海皇粥店 (樂道) (Under Renovation)

與同事去尖沙咀見完客，之後搵餐廳食午餐，同事想食粥，去咗海皇粥店，粥店地方整潔，主打傳統廣東粥品，食品新鮮衛生。生滾粥餐及第粥：即叫即整，材料有鮮肉丸、肉片、豬心、粉腸、豬肚、豬肝，十分豐富又爽口，粥底綿滑。炒麵夠鑊氣，麵條彈牙夠味，加咗芽菜和韭菜增加口感。凍奶茶不太甜，都夠味。粥品特餐艇仔粥：因為我哋要求走牛肉，改用豬肉絲，其他仲有魷魚絲、魚片絲、豬皮絲等，先將各款新鮮食材放入碗中，然後撞入滾粥，粥面撒上油條片、蔥花及炸花生，保留傳統風味。蝦米腸 ：條條賣相飽滿、光滑細緻，口感軟滑，配上蝦米和特製醬油，十分美味！凍豆漿不太甜，少許豆香味。足料糯米雞，打開荷葉，裏面嘅糯米雞的確好足料，除咗糯米飯同肉醬，仲有冬菇、臘腸、雞翼等。糯米夠軟身，能夠吸收到配料的味道，十分惹味。配送熱豆漿，熱豆漿是無糖，非常健康！

想搵粥食自然就想起海皇粥店，話哂呢個品牌都有左十幾廿年😆是晚就來到樂道的海皇分店，雖然唔爆場，但意外地多遊客😳外國人、國内人，甚至連日本人都有，原來海皇係國際知名😳睇下餐牌，有唔少粥品、小食，連飯同公仔麵餐都有，好肚餓，叫多幾樣野食先。⭐生滾芥菜雙併肉丸粥配半份油炸鬼朋友話佢好鍾意食芥菜，所以就試下呢個芥菜生滾粥，配料就配咗雙拼肉丸，雙拼肉丸包括豬肉丸同埋鯪魚球，個粥底都幾好味，芥菜好新鮮爽口，少少苦澀唔算好重口，唔錯呀。呢個粥仲有半份油炸鬼送，抵喎😋⭐鮮豬肉丸粥配炒麵自己就點咗個單拼生滾粥，揀咗要豬肉丸，唉呀～早知同朋友一樣我就揀另一款啦。望落去白茫茫一片，但入面其實豬肉丸都落咗幾多嘅，粥底綿綿地都幾好味😋呢個餐可以配好多選擇，揀咗要炒麵，我覺得粥配炒麵係絕配嚟喎😆炒麵都幾好，冇過油亦都唔乾身，加啲辣醬同芝麻，正呀😋⭐煎蘿白糕朋友仲加多咗份煎蘿蔔糕，個樣望落都唔錯，不過煎燶少少會更好😆鍾意食香口嘢嘛。⭐炸兩另外仲加多咗一份炸兩，炸兩都係粥舖必點嘅小食之一，腸粉夠滑又煙韌，入面嘅油炸鬼新鮮仲係脆口嘅，最正係醬料擺喺枱面任落，食炸兩腸粉梗係要多醬啦，仲要多芝麻添呀😍⭐熱檸茶 & 熱豆漿食

朝早同晏晝喺尖沙咀都有interview，朝早in完撞正繁忙食飯時間，一條友就去咗海皇，因為唔使排隊，點知就出晒事🤦🏻‍♀️🤦🏻‍♀️其實已經好耐冇嚟過，因為上兩次食唔同分店都覺得海皇差咗好多🤦🏻‍♀️叫咗個南瓜粟米肉碎粥配牛脷酥套餐首先，咁簡單嘅嘢都等咗15分鐘以上⋯然後，佢拎個粥嚟嗰陣同我講冇牛脷酥，其實如果冇我會索性叫湯飯/石磨腸粉，不過算，廢事將個粥彈返入廚房我又有排等⋯（我見好多人都叫牛脷酥，店員逐個逐個講冇，唔明點解繁忙時間都唔確保食品供應齊全🫤）最後轉左蝦米腸，味道正常，都算滑碗粥就好稀，食咗半碗已經成肚水😐舖頭超級唔夠人，店員好忙態度都幾差，落單又要叫好多次，上菜又慢又漏地下污糟，隔籬個男人話個湯飯着條好長嘅頭髮，呢間海皇嘅衛生不敢恭維😐結論：唔會再去海皇食嘢。