棋吧

Open Now

Now Closed

完全唔會再比機會!!!!!!!我地全台8個人用左成千但換黎好差的聚會第一:成間店好熱好焗,已向店員提出,但回應是冷氣已開到最大第二:店內音樂好大聲,大到我完全聽不到朋友講野第三:野食成40分鐘先黎幾1-2份第四:全部意粉一係overcook,一係生的,硬的未熟第五:環境又亂又唔清潔,好恐怖第六:boardgame好多都唔齊或亂放,幾隻GAME放係一個GAME的盒入面,玩都玩唔到我見咁多好評先去試,點知中曬伏,可能轉左手,但希望大家要小心

昨天是朋友的生日，問咗幾間cafe都話冇生日優惠同冇乜特別待遇不過棋吧就送rainbow shot，好似幾得意，個朋友又係酒鬼，一行四人就book咗棋吧。優點一：唔限時！好少board game cafe俾客人一坐坐到收工，又唔會被迫交枱優點二，食物不能夠話好好食，但一個店員又要顧樓面又要煮食，都幾辛苦！但以cafe黎說，食物質素不錯！分量較輕盈，就不能當晚餐了！所以叫咗個棋吧拼盤小食有雞翼，暑條等等。。都幾惹味優點三，員工服務態度友善，店員得一個，又要照顧不同客人，又要出菜，上菜時間可以改善下！ 店員好好態度應付我好麻煩同問題少女的要求！做人要將心比心嘛！雖然設備可以再新的，但員工態度唔錯，教我地玩game，我地都已經樂在其中！最後坐到十一點幾。。 都幾夜，幾開心

係旺角行街行到攰，同行朋友搵到呢間cafe可以無限時禁坐上到黎每人叫左個set，一個意粉包杯野飲$110左右，碟意粉賣相都幾令，食落都唔差可惜唔記得影相。。。個日真係太攰🤦🏻‍♀️全間店一個店員，一個人沖一個人煮，所以我地都好快落左單，落完單之後見我地研究緊隻遊戲，都好主動問我地識唔識，話教我地玩間野都好多遊戲玩，之前去其他cafe又限時，消費又貴好多同都好少主動教遊戲🤦🏻‍♀️🌚呢間算不錯

每次10人出去gathering，都唔知去邊好，party house通常又唔包嘢食又比較遠，但去cafe坐好少有咁大張檯又驚嘈親人。記得里間cafe都的的式式，跟住又有成個櫃boardgame，就打去問問。果然地方唔大有唔大好，我地得15人都包到場！最正係佢地有酒牌，又有Rainbow shot 送，可以加錢轉啤酒/cocktail，開瓶費收左$100任開!嘢食方面都有salad，意粉，小食嗰d，無咩特別，都係快快填飽個肚繼續玩。三文魚 salad 好足料，值得一試！嘢飲可以試試soda 茶，朋友試玫瑰味，我就叫左桂花味，清清甜甜，好特別！5點玩到12點，有得食有酒飲，有麻雀打（講明唔俾玩$），又有game 玩，估唔到15人都有好幾個game可以一齊玩，好彩問問d staff有咩game推介，估唔到會揀幾個俾我地玩又會教埋我地，唔係自己睇到天光都睇唔明個說明書！另外我多口問句，原來可以唱k添，不過因為電視壞左，用projector要熄幾戔燈，仲有氣氛！真係鋪頭細細，但有咁多嘢玩，包埋嘢食嘢飲玩7個鐘每人都係$200咁抵，下次再包場玩過！

我同我班朋友一直都幾鐘意玩board games， 見呢間冇限時啲野食都唔錯。所以都黎咗幾次。 時隔一排， 啲meau好似唔同咗，本身想身大蝦，又見佢有新出，所以試下佢個新既煙生文魚忌廉意粉加大蝦😂。。 啲煙生文魚有三大塊同整咗花， 食落個忌廉汁同啲煙三文魚又好夾！ 呢個價食到其實都係幾有驚喜。。加上我不嬲幾鐘意呢到啲board gams 夠齊，又夠時間玩好耐咁。個staff得閒有時會教你玩下新games，所以我諗我都會keep住支持呢間小鋪仔！

今日同朋友一行11人，連埋另外3台客共9 人，即係全場20 個人，我們係最後一台人坐底。全間野得一個人，埋單、煮野、執野一個人做晒！d野慢到極點，我們8點10分左右落order,大約一小時後我杯野到，再一小時後有野食，即係10點幾先食，餓到大家都死死下，最後個一碟上台成22:55左右，會不會離譜左d?得一個人，都唔好預佢質素好得去邊，又細碟，我食完叫做勉強頂住個胃，都算，最重要係飲品好甜，甜到驚死我地糖尿病死唔去咁款。由於餓到心情太差，只係影左一張相呢個係蜆肉白汁意粉，全碟蜆肉加埋5-6隻，大佬，比百幾蚊比碟咁ge質素我？嬲到震結論係...... cafe一街都係，我完全搵唔到理由會再黎呢間，睇番之前食評，我見有人都已經講過一人頂住一間舖。遊戲方面，唔夠game,我們想玩狼人但搵唔到，我們太多人一齊玩，而佢地冇咩game係可以比咁多人玩，好失望，加上真心餓，餓到冇晒心機玩。大佬，咁冇誠意不如執左佢啦！我好少踩一間野踩到咁盡，但呢間真係好唔得。

一間好有人情味的店，雖然只得一個店員(又或者係老闆黎), 但係服務質素沒有下降，野食即整需時，見佢一個人密密煮再送餐再執枱，好忙碌但仍然保持好有禮貌，見我地唔多識玩個board game仲主動黎教我地，好有heart去對待客人，感動了我，我地有朋友生日帶左上個蛋糕上去，送左set rainbow shot俾我地，好新奇~呢間店滿足到鍾意玩board game既我地，我地大笑嘈到拆天，當左自己屋企咁自由自在，haha

同班fd成日搵位聚會真係搵到嬲，放題又坐得兩個鐘，食完都夠鐘。。。冇乜時間傾計。終於搵到呢度打救我！由5點幾坐到11點幾！坐左成6個鐘都冇人趕我地走。特登成班fd上黎帶埋蛋糕慶祝生日，要收切餅費，但送set rainbow!勁令😍真係彩虹色，原本都冇乜期待😂但見到實物真係超開心，我地忍唔住wa出聲野食水準唔錯，每人100幾$可以任坐同勁多board game 挽都抵啦以後同friend聚會首選係呢度！終於唔洗再搵🤦🏻‍♀️

我地一行8人一早book左呢度慶祝阿友人生日。8點鐘到步已經有另外兩大枱喺度, 間野唔算大, 加埋我地, 都已經爆左! 好彩有book到! 一坐低店員就叫我地盡快點餐, 因為人多, d野食會出得慢d。叫晒野之後就梗係即刻玩啦！揀左幾隻經典game熱下身。由於我地3枱人都係玩緊game, 地方又唔大, 所以好嘈,哈哈, 但我like! 如果係唸住好似普通樓上cafe咁搵個地方傾下計, 呢度真係有d難度~睇過下之前d post, 話d野食出得慢, 又真係要等幾耐下……不過我見佢得兩個女仔不停做, 個開放式廚房又豆潤咁細, 而我地都算有game玩分散下注意力, 所以都冇乜所謂啦！正所謂快樂不知時日過, 我個煙三文魚忌廉意粉終於都到喇! 賣相唔錯嘅, d三文魚砌到成朵花咁, 有d心思! 味道都幾好, $108跟杯野飲, 又唔限時, 我覺得算係抵啦! 最後我地叫店員拎個生日蛋糕出黎, 佢地不但播住生日歌出黎, 仲即席表演拉條rainbow出黎! 講緊嘅係子彈酒! 阿友人係咁嘩嘩聲, 因為真係每倒一杯都跟住變色架! 總括, 黎呢度食野係要有d耐性嘅！不過因為呢度係boardgame cafe, g

星期五晚想搵個可以坐得耐既地方同朋友傾下計,所以揀左依間樓上cafe 啦 但真係去到一肚火, 首先我同另一個朋友早到叫杯野飲同一份麥樂雞做頭盤,等左半個鐘,但個陣成間舖頭得我地兩個都另一張枱既客,之後到我地5個人都到齊喇,叫套餐食,佢係規定一定要叫個意粉同野飲咁當一個套餐, ok咁去得依啲樓上cafe預左都起碼要百幾蚊 因為主要想要個地方姐傾計姐, 但佢最過份可以成間舖得一個人做, 我地5個人 第一個碟意粉等左一個鐘 冇錯呀 係9點先得到 之後每等起碼20分鐘先逐碟逐碟黎 換言之 第4個人個碟黎既時候 第1個人已經食完喇 都唔緊要！佢既意粉簡直係世界級 又碎又淋哂 我真係買叮叮都好食過佢呀唔該 我地大家都等到好餓但冇人一碟碟意粉係可以食得哂 之後我地第5個朋友等都唔想等直接cancel個餐去 全程係間cafe兩個鐘但有個半鐘係呆等架 如果大家都用浪費錢浪費時間去食啲仲難食過7-11叮叮既野食 我真係極度推薦你地黎呀

平時成班同學出去gathering，10幾人好麻煩，party house通常又唔包嘢食又比較遠，但去cafe坐好少有咁大張檯又驚嘈親人。里棟大廈每間cafe都的的式式，跟住里間又有好多boardgame，就打去問問。果然地方唔大有唔大好，我地得15人都包到場！最正係佢地有酒牌，有Rainbow shot 送，可以加錢轉啤酒/cocktail，又包埋開瓶費，我地帶幾支酒去開都無 extra charge!嘢食方面都好 flexible，可以同佢哋傾，都有salad，意粉，小食嗰d，不過就唔會太fancy。Salmon salad 好足料，我地加錢轉，值得一試！嘢飲可以試試蜂蜜soda，桂花soda 茶，清清甜甜，好特別！5點玩到12點，有得食有酒飲，每人本身$148，我地轉個salad再一人多杯野飲都係加多$30，真心抵！

今日同啲朋友黎棋吧玩加慶祝生日，每人叫咗一個餐，就冇限時完到佢收鋪。我哋另外叫咗個拼盤。入面有幾個小食，$68好抵，熱辣辣食夠哂熱氣，好正！ 最後期待已久既rainbow,果然冇令我失望，真係好靚😍個staff特別話唔太好飲嫁，但我又覺得唔差喎😎呃哂like 啦，個frd勁開心。佢呢到雖然唔大，但board games都算幾多同新。個staff 見我哋等緊野食，就教我哋玩啲遊戲，教咗呢個game，同一班朋友一齊玩呢個真係笑到抽筋🤣

雖然佢地無蛋糕，嘢食嘢飲不過不失，但有兩個買點，1. 有set Rainbow Shot 送，2. 無限時加boardgame 任玩。我地都真係為 set 子彈酒黎，好特別，好似突然有魔術show睇咁，一路倒一路變色，最正係喺你面前倒，真係要講聲「點解嘅？！」點解可以由藍綠色變到紅色？味道方面好特別，杯杯唔同味，我地每杯試一啖都幾過癮！（留意：橙色黃色都唔錯，味道似screwdriver，紅色嗰杯雖然好靚但真係唔係個個啱口味！）食完嘢，切蛋糕，飲下酒，玩下game，不知不覺就玩左成晚，由5點玩到12點，又唔會俾人加單/走，埋單都係一人$110度，算幾抵！

朋友推介黎里間玩，果然有唔少board game，又有酒飲，邊玩邊飲都幾爽，輸左罰飲酒好玩d，最正係每人再叫嘢飲有半價promotion，紅茶綠茶連cocktail都得，返而坐耐d口渴再叫多幾杯仲抵，$34有cocktail飲，唔覺唔覺我地由4點開門玩到收鋪咁制。我叫左個咖喱雞排拼薯條，雖然賣相一般，估唔到雞排大大塊啖啖肉，唔會好dry好鞋，咖哩醬係用日式咖哩，好match!有個game好好玩，有道具槍，應該鬥多錢，玩玩下變左互相廝殺，笑死。

因為要慶祝朋友生日，想搵個地方有張10人大檯又可以玩耐d，醒起里間cafe。重點係帶蛋糕上去切(切餅費$50) 有set FREE rainbow shot ($280/12杯) 送。可以同staff夾定俾個surprise 朋友。Rainbow邊倒邊變色，每杯唔同味，有幾杯好飲有幾杯似藥水，有幾杯酒精重d有幾杯似果汁，overall 以shots黎講酒味唔會好重都易入口，另外影相幾靚架。如果仲想飲，跟餐加$16就可以叫cocktail飲，推介Nothing，好好味，蜜瓜味甜得黎帶少少酸酸菠蘿味，加埋dd coconut rum味 好易入口，第2杯仲要半價($34) 就有一杯，好抵！