棋吧

Open Now

Now Closed

上次朋友搞party上去玩過，今次就一行8人上去。都幾抵，minimum charge 一人一個餐無限時坐到12點，我地唔覺唔覺玩左成6個鐘。個韓式卡邦尼好吸引，但又想食大蝦，我最後叫左個韓式卡邦尼加餸加左3隻大蝦。個意粉辣辣地好野味，唔食得辣一定要叫少辣。嘢飲叫左杯青檸soda，雖然無放粒青檸落去，但幾似泰國鋪嗰d，鍾意酸酸地啱晒。原來佢地有好多款boardgame 遊戲玩，特別推介有個叫「傳情達意」，玩到笑死左 （唔想睇說明書又唔識玩可以請staff教）。

今日專登同同事到油麻地gathering一下，知道呢到冇限玩就黎坐下，事關啲人唔係個個準時到。我地5點幾鐘上到去玩，坐地即叫嘢食，呢到好多board game 可以玩,個staff好好咁介紹啲games比我哋玩，可能太早人流未算多玩一玩啲野食就到，叫咗幾個意粉同長通粉食。佢個芝士吞拿魚粉量幾足同幾香。我問佢哋有冇咩好食，佢哋推介咗個韓式卡拜尼，但我又想食蝦，所以加錢加咗幾隻蝦，啲蝦幾大隻同幾彈牙，個韓式拜尼又辣得幾過引，都幾好。最後更係飲返杯先啦! 跟餐+$16 叫咗杯1664，朋友就叫左杯cocktail,一路吹水一路玩。氣氛都幾好，檯檯都好high玩board games玩到癲哂🤣

上星期五同事生日，當然要賀一賀佢，whatsapp約飯局，班友又話要飲酒又話要搵個一班人坐得耐，玩得耐的地方。 最後Edward 生佢介紹登打士街的棋吧，貪佢地點夠方便住唔同地方的同事，又係我負責book位。上到去見環境OK, 清左一張長枱坐11個人都好夠坐，Book位時個waitress已經提左因爲果晚full booking上菜會比較慢，所以我地一坐低就落order 先，反正都係玩住d game，飲住野等，無限時坐幾耐，我又真係唔係好介意。 值得一讚係侍應姐姐冇煩我地班人嘈嘈共同會教下我地點玩d game, 話晒有成近百隻game 我懷疑佢自己識唔識得晒，最後飲飽食醉，睇埋隊埋佢表演點整個送的生日rainbow shot， 有酒飲有飯食埋單一個人頭消費平圴110左右，旺角區泥講，算係抵上星期五同事生日，當然要賀一賀佢，whatsapp約飯局，班友又話要飲酒又話要搵個一班人坐得耐，玩得耐的地方。 最後Edward 生佢介紹登打士街的棋吧，貪佢地點夠方便住唔同地方的同事，又係我負責book位。上到去見環境OK, 清左一張長枱坐11個人都好夠坐，Book位時個waitress已經提左因爲

見之前dpost話可以包場就走去試試。有rainbow shot 送，喺面前倒，一路倒真係一路變色，好正! (中間好似screwdriver 味，綠色個杯酒味比較重，紅色個味就見人見智啦）嘢食方面樓上cafe算係咁，有包場package叫，不過不失，算係可以填飽個肚玩成晚。推介韓色卡邦尼意粉， 算比較少見， 酸酸辣辣，估唔到都幾match，如果鍾意辣可以叫個staff加辣！嘢飲有啤酒cocktail哎，都比較少有，一邊玩一邊飲都幾正！non-alcohol 嘢飲方面都有幾款soda值得推介，我試左杯桂花soda 茶，有花味得黎唔會太甜。朋友唔鍾意甜就叫左個金桔檸檬soda，酸酸地幾解渴。我地次次都有10幾20個人，通常玩玩下就會好嘈架嘛，成日俾人bear/出聲話，好無癮。里間可以人少少都包到場玩，大家唔會怕尷尬，玩得好盡興，連個staff都同埋我地一齊玩，個gathering好成功！

里排要搵地方搞ice breaking 迎新活動好頭痛，喺openrice 搵到里間就打去試試。最重要係睇中里間cafe比較細，18人已經可以包場，可以自己霸晒成間cafe自私玩！包場價錢都reasonable，包場 $158/person only，食物不過不失，有沙律有麥樂雞炸蟹拑炸薯條雞翼嗰d跟2款意粉， d staff都幾細心，驚炸嘢凍左唔好食，所以分開一籃籃上，另外豉油雞翼幾入味，韓式卡邦尼意粉辣得黎好野味，份量好夠食。嘢飲一人包一杯$52嘢飲，我地大部分都加$16 upgrade做cocktail， 我地女仔多，都比較鍾意甜酒，所以覺得佢地大部分cocktail果味重好易入口。（留意果味重唔重酒味，唔等於無酒精，所以唔好飲太快！）個人推介 Alligator， 酸酸橙汁帶dd 甜甜Melon 味；Nothing都好正，coconut 同 pineapple and melon 係絕配！最正係FREE 嗰2 set rainbow shot （值$200/set 9杯), 好靚靚，影group photo 一流！另外時間都比較長，可以由5點包到12點！

野食難食，野飲難飲。價錢貴。唔抵食。環境好吵，上菜超慢。建議它係同一時間serve 唔到咁多人，就早點提出，等客人可以選擇要不要繼續係度食。而不是要客人在那齋等。也不是送一兩杯酒就可以解決的事。

朋友聚會，第一次但也是最後一次光顧⋯⋯首先講環境，餐廳只能容納三十人左右，我地十個人左右，有一張枱坐左都是十多名大專生，噩夢開始。他們玩遊戲玩到好嘈！好嘈！好嘈！聲音又高又尖又亮，我地耳膜都就快破損！仲嘈過k房同酒吧，同朋友完全講唔到野！職員完全無作出適當勸籲，我去在高嘈音環境下坐左四句鐘，震耳欲聾！另外，環境又熱又焗。兩部冷氣，一部壞到開唔到，一部喪漏水。睇下前人食評，發現一年多前冷氣已壞，即是經常壞，都無正視問題！仲有，冷氣機漏水，下面用兩個水筒載住，點知有一個穿孔⋯⋯一江機水向我腳下流！講食物飲品仲憤怒。食物份量少得可憐，汁鹹，意粉碎，我地完左要食宵夜。飲品味道真是難忘，提子紅茶，只有極苦的茶味，一點甜也沒有！此外，廚房只有三位職員，要整近三十個餐，出餐程度慢得很，又經常漏單⋯⋯唯一可以讚，就是職員態度算好，但怎樣也不能安撫到我們！最後，這間是cafe界中的「奇葩」！

8個人去聚會，首先地方好細，成個場坐到大概30人only。食物方面選擇超級少，冇party set。d意粉好眉好貌，但係爛到可以用匙羹黎食，長通粉得隻碟熱，入面凍嘅。成間鋪得一個人做，所以要等好耐。野飲不過不失，都係個d野冇咩特別。個環境係乾淨嘅，多唔同款未見過嘅board game玩，都新淨唔會融融爛爛。btw我地借左個雪櫃擺蛋糕，就收左我地$50切餅費，不過送左cocktail都算啦。總結：d野真係太難食，唔會再黎

記得里間無限時，有好多board game玩又有酒飲，坐成晚都係大概$100，所以book返里間玩成晚。叫左個新款意粉，韓式辣卡邦尼， 辣得黎幾野味，都唔錯，值得一試。跟餐包杯嘢飲，加$6 就有杯 house red，支酒比較young，唔會太澀，好易入口。咁啱有朋友生日，原來友人有買蛋糕上去，一出蛋糕後就有staff出黎放子彈酒杯，喺面前倒Rainbow，一人一杯，我得人多， 好神奇，個Rainbow 可以繼續變色，雖然好靚但味道上唔係杯杯好飲（我覺得中間幾似橙汁，一頭一尾酒精比較濃，紅色有d藥水味）。坐左5個鐘，有d渴，叫多杯嘢飲，試左個梳打茶，揀左桂花味，有清香花味得黎唔會太甜又解渴原來第二杯半價添！估唔到board game櫃入面搵到有麻雀打(有埋花)整體黎講，好抵坐，又有酒飲，rainbow好正！唯一係嘢食款式唔多，同埋廚房比較細，出餐會慢d (建議坐低就落order。

整體感覺還可以首先找這間店鋪有小小難搵，因為恒威大廈個入口係喺一條窄巷度，可能附近岩岩裝修緊，而且又落雨，感覺環境不是很好，相信日頭去會較好。然後一入到店，可以一眼望晒，果日去係full booking，中間有10幾人book左，另外有我地4個，同別多4個，總共3台人，但重點係得一個店員服務我地，我知佢已經好快落完單就煮野食，佢都好辛苦，但要照顧甘多客果陣最好多個人手，佢無甘忙之餘，我地既野食都吾會等甘耐。到broad game 方面，款式都多既，但有d已經比人挽到好舊，d牌都殘晒嚕⋯⋯雖然cafe dinner set 98蚊包野食加一都算正常價，但份量吾算多，同埋味道都好一般。樓下cafe黎講，質素都是還可以喇，希望之後會更好啦👍🏻👍🏻

地點難揾d，後來揾唔到就打去舖頭問，店員幾有禮貌。環境可以接受，乾淨。但成餐最好食係薯條，其他都唔掂。店員話無飯得意粉，唯有叫意粉，但2個意粉都勁鹹，朋友食2啖已經唔想食。game種類少。價錢又唔係平。總之就係唔洗去，大把樓上cafe好過呢間。

我係Malaysia華橋黎香港玩，朋友介紹里間幾好坐，另外又有朋友生日就黎左慶祝。 呢到好多board games 玩，唔忙既時候，d staff好細心咁教你games😬 我哋玩咗陣d野食就到。有個韓汁辣卡邦尼好creamy 辣得黎好野未！鐘意辣既人可試下食！跟住佢哋特調咗杯shot Brain Hemmorage。個樣好得意，用baileys整左個腦浮喺中間，味道唔錯！生日送個 set Rainbow就好靚，雖然味道係藥水味😂😂。我朋友好開心，d staff 一齊唱歌比佢聽。

第一次黎到呢間cafe，見到有超級多games玩！由於我哋啲人未到齊，我哋打咗一陣麻雀仔，好細粒好cute🙈。我叫咗杯桂花soda茶，跟餐+$6，個桂花陣味好清新，又夠凍，飲落係透心涼🤤。之後到齊人就開始嗌野食。我叫咗個燒汁雞扒意粉$98。其實都等咗一陣，我都體諒佢哋個廚房太細可能一次過煮會慢所以冇催到，加上個staff見我哋悶悶哋仲介紹咗啲games比我哋玩，幾貼心！最後玩到都唔記得啲時間，咁啲野食就到。雞扒炸得幾脆，又唔會好乾，岩岩好！個意粉不過不失，有啲蒜味幾香，同個汁幾夾！重頭戲緊係個rainbow la!我哋帶個friend黎慶祝就係想佢試下rainbow shot! 平時個啲$400幾一set,佢依到帶蛋糕加$50切餅費就送一人一杯，抵到爛！佢係我哋面前倒仲要沖得超靚😍我哋係咁影相之際個staff同我哋講，但佢唔好飲嫁喎。真係好難飲🙈 中間就好啲係有啲橙汁味。但咁靚都抵哂啦👍🏻

俾佢地個生日surprise吸引上去，同個staff夾定左喺玩郎人時當朋友合埋眼就攞個生日蛋糕出黎，d staff一放低蛋糕就放左d shot glass喺檯面跟住就攞個 shaker 出黎， 喺正我地面前倒！好正！真係會一路倒一路變色，仲要味道杯杯唔同！（中間o個幾杯比較好飲)嘢食方面，我試左個韓式卡邦尼，普通卡邦尼就食得多，里個第一次見，估唔到辣得黎酸酸辣辣，好開胃！ 如果大食d 嘅朋友，可以考慮加塊炸雞排，好脆好大塊，$20 only，抵過叫小食！嘢飲就試左杯桂花soda茶，好有桂花味又解渴！加埋10% service charge 平均$100一個人嘅價錢，有比較少見嘅 boardgame 玩，又任坐，其實都算幾抵！

第2次黎呢間鋪頭，因為知道佢哋會送Rainbow,仲要跟蛋糕就得！（切餅費$50）叫咗個卡邦尼意粉，發現啲賣相比之前黎靚咗。食落都係不過不失，唔錯😋 最鐘意就係佢新推薦既飲品 — 花茶soda(有桂花、玫瑰、核花、櫻花）聽起黎已經好心動，見到佢黎真係覺得成件事好少女💓。我揀咗玫瑰soda,上面有幾粒玫瑰做裝飾，幾有心意思🤗飲落好清新又唔會過甜。（staff會提你自己攪個杯啲糖漿）食野之外，啲staff會教你玩遊戲，就算佢哋唔識玩（實在太多games🤣)都盡量搵啲片丫教你玩，算係好有誠意。呢到主張無限時玩，對於我哋鐘意玩啲用腦既遊戲既人就好適合，佢又唔會話見你食哂野就好似趕你走咁，真係幾值得推介！重頭戲Rainbow! 個staff同我夾咗比驚喜，我係15分鐘前已經黎到放咗個蛋糕先，佢再幫我趁個friend去廁所就點咗蠟燭抬個蛋糕出黎，隨後就即刻沖Rainbow。一人一杯，其實佢唔好飲嫁，但真係好靚😍今日個個都好開心！