶油蟹肉意大利闊條麵，加$12有甜品。主菜野菌奶油蟹肉意大利闊條麵味道不錯，蟹肉多，比一般的闊麵味道鮮甜，而且不會太creamy，吃落不會有飽濟的感覺。奶油闊麵口感帶滑，份量亦不少。散點的西班牙龍蝦紅花鑊仔燉飯 $168 同樣美味。鑊仔燉飯原飯鑊上桌，龍蝦兩大隻鋪在燉飯上，未吃先興奮。整個飯紅椒味突出，煮出西班牙飯應有的味道，汁多味濃。吃至底部，龍蝦汁令飯味更香，鮮味十足。正所謂吃主菜一個胃，吃甜品是另一個胃。加$12(原價$32)就有一大杯義式奶凍，當然要吃! 奶凍有三款口味可選: 巧克力、草莓及芒果。我選了草莓味，奶凍上加入草莓醬，酸酸甜甜。草莓醬的味道雖與奶凍不太配合，兩種味道有點分離，但奶凍牛奶味重，有如北海道牛奶，口感香滑。飲品方

屋喔已開了幾家分店，今天來到銅鑼灣分店，一嚐新店開將的水準。這裡環境寬敞，有掛畫，有bar位，有卡座，舒適的光線，柔和的音樂。Set Dinner有雜菜沙律或凱撒沙律可選，我選擇凱撒沙律。主菜有飯有麵有扒。這次挑選了奶油蟹肉意大利闊麵，餐價$102。闊條麵粗幼剛好，奶油煮成的味道香滑，野菌帶香，食落有咬口，預先拆出的蟹肉加入闊麵，帶出蟹肉的鮮味，很花功夫的一道菜式。另外嚐了西班牙龍蝦紅花燉飯，$168的價錢亦很化算。兩隻開邊龍蝦用一個大鑊盛上，看得又吃得。材料有雞柳、青口、辣肉腸、青豆、紅椒……雞柳大大件，又嫩又滑;青口味道鮮甜;辣肉腸不太辣，帶出腸的香味;青豆及紅椒令飯味香甜起來。另外吃得出有淡淡的紅花香味，很有特色。這裡的飲品很特別，值得一試。近日台式飲品興起，大街小巷的餐廳都會發現一杯杯藍色的飲料，今天終於一試。一杯冰藍蝶花拿鐵，一杯冰藍碟花青檸特調。兩者都用蝶花命名，前者加入紅豆和cream，味道偏甜;後者加入青檸，清新開胃。餐廳到了十點半後仍然有情侶入座，而且侍應待客殷勤，服務不錯。

Me and my friend were looking for food during tea time, we were surprised when we received a flyer from "O'casa"; we didn't know they have a restaurant in causeway bay. Anyway, we were happy because they are Taiwanese food specialist and they also serve tea set during weekends!!!!!!! The restaurant is bigger than the one in Mong Kok so it was more comfortable. We both ordered a tea set each. Mine was the minced pork with beef stew, it smell so good. The beef stew was soft so as the carrot and ra

於銅鑼灣行街搵到呢間台式fusion 菜既餐廳，主打台式飲料同龍蝦飯，有卡位，環境寬敞，仲可以望到街景。胚芽奶茶走冰，甜度剛好，奶茶奶香味較濃，伴胚芽香味同有少少咬口，不錯。士多啤梨沙冰，有士多啤梨奶昔味，冰冰涼涼，很爽！帶子海膽燉飯，煎帶子好鮮甜彈牙，唔會過熟，海膽鮮甜味滲透飯粒，飯粒熟得剛剛好，略帶咬勁，是水準之作!蕃紅花龍蝦海鮮鍋飯，份量非常大，夠4個人分，有原隻開邊焗龍蝦，炒飯入面有雞柳，辣肉腸，青口，蝦等配料，龍蝦很多膏，非常滋味。鹽酥雞夠哂脆，咸咸香香，配炸脆左既9層塔，香味十足! 芝士墨魚餅亦炸得很鬆脆。甜品時間挑戰榴槤窩夫，熱辣辣窩夫上面加上榴槤雪糕，忌廉，棉花糖同士多啤梨，幸好朋友們都愛吃榴槤，可以一齊分享飯後甜品。閒聊過後，輕輕鬆鬆，埋單每人200蚊，價錢合理，服務不錯，是逛街過後落腳點。

好耐冇行過銅鑼灣嘅金百利商場，原來3樓開咗d台式cafe，甫上電梯就見到屋喔。因為朋友想食台灣嘢，睇佢menu價錢適中，環境唔錯，就決定入去試試。其實我去cafe都幾著重佢個環境，畢竟係"促膝長談"嘅地方，環境舒服絶對會加分！而屋喔店舖幾闊絡，枱與枱之間有一定嘅距離，我同朋友都坐得幾舒服，講嘢又唔怕隔離枱聽到食物方面，其實佢晚市有d set dinner都幾抵食架，$88(台式)/~100(西式)，有菜/沙拉、前菜/湯、主菜、飲品，可加錢加甜品。但因為menu上有其他嘢想食，所以我哋都係散叫，叫咗屋喔牛肉雜錦沙拉、黑糖薑母鹽蘇雞、黑松露野菌蚵仔燉飯、野菌胡椒牛肉闊條麵。餐廳上菜速度幾快，食物水準亦唔錯，我最最最推介嘅就係黑糖薑母鹽蘇就係佢啦！！啱啱上枱嘅時候熱騰騰、脆卜卜咁超香口，但唔膩，雞肉唔肥但好滑，上面嘅汁甜甜地帶有絲絲薑味放耐咗，香脆感覺依然另一個心水推介就係屋喔牛肉雜錦沙拉，佢有放黑松露，一上菜就飄來陣陣松露香上面嘅牛肉燒得幾香，唔"鞋"又唔靭，而個溏沁蛋，一睇佢嘅色水就知好味啦呢個黑松露蚵仔燉飯係fusion菜，同樣係有松露嘅香味蚵仔好甜，冇overcooked，個飯好cr

今日和朋友一起在銅鑼灣聚會～ 金百利廣場有好多食肆，這間餐廳好像是新開張的，我們就選了在這裡晚餐嚕～裝潢很精緻開揚我們甫坐下店員就送上Menu、水杯和餐具。以為這裡是台灣餐廳，誰知看menu才知道除台式料理外也有很多其他洋風食物～例如pizza、意粉等等我們點了一些小食和兩個主菜一起share來吃，可以試多點菜式。左上的鹽酥雞好香口惹味！右上的鹽酥花枝餅有芝士夾心，很特別。下方的主菜也不錯！左下是加拿大海膽干貝燉飯，右下是西班牙龍蝦紅花鑊仔燉飯，兩個都超大份超足料，吃的好飽哈哈雖然已經吃得好撐，還是要來試試甜點！這個是榴連pancake，好鬆軟哦。榴連口味雪糕配上pancake一點也不奇怪哈哈，意外驚喜。這裡坐得很舒適，適合和朋友來聊天聚餐哦，而且吃了這麼多東西和點了特飲價錢都是人均$200左右，很抵食。

如果想喺銅鑼灣食平少少，我會揀金百利價錢平啲～ 選擇都多～ 三樓有間食台灣嘢嘅屋喔，店名好得意 😂呢度嘅台灣食物係多啲新花款㗎喎有流心芝士嘅鹽酥花枝餅夠哂脆口，同埋都幾多芝士㗎鹽酥雞都有好多唔同口味（有黑糖薑母、紫菜等等）不過我有選擇困難症就揀咗原味 😂味道唔錯，入面仲好有肉汁最得意係呢度有 spanish cuisineseafood paella 食得多，大大隻龍蝦咁霸氣就真係第一次試 💪🏻加拿大海膽帶子 risotto 個帶子超厚，海膽汁嘅 risotto 好好食 😋berry yogurt smoothie 整得好靚，勁大杯berries 完全唔酸，好好飲 🍹

本來上來這層是想吃Rbt作晚餐，但見隔離的用餐區，設有台式家常晚餐，有飯有餸有燙青菜，比起意粉waffle之類，對胃口一點，便坐下叫了一個set,  前菜點了半熟蛋配沙律菜，主菜要三杯雞，另外加錢，將餐飲轉冰水果茶。魚湯燙青菜及半熟蛋沙律先到，一看賣相，心涼了一截，第一那個魚湯青菜中有多粒杞子呈黑色，另外半熟蛋形狀，像是用極鈍的刀，切至扭曲，又或是初次入廚的幫工下刀，下面的菜，亦貼近無調味。幸而，入口又不算太難吃！主菜三杯雞用大碗上，熱度、賣相、份量，味道，都可以，只是缺了台灣三杯菜式的那份甜及略油，在有口感不錯的米飯相伴及用魚湯冲一下，問題也不大。最後點評一下冰水果茶，賣相是可以的，不過茶淡之餘果汁味又不突出，且主調是話梅，入口有點鹹鹹的，不是我喜愛的水果茶味道，還是喝回咖啡弄、Dazzling、甚至UCC好些！雖然晚市套餐可加少許錢，便能品嚐不同蛋糕，對於嗜甜的我，本來是極吸引的，但由於對這兒出品信心欠奉，便決定於晚餐後，轉場再吃。可能這兒其他菜式或飲品會精彩一點吧，但這是一間不會令我想再光顧的店！