御品·千之味

Open Now

Now Closed

之前已食過呢間壽司店嘅壽司，上個月公司聖誕party亦都係度訂過外賣壽司拼盤，同事們都覺得抵食之餘仲質素幾好😌咁啱行過元朗分店，就索性回味吓😋🍣三文魚腩壽司（$20/2件）🍣墨魚壽司（$15/2件）🍣甜蝦壽司（$38/2件）🍣油金魚壽司（$35/2件）🍣芥辣八爪魚軍艦（$22/2件）🍣海膽軍艦（$48/2件）🍣三文魚籽軍艦（$48/2件）🍣青瓜小卷（$20/2件）🍗芝麻雞翼（$38/2隻）壽司一如既往新鮮，質素仍然唔錯😌最鍾意芥辣八爪魚軍艦及三文魚籽軍艦，前者辣辣地又有口感，後者三文魚籽都幾多且飽滿😍其他壽司則屬正常發揮👌🏻另芝麻雞翼即炸熱辣辣，帶芝麻香夠惹味😋

🍣御品千之味📍 元朗合益中心g樓25室自從呢幾個月開始過獨居生活之後, 有時放工懶得煮都想叫外賣, 今日介紹下元朗有一間快靚正之選😍平野唔一定冇好嘢 喺美食匯聚的雞地新開咗一間外賣壽司店, 主打外賣生意,壽司仲要即叫即整! 非常之新鮮! 速度亦都算快 店員知道我住天水圍仲送咗一包冰包畀我 等我可以食到壽司嘅最佳狀態🥰🥰🌟三文魚腩刺身同甜蝦刺身🌟不得不說 三文魚腩刺身真係世界級 68蚊有五大件 每一件都非常厚切 好鮮好甜 食過之後食唔返普通嘅三文魚刺身 而甜蝦刺身($58)最驚喜係個蝦頭嘅蝦膏 好爆膏 好鮮😋😋🌟火灸系列壽司🌟每一款都係廿幾蚊就有兩大件 超級抵食 芝士溶得啱啱好 試咗甜蝦鰻魚三文魚都冇令我失望 好惹味!🌟海膽刺身壽司🌟雖然呢款要48蚊兩件 但係海膽嘅數量好多 唔會只會畀一層你 而係幾層 而且海膽肉質都好厚身 !🤗🌟吞拿魚蓉壽司🌟平時出面食好貴 呢度只係30蚊兩件 而且唔會好腥 好肥美📍店舖仲有提供好多party size嘅壽司盤訂購 又細又大 仲有壽司蛋糕㖭 總括嚟講性價比真係非常之高 推介大家去試!

今日準備做冬，媽媽話叫我地每個人都買D野食返去，咁就可以方便D，於是就試下黎呢間新開無幾耐嘅御品·千之味買壽司併盤返去。簡左兩個壽司併盤，分別係千之味壽司盛合A（三文魚壽司、鰻魚壽司、玉子壽司、帶子壽司、油甘魚壽司、藍鰭吞拿魚壽司、加洲反卷）同埋千之味壽司盛合E（鰻魚壽司、北寄貝壽司、八爪魚壽司、熟蝦壽司、玉子壽司、呑拿魚沙律壽司、龍蝦沙律壽司）。叫外賣仲有跟冰袋，而唔知係咪因爲咁，所以食壽司都覺得D 食材特別新鮮，而且壽司都冇出現過飯比魚生多嘅情況。

聽朋友講話外賣壽司店 千之味 嘅出品好有水準，而且價錢親民，呢晚我地經過忍唔住要試試~ 必點抗疫餐，超級抵食，仲送烏龍茶或可樂呢！【三文魚粒粒海膽丼】同【鰻魚飯】，海膽好鮮甜，三文魚也很新鮮，刺身多到鋪滿成碗飯，很震撼，貼地價食刺身丼真係好正~鰻魚飯嘅鰻魚好大條、好滑！仲有其他刺身、日式小食都好吸引~【三文魚腩刺身】入口真係滿口油香，好好味~【玉子壽司】是自家製的，吃起來特別鬆軟~【軟殼蟹反捲】有驚喜，外賣回家品嘗仍然鬆脆juicy~原來千之味係港九新界有多間分店，十分方便，$300起仲會提供送貨服務喔！以後食外賣又有多個好選擇了~

依間係元朗少有既'即叫即整'外賣壽司店🤗🤗一落單..師傅就係後面即刻開始整😋係出面行左個圈..番到黎就有得拎外賣袋入面包得好整齊 賣相好吸引 仲有埋冰袋(睇落好高級)👀更加唔洗驚番到屋企就唔新鮮👏因為第1次食🤭🤭..想試下唔同款唔同種類既壽司..就用左最原始既方法..散叫(全部都係兩件起計)🤣🤣三文魚壽司 + 蟹柳壽司 + 三文魚腩壽司 + 北寄貝壽司 + 八爪魚壽司 + 鰻魚壽司 + 帶子壽司 + 辣味三文魚軍艦 + 蟹子軍艦 (加埋有18件壽司 200蚊有找 好抵食😳😳)所有壽司都好新鮮 完全無腥味 食材多過壽司飯👍明明係散叫 但師傅都好有心思咁砌得靚靚 完全冇違和感👏 三文魚腩刺身(10件) ($118)一打開盒即刻數下..真係有足10件..件件都厚切又新鮮..睇落已經好吸引 食左1件就停唔到 更期待下一件 好值得推介😋💭下次試下壽司拼盤先 好抵食🤗

#元朗 食壽司、刺身係無分天氣及月份的 🤭🤭 早個星期去雞地附近食火鍋, 走時見一間好光猛, 大大間但只做外賣的壽司、刺身店, 日本又鎖國, 又唔知幾時可以飛, 最好就係食呢啲止止癮! 🍣魚生、壽司種類繁多, 有套餐及盛盒, 但我喜愛自選!🍣三文魚腩壽司 $20/2件、左口魚壽司 $20/2件、赤貝壽司 $20/2件、帶子壽司 $35/2件、劍魚腩壽司 $28/2件、特大赤蝦壽司 $32/2件、吞拿魚蓉軍艦 $30/2件、海脆膽軍艦 $48/2件! 件件新鮮, 完全無腥味, 魚生切得厚身又大件, 壽司飯反而唔會好大件, 超讚! 🍤原來除咗壽司仲有其他小食! 吉烈炸蠔 $58/4件, 隻隻飽滿, 炸粉唔厚, 拎到返屋企都仲好食, 讚! 

元朗外賣壽司選擇唔多，呢間位於雞地嘅外賣壽司店提供超多款式，見到一落咗單，後面幾位壽司師傅即刻開始整，唔使10分鐘就整咗呢個壽司拼盤，真係快手😮👍🏻千之味壽司盛合B 足足有25件有三文魚、甜蝦、北寄貝、蟹子、熟蝦、八爪魚、加州反卷甜蝦最好食，蝦肉飽滿鮮甜🦐蟹子軍艦差唔多滿瀉😍北寄貝清甜爽口加洲反卷其實唔錯，不過沙律醬少啲就更加好額外點既火炙左口魚邊壽司，燒過既左口魚邊充滿脂香，同軟硬適中既飯粒融合一齊，好好味😋蟹柳玉子燒加左好多蟹籽，口感豐富得黎又鮮甜，好豐富🥰

元朗開咗千之味，更方便外賣刺身壽司🍣 買黎聖誕🎄party或者聚會都得，滿$300可以送貨上門🏠御品·壽司拼盤 $258呢款包括15件壽司：🔸三文魚(2件)、辣味三文魚、魚子：口感細嫩，魚子飽滿多汁，口感豐富🔸甜蝦、赤蝦：我鍾意甜蝦，口感滑嫩微彈🔸海膽：鮮美無腥味，都比得多！🔸帶子：肥厚鮮甜，入口滑嫩🔸油甘魚：肥美帶香濃油香🔸吞拿魚、吞拿魚蓉：鮮美軟腍，魚蓉綿密🔸龍蝦沙律：我最鐘意嘅軍艦，咬落啖啖龍蝦肉，清新微開胃🔸墨魚：滑溜，口感Q彈🔸左口魚：厚實，魚油味濃郁🔸白身魚：味道清爽唔膩藍鰭吞拿魚赤身壽司(2件) $40鮮紅色嘅肉質厚實，有嚼勁。魚味鮮香，唔使任何調味都好味😋呢度都有刺身拼盤同壽司蛋糕🎂等等，買熟食、炸物番去做午餐、晚餐都得。

今日公司勁多嘢做又要ot啦 所以決定做無飯夫妻 經過呢間御味千之味元朗店就買個外賣 心血來潮想食壽司 於是就買咗個大壽司拼盤夜晚嚟到人唔太多大約等咗15分鐘就已經可以拎外賣啦千之味壽司盛合a 入面已經包括有三文魚壽司玉子壽司鰻魚壽司 帶子壽司油甘魚壽司藍鰭吞拿魚赤身壽司 加州反卷份量都幾大兩至三個人食就啱啱好喇 個人最喜愛係三文魚壽司同帶子壽司先到十足同係即叫即食冇乜分別 非常鮮甜 加州反捲就啱曬小朋友食啦 有青瓜 玉子 蟹柳等等嘅材料價錢唔貴 食物質素有返咁上下 仲即叫即整嘅良心小店真係買少見少 我得閒都會幫襯多啲呀

屋企附近開左新外賣壽司店，是日有朋友黎就去買份名外賣一齊食先。千之味都幾有名，有好幾間分店，而且評價都唔錯。叫左一個壽司盛盒同一個沙律，三百蚊抵食啦，超市啲雪到硬晒嘅壽司都唔止呢個價。睇住店員密密手整，為左唔好比壓力佢地周圍望下先，店內有好幾個大雪櫃，不過得飲品同醬料，遲啲唔知會唔會有其他野賣呢？店內好乾淨無塵，望入廚房都係，感覺唔錯喎。等左唔使十分鐘就有得拎，認真快手。店員問使唔使放冰底，怕拎得遠嘛，哈哈，唔使啦我住好近，不過咁問下好貼心。好衛生，試過有啲外賣店個盒油膩膩又黏滿蟹籽，呢間無呀，個盒摸落好乾爽。盛盒A款有25件壽司，三文魚、帶子、鰻魚、吞拿魚、油甘魚、玉子、同加洲卷，賣相幾靚仔。鰻魚香口好食呀，帶子好鮮甜，對帶子改觀左，平時食個啲通常無咩味，估唔到呢度咁鮮甜，口感仲唔錯，唔係放題店啲淋滋滋嘅。呢兩件藍鰭吞拿魚赤身壽司唔講得笑，好肥美仲好厚切，正呀。後面嘅油甘同三文都正，但唔及件吞拿魚啦。玉子見到係一圈圈卷起嘅，軟腍微甜好食，一般平價壽司店啲一塊完全唔係路。壽司size正常大小，一口一件，飯軟綿綿有飯香。另外仲叫左蟹籽沙律，超多蟹籽～下層仲有大量蟹柳絲，青瓜清甜爽口。朋友

之前喺其他地區食過 印像都唔錯 原來元朗都開咗分店元朗這家千之味只是外賣店 並沒有堂食 店內亦沒有預先整好嘅壽司提供購買 全部都是即叫即做 保證新鮮餐牌嘅選擇真係多得很 除咗一般嘅刺身、壽司外， 還有提供壽司盛盒、小食類、卷物類、沙律類、軍艦、壽司蛋糕、三文魚刺身(1盆/4盆)，很適合大夥兒聚會 齊齊開餐吃餐飽除咗到實體店落單之外 亦可whatsapp落單(每個地區消費不一 分別$300,$500,$800) 可免費送貨今日做孤兒仔 買幾嚿壽司返屋企做晚餐 自己一個慢慢歎蟹子沙律$35吞拿魚蓉$30/2辣味螺肉$18/2芥辣八爪魚$22/2海膽$48/2帶子$35/2蟹子沙律都幾大兜 有蟹柳,青瓜絲,粟米,蟹子 配料都幾豐富 沙律醬獨立搵個兜盛載 唔怕青瓜絲出水 搞到水汪汪海膽壽司有驚喜 味道勁鮮甜 好新鮮整體壽司大件夾抵食 質素非常好 壽司飯有醋味 唔易鬆散 上面嘅配料及魚生 份量亦不少

哩間高質壽司店▶️千之味因為佢地既分店對我黎講唔太就腳~所以雖然好食又抵食~不過我都只係幫襯過1,2次咁大把~😔不過而家唔怕啦~🤩🤩🤩因為~佢地終於係元朗開左分店啦!!!!聽聞屯門店都準備中啦~實在太好啦!!!!!🥰🥰▶️千之味壽司盛盒A-25件($268)✅三文魚壽司5件✅鰻魚壽司4件✅玉子壽司4件✅帶子壽司4件✅油甘魚壽司2件✅藍鰭吞拿魚赤身壽司2件✅加洲反卷4件盛盒SET好左既壽司款式一D都唔馬夫👍👍👍👍好似油甘魚同埋藍鰭吞拿魚赤身哩d~真係好少會係set度見到架~食材十分新鮮甜美~😋😋而且飯同料既比例都做得好好~唔會過大或者太細舊~另外好味既壽司~我覺得醋飯係佔左一個幾重既分數~佢地壽司醋飯既比例調教得好好~大大提升壽司既美味度~🆙️🆙️🆙️▶️火龍卷($78)裡面既炸蝦夠哂香脆~外面仲有滿滿既蟹籽~食落口感一流~👍😋😋

🍽 這間外賣壽司專門店新開張三個月，雖然地點不是十分理想，但也吸引了不少客人到訪點外賣，主要原因是新鮮，好吃😋😋😋基本上，這次點的所有壽司都超級超級好吃，由於帶回家的時候發生了少少意外，所以照片的賣相不是十分好看😬壽司價錢是有點兒貴，跟在其他日本壽司餐廳內進食差不多，但好吃的東西，貴一點也有價值👍另外客人可從點餐位置看到整個廚房的空間，每位員工也很注意衛生，廚房也十分乾淨企理，食物安全絕對有信心保證！三文魚壽司2件💰18鰻魚壽司 2件💰18帶子壽司2件💰35天婦羅炸蝦壽司2件💰28火炙三文魚壽司2件💰24火炙三文魚腩壽司2件💰28海膽軍艦2件💰48軟殻蟹反卷4件💰48吉列炸蠔4件💰58

疫情期間真係少咗好多群體聚會 好多地方對人數聚集都有限制 所以喺屋企開party就最適合不過開party大家最想食嘅係壽司 所以我就去咗屋企附近嘅御品·千之味買壽司外賣餐牌嘅選擇真係多羅羅 各式各樣嘅刺身、壽司店內都有提供店舖還有提供不同份量的壽司特盛 啱曬我唔想揀唔想煩嘅心態 揀壽司特盛樣樣都有啲 總有一款啱各人口味今日揀咗呢款壽司特盛C餐 總共有48件 $448 三文魚壽司10件 甜蝦壽司5件 北寄貝壽司5件 鰻魚壽司5件 吞拿魚沙律壽司5件 油甘魚壽司5件 辣味三文魚卷8件每款魚生刺身都帶有自身光澤 睇落全部都好新鮮 尤其是啲蟹子 好似唔使錢咁 份量勁多質素真心唔差 起碼舊壽司飯唔係一夾就散嗰種 而且魚生是鮮甜、有厚度 軍艦款式是奢華級的享受 蟹子多到滿瀉 沙律吞拿魚堆到成座山咁高 職員做嘢快手快腳 等候嘅時間唔算好耐 買滿500蚊仲有保溫袋附送 確保拎返屋企途中壽司唔會變壞 好貼心唷

元朗又新開左間壽司店, 住附近D朋友都推介, 今晚屋企無煮飯, 啱晒, 即刻買D返屋企品嘗下先! 其實千之味無堂食, 只提供外賣, 裡面簡潔乾淨, 食物都即叫即製作. 仲有提供價錢吸引既午餐晚餐, 抵食之選!三文魚腩壽司, 火炙三文魚壽司好肥美, 入口帶鮮甜魚味, 新鮮唔錯!赤貝壽司絕無腥味, 爽口. 新鮮既象徵.油甘魚壽司顏色白帶粉紅, 鮮味唔腥.火炙左口魚邊壽司火炙過既左口魚邊油份滲晒出黎, 香味濃郁.吞拿魚蓉軍艦吞拿魚蓉多到脹卜卜, 唔會偷工減料. 仲好鮮味添.軟殼蟹反卷勁多蟹子, 配埋沙律醬真係一流.粟米蟹子沙律(胡麻醬)份量多, 青瓜同蟹子都好新鮮.辣味螺肉小食我好鍾意食日式螺肉, 佢個醬汁唔會太漿, 而且粒粒都大大粒.炸餃子餃子皮炸到脆卜卜, 就算攞到返屋企都係脆, 抵讚!