隨您鍾意 (Closed)

被店名吸引而來。壽司的飯不好食，而且很細。其餘的也不是好食。沒有服務。食了很少就走了。唉……很後悔來了!

入到去好似返左大陸咁，冇乜開燈(6點幾7點夜晚)d壽司唔止個樣唔得，仲好似好唔新鮮咁，又貴...個蟹子沙律一d都唔似總之食到嘔，比d唔去完全搵唔到一樣似日本既野包括食物同裝修去既時候勁多人排，咁難食既野都多人食-.-'比我都唔會再去呀！！！水又要問，又唔聽人講~比張下次免費食沙律既野我，我轉手就比左第二個...因為，比我都唔會再去食！！！

九點半左右一個人去到，自然已經沒有人龍，於是找人來take order，好些已經售罄，當然不能怪人。試了一個油甘魚刺身，有四片，一點都唔厚，也不鮮美。一小碗枝豆，得個'乾' 字。另外想叫一個熟蝦沙律軍艦，來得還比較準時，不過是甜蝦壽司，於是show多一次那張圖片，請求換一個，然後沒了下文……十分鐘後，請人追一下單，如果還沒做就算了，結果很快來了，不過……還是甜蝦壽司，再show多一次那張圖片……最終，放棄了，從面前拿了一碟兩件的玉子壽司果腹了事。侍應都幾遊魂……還好我脾氣比較溫和……

一家三口在此晚飯，叫咗個刺身中盤、鰻魚炒飯、燒鯖魚、帆立貝拉麵同三文魚刺身冷麵‧刺身($88)有帶子、煗 魚、蜆、八爪魚同三文魚;每樣有三四片份量萛ok，水準都幾好幾新鮮‧燒鯖魚也不錯，燒得幾香而肉質亦唔會太乾;拉麵幾好食但帆立貝不過不失;其他冇試所以唔知‧食品都萛唔錯招呼亦頗週到，食得過‧

本人係第二次食隨您鍾意,之前o係灣仔分店有一個幾好既印象,所以今次自己就試下佢d set lunch 啦~ lunch time 唔算太多人, 但佢就帶我去坐回轉枱,我明明見到order 枱有位都唔俾我坐, 感覺已經唔係太好~(我已經要求過) 之後我點左一個好普通既魚生飯定食~有味噌湯,炸野菜餅同魚生飯~ 等左一陣,侍應求其放低個湯,根本就冇理過個餐係邊個食(我左右d 人都唔識架)我右手邊位小姐話唔係佢,佢就問都冇問我就攞走,我叫佢都黎唔切...轉頭佢就送番過黎,唉,真係浪費時間~~ 試下個湯先,冇咩特別,係鹹d..再加上d三文魚骨,仲鹹~~炸野菜餅,硬到呢...咬唔開咁滯,個師傅炸得太耐,乾到硬到..真係好難食~~最期待既魚生飯到喇,賣相一般啦~ 有兩塊好厚既玉子,兩塊好細好薄既墨魚同三文魚,一堆蟹子,最後一塊熟蝦~食落塊三文魚,唔係太新鮮,墨魚有陣腥味(自問都食得腥),怪怪的~~~試下d飯啦,嘩!!硬到你唔信...完全係好難夾開,又硬又黏~恕我講一句,真係好差!!最容易整,最普通既魚生飯竟然會咁差,真係好難相信~~最後,我食剩晒d 野...(魚生當然食晒啦)咁樣既lunch就收左我

不知是否天氣太熱的關係, 近期真的多了吃壽司, 是次來到這間平靚正的地點, 吃個飽的吧!!十多元2件壽司真的很抵, 雖然坐得不太舒適, 但是以平價街坊店來說, 不用要求太高吧, 點了一客加洲卷, 真的很多飯, 吃了數件己很飽呢, 真有點搵笨, sushi的size都比一般的大, 總之要吃飽你為止, 當中吞拿魚腩, 芥辣八爪魚及希靈魚籽為本人最愛, 即使去過其他店的希靈魚籽都没有這個好, 不錯不錯, 以這個價錢, 可謂物超所值吧!!

之前叫過幾次外買都係灣仔的, 與朋友經過天后,便提)到此試試它的堂食。唔試好過試，非常失望!!魚生不太生鮮，太乾!!土佐豆腐炸到硬過石頭。價錢不是便宜，應可不來的!

因為個friend住o係附近,所以我地選擇外賣instead of堂食...至少坐都坐得舒服d...三文魚刺身-----切得好厚身,但唔鮮...壽司-----有三文魚,北寄貝,腐皮,甜蝦,玉子,帶子,象拔蚌,鰻魚,花之戀...etc.基本上全部都只係supermarket貨色...唔係咁得law...d飯係一餅野咁...要夾硬將2件壽司d飯分開先分得返做一件件o既壽司...飯還飯,刺身還刺身咁樣...有d仲要係勁散...一夾起已經自動分左三舊...真係完全唔得...唯一可取o既係夠近...如果唔係貪近貪方便,真係點都唔會食佢...

第一次來食見到佢地有彼很多款式嘅食物。最尾order左滑蛋豬扒飯，鍋燒烏冬,三文魚壽司&海膽墨鱼壽司。首先三文魚肉質乾身，冇鮮味。海膽墨鱼亦好少，只是薄薄一層。滑蛋豬扒飯比較乾，原全冇滑蛋，只是幾舊原全孰透嘅蛋塊。唯一一讚係個鍋燒烏冬，幾多料，隻滑蛋令成個烏冬好香同好滑。只是比較鹹左少少。

行完工展會，都係想試下呢間，其實一早心裏有數係一間港式日本料理店，但既然近來開了那麼多分店，勢頭恁勁，真係想知甚麼葫蘆賣甚麼藥。位於天后的這間七時多還沒有滿座，店不大，做生意的總想多放一檯一凳，做多檯客。但似乎有點過分的是，在一些連已經很迷理的檯凳也剛剛放到，之後坐不到人的地方，竟還要這樣安排食客上坐，這一對人坐不到、下一對、再下一對...實在有點過分。幸而早來到，轉了張四人檯，不過兩個人對座依然十分之頂腳。也算了，快快吃完鬆人。點了好幾款壽司：帶子、象拔蚌、魶魚、甜蝦、熟蝦、蛋、鮭、鯧及花之戀。食落比超市買的遜色，非常失望。飯與魚的分量不相稱，飯太多。甜蝦也見孤寒，正常也是兩條蝦一件。鯧魚色澤暗啞，明顯啎新鮮。鮭壽司用日本貨，色澤淺，味淡。花之戀較好，用挪威貨，味道鮮而魚味濃。整體都係平均之下，感覺比壽司便當差！真的隨我鍾意嗎?多麼諷刺的一個店名！環境分一欄更要重扣。食完啎理飽啎飽都速撇。

昨晚和男友到這裡吃晚飯,點了如下食物:雞軟骨:勁好味,今次唔會太咸噃!鰻魚,腐皮壽司: 都唔錯架! 三文魚刺身:好肥美好好美!厚厚的一塊塊排列著,好吸引呀! 但唔知點解d wasibi好似有d芝麻夾雜著呢! 最想講一件事,上次叫紫薑都有架!今次唔係無,但要收費噃! 五元一碟,攪錯呀! 呃錢架!

早幾日行過,見有位就同個friend一齊食o左sushi,薄餅炸物及炒菜sushi水準一般,但外觀卻不太好.廚房的水準卻很差,可能太耐無幫襯,可能轉了師傅,同以前分別很大,個炒菜好似油浸多過炒囉~~~薄餅又太乾,係炸物最好囉!另外,侍應d服務都ok.唯獨一個後生女侍應,叫親都無反應,可能我隱形o左啦~淨係見佢成日睇電話,廚房個師傅講野又大聲(o係店面)應該佢唔係老闆呀~~

呢間餐廳既食物質素係度唔多講,因為咁既價錢食物好極有限!反而佢地既態度真係愈來愈過份,我每次去都係買外賣,所以都係企門口個肥仔招呼,呢位"肥哥哥"真係犀利,我唔明點解佢仲可以繼續做,佢十次有九次計錯數,問佢計少咩,佢就話話計少幾件壽司,轉頭再問佢,就話係計少咗刺身,總知就係計少咗,要俾錢,只係遘唔好意思...好嗱,到佢計啱錢時,就係我返到屋企,發覺少咗幾件壽司之時,我打落去投訴,佢就話:"係咩..唔好意思,你落嚟攞返,或者下次補返俾你",仲有一次買外賣,轉頭返去佢話未得,叫我等等,到我見身邊既人都攞哂外賣時,佢先幫我追份外賣,點知原來份外賣一早出咗,放係佢前面個刺身櫃度,呢個時候佢都係例牌嗰句:唔好意思",次次唔係錯呢樣就係錯嗰樣,忍得佢一兩次,而家真係忍無可忍,同佢地投訴都無用..請問有無人知呢間餐廳係邊間集團?有無網址可以投訴?many thanks!!!

今日黎左呢度食dinner, 第一次黎食,一入到去見到d sushi已經覺得"有咩特別呀?", 個樣好普通囉, i can say "有d唔靚"!!! 坐底睇下個menu有咩食~~食了三文魚, 講真個味道好似"明將" 果d 三文魚囉! 當然從外觀來看, 板前好好多啦~~ 但係個味道真係差唔多啦~~ 叫了其他sushi, 真係冇咩特別, 最特別的係叫了馬肉sushi, 我覺得好殘忍, 我冇食到, bf 食了, 佢話唔好食, 有好多根........本來叫了和牛, 冇黎到....算吧!! 成餐覺得最好食的係"燒玉子"!! 又平又好食.....雖然我冇食帶子sushi, 但係睇個樣已經輸俾好多sushi店! 峰壽司已經靚過佢啦, 連東京都好過佢!!! 其實, 點解咁既quality都仲有咁多人排隊食呢????? 真係好唔明!!! 仲有一樣係.... 師父整壽司全部都冇帶手套, 隻手咩都摸過哂.... "感覺上" 好唔衛生喎!!!! 見住個師父"搓" 完舊飯, 用佢隻手拎住個"噴火槍" 燒個三文魚, 之後又用返果隻手"拿" 舊sushi....嘩...有點.....可怕....仲有!! 整"炙

第一次去這間店, 以為銅鑼灣都有間似樣的日本菜吃, 真好, 點知唔知點算. 一坐落, 才12時15分, 看看午餐價錢也不算貴, 但order 後, 頭上的冷氣開始滴水, 經理將枱搬開, 總算解決問題, 前菜吃過後, 主菜卻一等再等三等, 一催再催三催, 都未到, 眼見旁邊的枱由無人坐, 到有人坐, 到換人坐, 食物依然未到, 經理在再催的時候應過我, 之後三催時, 已不理會了, 只有一位waiter 面帶一點歉意, 和櫃枱追了一下, 回覆說再等一等吧, 千呼萬喚, 終於有得食, 但當時已是1時30分, 也不知吃了些什麼, 就快快埋單離開, 門口還有人在等, 我心想如果多幾枱像我一樣被逼滯留的, 門口等位想有位, 難了!