海皇粥店 (彌敦道) (Closed)

近排天口好熱，成日食晏嘅時候都冇乜胃口，唔知食咩好經過海皇粥店，諗住不如清清地食碗粥算海皇粥店唔止有粥食，仲有好多唔同類型的茶餐廳飯、麵簡入到去唔想食粥，都可以有好多野比你叫<特餐$42>望咗一輪餐牌，都係決定食下佢嘅粥品晏晝可以叫特餐，包一碗指定款式嘅粥同埋一款小食Fatbrown 叫咗碗艇仔粥，牛肉碎仲可以轉豬肉碎，都幾貼心艇仔粥嘅份量中規中矩，豬肉嘅份量唔多，不過豬皮同魷魚嘅份量就幾多豬肉有少少鞋口，不過因為份量唔多，所以都不足為患，唔係好影響滿足嘅口感另外加着款小食蘿蔔糕，夠蘿蔔糕超巨型，不過偏粉，唔算好好食