拾悦咖啡 (Closed)

火炭真係冇咩好食，行咗幾個圈都唔知食咩好，見到OpenRice呢間Cafe都幾多好評，位置都好偏僻，喺商場入邊🤣 Lunch Menu價錢都偏貴，由$70至到$85不等，包一杯嘢飲嘅。🍴照燒雞扒天使冷麵 $75 (7/10)賣相幾靚，天使麵份量唔算好多，雞扒都有完整嘅一塊，雞扒正常，唔係煎得好嫩，比較鞋身，甜甜地，有照燒汁嘅味道，第一次食凍嘅天使麵，呢個配搭幾新奇，都幾有創意，天使面酸酸甜甜，落咗麻醬同埋醋汁，都幾清新，加埋啲沙律菜完全好似食緊沙律咁呀，一啲都唔Heavy，女仔食啱啱好但男仔食應該唔夠飽啊。☕️凍日式咖啡 +$5 (6/10)加咗$5飲咖啡，下面係奶上面係咖啡，都整得幾靚，咖啡都正常，冇話咖啡味特別濃同埋鮮奶味好出，普普通通啦，唔需要特別加錢去飲。推薦指數: 6.5/10朋友食嘅鰻魚飯佢話唔好食，啲飯太淋，鰻魚質素都麻麻地🤣🤣偏遠地區來講都算OK嘅，Lunch價錢偏貴，嘢食嘅質素都還好，唔會特別推薦大家特登去食，如果大家喺嗰邊冇咩好食嘅話就可以試吓嘅。