Oliva (Closed)

放工後,回到太和約了弟弟一齊午膳 想不到的溫度啊!真的是滿頭大汗才來到Oliva這是大埔暫時排名第一的意大利餐廳...所以中午的時間都很多客!點了二個套餐...先上了一碗羅宋湯,味道酸酸的,真的麻麻地...下次可能會選擇忌廉湯!辣牛油汁蜆肉意粉 - 份量比預期多...好香!又帶點辣味~比較可惜的是小量蜆肉有沙失望!芝士吞拿魚螺絲粉 - 眼見厚厚的一層芝士在上面...吞拿魚很多...非常足料...螺絲粉又不會太軟...剛剛好!餐飲叫了凍奶茶...茶和奶&糖水是分開的!方便個人調教味道這一餐我還是滿意的...相當抵食....下次還會再找機會試試其他....

間中都會去下, 食物都ok, o係大埔算係咁樣, 不過上次去完既經歷, 相信未必會再去, 事緣用coupon換左個豬仔骨, 無論賣相, 味道都好唔得, 豬仔骨既份量真係細, 係正常份量既4分1都唔知有冇, 而且, d骨真係骨only, 冇肉, 而且乾到離譜, 送得咁寒酸不如唔好送, 而且, 當日服務員既態度都係勁差, 同佢反映一下意見, 佢就問番我地, 咁你地想點, 送既冇得換, 大姐, 係之前食夠1千你先送, 又唔係free lunch, 之後望都冇望就走左去, 今時今日仲有咁既服務態度, 真係幾難得

被朋友投訴不寫和他們吃飯的札記。實情是把這裡已荒廢得太久了，請等等，很快就會回來的了。吃這餐的原因真的記不起了，是我的生日飯麼？不過人長大了，就發覺出來吃飯的原因其實已經不再重要，重要的是那代表有人記得你，你也重視人家。也只有這原因才會對食物有要求，也是繼續搜尋有質素餐廳的動力吧？這兒就可以一次過滿足閣下的多個願望。五個人(還是四個？)先來個甘筍忌廉湯，橙橙的很香濃。主菜當然是pasta和pizza，pizza pepperonis雙併seafood，招牌的長方型比薩的外表吸引，材料也十分慷慨，辣肉腸和海鮮加上芝士足以和批底成四六之比，很豐富和美味的說。是夜最佳的卻是龍蝦意粉，這道菜其實醬汁比材料更為重要，這裡的龍蝦汁確實非常誘人。人家說炒飯要「金鑲銀」，這個龍蝦汁也同樣緊緊的包裹著每條意粉，再稍稍加上蝦肉，非常非常鮮甜。最後的大盤是羊膝，選上的羊咩應該很肥美，運動也似乎很足夠，所以肉質很嫩，唯一就是羊味不太突出，但已算十分出色。整體來說是一貫地穩定(2005-12-16食評)，食品和服務都很稱心。大埔而已，其實一點不遠，總比吃大連鎖又要等位的那些好多了。

今日朋友生日~朋友叫左個羊膝set dinner...我叫左個芝士肉醬闊麵$60幾+20蚊有湯同野飲..wa~~~黎左幾次....未試過覺得咁難食....d麵好"un".....無芝士味.......肉醬好垃x...本人好鐘意食芝士....肉醬意粉食得多...未試過食左1/4就食唔落....見到朋友個羊膝幾大份....好後悔唔叫set......環境ok...燈光較得有點暗...幾靜幾舒服...同朋友可以慢慢傾下計~服務方面無咩特別可讚可彈....下次都會再黎的~不過唔會再食垃x闊麵啦....

真失望....諗住好耐我去食.....咪黎幫趁吓咯...點知跟以前真的差天共地....上一次食是 大除夕.....食完都仍然回味.....但上星期去....真係爛到爆....... d 飽無以前咁fresh...... 唔叫dwaiter都唔攞醋黎...main course.... 都係差差差 無一樣野可以推介..............想食意大利野....去大埔墟o個間把啦....!!

之前響呢度食過2次dinner, 水準都好參差, 時好時壞, 今次同男友黎食lunch, 睇下又會點~叫左2個set lunch, 葡汁海鮮焗長通粉 & 燒肉眼扒拼薯菜, 價錢同佢隔離既鋪頭差唔多. 侍應問完我地要咩湯和主菜後就問埋我地要咩餐茶, 我估餐茶唔會咁快上呱, 點知, 個湯飲到一半, 杯餐茶就黎左 >.< 茶餐廳都識得等人食主菜食到一半/食完先上餐茶啦......記得枱上的bread應該有黑醋及橄欖油沾既, 但又無比我地, 以為lunch時唔供應, 但之後見隔離枱剛坐了兩位女生, 經理就拿了給她們, 好明顯我地坐低時係無人理我地囉.....好彩叫佢比黑醋同油我地時, 佢都即時望一望張枱. 我諗佢都醒覺, 知道從來無人比過我地食物質素ok既, 個長通粉好足料, 幾好味, 但肉眼扒就麻麻地; 連薯菜都....好淡, 好似就咁放落盐水度整熟拿上來咁囉, 響上面加5毫子咁大既沙律醬& 幾條煎過既火腿絲.我叫左檸水做餐茶, 呢個幾好既, 因為d檸檬唔澀~

這餐廰聞名已久,心思思想試吓係咪真係咁好,於是今次約了細妹,妹夫和二佬食番餐先...時間是晚上七時,人不多,餐廳的燈光真係唔得,暗到睇menu都好困難,都預了意大利菜係貴,果然好貴,平均每樣菜都幾十至過佰,在難撰擇下,叫了三個晚餐,一個pizza,pizza 係長方形跟一般圓形的不同.,軟身的薄餅底,沒有特別晚餐分別點了羊肶和,海鮮意大利炒飯另外點了煙肉roll,意大利米跟廣東米有點不同,圓碌碌的,咬落有口感,跟珍珠米有點相似,炒飯飯底混了芝士,味道不錯,但羊肶肉質不似食開的羊肉,肉質怪怪地,又完全冇肉味,更不要提羊味,最失望是甜品,是一件香蕉蛋糕,好失望呀,見到都飽晒啦今次食到好飽,係食薯蓉,飯,蛋糕食飽,最後連餐茶都冇,真過份

好小會走到入黎大埔食野。同日朋友介紹就walkin去左呢度試。6點幾入場已經話要7點半交返場比佢地乎因為大把人BOOK 左枱.入到去.坐個度真係幾暗下.可以話冇燈直接照到.都係靠左右2邊D射燈反射.(得睇佢本MENU都睇得幾辛苦下..點解唔可以加返個蠟燭係度呢.個d冇任何waiter 介紹有咩好食.聽我fd 話呢度d pizza ok既.咁我地叫左個 意大利飯,一個pizza,同一個羊.聽我fd講。可能呢家經濟唔好啦..好多野都冇左.佢話之前佢地會有個凱撒沙律同埋一d唔同既麵包送上,同埋一d 醋上.宜家佢冇左.lu.原本想叫個豬仔骨..2百幾..好似幾好食咁..但大家傾完..冇叫到..d野食黎得都幾快.個意大利飯.唔錯.唔會整到濕得死..岩岩好.pizza 味都ok.如果佢個底做得乾脆d會更好.到羊...食落口感幾好.但羊味唔多夠.仲呢度d檬茶/水都係無限refill 既..$28 都ok 嫁.不過咁大柸比我3片薄檸檬.差左dd.可能我飲濃味d啦...同埋每次refill你唔叫佢係唔會同你加檸檬既.差唔多食完...傾緊想試下呢度既apple pie 個陣佢已經同左我地埋單lu....有

其實間野都唔錯，特別大埔都比較少呢種餐廳。不過我想講以下幾點供大家參考：－　原來十人或以上有最低消費每人$100，我開頭打去訂9位，跟住改左做10位，佢就話「10位以上有最低消費」，咁我就話我地10位，唔係10位以上，但當後都係輸左～～～所以呢，大家記住10人開始有呢個條例啦！－　切餅費係指人頭計每人$5。我地9人就$45啦。不過收得切餅費，果ｄwaiter/waitress就唔係太醒目。我同朋友去完洗手間順便已經親自行去搵佢地講叫佢地上個餅，佢地問我地係邊台，我地指前面，仲要搞好耐先明。我又唔覺得有咁多人留餅．．．．而我地影飽相，叫佢分餅，都係溝通要返一點時間咁啦！另外，既然都叫得你上個餅，又完全無人黎執野，好彩我一直係咁叫，總算餅上前，ｄ杯盤狼藉消失晒。比較得意係佢埋數計少左呢個切餅費，等我地俾晒錢，佢又突然返黎叫我地要俾多ｄ咁，哈！咁應俾就大家都會俾既，但有ｄ搞笑。－　服務係比較差，我同意之前有話ｄ人橫衝直撞好似好忙，但又幫唔到手。比較搞笑係我地班人多，所以好煩地想叫佢蒜蓉包（好食！）幫我地切開一半，佢地唔得，原因係：唔方便！！哈哈！跟住個豬仔骨切唔開，我其中一個朋友堅持叫佢地幫

原來星期日的下午這裡沒有 Set Lunch o架!一坐下，侍應遞來了麵包，再問他們拎檻欖油，點來吃不過個人對麵包就真係麻麻我們 4 個人點了 龍蝦天使麵配海鮮忌廉汁︰這個好好味，每條天使麵都沾了忌廉汁，海鮮料有魷魚、魚塊、蝦 香草淡咖哩雞意大利飯︰淡咖哩....真係淡到冇咩味....煙三文魚薄餅（細）︰我和朋友最鐘意食煙三文魚， 配上酸忌貳廉正正正!!! 不知是否我們細食o左，食剩了一件 pizza 和意大利飯* 掛住食同傾計沒有拍下食物照

飲過咖啡，與姐、她同學和兩小朋友，再到了 oliva 午膳，貪其午餐抵吃，份量又多。三大人分別要了露絲瑪莉汁燒豬仔脾、茄汁春雞跟意粉和鮮茄煙肉雜菜燴長通粉。這間餐廳，愈食愈退步，豬仔脾和春雞的肉質超嚡，醬汁水汪汪、意粉乾爭爭；鮮茄煙肉雜菜燴長通粉啲煙肉超鹹，通粉太硬身，像是未煮透。雖說午餐只是 $37，但都要入得口才行嘛。

比起little italian, 呢間裝修冇咁靚, 但overall價錢都平啲~今次三個人叫左一個凱撒沙律, 一個南瓜雞肉車輪粉, 一個海鮮pizza凱撒沙律不錯~南瓜車輪粉大大碟, 第一次食車輪粉, 個口感幾好~不過碟粉好甜, 似甜品~味都唔錯既~至於個海鮮pizza...呢個真係唔得佢個pizza啲芝士同source都去哂中間, 分佈得好唔平均塊pizza好似未烤夠咁, 啲味有啲怪...食落去仲有啲腥唔知係咪因為調味少, 冇onion嗰啲...總之個pizza就唔好食~下次黎既話會試佢其他小食, 但唔會再食pizza

剛同內子食完佢既 $168 聖誕餐, 真係粗口都黎埋! 唔知佢係咪真係咁旺場, 食平安夜餐都要前一日交訂$200 (我心諗, 你當自己係5星大酒店咩?!), 好啦, 錢交左, 到食飯當晚, 我地遲到左 10 鐘 (我地book 食 6pm), 佢地即刻打黎吹吹貢. 你估我會咁笨交左錢唔到咩?! 巴之閉! 食過頭盘後, 等左5000年都未見主菜出現. 隔離枱遲黎先上岸, 所以咪叫 waiter 吹單. 點知個個 waiter 都只係o係餐廳橫衝直撞, 好似好趕咁, 都冇人理我地...我地等左起碼半粒鐘先到!我叫左個火雞加火腿既東西. 火雞白 lai sai, 冇利文味, 舊火煺厚dup dup, d 汁好似一般快餐店果d 洋蔥豬排汁, 冇咩特別, 失望~我內子叫左牛柳加大蝦, 件牛柳好痴牙, 好難咬得開, 冇文冇味; 大蝦好香牛油味, 但味道比較淡. 甜品係蛋糕加撻. 件蛋糕好粗, 件撻得個甜字餐茶: 我叫左杯唔知係奶定茶既物體 --- 因為杯野奶多過茶....仲衰過自己沖!呢間野人地講到點好食. 我就真係唔識欣賞 la~

琴晚終於得閒出街食飯!!! 近近地去左Oliva因為想快d食完返屋企睇名人飯堂-V-無去一排, 唔知點解退步左咁多Caesar Salad唔錯, 菜菜新鮮爽脆, 醬汁幾重芝士味, 加埋煙肉粒面包粒, 好味香煎鵝肝伴白酒蘋果依然好味, 鵝肝煎得非常香脆 入口即溶不過下面既白酒蘋果太厚, 同埋酒香不夠$48黎講算唔錯,,呢個叫左一人一碟 雜菌Risotto退步了...係咪要遷就香港人既口味所以煮腍左??已經唔再係半生熟 al dente慶幸芝士味濃,, 幾creamy,,好多菇菇,,都ok既份量都幾多...3個人share食完都飽飽地``香辣照燒雞+夏威夷Pizza最差既係pizza!!! 之前食過都唔錯架wo...今次直頭係難食!!!好淡...雞雞好乾...餅底唔脆...又厚又實...好大陣克力架味罐頭磨菇...超大粒火煺唔知想點...感覺好hea同埋cheap左好多真係幾難食, 我每邊食左一半就無食total有12塊...食剩8塊=0="甜品無叫,, 因為上次食過apple crumble同cream brulee都一般其他甜品such as朱古力puff同埋士多啤梨酥都唔多吸引所以返

今晚同老婆落左oliva食dinner~叫左個個墨汁海鮮意粉,xx青口(唔記得左個名)同埋天使麵比較失望係個墨汁海鮮意粉........中間居然仲係凍(碟意粉中間個D)唔知係煮唔熱定係擺耐左.....同埋我想講下服務個part......入到去見到個個侍應都係黑口黑面....唔通佢地全部買左雷曼兄弟.....哈哈仲有我去toliet個陣見到個好似經理既女仔掛住同個廚房仔係到玩到細聲講大聲笑....見到我仲"俾"住我,好似我阻住佢地,拍拖唔該收工先......仲有冬天都黎點解仲有蚊咬腳....定係.......不果我下次都唔會再去,除非我老婆話係都要去我先會去......因為價錢同服務都唔係太吸引......