棋吧

Open Now

Now Closed

話說🐖本來約咗班朋友BBQ，但因為疫情同天雨關係就轉咗樓上cafe玩下boardgame(未出4人聚會之前)，就上網搵到哩間告急黃店。位置都幾偏僻難搵，🐖同幾個朋友都盪失路，係家樂坊向廣華相反方向行過一個十字馬路口，見到登打士街高氏大廈再行前就有條巷仔，轉入去就會見到個好舊嘅恒威商業中心嘅門口仔，搭lift上12樓就係。————————————————————舔舔脷指數 : 🐽🐽🐽🐽🐽🐽🐽(6.5/10）抵食指數:🐽🐽🐽🐽🐽🐽🐽(7/10)————————————————————韓式辣卡邦尼煙肉意粉(套餐價$128包一杯$52飲品)意粉唔會太硬啱啱好，卡邦尼幾夠味得來唔會好漏，都幾多汁幾creamy下，再加多少少辣味好惹味(不過朋友就話好辣，🐖就覺得唔算好辣，只係少少，應該係佢唔食得辣😂)，煙肉幾足料，份量都大份，女仔會夠食，加多隻溫泉蛋🍳就perfect池。薯條+雞翼+麥樂雞因為比朋友發辦所以基本上🐖係唔知嗌咗啲乜唔知幾錢，亦都掛住玩唔記得咗影相要講番聲sorry先😅薯條係粗身個隻，出到來脆卜卜，熱辣辣咁食幾正。麥樂雞唔錯，配埋佢比嘅甜酸醬好過麥XX。雞翼一樣炸到脆卜卜，冇乜炸粉，不

平時工作咁忙，返工放工食飯搭車都要同人逼，難得放假都想搵個地方好好休息下，所以決定搵間樓上cafe同朋友坐低吹下水，俾自己放鬆一下。哩間樓上cafe嘅位置喺旺角，幾方便住唔同地區嘅朋友去。但佢嘅入口可能會有少少難搵，佢喺登打士街，彌敦道同砵蘭街中間嘅一條小巷，見到條寫住Paris嘅巷仔行入去就啱，唔洗懷疑🤣入到巷仔前行幾步就會見到哩個恒威商業中心嘅入口因為係佢啱啱開門冇耐我地就上去，所以我地係第一枱客人入坐前店員會為我地探熱，然後遞埋酒精搓手液俾我地先入坐望落環境唔錯，仲分配到去窗口位，可以望到旺角嘅街道因為夜晚仲會食晚飯，所以只係叫咗2個tea set，有小食加飲品.🐽粗粗地炸薯🐽佢嘅炸薯條新鮮炸起夠哂熱而且都幾粗，上面又有啲調味粉，鹹鹹地咁，就算唔點醬都夠哂味.🐽麥樂雞🐽覺得佢嘅麥樂雞比起麥當勞嘅仲好味！平時食麥當勞嗰啲會覺得層皮唔係痴住中間啲肉，空氣感比較重但哩間嘅麥樂雞食落嘅口感就實淨啲，而且仲有配埋泰式辣醬.🐽青蘋果綠茶🐽同道地嘅蘋果綠茶相比，哩間cafe嘅青蘋果綠茶嘅蘋果味幾濃🍏同綠茶味好夾🌱.🐽蜜桃紅茶🐽至於蜜桃紅茶比青蘋果綠茶再甜少少，有甜甜又濃郁嘅蜜桃味🍑.總括嚟講都

15人已經包到場又包埋嘢食嘢飲，最重要係唔需要自己清場。價錢方面唔貴，per person $228蚊有K唱有牌打，又有人教玩boardgame，地點就腳。包場package 有兩盤salad, 三文魚salad好足料，薯仔salad個醬加左黑胡椒，辣辣地幾野味。鼓油雞亦好入味，另外仲有幾籃炸小食，一路炸一路出，熱辣辣脆卜卜，唔會好似party house叫到會咁擺到淋晒。而意粉就推介韓式卡邦尼。包場仲會送set rainbow shots，一路倒一路變色，一人一杯，幾特別，group photo 打卡啱晒，但味道就唔係杯杯好飲，因為杯杯唔同味。另外包場可以特價加beer package，$328/ 24 cans heineken一早幫我地雪埋又唔需要自己搬上去，！

同一班好耐無見嘅朋友有個聚會，想搵個可以坐耐d嘅地方傾下計hea下咁。呢到提供好多boardgame 任你玩，仲要無限時，所以就決定同朋友黎試試。入到餐廳已經見有一櫃boardgame 係到比你自己揀，自己攞黎玩。因為肚餓，我和朋友們快快脆脆地點餐。我叫了個香草忌廉煙三文魚意大利粉，$132包埋野飲。純碎講食物質素嘅話就只係普普通通，不過黎得呢d地方都唔會對食物要求咁高，值得讚嘅係個煙三文魚份量比得好多。同朋友玩board game 個陣有唔明，個店員主動走過黎教我地，服務唔錯。

話說小弟生日想搵個地方叫d friend一齊玩逼佢地同我慶祝 咁啱其中一個話黎過呢間”棋吧” 話地方環境唔錯 又有好多boardgame玩 咁我就打去問問包場啦個package ok喎 包沙律、小食，主菜就兩款意粉，每人一杯野飲，可以加錢轉cocktail，由6點包到11點，計埋加一都係二百蚊位到我地又真係玩足5個鐘喎，店員都好好服務，會主動問我地需唔需要教game佢地見我地咁多人，都推薦左幾隻party game我地玩，其中一隻傳情畫意真係笑到我地標眼水！最後原來個package包埋一set rainbow shots, 人人都有一杯，店員喺我地面前倒出黎，會慢慢變色的！好神奇！即我地廿幾人佢就拉左廿幾杯出黎，勁！搵啱地方所以呢個生日我就過得好愉快喇！

樓上cafe曾經是各人晚上無處可去的收容之所。慢慢的泛濫越開越多後，加上連鎖的標榜優質咖啡的店舖佔據不少地舖，甚至24M的出現，令樓上咖啡廳慢慢的走向式微。除了食物與飲品外，咖啡廳的主題亦是不可缺少的一環。芝士雞蛋飛碟因為沒有火腿，退而求其次，選擇了雞蛋。最後還是覺得火腿配芝士才是絕配。食物沒有技巧可言，只要齊料加一部夾包多士機，食品便能完滿地上桌了。熱青蘋果綠茶也是毫無難度的飲品。只要齊料加熱水，攪拌混和便能上桌。幸好上桌時是熱的，不是溫的。Cafe特別之處，舖如其名的以玩棋為主打，不同類型的棋盤也有，有些更是不知名的。不知怎樣玩也不打緊，店主會教，甚至會推薦好玩的棋盤給你。棋盤不合意? 不打緊，三五知己可以自行在角落，不被騷擾的聯營打機，wifi免費供應。自己一個嗎？亦可，有wifi就自行靜靜的睇片吧～不同形式的消磨一個晚上。

無限時真係好正，唔需要玩玩下擔心俾人趕走或被逼要加嘢飲嘢食。里間棋吧cafe就講明一人一個set dinner 就可以玩成日，大概$130 only 包個意粉同杯嘢飲，我地真係由4點開門坐到12點收鋪，雖然d game唔算新但款色都算多，望落都有成100款唔同game，好夠玩。d Staff都好好人，會主動recommend game 俾我地玩，唔需要下下淨識玩monopoly。嘢食嘢飲賣相就一般般，韓色卡邦尼比較特別，辣辣地酸酸地，又幾夾，煙三文魚意粉忌廉醬好creamy。Soda 茶補差價$6就得啦，玫瑰花同桂花都值得一試！好清香又解渴，又有粒粒桂花粒，幾有口感。

一大班朋友放工後happy hour 其實好簡單 ，有野飲，有酒飲，有飯食，有野玩，加埋地方就腳就perfect.上星期五，忽然boardgame癮發作，一於約埋幾個老死玩返晚，諗起呢個friend住元朗，果個住筲箕灣，要就腳，就book odd cafe呢間野，貪佢係旺角中心，大家方便唔係第一次到，boardgame種類仍然好多選擇，睇下個餐牌時都發現同上次有d變化，一個餐收130左右 ， 呢家連埋個煙三文魚沙律，包主菜同野飲，最緊要唔計時間任坐冇話會催你走, 抵玩。

地方細細，人少少得16個人都已經包到場。有set Rainbow shot 送好特別(凡包場/帶蛋糕慶祝生日都有得送），一人一杯，杯杯唔同味，中間幾杯幾好飲。一路倒一路變色好得意，變魔術咁，我地一人攞住一杯影大合照相都幾特別。另外可以加錢轉啤酒/cocktail，開瓶費收左$100任開自己帶嘅紅白酒!嘢食方面都有兩個salad，兩盤意粉，幾款炸小食。三文魚 salad 好足料，個sauce都好開胃。意粉揀左個韓色卡邦尼，幾特別，辣辣地，好creamy。嘢飲方面，我試左兩杯都值得推介，桂花味soda 茶，清清甜甜，另外蜂蜜soda都好正，不過里杯就甜dd，可以叫少甜！玩成6-7個鐘，包買野食，一人2杯嘢飲，每人都係$200only。最正係staff態度好好，又會主動推介同教我地玩！

Cafe都去過少 呢間史無出例到差 差到第一篇要寫比佢👎🏻👎🏻👎🏻先講location問題 因為店既位置要係後巷入 得一步電梯上落係麻煩要等 入親去得幾粒人仔可以上去 ？！上到店 第一感覺 環境窄 同冷氣唔夠係完全唔夠 成個場開得一部冷氣機 20幾個人係大熱天時其實係幾辛苦 可以想像坐左兩個鐘都未涼過Staff得一個 落單係佢 飲品係佢 食物係佢 整整下野食有人落單走出黎 落完又煮兩下 頂佢成個半鐘煮得一個粉我地6，7個人咪有排等？食物一定要一人一set $126起 一個意粉包$52飲一杯 不過⋯食品質數算係不過不失 不過係偏細份 飲品就當凍水咁飲算吧 ！Board games 好多配件都無左 好舊 係等待時間迫你打發時間。順帶一題 我地7點到既時候後面一枱男女7人已坐底至少半小時 到而家8:30 多 佢地得3個有野食 黎唔黎試下 閣下自己考慮

一大班人食飯，Cafe 就最岩，因為食完野可以坐係個到慢慢傾計，仲有Boardgame 提供！簡直一流。環境都幾乾淨，係有少少逼，同埋冷氣唔太夠，不過整體黎講都滿意。先講下野食方面，主要有飯，有意粉同埋有出前一丁餐。我地只有一個人叫左飯，其餘人都係食意粉同長通粉。我自己就叫左個意式香草蜆肉意粉，外觀都幾好，整整齊齊，睇得出係有心思。味道方面就有淡淡洋蔥和蒜味，我個人勁中意蒜味，而蜆肉冇沙呢樣野要加分！而且佢D汁夠多，好正。而有叫主菜既都會有沙律送，有煙三文魚，不過我唔食三文魚所以就比晒朋友，我自己就咁食沙律，佢D醬唔會多到你好漏，而D薯仔淋度適中，幾好食！我有試到朋友叫既韓式卡邦拿尼意粉，夠多汁，同埋都幾Creamy，同埋佢唔係好辣，不過因為我個朋友唔係好食得辣，所以佢食到最後話好辣...唔食得辣既人可能唔叫得。之後我有試到朋友叫既蕃茄大蝦意粉既大蝦，個蝦都幾彈牙好食。而另一個朋友叫左吞拿魚長通粉，呢個等左超耐，耐到以為漏單，但其實因為佢係焗，所以原來要耐D，不過見佢個個好似好好食咁，有好多芝士，不過我就冇試到。而野飲方面我就叫左個巨峰提子紅茶，幾好飲，重點係唔甜，因為我好怕太甜。之後

如果諗住坐得耐里間就啱晒 ！係邊度可以搵到間cafe可以喺Weekend由5點坐到11點幾走都唔會趕人？！Book前打左去confirm,棋吧肯定咁話有最低消費但無限時！$122 加一（睇你叫邊個意粉，差幾蚊上落）包一個前菜salad, 一個意粉(7選一), 一杯$52嘢飲（soda茶加$6差價），跟住無任何收費，任我地玩，無叫我地加order or 叫我地夠鐘要交檯！講真，賣相麻麻，嘢食就不過不失。嘢飲有幾杯都幾好飲，我地幾個都叫晒soda飲，朋友杯 「蜂蜜soda」,「青寧 soda」同「金桔soda 」都值得一試，「蜂蜜soda」清清甜甜，如果鐘意酸酸地可以試另外個兩杯，建議可以叫少甜。我就試左個杯玫瑰Soda 茶」幾特別，幾香玫瑰花味，又唔會太甜，配紅茶帶dd 氣幾解渴！

I have been here a couple of times with my friends. Although it does not have a lot of food options, it is a nice little boardgame cafe located in the busy area of Mongkok/Yaumatei.The charge is actually very cheap compared to others that charge by minutes. Odd boardgame cafe DOES NOT charge us anything else apart from the dinner set, which includes a smoked salmon starter, a pasta of our own choice and a drink. So $130 including food, drink, time and space, is quite a good option!Another thing

難得一班中同約到食飯, 梗係要搵返個可以坐好耐嘅地方聚啦上網見呢間冇限時坐, 又有boardgame玩, 決定試試佢我地total 11人, 叫左每人一份set dinner, 另加一d小食個set 有個小前菜 (沙律), 落完order好快就上, 但個main course就有d慢, 好彩有個前菜墊下底先玩住game唔覺唔覺好我份煙三文魚意粉就到左, 味道唔錯野飲我就叫左杯草莓朱古力，menu冇嫁！係店員推薦好飲！整體黎講我覺得呢度幾抵, 一份set dinner有前菜main course野飲可以坐成晚, 有好多野飲選擇，冇諗到仲有好多cocktail選，boardgame都多種類, 店員服務都好, 得閒嘅話會問下我地要唔要教game～一班人黎就岩哂啦🤤

簡單講一講，以後唔會考慮依間1.同frd一行5人晚上大概7點入席，隔離檯有另一檯客，叫左野食之後，最快等左1個半鐘先上第一份意份，我frd叫飯等左2個半鐘，9點45先有得食，我都唔知隔離檯點捱。整個場得一個人招呼+煮，根本處理唔到，重要一份一份煮，連飲品都一杯一杯倒比我地，同我地講飯先啱啱開始boil🤤...所以要等一陣(一陣=2個半鐘)2.難食，個意粉超'林，d炸雞超硬好似放左3個月既冰鮮雞，重要餐單上既野好多都冇(但叫左2個鐘先同我地講)，叫我地轉其他。3.難食重收人咁貴，一個意粉包飲品要100多+1，根本唔值依個價，單叫一杯色素飲品都43。4. 。。。。好過份。油煙太重，open kitchen唔係問題，你個抽油煙機抽左d新鮮空氣走??個場勁大油煙味，重要冇冷氣，得3個風扇係度吹下吹，我地張檯已經最遠廚房，但走果時全身+頭髮都油煙味，重衰過食大排檔。得個服務係ok, 但間野太。。。垃圾，救唔番。ps刷出我心目中既最垃圾餐廳 (so for mean