大叔拉麵

Open Now

Now Closed

上星期日一家五口去餐廳食晚飯，等咗一陣就有位，女兒十分開心同驚喜🥰因為係佢生曰啊，餐廳職員十分友善，主動幫我哋一家五口係門口打卡，入到餐廳亦主動幫我哋影相☺️👍🏻咁嘅服務態度真係值得一讚♥️我哋叫咗三碗拉麵同一碟餃子，拉麵同餃子都算唔錯，特別係個餃子，好有章魚燒的感覺😝👍🏻好味！入到餐廳好有去咗日本食嘢嘅感覺，水怪主題同擺設都好靚，食得開心😚值得推介！

琴日去左食同水怪聯動嘅拉麵，門口有d人係度但係我地根本唔知道係咪排緊隊。然後我就走左入去問，有位女職員就有少少冇禮貌咁叫我行出去等。過多陣佢就問我地幾多個人叫我地坐卡位，因為要同人搭台所以我同友人淨係坐在一邊。過多一陣有兩位女士坐左係我地對面，咁我地就照常點餐、影相、食野。對面果兩位女士都一樣，但係唔知點解職員對我地兩邊嘅態度非常唔一樣。兩位女士影相嘅時候就超級熱情又俾氣球又畀牌又俾公仔，仲有附送禮物。我以為哩個係入去食就有，點知啲店員根本冇俾過其他人。其實我地都有比錢喺度食野，唔建議差別對待，更何係同一張枱？？？？呢d野俾其他人知道唔好啦係咪？同埋我見章魚燒上面果枝籤好可愛，我就問佢會唔會可以比到支乾淨嘅我。然後個位女職員就瘋狂向我眨眼，但未比到我任何嘅回應，我唔知係咩意思。如果你俾唔倒你可以同我講一聲，以唔係完全冇回應嘅態度。我地食完主食之後另外加左個布甸，上菜時間都比較耐，但職員喺唔清楚嘅情況下就請我地埋單，我覺得喺非常尊重，野都未到齊你叫我地就係想點？呢間我唔會再食

香港嘅食肆食物好多都做得好好，唯獨有一樣致命傷：生意一好啲，人一多啲，態度就會變到勁差。其實呢間餐廳我一路都有食開，但係經過今次之後真係一次都唔會再去。一入到去係要手機落單，平時其實我都係照落單嘅。但因為今次同行嘅朋友要再附加一啲其他嘢食，我哋又唔太知道點樣喺個app度再加，所以就想睇吓店員可唔可以幫我哋落單。但呢個時候個店員就好燥同埋用佢好訓導主任式嘅語氣同我哋講話呢度淨係可以用手機落單。嗰刻已經喺度諗，如果我電話無電又或者係唔識用呢啲app嘅客人，咁係咪可以唔使喺度食？講真呢啲手機落單係為咗減省人手，但應該唔係完全取代人手落單架下嘛？去到呢個位都未算最衰，跟住食物到咗之後，我哋發現有碗拉麵佢比錯咗。好聲好氣問佢呢碗係咪我哋叫咗個碗，嗰個"訓導主任"職員就即刻勁晦氣咁講"好，你俾返我先", 跟住就將所有嘢收走，我本身喺個盤上面嗰對筷子想攞返佢都唔俾，差啲夾咗嗰條麵都要擺返落去俾佢。我想攞返對筷子，佢就話"得得，我攞返俾你，你擺咗落嚟先。" 想問係咪想攞返碗麵入去化驗？咁緊張都唔知咩事。跟住搞咗勁耐先有返啲餐具。成個感覺好似我爭咗佢好多錢咁，明明係佢比錯咗嘢我哋。食物質素喺度就唔詳細講

最近位於荔枝角嘅大叔拉麵聯乘Sanrio 卡通人物Hangyodon 水怪推出一系列聯乘美食 仲有限定精品購買😍餐廳外面同裏面都貼滿水怪貼紙 有卡牌同裝飾✨超可愛🥰 黎到一定會不停打卡😆除咗佈置 一系列聯乘美食都一樣咁吸引😍Hangyodon黑松露雞白湯拉麵 $148湯底係冇加任何味精 鮮甜嘅雞湯加咗濃郁嘅黑松露香味令湯底更香濃❤️叉燒軟腍拉麵軟硬適中 最吸晴就係上面嘅糖心蛋同紫菜都印咗水怪圖案☺️勁可愛Hangyodon日式慢煮西班牙黑豚肉包$28麵包好軟熟 黑豚肉入口軟腍 配埋香濃惹味嘅醬汁 好味😋Hangyodon特色章魚燒$58呢個章魚燒用咗腸仔黎做腳 整到好似咁八爪魚咁😝Hangyodon北海道紅豆酥配熱茶$38粒紅豆酥係水怪造型勁得意 食落好鬆化 唔算太甜🥰 茶有幾款選擇我揀咗白桃烏龍 味道好香濃❤️另外，我都叫咗一款拉麵🍜灸燒西班牙黑豚肉雞白湯拉麵$88湯底一樣鮮甜濃郁火炙過嘅黑毛豬好香口配料有醬油筍 蔥同糖心蛋

💙大叔拉麵 又有新卡通人物主題喇🍜繼人氣高企既PC狗後，今期大叔拉麵聯乘 SANRIO 的另一卡通角色HANGYODON水怪作主題，推岀一系列可愛吸睛既限定美食同精品，非常igable 且食物質素亦相當高質！💙Hangyodon 黑松露雞白湯拉麵湯底完全震撼味蕾，以清甜的雞湯作基礎，加上濃郁既松露香味，拉麵質感彈牙，每條麵條也掛滿香濃的松露香，令人心曠神怡💙Hangyodon 日式慢煮西班牙黑豚肉包西班牙黑豚肉脂肪分布均勻，肉味香濃，肉質嫩滑，包質軟綿，整體不錯💙Hangyodon特色章魚燒章魚燒燒至外層金黃，醬汁惹味💙Hangyodon 日式焦糖布丁打卡必點，放滿可愛的水怪，焦糖布丁質地堅挺，蛋味香濃，餘韻帶有淡淡焦糖的薰香，伴有雜果，感覺清新大叔拉麵📍荔枝角長順街15號D2 Place TWO 3樓314號舖

都掙扎咗一輪入唔入去，覺得係D2 Place嘅拉麵專唔專業㗎。Anyway都入咗去試吓。鹿兒島和牛紫菜牛骨湯拉麵 湯底：飲第一啖，濃郁又香嘅牛骨濃湯湯底，十分正！面頭鋪滿大量嘅紫菜，但係都冇搶咗牛骨湯嘅湯底。麵條：質感OK。牛肉：聲稱係鹿兒島和牛，但係質感唔算係特別嫩滑油香嗰種和牛。冇咩特別。呢個拉麵最出色係個牛骨湯底，但係因為嗌咗和牛，有點偏貴，但係d 牛肉又唔覺得好嫩滑油香，冇咩特別。下次我都會再嚟，但係嗌吓其他配料，主力食個牛骨湯底。環境：★★★☆☆ 食物：★★★★☆ 值得試指數： ★★★★☆

主題餐廳一直都深受大人小朋友愛戴和歡迎。最近得悉荔枝角D2 Place 又有新的Sario主題食物。店內的所有環境佈置都有水怪為主題，有水怪的紙牌、公仔等，非常有打卡的價值。至於拉麵方面有水怪拉麵為主題的中華冷面和黑松露雞白湯拉麵，碗內的雞蛋外表印上水怪圖案，超級可愛！小食方面，亦有特色章魚燒和日式焦糖布丁。我們今次點了：🌟Hangyodon日式慢煮西班牙黑豚肉包 印有水怪圖案的包賣相可愛，內裏有慢煮的黑豚肉，味道不會太鹹，夾在一起吃味道恰到好處。🌟Hangyodon特色墨魚燒 與平常吃的墨魚燒有點不同，因為內裏有八爪魚型的香腸，外面非常香脆，樣子十分趣緻，小朋友大愛。🌟Hangyodon黑松露雞白湯拉麵 黑松露味十分濃郁，拉麵可選擇軟硬或正常的硬度，紫菜更印有獨特的水怪圖案，小朋友一見到就非常興奮。

【大叔拉麵 x 水怪】大叔拉麵換左新主題【大叔拉麵 x 水怪】有一系列嘅水怪主題食物。仲推出左多款水怪 Hangyodon限定商品添。所以襯復活節就帶亞女去潮聖下📸。餐廳外有好多水怪打卡位，餐廳內仲擺設左好多水怪嘅精品、廣告牌添，我地2點幾到達，仍然大排長龍。HANGYODON 黑松露雞白湯拉麵 $148雞白湯底濃郁不會覺得油膩，加上黑松露嘅陣陣香味，令湯底更濃厚，叉燒軟腍，拉麵彈牙，紫菜同流心蛋仲印上水怪樣添。Hanyodon 日式慢煮西班牙黑豚肉包 $28感覺有d似中式刈包，黑豚肉肥瘦適中，非常軟腍，醬汁香濃，好食有驚喜。Hanyodon 特色章魚燒 $58很可愛嘅章魚🐙造型，頭係章魚燒，用左腸仔黎腳，加埋自家製醬汁，同平時嘅章魚燒好唔同。HANGYODON 蘋果蝶豆花康普茶 $44+$48有隻水怪玻璃杯🥛顏色豔麗，味道微甜又有陣陣清香茶香味。HANGYODON 日式焦糖布丁 $68係等候期間，亞女話必點lee個甜點，新鮮水果配上焦糖布丁🍮，水怪圖案圖片都食得添架。很可惜當日「紅豆酥配日本茶」售罄🥹

今期推出多種 水怪Hangyodon💮限定商品我哋第一日就去咗潮聖啦！✌️由4月1日至6月14日，一系列水怪主題美食🍜🍜🍜🔸HANGYODON 黑松露雞白湯拉麵 $148雞白湯口感濃郁但清爽，黑松露香氣撲鼻雞肉好滑，麵條彈牙🥢🔸HANGYODON日式焦糖布丁 $68小朋友最愛嘅甜點🍮清新水果配上焦糖布甸中和平衡，連嗰兩塊水怪圖案圖片都食得㗎😋🔸HANGYODON蘋果蝶豆花康普茶$44顏色鮮艷🌈 eye catching度十足，入口甜得來帶淡淡茶香而且加$48 就有一隻水怪玻璃杯🥛小店座位唔多，加上產品乃期間限定，所以大排長龍👥👥👥各位水怪迷，切勿錯過啦🔔🔔

終於有時間去揾水怪打卡，不過估唔到5點半就已經大排長龍 ❚ Hanyodon 黑松露雞白湯拉麵雞白湯濃厚又鮮甜，雞味香濃而不油膩，加上黑松露的香氣，味道層次再升級，叉燒軟腍，肥瘦適中，連小朋友都大讚好味道 ❚ Hanyodon 辛辣中華冷麵而家天氣咁熱，一碗冷麵就最適合不過，配料豐富，辣度適中，越食越開胃 ❚ Hanyodon 日式慢煮西班牙黑豚肉包食一啖之後覺得超驚艷，有少少似中式叉燒刈包，黑豚肉肥瘦適中，醬汁味道香濃，配上少少沙律菜減少油膩感，真心覺得超好味❚ Hanyodon 特色章魚燒用心的可愛章魚仔做型，用章魚燒做頭 ，腸仔做腳，配埋牛油果莎莎一齊食，層次豐富 ❚ 手工冷泡白桃烏龍茶清香白桃味，唔好太濃，食飽飽消滯一流 當日店入面其實好忙，不過每一個店員都仲係好熱情招呼客人，係親切到好似見返舊朋友咁，小朋友當日剛訓醒鬧情緒，店員都好有心機哄佢笑，係已經響香港久違的用餐體驗

未入到去食已經要受個女職員氣，態度差到不得了。問佢係咪要拎飛定就咁排隊（當時係下午15:30左右），佢一句彈麻嚟：已經cut咗條隊，我地飯都未食，未知幾點開會唔會開，完！（跟住仲要黑面，仲有個完字唔係我自己+落去，係個女職員把口講）個下真係好想爆佢，好彩有個男職員見狀立刻開口問有咩可以幫到你。唔係因為水怪根本唔會去D2呢個地方。

「大叔拉麵」今日去完2個casting之後直落探店，去到竟然發現呢個唔係太旺嘅商場，竟然有間咁旺嘅舖頭🤩喜出望外！佢哋仲會成日換主題，啱晒小朋友去！裏面亦都有好多精品可以買，視乎餐廳主題而改變，好有特色既拉麵店！今次我哋叫咗兩款拉麵，因為2個小朋友加埋都食唔晒一碗拉麵，所以就同媽咪分一碗再另加小食！額外嗌多兩款小食已經好飽啦！👉🏻Hangyodon 日式焦糖布丁$68🥉生果配焦糖布丁，上邊仲有啲cream！再加埋一粒粒類似爆炸糖嘅嘢，好正，好配😂👉🏻Hangyodon特色章魚燒$58真係用腸仔做咗章魚嘅形狀啊！完全俘虜到小朋友嘅心！一拎起先發現佢有幾隻腳仔😂👉🏻鹿兒島和牛，紫菜和牛骨湯拉麵$158🥇（一日五十食限定）上面啲京蔥夠晒多，再加埋紫菜碎，和牛小朋友食嘅話就要浸熟啲啦！大人就冇所謂😌👉🏻炙燒西班牙黑豚肉和牛骨湯拉$98🥈兩個小朋友爭住食！不個小朋友食我就幫佢加咗啲水冇咁鹹，大人食就好滋味！👉🏻凍白桃烏龍（大叔自家製冷泡茶）$20有白土味又唔太濃！唔錯！岩我今日獎牌：🥇🥈🥉

大叔拉麵 x Hangyodon 期間限定Menu入面全部item都好可愛！打卡一流✨黑松露雞白湯拉麵雞白湯超鮮美又濃厚！飲得出係要長時間熬煮先有既嗰種鮮甜味，肯定無味精！面頭有一層香氣滿溢既雞油但不會過膩，因為好濃，所以好掛麵！飲完幾啖湯之後先撈匀黑松露醬，湯麵加上黑松露既香氣，成件事升左level！同叉燒又軟嫩，脂肪部分入口即化！✨特色章魚燒小丸子做章魚頭，將腸仔開十字變左做章魚腳。加埋少少辣既明太子沙律醬、美奶滋、紫菜絲同章魚燒醬汁再配上牛油果salsa一齊食層次好豐富✨蘋果蝶豆花康普茶發酵過有好多益生菌好健康架！但蝶豆花味真係第一次試！少少甜有淡淡既花果香，好清新無負擔，酸酸地又有少少氣泡配上惹味既拉麵好解膩！✨紅豆酥配日本茶超級可愛的骰既紅豆酥！上枱時熱辣辣，外層係鬆脆酥皮配上紅豆沙餡，一口茶配一口酥，好正！✨日式焦糖布丁富有蛋香，忌廉同雲呢拿味好dominant！係日本的味道！好嫩滑又口感綿密！加上當季生果: 大大粒藍莓、奇異果同芒果，大滿足！唔單止顏值爆燈！味道都一樣滿分

捉緊 PC 狗嘅小尾巴，琴日去 #大叔拉麵 食啲嘢，搵 #POCHACCO 打卡～ 食咗 lunch 先去，已經食唔落拉麵👉🏻👈🏻見 POCHACCO #日式南蠻雞包 有個清楚又大隻嘅 PC狗，就叫啦😆。個炸雞好食呀！炸到外層脆，內裡仍然 Juicy～ 個包鬆軟得黎少少煙韌，夾埋啲蜜糖芥末醬一齊食，好惹味～👍🏻POCHACCO #布丁燒🍮 就覺得一般般，雖然好滑，但蛋香不夠，芝士蛋糕層亦偏淡，可能我本身鐘意味濃嘅嘢😅太遲去，食滿$100嘅杯墊都冇晒冇得送🥲 好彩問一問先決定要唔要食夠$$🤣，下次呢啲打卡店，都係早去早享受🤪原意都係打打卡，日後再試佢最出名嘅拉麵啦😆

大叔拉麵 推出期間限定💮 PC狗主題成間舖裏裏外外都充滿Pochacco 我哋叫咗幾款主題小食，PC狗個樣無處不在😂😂🐶日式南蠻炸雞包類似肉夾饃🥙用饅頭包，夾大大塊炸雞，沙律菜，車厘茄清新開胃，配洋蔥醬咬落去時，炸雞既肉汁溶咗落包度，食落有層次感🐶豆沙酥 配 日式茶飯後小甜點🫘 薄皮包裹住大量紅豆，配上白桃茶，清甜嘅感覺🐶雞肉蟹子沙律份量好多嘅前菜🥗雞肉蟹子緊緊咁扣埋一齊，加上少許芥茉醬汁唔會太攻鼻，但又能刺激胃口雖然主題拉麵賣晒，但佢哋嘅拉麵咁多人排隊，一定有佢過人之處👍🏻🍜慢煮博多雞胸肉雞白湯拉麵：湯底好滑好香，麵條軟硬度適中雞胸肉好滑，糖心蛋有水準，蛋白質豐富，少許香蔥同筍，健康人士之選。🍜特盛和牛骨湯拉麵：牛骨湯底濃而不膩，飲完一啖又一啖，有齊雞胸肉同叉燒兩款，一次過滿足晒兩個願望叉燒微微燒過，香口有口感，雞胸肉滑，仲有糖心蛋，材料豐富。