屋喔 (Closed)

餐廳一出lift 就係，水bar 係正門口。裝修新淨，場地夠大，枱櫈都好乾淨。可能新開關張關係，唔係話好多人，唔洗等就有位。上菜好快，落完單五分鐘到菜就陸續上枱。沙律餐湯西班牙海鮮飯$178賣相唔錯，有一大只龍蝦！成個碟甘大，預先開邊，幾好肉！飯有咖喱味道，但唔辣既。飯夠林，但太濕，可能係燉飯既關係。平時食開西班牙係炒飯，所以有啲唔慣。飯入面個材料都好多，有青口、魷魚、蝦等，正！唯一唔好就係太多生莞茜，唔係甘鍾意，要夾晒出黎🙈黑松露蚵仔燉飯$98真係第一次食蚵仔+黑松露既配搭！味道又o k喎！一上枱就已經文到好香黑松露味！除左面頭有一pat 黑松露外，有啲已經撈埋左飯到，所以飯好香！濕濕地，好味！餐茶---山楂洛神花茶洛視神花健康，同埋只需補六蚊，就試下！我幾中意飲！酸酸地，好開胃！飲完再加水都仲係好有味！推介大家飲！！係銅鑼灣黎講，呢度唔貴，最平既一百蚊唔洗就有個餐！讚！食到好飽！

行完街，去屋喔食左個晚餐。叫左個軍艦扒套餐食。餐廳好大好舒服，唔會好嘈，聚會一流。套餐有個凱撒沙律食。沙律好好味，煙肉碎煎得脆，溝埋食好fresh。餐湯係蘑菇忌廉湯。好飲，蘑菇味重，係我鍾意既口感同味道。食完前菜冇幾耐，我既雜扒終於黎了。好大份量！雞扒已經好大個，正！扒好香豆豉味，好似用豆豉油左咁，味道幾特別。扒煎到好好，質感唔錯，新鮮扒，冇雪櫃味。可能掛住食扒，薯條已經凍左。不過整體黎講唔錯，意外既係，扒側邊既小菜，蘿蔔仔好甜，而且煮得口感鬆軟，好味！第一次食曬側邊的配菜，因為味道唔錯！因為想食餐廳既小食，叫左個麻辣牛舌黎食。牛舌口感彈牙，而且凍凍地，個味道超好。麻辣醬唔會好辣，食左開胃，而且小食黎講，呢個份量係算多，牛舌係厚切，特別有口感。加埋青瓜一齊食，特別爽口。叫左個珍珠奶茶飲，吹下水食下野，好舒服。

聽到親愛的話好耐無去台灣旅行，解決燃眉之急當然係先去一間好味道既台灣餐廳，有老友報料話屋喔係銅鑼灣金百利開左新分店，甘當然要實地考察下。相比起我地平時去開既中環店，新店既佔地面積大好多，樓底好高而且座位寬敞，裝璜極具現代化感覺，仲有挂畫添。「鳳梨糖醋魚柳 $64」- 食落其實味道幾似波蘿生炒骨，但主角就變左魚柳，上碟時仲係熱辣辣的幾有鑊氣，魚柳炸得頗為香脆得黎但又唔會太厚炸粉。配上酸酸甜甜既醬汁，送埋白飯非常開胃。「台式糖芯蛋肉燥飯 $58」- 肉燥味香濃，豬肉既肥瘦比例適中，糖芯蛋帶點微甜令口感層次更豐富，店家亦用上類似珍珠米質感既米飯，口感頗為煙韌，再連埋肉燥同少少鹹菜送飯一流。整體感覺：價錢合理，店內環境同食物質素都不錯，員工代客有禮。

一個人係銅鑼灣行完街，就去左附近搵食！因為好肚餓、胃口唔錯，就叫左個雜扒餐！一個餐份量好多，有餐湯、沙律、主菜同飲品，最後連自己都佩服自己可以食得晒！！屋喔軍艦扒餐：餐湯係蘑菇忌廉湯，幾大碗下，味道無咩特別，不過不失。沙律香芋味沙冰餐牌上張相幾靚，就吸引左嗌。實物同相一樣，望落都幾好飲。飲落就覺得淡味左少少，但都幾有香芋味。飲飲下唔覺意將薄荷葉篤埋落去，有淡淡既薄荷味，發覺又幾好飲喎。可選跟雜菜、飯或意粉薯條係我喜歡既粗薯，炸得好脆，正！扒有雞扒、豬扒同腸。雞扒我覺得整得最好味！首先，雞扒幾大塊，雞肉好嫩滑，又“葉”過，好入味。外邊皮煎得焦焦地，好脆！咬落去仲有肉汁流豬扒較細塊，但幾林，幾入味。幾鍾意佢有少少肥肉痴住，食落更juicy。脆皮腸呢度場大，幾乾淨，職員有禮，食物ok,值得一試！

好耐無黎金百利搵食啦，樓下都係甘多人派單張，排隊搭lift 上去。今次我諗住係商場果邊行下街先，搭電梯去到三樓時，見到有間新餐廳，佈置得幾靚，外邊仲有啲靚粉筆畫，反正未決定食咩，就試下佢！入面有高枱，亦有矮石枱。啲畫畫得幾靚先叫左個台式晚餐。有魚湯時蔬、前菜、主菜、白飯同飲品。魚湯時蔬紹菜好林，清甜，入味。個湯清淡，唔咸。主菜係鳳梨糖醋魚柳菠蘿好甜，新鮮菠蘿黎，唔係罐頭。魚塊肉較實，但嫩滑。外面炸得好脆，個汁酸酸地，好開胃。美中不足係份量太少，一個人食都ok, 但同人share 就爭啲，每人得兩舊到。另外仲叫左個西班牙龍蝦海鮮鑊仔燉飯。個飯有啲濕，但味道唔錯。有成只龍蝦係度！龍蝦肉爽口，實淨！最估唔到係飯入面有勁多海鮮，包括有蝦、魷魚、帶子、青口等。食送 多過飯甘濟正！蜂蜜桂圓紅棗玫瑰茶。個餐包32蚊既飲品，呢杯補反六蚊，唔貴。茶好香玫瑰味，仲有啲蜂蜜同紅棗既甜甜地，好好飲，沖第二次都仲係好有味！唔錯！

✿╮❤╭✿ ✿雜感女生 好味日記✿ ˚*•✰。屋喔．添一份寫意。✰•*˚ ✿✿舌尖上的銅鑼灣✿✿ ❤餓底飯聚❤ ❤ 台灣的味道，是一份寫意 早前旅行寶島之後，就忘不了那裡的美食 尤其是當地的一份人情味與古早味 與朋友到銅鑼灣買錶，行經金百利 看到「屋喔 O'casa」於是又走進去偷一份閑情 裝潢簡約而有性格，座位多而有小籃子在凳子下面 方便女生放手袋及SHOPPING戰利品 聖誕節氣氛頗濃厚，餐牌有特色 這裡的午市麵食套餐非常多選擇 餐牌中的「古早牛肉湯麵」($52) 已吸引了我，而且加$10可轉$32或以下飲品 即時決定要杯玫瑰咖啡 玫瑰咖啡 是我的香濃選擇 花香帶濃甜，適合聖誕的味道 加上片片飄在咖啡面的玫瑰花花瓣 令人心動 「古早牛肉湯麵」份量足料 必讚香軟厚切牛展！ 一般店都是薄切，此店是厚厚的3大塊，非常入味 分了一塊給朋友，自己獨佔2塊 蘿蔔是超入味的稔香，也是實實在在的台灣味道！ 至於那湯頭，WELL 將一碗台灣牛肉麵徹底還原！ 鹽酥起司花枝餅($46) 鹽酥味道香脆，第1口咬落彈牙，第2口就是拉芝好味道 和朋友一人一塊，吃得津津有味，必點之作

有朋友話食過呢間分店，咁啱約係下午大家碰面就叫餓，就上左黎呢到，位於金百利好方便食完可以落去繼續行街。入到餐廳比較靜環境幾靚，坐落好舒服隔離就係大玻璃，光線好啱影相。Menu多種混搭，有台式小食/咖啡甜品/西餐類。我地去個時係4點係下午茶時間，好後悔冇叫台式下午茶set,$68/1 見到隔離枱叫左個裝野食盤好靚，食物+份量睇落靚過張menu。講番先，我同朋友就叫左酥炸雞盤($88) 成盤份量算多，8隻唔同部位炸雞，原味雞肉無添加太多味精，有2款醬(芥末蛋黃/辣醬) ,食落鬆脆香口雞肉頗嫩口。黑松露燉飯，賣相唔錯好多黑松露係上面有生蠔份量幾足，每粒飯都充滿左香味，鐘意食燉飯推薦比你。飲品就揀左荔枝玫瑰綠茶，抹茶紅豆沙冰，不過不失，口感都可以但太甜。見到佢啲甜品好吸引諗住食，後尾太飽食唔落，total埋單200左右下次一定要黎試！

2016.12.21【12.21 滿口台灣腔】 冬至晚上，留給家人， 咁中午梗係留自己。 台式珍珠奶茶飲得多， 一諗起台式嘢食， 肉燥飯、鹽酥雞、牛肉麵即刻浮現腦海。 行街行到金百利， 想食台式嘢， 聽講3樓有， 馬上行上去。 扶手電梯一上就見。 聖誕氣氛喺門口就感受到。 聖誕小鹿。 呢幅相吸引眼球， 好似叫我食意粉， 但我今日嘅目標係台式嘢， 意粉Byebye。 唔同嘅枱適合同唔同嘅朋友一齊用餐， 高枱，唔適合我呢啲哈比人，哈哈。 學林志穎， 叫咗便當食。 鹽酥雞肉燥飯 鹽酥雞 肉燥飯 糖心蛋配柚子蜜蓮藕片  糖心蛋做得唔錯， 好靚嘅糖心。 蓮藕片拌柚子蜜， 酸酸甜甜， 藕片爽口。 肉燥好香， 當中甜味融入飯中。 鹽酥雞外脆內嫩， 肉汁好好鎖住， 讚哦。 跟餐加$10可轉$32或以下飲品， $32以上另補差價。 未試過愛玉嘅我， 就+$12揀荔枝愛玉  用可愛小Jar上， 荔枝味濃， 愛玉滑滑似啫喱。 我諗台灣味， 應該如此， 不過仲想食啲嘢， 所以繼續睇Menu。 西班牙黑毛豬火腿金瓜卷  作為黑毛豬火腿粉絲嘅我， 一見必點。 黑毛豬火腿食得出優質， 金瓜其實係

之前去過中環既主店，甘岩今晚星期五喺銅鑼灣行街見到原來新開左分店喺甘百利3/F，連𨋢都唔使搭，直接喺商場3/F入就得。叫左個洋風滋味晚市套餐：包一客雜菜沙律湯係忌廉紅菜頭湯，有點怪。黑松露蚵仔燉飯 $98似risotto食落一樣creamy, 蚵仔唔多，帶有點點黑松露味，整體偏淡口所以唔會膩。個餐本身可免費$32或以下既野飲，但我補$6點左原價$38既熱水果茶，唔使飲奶茶甘飽膩。個餐+$12可選指定既甜品，無晒焦糖燉蛋所以點左義式奶凍。嘩原來好大杯！真係成隻杯甘大LOL 好抵食！

相約朋友喺銅鑼灣行陣街之後食個快飯再去睇燈飾。當我地喺甘百利三樓時，見到新開左一間台式餐廳，於是就入左去食，方便麻。$88有個晚餐，銅鑼灣區嚟講的確好平（另計加一）佢地有2款晚市套餐 ：「台式家常晚餐」及「洋風滋味晚市套」。我選擇左「洋風滋味晚市套餐」中既《野菌奶油蟹肉義大利寬條麵 $102》，包括-沙律（雜菜沙律/凱撒沙律）-是日餐湯（是日主廚湯品）配$32飲品+$12甜品<凱撒沙律> - 普普通通無咩問題。是日餐湯 - <紅菜頭忌廉湯>，呈粉紅色開始有點抗拒，但味道屬正常有紅菜頭味，但比較淡。我覺得傳統紅色的紅菜頭湯較令人接受。配<凍香芋奶茶> - 賣相幾吸引，味道都幾濃香芋味，喺台式餐廳飲香芋奶茶係比較安全既選擇。+$12點左<栗子蒙布朗> - 栗子蓉包住忌廉，而底部係朱古力海綿蛋糕。整體其實ok但可能本人對忌廉無咩興趣，所以希望可以用其他餡料代替忌廉，例如普通海綿蛋糕。另點左一個飯同餸。《西班牙龍蝦海鮮鑊仔燉飯 $178》- 賣相唔錯，飯中好多海鮮湯汁同海鮮例如原隻龍蝦、魷魚同蝦。但海鮮無味，可以新鮮d。《鳳梨糖醋

兩個人，星期五食晚飯。點菜如下：台式晚餐-魚湯鮮蔬 - 湯無魚味，只有薑味糖心蛋 - 有dd咁多多太熟，但回味無窮，可惜墊底菜好爛胡椒炒牛肉 配 白飯 - 茶記質地洛神山楂蘋果茶 - 唔錯牛肉麵 - 麵質硬，但湯底，肉，菜都好正麻辣牛舌 - 只麻辣無鹹味，配菜好爛珍珠奶茶 - 唔夠甜，珍珠硬creme brulee - 正，濃香，焦糖唔夠厚話說，先上菜同糖心蛋。唔知做乜求其到咁，碟邊痴住唔屬於碟菜嘅汁同菜渣又唔抹碟，d墊底菜仲黑晒頭，好爛下。跟住上個牛舌。味道上面講咗，同樣地，d菜黑晒頭霉晒，做咩呢？再上牛肉麵，真係唔錯。約25分鐘後，個牛肉麵食到8成，另一個餐終於上菜。點知，落錯單，於是又要再等過。胡椒炒牛肉，茶記質地，最差嘅所謂台式菜。麵一早食晒，飯就食到8成。同行叫waiter上埋甜品，肥仔經理就只顧自己食飯，見到我地入手都唔叫人，當睇唔到。然後，waiter就比張單我哋。。。再過一陣問我哋係咪上甜品，係，然後我手上仲揸住碗筷，飯都未爬完，就收晒我d餸。唔係好夜，鋪頭仲好多客，就開始在廳面用滾水加清潔劑浸毛巾，我哋就只好陣陣飄香撈飯。找數，卡機壞。到底我地做錯d乜嘢？！

哈哈！同個fd去行街，上到金百利三樓，點知原來轉左做餐廳，個fd就話入去坐低諗住飲杯嘢，唞一唞，不過睇睇過餐牌又有好多特別小食，我哋帶咗個啤酒奶油煮花甲，又估佢唔到幾好食喎，啤酒奶油煮花甲啲花甲好新鮮肉質好滑，個汁好香好滑，而個蒜片明蝦，蒜頭味好重，啲蝦好爽滑，不錯！不錯！😁

行銅鑼灣搵地方食晏經過見到有得食台灣野又見到新開張諗住試下入到去見裝修係幾靚同d朋友每人叫左個60＄既 set lunch份量少都唔係問題但食物質素好差，接受唔到鹽酥雞好硬好難咬，肉燥飯得勁少肉燥！得肉燥係好食結論：冇下次

🗓16 Nov搬左新office 食lunch個下真係有D㥬惶 要傷腦筋諗地方之餘 又怕唔好食 😓一行出去金百利個位 幾個人遞傳單尼 （估唔到午市競爭甘激烈） anyway 比哥仔既新開7折吸引左 就揀左尼間首先新開 環境好乾淨 位又夠濶 坐窗邊lunch 時間自然光哂入尼 好refresh既感覺 菜單有台式加西式 又有pizza 要揀個岩心水 冇難度 同同事3個人 叫左個飯 pizza 加個沙律 岩岩好 味道唔錯 少驚喜係個飯 risotto 加蚵仔 未試過 味道相當夾😋 加上上菜又夠快 再加上有我❤️️既台式飲料 已經列入為lunch 其中一間option👍🏻