屋喔 (Closed)

今日同啲同事一齊食下午茶，我哋一行六人，叫左兩個卡邦尼意粉，3個牛肉麵，一個黑松露飯，本來啲野食都幾好食，但嚟咗兩個意粉一個麵之後，其他個啲野食等到食完都未嚟，問個女侍應有冇漏單，佢成部機隊埋嚟比我睇，佢個樣等於答我都廢事，仲要全程黑面冇乜反應，講野又細細聲，但唯一冇咁唔滿意既係，佢同其他侍應一視同仁，無論對乜野客都一樣全部黑面!!!咁既服務態度，仲要收我加一，我真係唔想比囉…希望老細會搵啲有番啲水準啲人啦

哈哈哈，台灣食品和飲品，在香港都好受歡迎，不用去台灣都食到台灣特色又普通又好地道的食物門口放上好多裝飾，簡直視覺享受餐廳環境優雅又寬敞，入去坐落好舒適，適宜三五知己談話，椅下有位置放手袋或隨身物品，餐廳好顧及客人的需要，抵讚叫一些午市套餐:豬軟骨超軟身又入味，好好味，配上扁麵~爽口又彈牙雞肉炸到香口鬆脆而不油，咬落發出清脆聲音肉排骨可口脆皮，配彈牙扁麵配上三杯少冰少甜飲品，超級涼快好滿足啊～食飽飽又可以返工衝刺

行完百貨公司，血拼完成身散左，係附近揾到間環境唔錯嘅餐廳頭盤揀左雜菜沙拉，沙律菜新鮮，無發黑或者發黃，睇落翠綠有光澤，咬落脆口鮮嫩味道鮮甜拌住飲嘅西蘭花忌廉湯，有西蘭花的精華，混合忌廉香滑，口味不錯主菜就叫左香烤大雞排，大大塊雞排，超出我估計的大，肉又厚身，雞排好入味，外面好香脆，肉質好林好滑，咬落有肉汁，不會烤得過火。拌住的豆、菜、紅蘿蔔就清清地，中和雞排的肉感叫左熱水果茶，成個壺同杯好高貴，飲落茶中有香香的混合水果味道，好fresh另叫了北海道芝士餅，芝士味道濃郁，入口軟滑，好好的吃了一餐

起初是從銅鑼灣發現這間餐廳，後來試食過銅鑼灣和旺角，發現都是銅鑼灣比較大點，食物款式比較多花款一點，所以便約一班朋友來聚餐。這次因人數比較多，服務員也很細心， 特別安排一個閣位接待我們。我們12人每人點選了一款套餐，因套餐比較便宜一點，前菜沙律，餐湯，飲品和甜品，不過有點東西是台式套餐不包括，這是有點遺憾。包括的東西有點要附加費用，而旺角分店餐牌也有點不同的，所以請大家留意。是日餐湯超濃郁（西蘭花忌廉湯），這湯好好飲。而且這店的飲品也唔錯，夠特別，款式多。這個黑松露蚵仔燉飯，一定要食，因料足夠，而且很特別。咖啡鳳梨雞柳燉飯都可以，不過唔夠黑松露蚵仔燉飯好食。這兩款pizza 也唔錯，那不勒斯和辣肉腸考雞，有外面專門店水準，而且啲芝士濃味很多。這兩款就麻麻地，屋喔軍艦排（薯菜）和辣肉腸明蝦茄茸意大利麵，個排其實夠大份，但無什麼特別，而意大利麵味道不太好食。這個明太子卡邦尼闊條麵也要必食，因個汁加上明太子，配搭非常美味而這個烤安格斯牛排，無什麼特別，感覺唔似食緊安格斯牛，不知是否7成太熟而且沒有 juicy既感覺，有點失望terimisu and cheesecake正，巧巧味，個樣又靚仔

上次係中環食過ocasa已經對佢既西班牙龍蝦海鮮鑊仔燉飯念念不忘，今日係銅鑼灣行街竟然發現原來金百利都有ocasa分店，即刻拉住朋友入去食！我地叫左一個明太子卡邦尼闊條麵Dinner set配餐湯同沙律。忌廉磨菇湯既質地好滑好creamy，仲有好多磨菇蓉。凱撒沙律既沙律菜好新鮮，配埋香脆既麵包粒粒，沙律醬同芝士粉，口感有層次又有好香芝士味。明太子卡邦尼闊條麵好多汁，食落一啲都唔怕乾身，味道仲好濃郁，有好香奶油味。明太子既份量都唔少，原來卡邦尼配明太子食落味道都幾夾，一啲都唔覺得溜。闊條麵煮得啱啱好，麵質彈牙。因為上次已經試左西班牙龍蝦紅花鑊仔燉飯，我同朋友決定今次試下第款，就叫左西班牙龍蝦青醬鑊仔燉飯。個燉飯一樣係有大大隻炸過既龍蝦係面，加埋好多海鮮配料，賣相一樣咁吸引。龍蝦既肉質紮實彈牙，好入味。青醬既味道幾得意，係香草既味道夾雜住一啲果仁味，幾清新。不過今次既燉飯汁味道比較淡，鐘意食濃味既朋友可能會鐘意西班牙龍蝦紅花鑊仔燉飯多啲。由於朋友係pizza控，佢就叫左呢個辣肉腸烤雞薄餅。Pizza既面頭鋪滿芝士，而個薄餅底就似麵包，有好香既麵粉味，咬落好鬆軟，個底就焗到脆卜卜。充滿驚喜既

銅鑼灣金百利，不嬲都知有好多好野食。今次就同朋友黎食屋喔。哈哈， 係呀，食過番尋味！😂不過當然係想試下其他野食啦！ 先黎嘅係凱薩沙律同埋蘑菇忌廉湯。個沙律有好香嘅芝士味，而個湯都十分濃郁，唔錯！ 👍🏻明太子卡邦尼闊條麵 $78-- 呢個闊條麵係一個套餐黎嘅，就係配埋之前介紹過嘅凱薩沙律同埋湯，所以都幾抵食！麵方面呢，個卡邦尼汁真係幾好味，有幾有奶油嘅香味！ 😯西班牙龍蝦青醬鑊仔燉飯 $168-- 今次試呢個燉飯，個燉飯上面真係又有一大隻原隻龍蝦！ 😯 龍蝦比油炸過，個殻勁脆，啖啖彈牙嘅龍蝦肉！ 個燉飯材料都好豐富，有蝦又有青口、魷魚，仲有大量芫茜，食落好香好有海鮮味！ 個青醬麵好特別，果然有果仁嘅香味！ 又係嗰句啦，如果你唔係好似我呢個芫茜控嘅話就記住要走芫茜啦！ 😂😂 不過呢個燉飯真係真心唔錯！ 辣肉腸雞肉Pizza $72 -- 呢個Pizza 有好多芝士，同埋個Pizza 底有好重麵粉味！ 因為我個人非常熱愛重麵粉味嘅Pizza，所以我都食咗好多塊😂😂！ 西班牙特調（二人份）$62-- 呢個精彩啦！ 二人份並唔係分開 serve 兩杯，而係比一大大大個好似魚缸咁大嘅酒杯你，真係嘩

一個人搵地方吃飯，搵到金百利有間屋喔，看食評環境食物都okay，而且去過中環分店，記憶是味道不錯，放工便前往食店。食店位於金百利商場內3樓，環境比中環店乾淨，有空間感，時間早關係，自己選了滿意位置坐下，心想沒有選擇錯誤！ 在選擇食咩好時，傳來句句粗口對話，不是一句起兩句止，而是滔滔不絕，望望哪裡傳來，原來是服務員，水吧、廚房、樓面用粗口溝通大約持續數分鐘，粗口便停了，因為食客陸續來吧！當晚叫了晚市套餐，價錢連加一$110，有前菜、湯、飯、餸、飲品。老實說，食物一般，勝在環境價錢搭夠，但就被服務員表現扣了分！仲有一樣好難接受，送餐用手抓住我碗白飯，是茶餐廳嗎？希望老闆睇到問題去改善問題！！

黎得銅鑼灣搵好野食，日本野韓國野大家近排應該都食得多啦，今次就決定去食下台灣野🤤🤤呢間Cafe都好大，比人一種舒服既感覺。野食選擇方面都好多！最抵食應該都係叫佢地既套餐，一百蚊左右有齊頭盤，湯，主菜。仲可以加小小錢要多個甜品甜品既賣相都好靚，又唔會太甜🤤🤤🤤呢個碟就真係啱哂鐘意食芥末同雞肉既朋友啦，又唔算太辣，記住要試下！呢個咖哩菠蘿雞肉炒飯見到都流哂口水，又要會太油，真係好正架🤤🤤😍😍

今晚同朋友黎到銅鑼灣，知道金百利廣場不嬲都有好多嘢食，去咗一間cafe: Ocasa屋喔呢度環境都唔錯，食物嘅水準高好多!! 我哋每人叫咗一個晚餐，前菜有沙律、糖心蛋，菜，同埋有湯我揀嘅係台式晚餐係鳳梨糖醋魚，賣相相當唔錯，酸酸甜甜，好開胃另外我哋都叫咗一啲小食，呢間餐廳有好多西班牙嘅Tapas，呢個係蒜片辣肉腸蝦，味道唔錯！另外仲有蜜糖芥茉雞，啖啖肉好好食！嘢飲方面有芒果沙冰最後仲加左一個甜品，Tiramisu！

係銅鑼灣愈嚟愈多唔同既特色餐廳出現今日朋友嚟到港島區接我收工又點會唔搵好西食朋友今晚揀左間幾特別既餐廳特別在佢係台灣同西式食品都有既然一場嚟到當然要台式同西式SET各點一個啦個人係放工之後會比較中意食台式餐(事關太餓了)左邊的是中式頭盤「魚湯浸時蔬迷你版」味道很濃，而且不會太重薑味頌有杞子(?)，聽聞對身體有益的「嫲嫲醬油雞翼」-- 冷小吃味道很可口，很清涼的感覺加上芝麻更香口不過如果可以一分二的供人吃就更好了「南瓜湯」非常好飲，南瓜味濃而且好滑但佢滑得嚟唔會覺得落左好多cream而且唔會完全打散哂南瓜，有小小咬反而更滿足「凱撒沙律」我比較中意佢個醬加上芝士粉之後味道更濃郁「冰鮮果茶」味道會同我地飲咖啡弄不同呢個唔會調得太甜而且加左粒粒籽(果腹又健康的)吃下去很有趣很健康的飲品啊「明太子卡邦尼意粉」食之前要拌勻明太子啊卡邦尼意粉配闊意粉原來都唔錯加埋明太子味道之後食落冇甘濟反應更吸引我想食多D「沙茶京蔥牛肉」呢個牛肉真係冇揀錯牛肉好滑很入味原來沙茶醬唔辣而且好好味入面頌有整到食落去好似薯仔既蒜頭京蔥非常香，送飯一流一間餐廳做到唔同風味而且KEEP到水準真係好勁

座落金百利商場3樓的台式食店，位於Sogo旁好方便。同朋友在shopping大作戰前先食個正lunch! 店內環境舒適，12:30店內唔算多人，被安排於corner梳化位，附設咕𠱸, 好舒適的環境！來到台式店，當然要食地道古早牛肉肉燥拌麵。炆過的牛肉是非常"林"身入味。肉燥肥瘦份量恰宜，爆香可口，拌麵食一流！炸排骨湯麵的排骨，是用上五香粉再加肉桂粉調製而成的鹽酥雞粉, 香口惹味！排骨面的幼鹽粒伴著麵食，就像置身台灣一樣，食著地道美食！這味鹽酥花枝餅，表面鬆脆，入面的芝士和魷魚粒相融，味道配合，是一道不錯的小食！近期比較多見食店用上冰藍蝶花，用來調製飲品賣相一流，沉底的紫色，加上上層的青檸水，調成有漸變效果的特飲！這杯水果冰紅茶用上Lipton紅茶包及新鮮什菓：火龍果，士多啤利，橙，奇異果及青檸，清新開胃，唔太甜，好好飲！

之前食過幾次中環既分店，今日喺金百利既水牌竟然見到四樓開左分店，於是上去望下。原來店面好多，佔左成層，所以都幾多座位。除左台式野，佢地都有fusion西式野，我就一試佢地既fusion risotto，於是點左個洋風滋味晚市套餐：包沙律、是日餐湯同$32或以下飲品一杯。主菜我揀左黑松露蚵仔燉飯（$98）。好香濃黑松露味，入面拌左蚵仔（即係蠔仔）。平時蚵仔煎就食的多，用嚟煮意大利飯就係第一次食，幾新鮮既，蠔仔幾肥，味道亦都幾夾，但食晒碟有d膩。野飲㨂左珍珠奶茶，原價$32所以唔使補錢。台式餐廳做既珍珠奶茶都唔會差得去邊。

Sogo感謝祭梗係要掃下貨，今晚放工一個人行完街搵地方食飯，喺商場門口就有人派左呢間餐廳既傳單比我，見幾抵食又未試過終於上左去，等左一陣就有位。點左一set台式家常晚餐: 古早味三杯雞 $98 (配魚湯時菜、前菜及白飯+配送$32或以下飲品一杯）。魚湯時菜不過不失。前菜有3款選擇（嫲嫲醬油雞翼/麻辣牛舌/台式糖心蛋），我揀左嫲嫲醬油雞翼。雞翼係冷盤，醬油浸住雞翼夠入味。古早味三杯雞一睇就知入味，肉質就唔算嫩，醬汁味道甜甜地，拌飯食唔錯。配左杯荔枝玫瑰綠茶（$34），補左$2。賣相都幾吸引，果汁溝綠茶味道唔會太甜，都幾解渴。

在銅鑼灣甘百利逛街，上到4樓發現該層是餐廳，見時候不早，終於選擇於此用膳。散點了《義式車厘水牛起司蕃茄沙拉 $52》- 喜歡水牛起司，份量亦多，但醋味太酸，很𤆥喉。主菜點了：//《屋喔古早牛肉麵 $88》配送$32或以下飲品一杯// - 湯麵夠熱，麵條軟硬度適中，沒有過稔的情況，但湯底略嫌太淡，帶不出牛肉麵的精髓；牛肉算稔，亦有牛肉味。配了原價$32 的香芋奶茶，甜度適中，香芋味。//台式家常晚餐《台式肉燥茄子$98》配送$32或以下飲品一杯// - 茄子夠稔，肉燥配上醬汁味道夠但不會過咸，茄子和飯拌肉燥很惹味。配了原價$42的山楂洛神蘋果茶（熱）- 飲品用茶壺上，再用小火烘著保暖。味道帶點甜甜的山楂和蘋果味，茶味能調和甜度。《屋喔窩夫(芒果) $88》忌廉控一定不要錯過，窩夫表面放了忌廉，而窩夫很香脆，再配上甜甜的芒果，很提味。環境：比較嘈；地方大但人流多，所以注意要等位的。

(Openrice 有無搞錯，要寫夠二百字才可評分! 咁唔好食，點寫二百字呀？)自它新開張，第一次幫襯。吃了下午茶 :卡邦尼意粉，那汁水汪汪，不好吃。另外要杯飲品，芋香奶茶。味道就好香，但係一飲落去，好淡，完全冇奶茶味，好似水一樣。而且等咗好耐先有。無下次!