道頓堀御好燒專門店 (K11購物藝術館) (Closed)

一年前食過，walkin要排好耐，所以book左位，去到都好快有得入，但係服務就差d，成個場得2個人做樓面，忙都不得了，明顯唔夠人，食物方面，叫左2小時任食，但侍應就成日送錯餐🙈不過都好味既，食到好飽

好想念日本！又不太想食壽司，居酒屋又有點想念關西的大阪燒，來道頓堀御好燒就可以回味一下關西的味道店內是點餐後自己料理，可以話有得食又有得玩餐廳也有圖文並茂的解釋，所以不用太擔心會失敗，重點是大阪燒的醬汁，沙律醬，紫菜可以任加！記得最後叫甜點的熱香餅，自己整的熱香餅配忌廉特別好食

門口經常排滿人，所以今次一早嚟到等。大約半個鍾後有位～第一次自己親自製作，既興奮又期待。每張枱都有鐵板爐、煎鏟同埋醬汁。製作好簡單，同埋會有員工教你點整，(再加上 上網睇埋教學，有哂準備！）首先將麵粉，蔬菜、肉類或海鮮配料均勻，之後倒落鐵板爐上面。再用煎鏟每隔5分鐘反一反，避免煎燶， 大約15分鐘後淋醬汁。最後，落埋海苔粉同鰹魚粉 就食得。口感外脆內軟，有好多材料，好豐富，大滿足！加上自己整會覺得特別好食！

星期日晚上7點 我和朋友來到位於K11 2樓既道頓堀御好燒！ 今次係我第一次食，之前聽朋友講話呢度有得一齊煮下野食，係拍拖/同朋友溝通既好去處，所以就決定試一次！我地兩個人點左一個道頓堀豪華七品和廣島燒，兩杯大日本生啤。食物-廣島燒 (強烈推薦）- 首先廣島燒製作步驟較多，你需要煎皮底，煎蛋，炒熟海鮮，炒麵等等，比起其他選擇好玩！ 第二，食呢啲最驚係唔飽，而廣島燒入面已經包一個炒麵底，個炒麵仲要預先浸左昆布高湯，非常入味。第三，入面有好多椰菜絲，適合鐘意菜既朋友。我就建議鐘意椰菜絲淋d 既朋友，可以先把椰菜絲炒熟才開始做。道頓堀豪華七品（適合小朋友）- 首先佢既製作好簡單，只需將所有配料混合，然後平均倒在鐵板上，煎熟就完成！ 當中比較考手藝就係反嗰下，一不小心就會整爛塊餅！味道正常，沒有特別。日本生啤 (大）- 食飯不能無酒，點左兩杯，感覺有點細杯，但計返個價錢$38 蚊，平過出面飲野就算。環境 - 座位寛敞！衛生 - menu, 油樽 ,調味料有點油膩，摸完要抺手，略嫌不足服務 - 上菜有點慢

這間鐵板燒好食又好玩。我們沒有放題，因為怕吃得太撐，單點也夠飽呢。材料準備好給我們，我們就只是需要放鐵板煎，不知為什麼，總覺得這種鐵板好神奇，不會煎燶😛技巧很低，但味道仍然很好喔！當然店員見你狼狽也會忍不住來幫一下忙🙈😛廣島燒很好味，本來自己就喜歡拌麵、抄麵類的，麵很有彈性。前菜沙律也美味（這配搭不可能出錯吧🤣以上這個年糕燒餅也好美味啊！有三塊芝士年糕在裡面，吃的時候芝士香，年糕的綿也吃得到喔🤤來甜品pancake做個happy ending! 呢個pancake 漿真係冇得彈，煎出黎既pancake 好香蛋味, 配上cream and berry 真係好好味，大家都好歡喜

#尖沙咀 大家被困太耐, 忍唔住要活動一下! 同事們相約放工後食飯開會, 老闆嚷著未食過御好燒, 因為奧運站嗰間暫停營業, 咁大家就陪佢試試吧! 自己親手燒係幾好玩, 每張枱均有圖示教如何燒各種不同的燒餅, 時間掌握及程序等! 道頓崛特選御好燒 $108 ~ 呢款最易燒, 亦最好味! 不過所需時間甚長 (總計16分鐘), 如果肚餓就唔好燒呢樣先喇! 泡菜豚肉文字燒 $78 ~ 一啲都唔好玩, 好難處理! 我們跟店員表示唔係好明白應該點燒, 店員表示枱面有圖可看….後尾我哋自行發現原來醬汁唔係另上…而係要自己揀走晒啲餸, 再將碗下剩底既醬汁加上…..道頓崛炒麵 $88 ~ 麵身軟硬適中, 現炒夠香夠熱! 燒烤組代表: 牛肋肉 $78, 豬五花 $52, 雞肉 $48 ~ 各樣都唔錯, 牛肋肉有小6片, 切得有點薄身! 豬五花最好味, 有肉香! 最後, 店員服務態度欠奉, 基本上係唔多理會客人亦唔執枱的, 只要放得落食物便算, 根本唔會理會其實只放得落 2/3 隻碟!  

第一次去試自家煎大阪燒嘅餐廳😂😂5位朋友都覺得好玩，食物都同樣有驚喜⭐️ 最推廣島燒，叫咗個2人套餐份量都好大～食材新鮮！最驚喜係個pancake真心味道唔錯～唯一要改善係調味料冇標誌，容易落錯野⋯。整體來講，體驗唔錯❤️ ❤️❤️❤️❤️❤️❤️❤️❤️❤️❤️❤️❤️❤️❤️❤️❤️好適合一大班朋友食飯傾計，然後一齊煮下野！另外！希望抽煙效果可以更好，食完全身都有煙味⋯身上所有衣物都需要大清潔⋯😅😅😅😅😅

今日專登和同事來，已經準備好OpenRice優惠券，點知嚟到做$98午餐，優惠券都不用了仲包嘢飲，好多生嘅食物自己炒炒炒，第一次嚟都夾覺得好得意。咁多食物選擇，任叫任食，一次真係食唔晒咁多種，留返下次再嚟過。最欣賞送雪糕，煎炒後吃雪糕頂呱呱。

大阪燒🇯🇵相信是很多人去關西旅行時也有品嘗過.❤ 而這間餐廳是可以自己親手去整 既好玩 又好味道啊!😋 坐低之後 我還有點緊張 怕整不到別人那麼好賣相 雖然有圖片及程序去說明應該怎樣掌握時間的控制 無論如何 一於大展身手啦!😎我們分別點了1份大阪燒和1份炒麵. 女朋友將碗上的蛋攪勻 然後按圖片下鑊5分鐘再反一反 做兩次 然後加入甜甜的照燒汁 沙律醬 勁多的紫菜 完成之後就可以起筷.😋 我可以說這個真心是很好吃 原因是本身自己也喜歡大阪燒這名物 第二是裡面包住的材料也很多 第三是可按自己喜好加入很多的紫菜和醬汁 簡直是和在日本吃的一樣 世界級.👍👍👍 跟住我們親手去玩炒麵 先將蝦 魷魚 雜菜放入去煮 然後再加入麵 芽菜. 整個過程也釋出很多油煙味的關係 唯一缺點就是抽風機好似沒有什麼大作用. 這個炒麵沒有剛才的那般出色 味道正常 可加入醬汁一起吃或會較好.最後 這間餐廳服務員有禮 亦很主動照顧客人爐上的火調教大細. 我覺得最特別之處 是大家可享受屋企以外的烹調 亦可留給對方美好的片段.👍 這餐廳下一次當然要再去幫襯.❤

之前第一去食已經覺得好玩又好食，所以就做咗會員，會員優惠亦很吸引，之後亦去過好幾次食，而且每次都必定食日式燒餅和加拿大厚切豬腩，因為實在好味道，肉質鮮嫩咬落有口感。食材也算新鮮。酒——當然是我的喜好，呢到既梅洒味道也可以，梅酒核打🍹🍷厚厚的腩肉——-又有肉汁，又夠肉味。帶子——又是每次都吃，新鮮昩美，厚肉鮮甜蒸什菜——食咁多肉當然又食吓蔬菜🥬清一清，蒸出來的蔬菜🥬原汁原味。八爪魚鬍🐙，🐔翼昧道適中，燒完都不用再加調味料豬肉片——薄簿的，味道是ok的，不過食過加拿大厚切豬腩片，就反唔到轉頭😂😂尤其是燒餅，真係其他地方食既燒餅無呢到咁好食，店員服務仲非常好，由於我係唔識佢既步驟去煮呢個燒餅但每次吃，店員都招呼周到幫我煮埋，食物隨咗好食，令到客人會返轉頭再去食，服務也很重要人。所以有好多食肆我都會keep住幫襯，當然呢間也不例外😂😂😂😂😂😂😂

格離同事有一日無啦啦話想食大阪燒，所以我地一行五人lunch就去左呢間食飯啦。其實我本身就唔算太鐘意食大阪燒，食一舊兩舊ok，食成個就唔係太想啦！不過好在，呢到都幾多唔同既選擇，有大阪燒，文字燒，甚至仲有燒肉添！燒肉set lunch仲跟埋白飯，都算ok抵既～而且仲買四送一添，我地五個人就岩岩好啦。每個set lunch既跟餐沙律～係白蘿蔔絲黎既，正常發揮～同事點既上級牛肋肉，份量我覺得有啲少，唔係好抵，我點既牛肋肉，份量都好多下，但係無乜牛味，又勁多黑椒，普通。另一位同事點既道頓堀雜錦大阪燒，佢煎得幾成功哈哈味道還好啦，都係勝在有得自己整，有得玩姐！不過食完之後成個身好大陣味，陣味跟足我地成日。

奧爾加有次同朋友行完尖沙咀，講起近排想去日本去唔成既事，朋友無啦啦拉左我去排隊，話可以自己整大阪燒，好啦就試下，不過排呀排，排左成個鐘，真心嬲，所以朋友話先去食甜品，好啦！最後終於等到，好彩有得食，不過朋友幫我燒埋呀唔該！我要開動啦！個大阪燒好唔好食就要靠自己煮野既食既功力啦，好彩小妹有個好識整野食既好友，成晚有人煮俾我食，味道一流！個大阪燒好鬆軟又多海鮮，味道好豐富，一路食大阪燒一路飲啤酒係人生一大享受

2019.11.23 18:30 今日陽光好心情好 市面平靜， 難得能跟老朋友"即興"約到食飯， 就決定試下 新奇有趣的 (FB fan 分享好開心我都嚟玩下)♡服務生: 主動 有禮 ( 店內只有幾枱客，所以得閒睬我哋。 為免浪費食物， 邀請了女服務員幫我哋製作廣島燒這是他們的招牌菜呢! ) 加多啲廣島燒甜醬油和沙律醬 好味薄切牛肋肉片 $78 五小片: 醬油入味，分量多少少就好啦! (燒1~2分鐘就夠 好快變老)牛油帶子$68 四粒: 鮮嫩，大個五蚊少少啦!厚pancake, 材料很香 忌廉很滑; 只是製作不易. 如果店員細心啲 過嚟提我哋調教(隱藏在枱角的)計時器 就更好了。 同朋友掛住傾計敘舊 似乎不適合 呢種DIY形式 若能對第一次光顧的客人， 再殷勤啲示範或引導點樣燒到好味，相信能培育更多回頭客 整體滿意嘅

今午好希望能試一些日本餐，在K11都有好幾間，見這餐廳門口幾"日本"，於是決定在此好好食一餐，讓生活帶點精彩形格的滋味。我點了A4黑毛和牛西冷，我好熱切期待品嚐這星級的味道。這店是由客人親自在其枱上的鐵板自行煎煑，過程都幾好，我當正自己係靚仔廚神顯"功駕"，在不想牛扒太熟的情況下，我在一分多鐘後，我就把它上碟。其實一塊薄薄的黑毛和牛扒，講真…我是有期待的，我期待著入口即溶的感覺，但只可惜...這牛扒並不太柔軟，我要花多點氣力把它切開，同時我也要花一些氣力去𡁻，入口尚算可以，但沒有什麼驚喜可言，不是物有所值。為了補救這塊扒的口感，我決定點了一瓶熱的日本清酒Sake以配之，這酒我喜歡，入口好清新的白酒，好好飲呀!在帶有些少醉意下，這A4黑毛和牛西冷扒與清酒之味道交織下，互應之下的口感，算是佳作的。

同朋友行開K11見到依間餐廳可以自己整大阪燒，好似幾特別咁，貪得意就入咁去試，點知就係惡夢嘅開始。🤮門口寫到明限時90分鐘要交枱，我地等位都等咗30分鐘。😐坐低就快快手揀咗三個餐，淨係記得其中一個係廣島燒😀 啲食材到咗嘅時候，我地都無從入手唔知要點整，睇咗餐牌個說明書都唔明，好彩最後職員都有教我地。將啲材料倒曬落去之後，好快就成形，再加自己鍾意嘅配料，味道算係咁啦，點都唔夠日本好食😐但最大嘅問題係整整下，超級大煙，個抽氣扇係完全抽唔到氣，搞到勁頭暈，無胃口，好唔舒服。仲話90分鐘交枱，最後食唔曬都走咗lu😐