OCEAN THREE

Open Now

Now Closed

今次食Ocean Three 大閘蟹上年無乜食大閘蟹，今年要食返夠本🤩一去完旅行返嚟就密密食今年食第四間大閘蟹 Ocean Three今次一隻 5 兩 $108 一隻 4 兩半 $58其實望落相差好少，拎上手感覺到重手啲之前幾間都喺食 5 兩，但都未爆膏所以今次食一隻 4 兩半，當然我喺買咗兩大兩細共4隻先夠喉😂估唔到咁多間呢間最多膏不過公平啲咁講，10日前食同10日後食當然係10日後肥美啲嘅🥰今次終於有少少白膏，但都喺好少仲未食到成口白膏嘅感覺可能要下星期會再爆膏啲4兩半嘅膏爆過5兩，$58 相當抵食呀！蟹肉鮮甜美味，very yummy!今晚完成今年第9隻以前一晚都食到9隻，而家就唔敢一次過食咁多😂隔兩日食一次🥰💕仲有兩隻聽晚食埋佢🤩OCEAN THREE (將軍澳)將軍澳唐明街2號尚德廣場尚德街市地下109號舖

Ocean three依家真係愈黎愈多款式既食物可供選擇，今次試左花膠系列既產品！所有花膠系列都係煮熱就食得，非常方便，完全無需要任何技巧！ 上湯花膠清清地，送飯又岩，就算煮左菜放上面都唔錯！花膠碗仔翅都想像中份量多，都幾足料，花膠份量都唔少，食落都幾有飽肚感! 而且食落味道天然，都幾岩健康人士食用。碗仔翅既湯底都好濃郁，食落出都似係煲好耐，一啲都唔hea！同埋花膠係另外包裝，令到花膠唔會因為浸喺啲湯度太耐又影響質素，夠晒細心。

我很愛飲湯，以前會喺地鐵站既連鎖買湯水，不過老實講，我更愛吃濃湯裡材料，那滿足感，非筆墨所能形容。待家的這段時間，我去ocean three 買刺身凍貨時，居然俾我發現佢哋有急凍的上湯花膠湯！太驚喜了！除上湯外，還有鮑汁花膠！愛喝湯又超愛花膠既人，買左翻翻屋企，超驚喜有一包滿滿既花膠！翻熱方法非常簡便，拆開材料同濃湯翻熱幾分鐘就食得！雞香湯濃，滿滿一碗既花膠，啖啖肉、滴滴精華！同場加映香港人既集体回憶-碗仔翅！期待 Ocean Three 有更多急凍靚湯出品！

當Ocean Three仲係網店嘅時候，已經開始幫襯。當時因為市面上都冇呢一類高級食材嘅舖頭，所以都好鍾意。而家Ocean Three開到去屋企附近嘅街市，當然都要支持一下。買嘅食材相當多元化，已經唔再只係當初的生蠔以及魚生，仲加入咗好多唔同本地工場出產，Made in Hong Kong 嘅即食材料。今次特登買咗碗仔翅以及鮑汁花膠返屋企嘆。先講鮑汁花膠，佢嘅汁同埋花膠係分開放嘅。而且煮法相當簡單，只需要解凍左之後，再放入鍋度加熱不超過10分鐘就食得。鮑嘅味道好香濃，好適合用嚟撈飯或者撈麵。而且花膠嘅份量都唔少，不過如果一個人食就非常滿足。花膠充滿着骨膠原，女人真係要食多啲。而碗仔翅一樣都係非常之足料，同花膠嘅煮法大致上都係差唔多，搵返熱佢就食得。材料非常之豐富，除咗有雲耳、肉絲，仲有數次，煮完之後出嚟四個人每人都可以食到一碗㗎。味道方面，佢比出面嘅街邊碗仔翅嘅味道係淡口咗少少，相信佢冇出面咁多味精。可以加埋胡椒粉食，咁就會香口d！所以居家抗疫，都唔一定餐餐都係罐頭嘅。可以入返多少少貨放喺雪櫃，咁隨時想食就可以拎出嚟翻熱啦🌈

小妹自問廚藝一般, 所以最鐘意買即食產品回家, 貪其方便, 加熱就食得~最近bff 係Ocean Three買咗2包即食花膠, 試過之後讚口不絕, 攪到我都心思思要買嚟試!講真, 自從買咗氣炸鍋, 我就經常幫襯Ocean Three買嘢, 而店入面仲經常有優惠, 例如買雞送出前一丁~鮑汁花膠一直都認為一分錢, 一分貨, 但“鮑汁花膠“真係令我喜出望外, 除咗因為由「翹」出品, 仲因為佢入面有一包大大包既花膠~食既時候只需要將湯汁同花膠放入微波爐加熱就得, 唔使晒時間發花膠, 仲無添加任何味精, 夠晒健康。湯汁好鮮味, 唔鹹, 相信係用慢火熬出嚟, 用嚟撈飯就最啱,而花膠份量好多, 質地軟稔厚滑, 膠質豐富, 食完咀角會有黏黏既感覺, 食完好滿足!花膠碗仔翅另一款就係花膠碗仔翅, 同鮑汁花膠一樣, 入面都係有獨立包裝既湯汁同花膠~湯汁主打無添加、低鈉低糖，加上用豬骨同埋雞骨慢火熬6個鐘，所以味道好鮮甜，而花膠份量就無鮑汁花膠咁多&厚身，不過，入面就加咗木耳&仿翅，感覺就豐富d, $48絕對收貨~

疫情影響，囤冷藏食品貨已經成為常識，幸好家附近有Ocean Three，確實為我減輕不少煩惱。說實，我每隔一星期就會到這裏入貨，因為它的價錢合理，而且選擇又多，款式又新，讚~這次竟然在冷藏櫃發現了花膠翅及上湯花膠，就買來試試。兩包都是由著名花膠品牌「翹」出品，重重的，份量十足，而包裝袋上亦有清楚列明煮食方法，解凍後加熱，超方便。包裝袋內外防水，而上湯和花膠就是獨立包裝。湯底奶白色，味道非常鮮甜，像極媽媽煲的老火湯，在網上查過資料，原來湯汁是用豬骨及雞骨慢火熬製6小時而成，而且不添加味精及低鈉低糖，所以喝後不會口乾。而花膠質地挺厚身，口感軟滑，帶有豐富膠質，個人認為以HK$68來說，確實是非常超值。花膠碗仔翅湯汁及花膠同是獨立包裝。而湯汁亦是以豬骨、雞骨慢火熬製6小時而成，不添加味精、低鈉低糖，適合注重健康的人士。湯頭與上湯花膠一樣，非常鮮甜，不過，這個花膠碗仔翅就加入了仿翅粉絲及木耳等材料，令口感層次更豐富，而且味道剛剛好，不會過鹹，佐飯或是當作宵夜都相信不錯，私心推介~