Video
Opening Hours
Mon - Tue
11:30 - 20:00
Wed
11:30 - 17:00
Thu - Fri
11:30 - 20:00
Sat
11:30 - 16:00
Sun
Closed
Above information is for reference only. Please check details with the restaurant.
火炭真係冇咩好食，行咗幾個圈都唔知食咩好，見到OpenRice呢間Cafe都幾多好評，位置都好偏僻，喺商場入邊🤣 Lunch Menu價錢都偏貴，由$70至到$85不等，包一杯嘢飲嘅。🍴照燒雞扒天使冷麵 $75 (7/10)賣相幾靚，天使麵份量唔算好多，雞扒都有完整嘅一塊，雞扒正常，唔係煎得好嫩，比較鞋身，甜甜地，有照燒汁嘅味道，第一次食凍嘅天使麵，呢個配搭幾新奇，都幾有創意，天使面酸酸甜甜，落咗麻醬同埋醋汁，都幾清新，加埋啲沙律菜完全好似食緊沙律咁呀，一啲都唔Heavy，女仔食啱啱好但男仔食應該唔夠飽啊。☕️凍日式咖啡 +$5 (6/10)加咗$5飲咖啡，下面係奶上面係咖啡，都整得幾靚，咖啡都正常，冇話咖啡味特別濃同埋鮮奶味好出，普普通通啦，唔需要特別加錢去飲。推薦指數: 6.5/10朋友食嘅鰻魚飯佢話唔好食，啲飯太淋，鰻魚質素都麻麻地🤣🤣偏遠地區來講都算OK嘅，Lunch價錢偏貴，嘢食嘅質素都還好，唔會特別推薦大家特登去食，如果大家喺嗰邊冇咩好食嘅話就可以試吓嘅。
continue reading
以喺火炭地段嘅餐廳來講呢度算係偏貴，小店質素，餐廳食品種類都唔算特別多，午市套餐有幾款意粉，雖然佢白汁真係幾香濃，但係要80幾蚊，價錢真係有啲貴，性價比唔係特別高，而且佢啲飲品種類好一般
continue reading
不是想評價對錯 因為我很理解作為商家面對高舖租需要盡力翻檯做多啲生意。今日是大學同學生日 她在火炭工業區返工 中午得一個鐘lunch time 我趕去同佢慶生食飯 我到左餐廳門口 同學告訴我落樓行過來好近 所以餐廳負責人同我講要人齊先可以入座 我告訴他同學2，3分鐘就到 可否我先入坐 佢答可以。坐低2分鐘 隔離窗位空左出嚟 我詢問可否換去窗位 我可以自己執檯（唔係因為同學生日 我唔會係lunch time餐廳最忙的時候提呢個要求）佢話：唔得 你可以出去重新排隊。我係有啲唔開心 打比同學問佢想食乜我落單先 餐廳唔耐煩了 同學話1分鐘到 但都叫我落單先。於是我就叫佢寫嘢 佢唔耐煩的語氣：等等 然后就去左Serve其他人 然后我又提佢一次 佢又答：等等 又去左Serve第二檯 之後佢過到嚟問我：食咩（語氣唔太好）我指Menu（因为我都唔开心了 唔想讲嘢）佢突然講：你唔想食你可以走。我愕然......（講真唔係因為火炭真係選擇唔太多 同學又得一個鐘Lunch time）我重申：商家面對高舖租 又係食飯高峰時間 我好理解商家的不耐煩和營業壓力 但可否有小小 小小人情味。我也不是不願意在同學生日的特別日子花費多小小去高級餐廳體驗更禮貌更從容的服務 但同學Lunch time真的得一個鐘 火炭工業區選擇又真的唔多 可否 有小小人情味 哪怕一句：唔好意思
continue reading
話說今日我朋友先到坐底左（12:50左右到左），我飯趕過去途中，店老闆一直問我朋友你到底幾時齊人呀？（態度非常不友善），之後我朋友同老闆講就到（13:05），我朋友見窗口邊有位，問老闆可以轉窗邊位嗎？結果換來好唔禮貌講：‘你出去啦’，第一次想去，換來咁既服務太態囉，老闆其實可以友善同我朋友講如果未齊人在外面等齊先入都無問題姐，我地都習慣人齊先入，習慣排隊啦，但無必要咁差態度同語氣講野，連個‘請’都無囉，都唔明仲有咁多人去食。
continue reading
呢間cafe 係火炭番工既一定都食過🤣因為係火炭為數不多既Cafe 之一，舖頭唔算好大，但勝在環境舒服，性價比高。服務態度不錯👍🏻日野食黎講都好有質素架，最中意食卡邦尼意粉，好濃好香☺️☺️份量都岩岩好，倍感滿足☺️☺️除咗意粉佢仲有啲飯食，我朋友就叫咗個滑蛋鰻魚飯，都好好食👍🏻👍🏻每次黎都令我驚嘆既係佢杯Latte ,拉花雖然唔算好實，但係都算靚，見到心情都好好！飲落都唔輸其他咖啡店架☺️☺️☺️
continue reading