海皇粥店 (彌敦道) (Closed)

海皇粥店真係一間性價比極高嘅地方，艇仔粥$24，另外炸腸$20⋯艇仔粥足料，唯一缺點就係比較細碗，不過當作早餐，又或者係下午茶，絕對無投訴⋯炸腸一定要脆口，唔係一定係失敗收場，佢哋嘅炸腸就永遠做到呢一點⋯⋯所以可以俾個 Like 👍🏻

星期日兩點油麻地每間餐廳都爆曬人諗住食個quick lunch都唔得行咗一圈得呢一間嘢冇人得20分鐘食飯嘅我唯有入去入到去間餐廳其實係完全冇人但係每一張枱啲碟都係未收嘅本來已經好急住食飯㗎啦但我坐低10分鐘都仲未有人嚟幫我落單本來諗住食粥得返10分鐘周圍有去食佢個粢飯一舊粢飯再加一杯豆漿盛惠$22粢飯入面好少料 舊飯又冇味個油炸鬼又極細 好明顯就係預先整定然後攞去叮下次真係寧願食便利店都唔會入去再食多次

在这家店解决的早午饭，看网上这家店人气很高，没想到上午十一点左右去的，客人特别少，点了一份叉烧肠粉和一份瘦肉粥，瘦肉粥一大碗比我的手要大一圈，有花生有油条瘦肉超级多叉烧肠粉的叉烧非常入味，感觉这五十多花得真值。

粥同外面嘅舖頭都差唔多，冇咩特別，配料份量都尚算可以，所謂「換湯不換藥」，菜單上嘅餐都係嗰啲款式，諗起想食清淡啲嘅人就可以食呢間。蘿蔔糕份量較多，食落味道都重，推薦點呢類小食。附近都有其他粥舖，不過呢間夠近站口，而且啲枱唔會痴笠笠，有時貪快靚正就會去食。

一個人諗唔到食咩 行過海皇粥店就入左去買左碗皮蛋瘦肉粥加左個炒麵食 皮蛋瘦肉都算足料 皮蛋都頗為香口 而粥亦煮得幾綿 而炒麵亦唔會好似外面咁乾爭爭 都算有色水 食落口都好夠味 基本唔洗再落咩調味料 下次想食清淡d我都會選擇佢

近排天口好熱，成日食晏嘅時候都冇乜胃口，唔知食咩好經過海皇粥店，諗住不如清清地食碗粥算海皇粥店唔止有粥食，仲有好多唔同類型的茶餐廳飯、麵簡入到去唔想食粥，都可以有好多野比你叫<特餐$42>望咗一輪餐牌，都係決定食下佢嘅粥品晏晝可以叫特餐，包一碗指定款式嘅粥同埋一款小食Fatbrown 叫咗碗艇仔粥，牛肉碎仲可以轉豬肉碎，都幾貼心艇仔粥嘅份量中規中矩，豬肉嘅份量唔多，不過豬皮同魷魚嘅份量就幾多豬肉有少少鞋口，不過因為份量唔多，所以都不足為患，唔係好影響滿足嘅口感另外加着款小食蘿蔔糕，夠蘿蔔糕超巨型，不過偏粉，唔算好好食

之前透過 Klook買左個套餐🍽一共有四樣野：腸粉、一碗粥、油炸鬼同豆漿腸粉係普通無加料嗰種 可以自己再落醬🧂店員落豉油毫不吝嗇 一黎就落左勁多甜豉油😂腸粉有啲厚度唔算好滑 不過配埋唔同醬食都唔錯🐟魚片碎牛肉粥碗粥好大碗 熱辣辣 面頭仲有幾舊油炸鬼入面既魚片同碎牛都算多 非常飽肚而另外嗌左嗰半份油炸鬼就係另上既雖然啲油炸鬼已經唔熱但係都keep到脆脆地 唔會硬硼硼咬唔爛配埋熱粥食 令佢變番熱同濕潤🥛熱豆漿有豆味 唔係溝水溝到無味既豆漿糖係自己落既 好方便我呢啲平時唔落糖既人

今日來到油麻地，見海皇吾太多人，於是入去食晚餐。餐牌好多，有好多選擇。我叫了鴨腿湯飯。係呀，無錯呀，海皇粥店食湯飯。次次都食粥，今次見到有湯飯食，硬係試吓啦。鴨腿好大，湯好濃，配白飯，好得呀。我朋友就叫了個套餐，只係三十幾蚊，有：迷你南瓜碎肉粥，叉燒包，珍珠雞，炒米粉。係咪好多呢，簡單超值，仲超飽。也叫多了個小食，义燒腸。好滑，好似仲係即刻整。海皇地點好就腳，次次旺角行完街，都可以行來食下粥、小食，又經濟、又實惠。

今日，由於身體抱羡，所以打算找一些較為清淡的食物。經過油麻地海皇粥店，決定進去食碗粥及腸粉。海皇粥店，有個不錯的地方，就是有粥的套餐，例如我今次就選擇了，一份常餐，50元一份，包含了一碗皮蛋瘦肉粥，西生菜，以及一杯無糖豆漿。粥當然不錯，不會太稀，質感不差。基本一份套餐，就足夠了。除此之外，女朋友亦叫了一碟牛腸及鮮腸，加一元加了莞茜，蝦腸的蝦亦不會太差，牛腸亦不錯，但價錢則略為貴了一點，前者28元一碟，後者一碟盛惠37元。除了一般的粥類，海皇粥店晚上亦有提供一人火鍋，好像不錯，有機會可以試試。海皇粥店 (油麻地)人均消費60元油麻地彌敦道497A號地下想食就食，想寫就寫，絶不專業，絶對主觀，有興趣請follow～緣食魔宮。 #Yahoo熱搜餐廳大賞 #海皇粥店 #oceanempire #傳統廣東粥 #油條 #牛脷酥 #腸粉

海皇粥店油麻地返工，中午剛好路過海皇，好久沒有喝粥了。於是決定回憶下兒時回憶。分店還開得越來越多管理亦越來越。炸腸腸粉很潤滑，沾著醬料，一口一個。果然保持水準冇令我失望，仍然咁出色艇仔粥粥底用上乘米煲製五小時，加上不同既海鮮真係唔錯既選擇份量是大大碗的，， 粥底軟綿綿，配料有碎牛、魷魚鬚、 豬皮及花生

病左一輪身體差左，之前日日喉嚨痛咩都唔想食，今日終於好返d，心情都好返d 想食返d 野開心下，老公見我咁即提議食粥店，我話普通粥滿足唔到我架 ，佢即話海皇粥店你實滿足咩都有得食。去到佢爭住order 以下食物:鮮蝦腸粉 ~ 大大隻鮮蝦，夠爽彈，腸粉又滑。XO醬煎羅白糕 ~ 羅白糕煎香後，加配XO 醬好夾。蛋黃咸肉粽 ~ 夠材料黃金帶子笑蝦蝦粥配牛脷酥 ~ 個粥超甜又蝦又帶子又肉丸，食完個人又暖又舒服。秘製糯米飯配生菜 ~ 估唔到有糯米飯食，仲要炒得幾好。

凍冰冰🥶最啱就食碗熱辣辣嘅粥🥣，海皇粥店原來有好多特色粥品㗎.今次我就食咗黃金帶子笑蝦蝦😃，其實佢係鳳尾蝦帶子肉丸蛋花粥，佢仲配咗一款小食，可以揀牛脷酥，煎堆，咖喱魚蛋🍡或者燒賣，我就揀咗煎堆，因為唔係好多地方有得食呀嗎，煎堆煙煙銀銀，芝麻味好香呀😋.粥入邊嘅材料都幾新鮮，隻蝦唔係雪藏蝦嚟架，食落蝦味鮮度🦐十足，肉丸都好彈牙呀，又好有肉味，粥落咗蛋花🥚，變成黃金嘅顏色，好睇又好食😋

岩岩腸胃炎好返，都係食清淡d就去左食粥，不過甘岩見佢出左個紅卜卜蕃茄係列，忍吾住試下。【蕃茄湯牛肉米線】$38成個湯底紅卜卜好香濃蕃茄，酸甜度剛好，個牛肉好值得特別讚下，好juicy，不過米線就吾夠軟卻有d碎，有個係蕃茄牛肉湯飯，我諗呢個會好好味！【西式味力套餐 - 鴛鴦扒】$48有豬扒、雞扒，揀左洋蔥汁，豬扒大大塊，而且好香又夠味，份量好多，食吾哂。【熱荳漿】跟餐喜歡呢到係無糖荳漿，要幾甜就自己加糖。【XO醬煎蘿蔔糕】$30幾豪氣，落左好多xo醬，好多乾瑤柱絲。

海皇粥店分店多，油麻地就正好有一間大廈正好有維修工程，搭了棚架，但影響不大特餐 – 豬紅艇仔粥, 蝦米腸粉+凍豆漿 - $50沒有豬紅的血腥味因為被幾條薑絲辟除了艇仔粥材料十足，如魷魚條、豬皮等等非常有傳統的味道黃金帶子笑蝦蝦粥, 燒賣(五粒) - $68結合了些西方文化，是新式的粥品有一粒加拿大帶子，三四隻鳳尾蝦、三粒肉丸粥底打了蛋花，非常清新的蛋香味，滑溜溜的還可四選一小食：燒賣、魚蛋、牛脷酥或煎堆糯米飯餐 – 秘製糯米飯, 西生菜+凍豆漿 - $48糯米飯有臘腸、蝦米、花生和蛋絲等，比較乾身的飯粒煙煙韌韌，卻不黏口是日的西生菜很鮮美，也能看見廚房的店員正在洗菜，洗得頗乾淨鮮蝦腸粉 - $37每條也有兩隻蝦，腸粉也滑溜溜油條 - $11傳統小食色澤金黃、外酥內軟、柔韌有勁熱芝麻糊 - $18非常濃，真的像糊狀芝麻味也重，用了很多芝麻炒

和同事去油麻地見客，攪到晚上八點多才完成，同事說食埋晚餐才回家，甘啱經過海皇粥店，我們都喜歡食粥，所以立即入座。粥店有粥亦有飯食，餐牌有散叫，亦有套餐，我們比較喜歡食粥，而且覺得特餐比抵食。特餐有不同配搭，方便食客選配。豬紅艇仔粥，用料新鮮，粥底綿滑，豬紅滑溜。蝦米腸粉，腸粉薄如紙，加入蝦米仔，香滑可口有口感。加7元的牛利酥上枱時還是熱的，口感香脆帶甜味！皮蛋瘦肉粥，粥㡳綿密，加入鹹香的肉絲、爽口的皮蛋，這種入口即化又帶著米香的綿密口感，真的是令人一口接一口停不下來！炒麵加入芽菜和韭菜炒得夠香又夠味，加7元的油條香脆可口。魚片豬紅粥：魚片新鮮冇腥味，豬紅滑溜，配以綿滑粥底，好好味！义燒腸粉：薄滑的腸粉包住义燒，雪白晶瑩，米香軟綿滑溜，加點甜豉油滑入口，雙重口感甚美味！豆漿有豆香味，不會過甜。凍咖啡冰凍香濃。