ohm... Cafe and Bar

Open Now

Now Closed

自從Covid過後，已經不太習慣食飯食得夜喇哈哈，真係好需要重拾去酒吧坐番一晚Chill吓放鬆下呀深水埗開了Ohm無疑係吸引咗我出多咗夜街，因為有好聽本地現場音樂聽，仲要食物質素高嘅酒吧真係唔多呀🥁🥁🥁呢度逢星期六日都有Live Band嚟演奏🎶食飽主菜，可以逐款Cocktail試住嚟聽歌睇Show，超正不得不提呢度嘅Cocktail無論係Classic系列定係Signature系列都沖得好好飲🥹🥹日頭嚟飲Coffee based Mocktails都好正每次嚟都忍唔到飲多幾杯，好想試勻曬佢🫣🫣

因為生日而專登去咗呢到食，咁啱個日有駐唱，整體氣氛超好！明太子蟹子扁意粉 算係店舖嘅招牌意粉，意粉熟度啱啱好唔會太腍，食落真係好creamy同入味！麻婆豆腐焗芝士長通粉 真係好有驚喜嘅一道菜，聽講係今年新增嘅菜式！入面有豬肉碎、豆腐、榨菜等等中式材料，但配埋芝士同長通粉竟然意外地好夾，落埋花椒油，令到成個食物增添麻香，超級惹味！Dessert cocktail - 蕃薯糖水 其實有好多cocktail都好有特色，豆腐花、芝麻糊…樣樣都超想試！好佩服店舖嘅idea！蕃薯糖水飲落有冰糖嘅甜味，仲有淡淡番薯味，同時不失酒嘅辛澀味，適合一啲唔鍾意太濃，同時又驚冇酒味嘅朋友。Dessert cocktail - 楊枝甘露 呢杯比起番薯糖水，酒味更加冇咁重，啱晒初初飲酒嘅朋友。入邊有芒果肉、西柚油、椰奶等等，飲落真係好似楊枝甘露咁，口感好豐富🔥

上星期同幾個朋友去咗深水埗嘅ohm... Cafe and Bar，真係意想不到嘅驚喜！呢間餐廳以灰同黑色為主調，配合水泥牆同霓虹燈，感覺好有型格仲有啲cyber punk嘅味道。星期日晚仲有現場音樂表演，真係好chill，完全可以放鬆心情。講返食物先，呢度嘅明太子蟹籽意粉真係一試難忘！熱辣辣上枱，蟹籽同明太子嘅鹹香味道完美融合，意粉煮得啱啱好，唔會太硬亦唔會太軟，口感一流。至於小食拼盤入面嘅香炸海苔魷魚條，真係香脆可口，仲有啲新鮮海味，炸得啱啱好，唔會太油膩。另外，值得一提嘅係佢哋嘅cocktail，真係好有創意！我試咗蕃薯糖水cocktail，真係估唔到甜品同酒可以咁配合得咁好，甘甜嘅蕃薯味同微醺嘅酒精融合得恰到好處，真係要比個讚！整體而言，ohm... Cafe and Bar真係一個好適合同朋友聚會嘅地方，無論係環境、食物定係飲品都好有心思。雖然價錢稍為高啲，但絕對值得一試。下次一定會再嚟試其他菜式，仲會推薦畀其他朋友！

去過一次就愛上(*^ω^*)， 同朋友約咗一齊聚餐， 揀咗喱間有西餐食又有cocktail飲嘅餐廳， 逢星期六日夜晚仲會有live band聽， 現場氣氛超好，店員態度亦超nice， cocktail非常特別☆有港式甜品系列！！

真係估唔到係深水埗有間咁特別嘅餐廳and bar …! 平日夜晚同個friend 去食dinner 想搵間特別d 嘅，上網睇到幾正咁，就試吓la… 點知。。。真係幾ok … 我同朋友都享受咗一個好開心又enjoy 嘅晚上🌃佢哋8 點前有d cocktail 或甜品會有special discount , 可以留意返。。以為係bar 的嘢食麻麻，點知個碟豆花黑松露粉超級好食😋真係估佢唔到，值得一試！個薯條🍟新鮮香脆，唔似用千年油炸，好好味😋Cocktail 🍹 好多選擇，我哋叫咗蕃薯糖水，豆腐花同芝蔴糊cocktail … 真係好有創意，又估唔到佢調得個味好似，又有酒飲，真係要比個讚👍🏻真心覺得值得推介👍🏻

餐廳風格走型格cyber punk路線比較少見之餘 好多菜式都揉合港式元素新品麻婆豆腐芝士長通粉超惹味 微辣風味夠過癮😋日式雞皮餃子小邪惡😈 幸好點了一杯士多啤梨抹茶沙冰解解膩~而晚上轉為酒吧更為出色！酒品選擇超多很高質 而且有港式糖水主題Cocktails🍹可以按你喜好和濃度選擇 個人最推芝麻糊口味😻酒味偏濃而且意外地跟芝麻糊味道配搭得很好👍🏼

近年多咗啲日啡夜酒嘅Lounge Bar，而且普遍食物質素幾好，出街食飯又多咗啲好選擇哈哈深水埗ohms Cafe嚟過幾次，近乎試勻曬成個餐牌，真係大部分食品都飲品都花咗心思去設計，具特色得嚟味道配搭都好豐富，廚房真係抵讚呀！特別想講大蝦意粉、魚干、雞串好出色👍🏻👍🏻主打飲品，常設餐牌未必多食物揀所以每次都會揀special試試個人酒量普通，cocktail試得唔多。非酒類嘅要特別提愛的泡泡（青瓜espresso tonic）同一眾Smoothie（通常唔想諗直接叫Daily Special哈哈）都大力推薦呀🔥🔥

見天氣涼涼地，試吓坐室外Chill吓先😝呢度只有一張室外枱，如果想坐要預先卜定！唔覺唔覺我哋就叫咗好多嘢食😍⭐️明太子蟹籽意粉熱食係幾正，勁足料！一定要趁熱食，凍咗會痴埋一舊，唔好問我點解知道🙈（不過都正常）⭐️牛油果芝士墨西哥粟米片推薦👍🏻 ⭐️小食拼盤香炸海苔魷魚條勁出色，新鮮炸出嚟，擺咗一陣先食都脆卜卜❗️平日唔好炸嘢嘅媽咪都鐘意🫶🏻⭐️火炙雞泡魚乾配蛋黃醬傾計送酒一流🤤⭐️意大利黑醋牛脷最快畀大家搶曬，酸酸甜甜唔會有食濟嘅感覺🤭⭐️唔係章魚燒賣正常發揮～🍺愛的泡泡同個名一樣真係多泡泡，又估佢唔到係杯咖啡嚟😂 勁有心思🍹St-Germain Sprintz鐘意果味酒嘅會喜歡💕 佢最貼心嘅係酒精類飲品會按照酒精濃度排列，大家可以自行選擇🤩🍰黑芝麻芝士蛋糕濃香嘅黑芝麻味係唔錯嘅，份量細細件啱啱好🍰柚子芝士蛋糕清香嘅柚子🍨楊枝甘露呢個甜品雞尾酒形式好特別，分咗幾層鋪墊，最後再攪勻先食得。但係可惜要攪勻好困難，令到前面三份一杯都係太濃嘅雞尾酒味，搶咗楊枝甘露甜品嘅感覺好耐冇好好Chill返晚，星期六日夜晚8點仲有busking😇 不過餐廳嘅主食選擇唔多，唔太餓嘅時候過嚟同朋友飲返兩杯啱曬🤗

Weekday即興喺深水埗Dinner，Walk-in呢間喺「日啡夜酒」既餐廳😆原來係樂隊Kolor開的，睇到postersss同有TONICK x KOLOR無雙cocktail，粉絲應好興奮🥳成晚聽住廣東歌，逢星期日仲有live喺「醉醒」霓虹燈牌前busking，有feel有feel🔥仲好想試埋佢啲dessert cocktail！係以中式糖水命名，有豆腐花、芝麻糊、紫米露同楊枝甘露🤩立即收入二訪list⭐---🔸唔係章魚燒賣 $58個名咁搞笑當然試試佢，原來係用章魚燒嘅醬配炸燒賣😆又幾夾喎，兩個人食一兜夠曬！-🔸青醬芝士脆薯條 $70覺得呢個薯條好好食！佢青醬係另外上的，問佢拎得個茄汁多個口味🤭滿滿嘅芝士撒上熱辣辣既香脆薯條，呢個份量食到我哋好滿足😋-🔸明太子蟹籽意粉 $118好味creamy的但鹹咗啲啲🫣---🍽️ OHM Industries @ohm_industries {連加一，二人共$271}#sis深水埗 #深水埗美食 #日啡夜酒#hkfood #hkfoodie #eat #food #dessert #美食 #香港美食 #相機食先 #香港 #平

🍸.嚟深水埗區嘆寵物友善cafe就多，今次黃昏至夜晚時段嚟到 @ohm_industries 同朋友享受住週末假日嘅時光🌟 第一次可以帶埋狗狗一齊同朋友仔enjoy the night，餐廳仲會逢星期六日有本地busking🎤 不過因為要帶狗狗返屋企食晚飯，所以busking啱啱20:30開始就要走了😗 雖然見到餐廳同 @mohiguide 有合作，但都希望餐廳考慮一下可以有pet menus for返會stay成晚嘅主人同寵物🐶.🌮 牛油果芝士墨西粟米片 $88非常脆，配合埋洋蔥、蕃茄及芥末醬，食落去有幾層layers，份量亦好足，可以慢慢食，凍咗都唔會腍🧅.🧆 小食拼盤 $198食物非常豐富，包括：泰式香辣魚餅、香炸海苔魷魚條、青檸芥辣炸一口雞卷 及 火炙雞泡魚 乾配蛋黃醬🥚 送酒非常一流，根本就係happy hour同朋友飲酒吹水必點食物😋.🐮 意大利黑醋牛脷 $88條牛脷非常大條、厚、嫩😍 咁多款嘢食，最快食晒嘅一碟🤣 同朋友一齊揀選出全晚最好食嘅食物🙈.🦑 香炸海苔魷魚條 $68啲炸魷魚非常之鬆化，份量都同價錢成對比，沾埋啲蛋黃醬仲好食啲添😋.🐡 火炙雞泡魚乾 $40份量好足

一進來就很興奮😆跟KOLOR粉絲來慶生就更興奮😆我們喝了一打TONICK X KOLOR無雙cocktail🥰喝完就有點微醺🥴🤣我們點了小吃拼盤 海苔魷魚條好吃🥰還有章魚燒燒賣也好吃🫶🏻青醬芝士薯條也很特別🥰黑芝麻cheese cake也不會太甜很好吃😋而且這邊播的音樂也很棒😆除了有KOLOR的歌還有其他樂隊的歌 最驚喜是聽到南洋派對的歌🤘🏻

朋友介紹黎，話呢度啲cocktail好唔錯～今日終於經過深水埗有機會來試下一入到去就見到好大個霓虹燈打卡位💡首先叫左小食拼盤，整體樣樣都幾好食，個人鐘意魚餅同雞泡魚干，兩個汁都正Cocktail分別叫左 楊枝甘露 同埋 Peter Pan Peter Pan 係有baileys 有cream 成杯超易入口，完全唔似酒，岩晒女仔😝當甜品咁食楊枝甘露唔會太甜，淡淡椰奶香Pasta 叫左黑醋牛脷粟米扁意粉 同 明太子意粉🍝水準不錯～如果牛脷可以厚切就開心啲啦🤪

同朋友食晚飯好多時都會想小酌兩杯🍻所以最鍾意揀啲食物有質素，又有Bartender調酒嘅Bar晚餐🍲環境靚又坐得舒服都好緊要🔥Ohms價錢合理幾抵食，野食煮得好有心思，仲有好多特色cocktails可以試，所以已經嚟過幾次翻焯💛💛明太子三文魚意粉係必食，質地同個汁都好正，我哋仲用埋嚟點薯條同Nachos哈哈😆Cocktail：Old Fashioned一定要試，入口順甜苦味夾得好好，加埋朱古力味嘅爆炸糖口感一流！Summer Special嘅朝、青瓜都超推薦🔥🔥

呢排先知道原來香港樂隊KOLOR喺深水埗開咗自己嘅餐廳🥰主打日啡夜酒嘅concept，日頭走型格cafe路線，入夜就係chill爆玩味酒吧🍸😆👦🏻一向鍾意聽香港樂隊音樂，所以呢日就同佢嚟支持吓💗餐廳好多紫藍色嘅霓虹燈牌，超有feel🤣🌟意大利黑醋醬煎卡津牛脷👅 $88呢個好高質！牛脷有6片，而且每片都好厚身好大塊！🥹食落牛脷非常軟腍，而且鹹香十足，配上意大利黑醋醬酸酸地，中和牛脷嘅鹹味，好正😋🌟小食拼盤 $198多人一齊嚟緊係要叫小食拼盤😋大大碟好豐富😆有泰式香辣魚餅、香炸海苔魷魚條、青檸芥辣一口雞卷同火炙雞泡魚乾伴蛋黃醬☺️個人最鍾意火炙雞泡魚乾😝咬落軟腍得嚟火炙味好香！配蛋黃醬真係會食唔停口🤣🌟明太子蟹籽扁意粉 $118呢個意粉真係必叫😍大推！一望就知勁多醬😍意粉十分煙韌，而且每一條都掛滿明太子忌廉醬🤤每一啖都好creamy🥰仲食到粒粒蟹籽嘅口感😝超級正！🌟和牛黑醋沙律🥗 $158呢個係餐廳嘅本週推介😆估唔到有驚喜喎！和牛大大粒，咬落好香火炙味😍牛肉呈5-6成熟，肉質唔會好韌，但肉味香濃😋配埋沙律菜好refreshing😌🌟焦糖栗子奶昔🌰 $58日光日白就唔飲酒啦🤣餐廳有是日奶昔，每

今日同幾個朋友去深水埗覓食，行行下見到間用黑色做主調嘅型格餐廳，就入咗去試下喇😋入到去先發現原來餐廳老闆係香港本地樂隊KOLOR，入面亦都有好多唔同嘅poster同記念品，而酒吧位置都有好多各式各樣嘅酒，加上用黑色做主調，真係夠晒型😎🐙唔係章魚燒賣（$58）炸燒賣個外皮好脆，加埋章魚燒嘅醬汁同啲紫菜，真係好似食咁章魚燒咁🤣🍝明太子蟹籽意粉（$118）食忌廉意粉最怕會好creamy好膩，呢個意粉係忌廉就做得好balanced,亦都好多蟹籽撈嚟食😋不高如果明太子味再出多小小就好喇😙🦐冬陰公海鮮扁意粉（$128）意粉酸酸甜甜咁好開胃☺️而且三隻蝦都好彈牙唔會好梅，好惹味🥰🍟青醬芝士脆薯條（$70）薯條鋪滿好多芝士粉，超級邪惡🫣而佢嘅青醬有啲酸酸辣辣咁，有啲泰式嘅風味🇹🇭餐廳嘅電視mon係咁影住佢地嘅嘢飲，下次有機會要試下先！