隨您鍾意 (Closed)

23 July 2006 (Sun) - 晚飯第一次黎呢度開飯，見都ok近我屋企，點知真係好失望！全部壽司啲飯都好大舊，而且又冇落醋，又勁硬，但係上面嗰舊魚生勁細舊．．．．真係打算搵啲飯塞飽人個肚，但最幣又要梗胃．．．好惡哽！叫咗個炸軟殼蟹，佢比個炸蝦天婦羅我，即刻同佢講我叫既係炸軟殼蟹！跟住居然黎咗個軟殼蟹天婦羅，大家知道”炸”同”天婦羅”既分別嘛．．．唉，算啦，我以後都唔會再黎，又唔係坐得舒服，服務又唔係好，又唔係平．．．

真係唔會再有下次!!d野食好求其, 一d都唔好食, 又唔係平, 又唔好坐, 服務又無, 不如食碗10蚊麵好過!

上次和男友來光顧,點了二人b餐,有一碟炒雜菜,一碟刺身,一碟壽司,兩碗麵豉湯,仲有兩件鹽燒魚腩,我們還另外叫了雞軟骨!我最意係三文魚刺身,炒雜菜和燒魚腩,其他一般啦!

上次食過銅鑼灣果陣....印象中OK...所以今日去左呢間分店...主要食左D壽司...臨尾叫左碗吉列豬扒拉麵....味道好似麻麻....感覺野食唔多乾淨....D豬扒炸到過哂火...硬過豬肉乾....壽司又唔係特別平....下次應該唔會再幫襯...要食壽司...唔會黎呢間....

今日食過呢到既"三文魚刺身飯" , 確實足料又唔難食, 我仲嫌佢多三文魚少飯添, 三文魚多到唔夠送飯, 而且仲食剩.三文魚- 無魚腥味, 好肥, 但好流, 食到尾無飯都唔想再食.飯- 似擺左落雪櫃一段時間, 凍凍地, 而且好實, 一舊野.蛋粒- 無特別, 甜甜地.蟹子- 少左d.....呢到做野既人態度要檢討.

I went there for lunch and dinner also. But I had stomach after having meal over there. But my colleague also got sick after meal. So........I don't like they use paper cup instead of glass. It's very environmental unfriendly. Please improve it. And more important keep high standard of hygiene.

呢間日本野日日晏晝都係咁多人等位. 星期六,梗係趁冇咁多人去試下喇. 我叫左個雜錦壽司,10件30蚊加一,仲有個麵豉湯,十件都係魚生壽司,賣相最吸引係三文魚壽司,好大件三文魚,其他有d塊紫菜唔新鮮,有d舊肉就比較細塊...但係,當我擺入口時,情況完全唔同,舊舊肉都好新鮮,好爽,再加上wasabi同豉油都好正,wasabi好激.有好幾次升天o既感覺.. 正... 最好係三文魚壽司,件三文魚有刺身咁厚.. 咬落好新鮮.. 好.. 同事叫左拉麵加魚生刺身,嘩~~ 成五件一厘米厚三文魚...一碗拉麵,一罐汽水..38蚊加一..3蚊一件壽司..好抵食..

我識既係︰灣仔係鵝頸橋底一間地鋪(堂食)一間外賣(或自取)，另一間係天后/北角電氣道(近天后柏景台地鐵出口)，本來只有外賣，現在已裝修好，設有堂食。好的是可以新鮮買新鮮食，可惜既係不設訂位，要靠運氣先可以坐定定享受。肥貓外賣推介︰雜錦魚生飯！好得！又多款，又多料，唔會齋食白飯，仲包一罐野飲，十分合上班一族既我個歡心。

$380 a set dinner of susui for 4 is cheap. Lunch is also cheap. A set lunch got 8 pieces of sushi.

sorry ! 我淨知係鵝頸橋隔離，時代廣場後面斜對面。係街市口個間淨外賣，過少少個間有兩張檯仔，向馬場方向個間最新最大，約廿張雙人檯。三間其實好近，附近好似有間教職專業人員協會。

見佢的食評都唔錯，想去試，但請問佢那三間分店在那呢？？或者係近咩大廈呢？？同埋係咪只有一間有堂食？？thx

我都有去開鵝頸橋個間架.... 不過, 我就比較鍾意佢有外賣, 又有堂食個間啦.... 雖然地方唔大, 但勝在唔駛(加一)吖... 要留意一點就係個間得兩個座位.... 我又好鍾意食佢個海膽魷魚壽司, 好好味.... 平時我都會order六件架.... 佢地d壽司同刺身都好平呀...

呢間隋你鐘意係鵝頸橋有三間shop,一間只係外賣,一間係有細檯比人堂食，後ｄ有一間大舖，都好多人去食架!我去過食lunch,好平,都係大約三十蚊一個lunch,鰻魚炒飯好正架,味道夠,料又足，另外有個suszi餐,三十蚊,有十件suszi同湯,個十件suszi無得比你選,但係佢一定唔會比得好渣, 三十蚊,百佳都未得啦!不過湯麵麻麻,味太淡，麵不夠多．不過佢呢間舖d通風不太好，有次我去到硬係feel到店內有d魚鯹味,另外,waiter唔係咁醒目,成日唔添水,要追單.

初開時在鵝頸橋街市旁一間蚊型舖，只做外賣，什錦壽司只$28有八塊，真有些擔心衛生問題，姑且一試，水準出乎意料好，斷續都有幫襯，隨後陸續開分店，價錢水準一樣維持到，最新既餐廳亦頗雅緻。二人套餐幾抵食，但散叫較多選擇。壽司飯粒柔軟調味適中，唔易散。魚生幾ok，較喜希靈魚籽，酸味味兼卜卜脆、一種類似沙丁魚，油分重甘腴、鯨龍似肥豬肉、賴尿蝦帶膏，仲有例牌三文魚，呢個价錢都好唔錯。呀，我一向只去鵝頸橋。

好像在鵝頸橋看過這個店名。點了鮭魚、鮪魚、鯛魚、鰻魚、蟹子、甜蝦、醋鯖魚、黃金魷魚……一大盤壽司，好像點太多。終於可以吃到希靈魚籽，黃色的魚卵附在魚肉上，以醋漬的方法去掉腥味。其實是蠻難料理的，這家店算是還可以。這裡的天麩羅有點乾，咬下去蝦子沒有鮮味的肉汁流出來；金菇牛肉捲算是還好；明太子雞翅膀很飽滿，算是不錯吃的。以上三樣東西大概是三十多塊一客，好像有點貴。建議光點壽司就夠了。當服務生的婆婆很好玩，廣東話說不清楚，我跟他乾脆說國語，居然能通ㄟ～