屋喔 (Closed)

第一次，感覺唔錯，同埋價錢都適宜分別叫左兩set，一個係台灣菜，另一個係西餐😉前菜有上湯浸時菜，阿嫲雞翼(台式)，沙律同忌廉湯(西式)，幾好味主菜一: 胡椒炒牛肉，配飯一流，仲有辣辣地，牛肉好林，好味道 如果有幾條菜食下就好啦屋喔軍艦扒，其實即係雜扒，但$158就貴左少少，而且腸仔唔脆，同埋無咩汁，純粹係男仔喜歡食肉lor，無咩特別😥飲品方面，奶茶味較淡，比起平日貢茶果啲易入口，但如果多返啲珍珠就好啦會再黎，下次試三杯雞

今日跑完步陪朋友去維園拎渣馬既野，跑完步當然肚餓要食野啦，見金百利成檔都係食野，懶得諗，就排隊搭𨋢，因為完全無idea食咩，見邊張傳單吸引就去邊間，最終揀左呢間一出𨋢門，就係間餐廳，環境都幾大，d位都好闊落舒服睇睇menu, 見到有下午茶，$4x 左右，都幾抵，仲有埋high tea set ($68), 不過我覺得唔太吸引所以無叫high tea set要左個肉燥豬軟骨飯味道平平，而且唔夠肉燥汁，豬軟骨唔夠入味，而且d肉有d散添，其實唔難食的，不過又唔會特登再揀呢間餐廳玫瑰朱古力好香玫瑰味，感覺都好特別，飲頭幾啖覺得唔錯的，但之後越飲越甜，而且朱古力唔夠香濃

講左好耐終於嚟到happy firday..約左一班舊同事出嚟食飯加逗利是😂要係銅鑼灣搵個地方靜靜地食餐飯又要不限時。就揀左係金百利三樓嘅屋喔。7個人叫左6個晚餐。台式晚餐包一個魚湯，前菜，主菜同$32野飲。魚菜湯。望落好濃。但飲嚟唔熱又無味！麻麻地。前菜有牛舌。雞亦。糖心蛋。鳳梨糖醋魚柳咖哩肉排有啲失望。原來係咖哩汁加炸豬扒。古早三杯雞蒜頭好好食鳳梨蘋果鹽水雞味道同台灣差好遠台式肉燥茄子西式餐$88起 有沙律。餐湯同$32野飲叫左carbonara $92望落都好吸引。濃濃嘅汁。而且煙肉都好多！食落都好唔錯！飲品加左錢。要左一壺山楂蘋果洛神花好抵飲。加左兩次水都仲好有味。酸酸甜甜好好飲！都係加錢嘅野莓乳酪沙冰珍珠奶茶唔駛加錢埋單每人唔駛$90蚊幾抵。又唔會有人吹埋單。慢慢食慢慢傾！仲有員工態度都好好！尤其係店長（我估係店長）好有禮貌！可以再去！

聽朋友介紹，話有間台灣野幾好食，搵一搵就發現原來有好幾間分店，呢日出開去銅鑼灣，順便去呢間餐廳試下。晚餐都有幾多選擇下，可以簡套餐或者單點。跟住我地叫左兩個餐，套餐包左一份沙律、一個湯同一杯飲品，加一份鹽酥雞。鹽酥雞都炸得好鬆脆，咸香得黎吾會好重口味，又吾覺好肥膩，食吾停口，必點之選。沙律都幾新鮮，今日餐湯係黑松露湯，不過吾係好夠滑。朋友嗌左黑松露蚵仔燉飯，其實就係平時食到既意大利飯，不過加左蚵仔落去好似台灣野甘。黑松露味都幾濃，大大一蝶好夠份量，又吾會好膩。屋喔軍艦排岩哂肉食人士，啖啖都係肉，都咪話吾heavy。雞扒同豬扒既醬汁都係自家製既，又幾好味。最後嗌左杯好似叫荔枝玉露，吾太甜又幾好味。

之前到過旺角店，最近才知道原來銅鑼灣分店已業，很年宵之前一於去飽吃一頓。等了大約半小時就有位，可見非常滿座。屋喔軍艦排份量十足，裡面有豬扒、雞扒和司華力腸，更配有香脆薯條，醃得美味，略有點咸。凱旋沙律菜新鮮清爽。黑松露忌廉湯很creamy，很香野菌味。鹽酥雞炸得香口，皮薄而香脆。之前吃過黑松露蚵仔燉飯，今次一於再點。燉飯淡淡的黑松露香味，每一口飯都吃到蚵仔，一點也不膩。珍珠奶茶要了少冰，珍珠夠多又煙韌。

這晚相約朋友親臨到呢間餐廳食晚餐，大家都想食台灣菜且餐廳新開!一點餐，餐牌都係set dinner 有溏心蛋是餐廳的鎮店之寶餐有杞子湯，前菜沙律，價錢適中，拼盤小食當然不少得，有春卷，炸蝦丸，西式香辣味薯片至於主菜菠蘿古嚕球，精緻的菠蘿襯托著整碟的色彩加添美感，味道酸中帶甜，非常吸引甜品方面，好似花盆樣，原來係 Terlamisue 賣相好特別呢!還有主打special dessert 粟子忌廉蛋糕蛋糕不會太甜台式飲品，餐牌款式較多，名為玫瑰色的呢杯口感非常特別，薄荷清新口感解渴一流

台灣味@屋喔​又到HAPPY FRIDAY，除咗五天工作周嘅人開心外，作為星期五飯腳嘅媽媽我，都好開心嫁，有機會陪阿女食飯，阿女鍾意食台灣嘢，今日聽佢聽，喺E出口，幢食廈都幾易搵，一早乖乖坐喺度等佢。結果又同上星期一樣，又係一人食，其實係咪阿女太似我?咁乖!我乖乖坐喺度等佢，佢乖乖坐喺度等佢老闆，就掉低LUNCH。我只能夠講佢咁新，佢老闆都咁錫佢，信佢，我都放心個女繼續喺度做。其實，我一早叫哂佢鍾意嘅嘢，諗住佢一到有得食，我就再叫，但宜家唔駛啦。鹽酥雞肉燥飯 鹽酥雞夠鹹夠脆夠滑肉燥真係好好味可以學咗佢，到時煮俾阿女食。蒜片明蝦蒜片、大蝦、翠玉瓜、肉腸片一齊炒，少辣又惹味蜂蜜桂圓紅棗玫瑰叫呢個都係為咗俾阿女補補聖代酸檸檬同榴槤雪糕一個醒神一個香濃返屋企買餸煮飯俾其他人食啦。

大家都知年初三是赤口, 不會去拜年, 亦因工作關係, 所以一早就回了自己家。一個人, 不用拜年, 朋友們又忙於陪小朋友或另一半, 而我只好選擇獨個兒看戲和逛街, 其實也不知商店有沒有開門, 但也不想呆在家中。走到商店多, 人流多的銅鑼灣, 熱鬧啲自然開心啲。原來年初三已有不少商店已開工, 是裝身的好時機, 哈! 當然不止商店有開, 也有不少食肆開始做生意, 看來大家都很努力呀! 在金百利商場血拼完便在這裏開餐吧! 記得之前跟朋友去過一間台式咖啡室, 臨走時發現隔離開了一間新食店, 今晚就一於去嚐一嚐。開放式的門口, 門口旁邊鑲了一個圓形的招牌, 前方擺放了一大塊餐牌, 亦有一個放了糕點的凍櫃, 門面不算闊落, 但內裏地方不少。左邊設有多張四人卡座, 座位寬敞; 中間設有多張四人枱, 亦有數張六人枱; 而右邊則有一排長沙發四人座, 最入端便是廚房重地和水吧位。每張枱都放了餐牌、餐具、紙巾和牙韱, 基本用品都齊, 挺方便。翻閱設計精美的餐牌, 有散點和套餐, 套餐分【台式家常晚餐】和【洋風滋味晩巿套餐】, 前都一律$88, 而後者便按不同菜式有不同定價。散點菜式選擇不少, 集合台式西式,

年初四出街，同肥髀有啲肚餓！所以去咗呢間台灣菜，地方幾大，西式木椅，比咗梳化卡位我哋，食物台灣同西式都有，落單後食物好快到！蜜味台式香腸（$42）同平時見嘅唔同！香腸片肥美！落好多蒜茸、芫茜、青蔥，食落無咁油膩，屋喔古早牛肉麵（$70）賣相幾靚，牛肉好淋，半肥瘦唔嚡，闊麵煙韌，比嘅白蘿蔔、紅蘿蔔、小棠菜好大塊，索晒湯，湯底唔係惹味嗰隻！，係煲得老火嘅牛肉清湯，味道相對淡口啲，不過食完唔口喝！好味！珍珠奶茶（$32）肥髀飲，個杯好似迷你水瓶幾可愛！熱水果茶（$38）賣相幾靚，有透明座熱住，夠熱！水果雖然好多，不過水果味唔夠，茶味為主！冬天飲夠暖身！店員有禮斯文，舉手會示意知道，我本來想叫甜品，點知芒果賣晒！店員都好嫌意講唔好意思！態度幾好！好舒服嘅一餐見到櫈底有個吊籃放手袋！幾窩心

今日同舊同事食飯聚一聚，咁就梗係揀返近我嘅港島區啦～金百利大廈基本上都係餐廳，選擇非常之多，到最後我選擇左呢間唔知係咪新開嘅餐廳！入到去睇到menu,發現set dinner有台式同西式揀，雖然我都有猶豫一下，不過鍾意食西式嘅我當然係選擇西餐啦~ 我叫咗洋風滋味晚餐套餐嘅「屋喔軍艦排」，佢跟一個沙律一個餐湯同埋＄32以下嘅飲品一杯，起初覺得有啲貴，不過當啲嘢食你左嘅時候發現份量都非常之大所以絕對建議同朋友一齊share食, 咁變相就平啲啦餐湯——洋蔥忌廉湯沙律——由於一早問咗侍應沙律係配法式汁，所以先選擇雜菜沙律而唔係凱撒沙律，因為作為前菜法式執嘅酸酸甜甜可以令到自己更加開胃（不過就算開胃我都係食唔晒成個餐😂😂）軍艦扒——佢有雞扒、豬扒、腸仔、熱菜同薯條～其實本身我係跟餐意粉嘅，不過佢哋錯將薯條放左落去軍艦扒入面，所以呢今次例外啲送咗薯條俾我食餐飲——梗係叫咗唔使加錢嘅「蜂蜜綠茶」啦！之後朋友話好想食薯蓉所以就叫左呢一個黑松露薯蓉配蒜蓉包，其實薯蓉我就冇乜點食啦⋯⋯不過我反而覺得個蒜蓉包就好好味～［唔知係咪因為我鍾意食包呢］

是日跟一位很久沒有見的老朋友到銅鑼灣一帶行街，晚飯她帶我來這間屋喔試試看。分別有西式同台式的晚市套餐，價錢睇落唔貴，而且包好多樣嘢，感覺上會食到飽一飽先離開！首先叫嘅第一個餐係洋風滋味晚市套餐，包括了一個沙拉、餐湯、主菜和飲品。沙拉的汁好好食，而且份量適中，新鮮的生菜十分爽口，而且沒有渣，麵包粒脆脆的，口感十足，十分開胃。今日提供嘅係蕃茄湯，味道中規中矩，質地較杰身。黑松露蚵仔燉飯＄98蚵仔的分量唔多，但係口感唔錯，食落幾新鮮。雖然飯粒的口感比較硬身，但由於係燉飯的關係，質地比較濕潤，每一粒米也平均地黏上蚵仔汁。而另一個餐是台式家常晚餐。前菜我選擇了麻辣牛舌，味道麻麻的，但不算太辣，十分開胃。魚湯時蔬 ，食得出魚湯真係用魚去淆製而成，鮮味十足，口感滑嫩嫩的，配上明目的杞子、草菇和紹菜。古早味三杯雞＋白飯$88三杯雞的味道帶有香濃的清酒味，即使在烹調的過程中揮發了不少，但味道仍保留在雞件裏。整體味道濃郁，伴上芫茜，味道十分複雜，雞肉十分嫩滑。飲品方面我們分別選擇了凍珍珠奶茶和熱泡沫咖啡。珍珠奶茶的珍珠分量適中，口感十分彈牙和煙韌，十分不錯。奶茶的味道十分香濃，而且兩者調配得適中，茶味和奶

$32一杯珍珠奶茶跟餐加$10但可以話係無味奶水都不如。。。比佢個外型呃左/_\反而d珍珠幾好味彈牙 大粒！ 其他食物正常但無特別 好普通 ~_~價錢唔算平都有個好處就係唔洗加一

店面加大@屋喔銅鑼灣 記利佐治街1號金百利廣場3樓301-322號舖去過旺角店已留下好印象，銅鑼灣新店面積大了數倍，空間大了不用排長龍。少爺不在港，只好孤獨吃晚市套餐。劃分了台式與西式$102野菌蟹肉闊條麵,包含沙律，湯及32元以下飲品。雜菜沙律，dressing是醋，根本上是零出錯機率的料理。野菌蟹肉闊條麵，蟹肉是真蟹肉，即不是魚肉蟹柳棒扮的，加上雜菌及齒頰留香的濃汁，汁杰身可以沾在闊條麵上，卷起放入口美味。台灣飲品花款多，啜一杯仙草奶茶，我鍾意仙草好似jelly的口感，喝下有奶香仲有紅茶芳香。未夠那告訴你多付$12有甜點，聽到有興奮嗎? 栗子mont cake, 栗子蓉加蛋糕，一頓飯再加甜品，一生無憾一。

這間是食台灣菜， 已經去過一次， 今次是食晚餐， 晚餐是有套餐的 ，可以加12蚊有甜點， 最欣賞是他的花茶 ，今次所叫的花茶是山楂洛神花草茶， 味道酸酸的， 也挺好飲，因為叫套餐，所以有前菜，凱撒沙律，而我所叫的黑松露柯仔飯，飯量也多，因為飯可能用忌廉原故，所以吃了一半也飽飽。

環境-非常舒適, 座位好闊落-窗枱卡位每枱都有叉電插座-坐位下有放手袋物品的位置-餐廳播放韓國流行音樂，似韓式咖啡店食物-鳳梨蘋果鹽水雞重口味人士最愛，好多薑蔥莞茜，濃味得黎又有番d鳳梨同蘋果清一清。雞係用雞脾肉，入口夠嫩滑，肉質結實。-鹽酥雞肉燥飯肉燥份量少咗d，但鹽酥雞炸得好乾身，入口酥脆不油膩，雞皮卜卜脆但雞肉嫩滑夠juicy；另外仲有半隻糖水蛋同d 雜菜添，份量十足！-紅花蟹肉意大利闊條麵蟹肉雖然唔多，但有蟹籽搭夠。醬汁好特別，食落有咖哩粉既香，但完全唔辣，而且醬汁份量岩岩好，夠撈成碟麵。而且麵條煮得好好，軟硬適中，同朋友邊傾計邊食野，即使個麵放涼，食落都唔會糊口。-熱水果茶飲水果茶最驚入口又酸又苦澀，但呢度加左話梅居然係咁夾咁好飲，飲到水果既清甜又有話梅咸咸地襯托番，成件事好match！-熱山薑雪梨茶山薑份量剛好，不會過辣，而且雪梨茶入口清甜，唔似係用糖精溝出黎既感覺。服務-侍應都好smart，耐心落單同推介野食俾我地-無用餐時限，好岩同fd 慢慢傾計