隨您鍾意 (Closed)

年三十晚，老公突然話要同我出去銅鑼灣花市走走，順便行個大運，行吓行吓就來到呢間食嘢。老公知我唔係點飲凍嘢，便幫忙叫一杯暖水，點知職員話沒有水供應，並說可以點菜單上的飲品。那一刻我心裡已經很不悅，在香港我真係未試過去一間日式餐廳係冇水供應架 lor~算啦~ 我叫咗一罐唔凍的蜂蜜綠茶，之後 d 食物開始上枱，惡夢就開始啦~先來 多春魚串燒 和 雞軟骨串燒，嗰幾條串燒唔係冇燒的風味咁簡單，而係根本一 d 都唔熱，只係微暖而已~雞軟骨食落都冇咁伏，但係食 多春魚 真係出事，個皮完全見唔到有燒過的焦焦，食落就好似一條烘魚咁~另外，碗拉麵真係好難食，一夾起 d 麵仲有部份係黏埋一餅，係未完全煮開的一種，我真係懷疑個廚師究竟識唔識煮麵，我夠胆講我响屋企煮都會好食過佢~

服務：我和朋友一共2人相約去食串燒，一開始我們 已經叫了很多，叫的份量已經食超過2人份的，但服務員不段遊說，我們店裡有很多小食，我說唔夠我們才加單吧但他仍然不段游說。食物質素：我覺得個拉麵是不俗的，湯味濃郁。 另外串燒一般般，感覺串燒不是真正燒的，倒如那個墨魚咀串有點兒生和凍，另外羊架十分硬和生。

係天后, 本身簡左間由日本師傅處理既立食壽司店, 但去到人都幾多, 所以繼續向前行~~ 食開TIMES 附近既隨您鐘意, 係呢到見到分店就坐入去。LUNCH SET 有MISO SOUP, 再簡6件SUSHI, 如圖:飯真係好少, 已經握得唔太好, 一夾就散, 師傅要落多少少功夫呢~而刺身呢, TUNA 同象象拔蚌唔太得好腥, 不過左水魚裙邊唔錯, 入口帶少少油膩唔會太乾。侍應好有禮貌, 讚!!!

唔知幾時天后呢間有串燒食，咁事源揸車經過諗住食糖水，見到串燒就食返兩串做宵夜！Order 左一串羊，一串雞，一串台灣腸同燒鰻魚呢幾樣野已經成100蚊，唔算話好貴既，又第一次食，諗住試試佢😋我地係正門口等外賣，等左好耐又冇人叫我地，而我地見到一袋外賣放左係枱頭一段時間，按耐不住就去問得未！🌚🙄原來個袋就係我地！之後就離開。乜野事？🙄首先個陣仲要半夜成點鐘，冇客咁濟喎！！！！🌚🌚🌚🌚🌚外賣得左，客人係門口等都可以唔出聲話拎得！咁樣既態度我地已經決定唔會再光顧！😠😠宜加先戲肉！😊離開後我地搵地方食。首先一打開盒野見到好似肌肉萎縮既雞同羊！第一係食台灣腸先，咬落去小小暖，以為係放耐左凍左，但應該係未燒到熱囉！第二分別一人串食雞同羊！係凍既！😡😡😡😡😡😡唔係放涼左個隻凍，係雪櫃拎出黎解凍個凍！咬左中間，奶一奶支竹籤，凍架！雪櫃雪住個d凍！有冇咁過份，即刻吐返出黎！真心驚腸胃炎！到鰻魚，有燒過下既我估，起碼唔係冰凍🌚 不過你直頭唔會用微暖去形容！因為真係食落連dd既暖都冇！等執笠喇！等又等得耐，燒又燒唔熱仲要凍！咁大個人未食過凍既串燒😉😇

唔知幾時天后呢間有串燒食，咁事源揸車經過諗住食糖水，見到串燒就食返兩串做宵夜！Order 左一串羊，一串雞，一串台灣腸同燒鰻魚呢幾樣野已經成100蚊，唔算話好貴既，又第一次食，諗住試試佢😋我地係正門口等外賣，等左好耐又冇人叫我地，而我地見到一袋外賣放左係枱頭一段時間，按耐不住就去問得未！🌚🙄 原來個袋就係我地！之後就離開。乜野事？🙄首先個陣仲要半夜成點鐘，冇客咁濟喎！！！！🌚🌚🌚🌚🌚外賣得左，客人係門口等都可以唔出聲話拎得！咁樣既態度我地已經決定唔會再光顧！😠😠宜加先戲肉！😊離開後我地搵地方食。首先一打開盒野見到好似肌肉萎縮既雞同羊！第一係食台灣腸先，咬落去小小暖，以為係放耐左凍左，但應該係未燒到熱囉！第二分別一人串食雞同羊！係凍既！😡😡😡😡😡😡唔係放涼左個隻凍，係雪櫃拎出黎解凍個凍！咬左中間，奶一奶支竹籤，凍架！雪櫃雪住個d凍！有冇咁過份，即刻吐返出黎！真心驚腸胃炎！到鰻魚，有燒過下既我估，起碼唔係冰凍🌚 不過你直頭唔會用微暖去形容！因為真係食落連dd既暖都冇！等執笠喇！等又等得耐，燒又燒唔熱仲要凍！咁大個人未食過凍既串燒😉😇

消費$117 買左刺身...得2包醬油，打28332876投訴更無語，70得2包醬油要買俾錢，態度極惡劣。第一次遇上這樣，買個外賣，職員都會俾眼色你睇。..............................

80年代在香港日本菜是有銭人和商家款客的盛宴。今天日本菜随處皆是，而价錢可以去到幾蚊一件鱼生壽司，普蘿大衆都可亨用。可惜这就把真正的日本菜切底摧毁！今天三人行（其中一个是老人家）就近家门嘗了一顿有様無味的日本菜。沙律粗制，鱼生和壽司基本吃不到鲜味，油甘鱼頭烧得不夠香，只有份量可以接受。

背景：我點左個2人餐 $298蚊包括以下幾樣野:1. 12件壽司(任點)2. 刺身(5款)佢限定3. 天婦羅4. 叉燒烏冬埋單 $334食評:12件壽司Erm..同放題食個d叉唔多質素刺身三文魚最好食，其他個d就係解凍左拎上台天婦羅呢個真係好「驚」喜，番蕃薯係脆到唔熟個炸皮係林既，食多啖係油既叉燒烏冬正正常常，但唔算好食打如比喻：即係去麥當當食個魚柳bell，你會期待佢係魚柳bell味，唔係特別好食，正常咁啦然後我又計下條數12件壽司係5蚊舊(跟番佢間餐廳價)--60蚊叉燒烏冬--50蚊天婦羅5－6舊--60蚊咁即係刺身係--128蚊計落單點係抵d又好食d總結：*員工服務態度係唔差既，但問題係d野食真係比放題仲差，要改善下*我唔係要求到要最高質素既食物，但天婦羅真係炸得有問題*你問我有無再想食既衝動，答案係無希望佢既野食質素真係會提高番少少

晚飯時間約八點 人流適中 門口位個人服務ok 有主動介紹餐單劃完單 食物好快就上左 嗌左 櫻花什錦刺身醋飯 同兩件蟹籽壽司材料都係個幾樣啦～～～希靈魚食落幾爽口 有輕微既腥 但可以接受服務又唔係真係咁差 有主動收野 同勤加茶 我食左好似一個鐘都無 都加左約5次臨走前 佢都問我要唔要多杯茶

屋企人鐘意食日本野，成日係屋企周圍試唔同既日式餐廳，於是今次就黎左依間。首先，我叫左一個帶子烏冬，水準一般。帶子無乜味，烏冬既質地尚可，烏冬同湯底都有啲似係超級市場買到既果種質素。然後，我地叫左八爪魚、三文魚、帶子同鰻魚壽司，同埋三文魚手卷。前三者比較淡，無乜味，但係口感還好，但係鰻魚就真係幾腥，唔係太接受得到。三文魚手卷算係唔錯，雖然三文魚一樣無味，但係量都算多，比起坊間一般手卷抵食。整體黎講，佢既價錢令我地唔會有好大期望，不過不失啦。不過，服務真係唔係幾好，啲野好遲黎唔講，催野食既時候店員愛理不理，態度好差。

好耐無黎過,星期六七點鐘黎食完全唔使排隊. 個位勁窄 坐得好唔舒服 我同男友叫左什菜烏冬 鰻魚飯同三文魚刺身。 咁既烏冬得個幾條硬到爆既菜，好難食。四十八蚊 鰻魚飯好腥 食完一啖完全唔想食 最差係個三文魚刺身 完全唔okay! 差到唔可以再比機會！！byebye

三文魚刺身, 原本應該是該店大量入貨批發的招牌, 但是味道真的失望了, 恨一般.吞拿魚刺身, 很凍而且還有血水, 味道當然很差而且很淡很腥, 根本不宜入口.天婦羅, 很油味道很淡完全感覺係食炸粉. 牛肉鍋完全係迷你半人鍋, 給三歲小朋友食的嗎?吉列雞扒飯, 這是港式茶餐廳的飯嗎? 難食而且粗曠. 海膽已經融化, 證明非常不新鮮.

從來未去過一間態度咁差O既店舖食野. 我地幾個人分開張ORDER紙俾個店員, 點知黎O既時候放埋一碟, 我地都算喇...始終LUNCH TIME, 諗住食完就走. 點知去埋單O既時候, 個所謂O既MANAGER態度勁差咁話分單要同佢落ORDER講, 而家唔識計.   我即時同佢理論, 我地明明分單俾佢, 佢地擺埋一齊我地都算, 咁解仲要講多次要分單呢? 行動唔係已經證明左啦? 佢地話"冇", 我即刻拎番佢O個兩張單出黎.佢地話咁樣計唔到, 我話咁你咪逐張單計囉...擾攘左好耐,最後尾由我友人自己計番條數. 期間個女職員(十幾廿歲度);態度勁差話我地寫左O係度, 分單要出O家啦. 我話: "我地分左單俾你O家啦."佢話"咁你無叫". 我話我都分開左, 點解仲要講多次??唔係好謊謬咩" 佢答: 我唔覺. 其實我未聽過有服務員態度咁差, 自己錯左, 仲可以大大聲聲駁D客咀. 睇番之前O既食客COMMENT, 我覺得好明顯係同一個人囉. 而全程其他男職員 一味睇戲咁睇. 無人出黎調停, 更莫講話解決問題. 呢間野真係永遠BLACK LIST... 服務咁差..真係請我都唔會再去!!!!

個日行過天后見到呢間d野幾平，所以試下。出面望落去,都幾多人,但等一等就好快有位,一坐低,WAITER比D MENU我地望,見到都有幾多款野簡,同埋價錢幾抵食,所以嗌左少少,2人份量,同朋友一齊食,唔洗幾耐,就好快有,呢個價錢食到咁多野,都幾抵,食物質素都OK 啦,刺身真係幾抵食,但唔知點解D杯都用紙杯,可能方便啦我地見到都有唔少人響出面等外賣,買刺身,不過唯一唔係咁好,係D WAITER 好似遊雲咁,黎左2次,2次都見到唔同WAITER都發夢咁,叫佢地倒茶都唔係好記得衛生方面都OK LA,都算係幾乾淨,人流都幾多,交通都幾方面,MTR附近,,,

一個人黎晚飯....呢間野唔算貴不過我只係叫左個日式鰻魚飯先講下我個人唔中意鰻魚sushi但中意食鰻魚飯!有面豉湯送冇乜味,完全冇料,應該係沖水o個d不過淡淡地都好,冇咁多味精個飯等左好奈個鰻魚好好食!d汁都好好味但係食食下d汁開始住條脷@@個飯既南半球係暖但北半球係凍既想點,唔太有日本飯感覺咁多人話服務差我又覺得冇乜野