Ohayo

Open Now

Now Closed

海港城近排新開左間cafe🤩 餐廳裝修簡約，以木系為主，感覺好舒服，仲有bar 台位置可以一覽維港景色🤣 今次去食下午茶試左兩款甜品都相當唔錯👍🏻/Ohayo 蜜瓜雪山熱香餅 $128/賣相相當吸睛🍈 蜜瓜上面係厚厚嘅pancake 仲有雪糕🤩 熱香餅口感鬆軟，加埋雲尼拿雪糕食味道更好，佢仲加左蜜糖同埋蜜糖星星，黎個配搭幾新奇有趣🤣 但係多重口感食落又幾過癮👍🏻 蜜瓜都好甜，有生果食下好清新！/綠茶紅豆麻糬窩夫 $98/窩夫份量超大😳 抹茶味道濃郁，加埋紅豆甜甜地幾好食，作為煙韌控見到麻糬兩隻字已經雙眼發光🤩果然冇令我失望🤣 窩夫入面有一粒粒口感煙韌嘅麻糬真係令成個甜品昇華左🥰 整體黎講，餐廳環境舒服，甜品種類有好多款，無論味道定賣相都相當唔錯！有興趣下次再黎試下佢嘅主食👍🏻

海港城終於有新𝘤𝘢𝘧𝘦 是在香港開了很多年的品牌𝘰𝘤𝘪𝘰進駐以前不多𝘤𝘢𝘧𝘦的情況下早有到訪看到menu選擇比以前多週末還有Lunch Set很好但我還是點了賣相吸引的Waffle今次其實是被可愛的貓貓造型𝘭𝘰𝘨𝘰吸引而來位置有點難找 是在玩具反斗城隔離窗邊位望著西九的海好舒服有機會下次要來涼著冷氣看日落🤭✧朱古力麻糬窩夫一不小心諗多咗以為要加錢才有雪糕所以加了$15有多球雪糕🫣😆✧ Latte牛奶味太重勸大家飲返其他特飲😂

於海港城的咖啡室雖然並非面向維港但眼前的ICC海景也不賴配上木系裝修令一室明亮就在玩具反斗城側不難成位假日家庭之選試業數天已通過壓力測試高入座率下出餐效率不錯🔅 OHAYO蜜瓜雪山熱香餅 ($128)Ocio的招牌甜品底部以半個䀄瓜盛載內𥚃還藏有蜜瓜奶凍頂部放上雪糕和熱香餅賣相一流蜜瓜亦香甜🔅 啤酒炸蝦櫻花蝦豬骨湯烏冬 ($133)炸蝦以英式炸魚用啤酒做炸漿可惜未能帶出應有的鬆脆若以日式天婦羅方法處理應和烏冬更襯🔅 New Yeaar Sunrise ($68)

🤩 位於尖沙咀海港城海運中心底層おはようby OCIO新開張啦～ 環境舒適寬敞，有沙發卡座，又有望海吧枱，無論一家大細或一個人嚟歇腳都非常合適～揭開menu， 甜品非常吸引🤩 梗係要嘆番個souffle pancake 熱香餅或窩夫嘅😜 最後嗌咗一份lunch，兩份甜品🤭午餐食啤酒炸蝦櫻花蝦豬骨湯烏冬，有餐湯、又有嘢飲，抵～ 而我哋嘅甜品主角就分別有蜂蜜雪山熱香餅，同鑊仔焦糖金寶雪山熱香餅～ 兩款都係即叫即整～蜂蜜雪山熱香餅新鮮鬆軟，鋪上士多啤梨醬同吉士醬之餘，再淋上香甜嘅百花蜂蜜，夾埋凍冰冰嘅雲尼拿雪糕一齊食 😆 好食到疏乎晒～ 而鑊仔焦糖金寶雪山熱香餅每日限量十二份，好彩中午時段仲有得食咋🥹 鑊仔極熱，令鬆軟嘅熱香餅溫度keep得住，打完卡依然熱烘烘～ 由於同雪糕溫差極大，食落口更過癮～ 而且焦糖甘香，仲有幾塊焦糖脆脆餅，同朋友分享非常滿足～