Oliver's Super Sandwiches

Open Now

Now Closed

聖誕party一定要搞嘅，不過由以前生冷嘢、刺身蠔食，到依家成班大肚婆無得再叫嘢食都要改一改風格見呢個到會package都唔算貴，於是叫咗食物好唔好味呢，個人認為不過不失啦。牛角包三文治餡有幾種，碎蛋、火腿芝士、吞拿魚，算係呢幾盒嘢入面比較好味的。撻都幾好，煙三文魚撻最出色，反而碎蛋撻味道比碎蛋牛角包仲差...唔係同一兜潷出嚟嘅咩？百思不得其解...腸都OK，黑松露螺絲粉就麻麻...太淋，而且無咩味中規中矩咁囉，無咩驚喜份量就好夠，如果有黑洞朋友可以叫下

N曾有段時間好鍾意食焗薯，lunch time有多些時間，所以去重拾之前嘅味道。Oliver's由德福一期搬到二期，裝修靚咗，舖面細咗，但我鍾意而家嘅感覺，好warm.N揀咗新奥爾良雞肉焗薯，配凱撒沙律及磨菇湯，一共$57，叫完嘢食慢慢揀番個位坐好，由親切嘅店員送餐到你桌上，下午有時真需要休哉悠哉，可以忘記一下煩事。N習慣將鍾意食嘅放最後，首先食咗沙律清下個口，再喝啖磨菇湯，濃香又暖肚，仲有磨菇片在內，暖到入心。慢慢地才開始食焗薯，雞肉入味而不會太多醬料，配搭焗薯，殿粉質跟蛋白質嘅比例適中，期間再喝下磨菇湯，整個lunch time都好滿足，全身都好溫暖。

話咁快又嚟到12月，聖誕鐘聲在耳畔響起！係時候約埋班friends, 傾下食下開心下！今日喺德福廣場睇完高仿度99.9%嘅高迪築跡後，就逛逛睇下有咩好食！冇去一排，商場二期變咗好多……好多新舖湧現，其中一間綠色裝潢嘅三文治店，就好有聖誕氣氛……我哋點咗野菌芝士焗薯配凱撒沙律、海鮮寬條麵配鮮茄威末酒龍蝦汁，仲有胡桃果仁糖朱古力！嘩！飲品係用聖誕杯裝架！飲落好香果仁味，有啲似Mocha 仲更濃滑，甜度適中，暖在口窩在心！講返主菜，我最like野菌夾焗薯，真係絶配！寬條麵掛滿龍蝦汁，大大隻蝦、青口夠彈牙。咁就叫多兩碟開心share。經理仲會過來打點、攞下意見，咁重視客人、咁貼心服務，我like!😎

九龍灣「德福廣場」，最近經過一次店舖重組之後，有一些食店新搬入「德福廣場」，在裡面開分店，或者在「德福廣場」內進行「內部搬遷」。「奧利華超級三文治」就屬於兩者「合而為一」的模式。因為「奧利華超級三文治」曾經在一期位置開門營業過，但是九龍灣分店舊舖，在上年五月左右時候「忽然」宣言結業，跟著暫時搬離了「德福廣場」一段小時間，直至最近「奧利華超級三文治」才重返「德福廣場」。「奧利華超級三文治」本身屬於英國菜的餐廳，餐廳本身就洋溢着一片，很濃厚的書卷味和英國學術研究的風味。期間我在餐廳內，發現不少年青，和像學生的顧客，在餐廳享用午餐。另一方面，「奧利華超級三文治」本身屬於英國菜，所以不缺乏一些英國菜風格比較濃厚的食品，例如英式焗薯和三文治，英式焗薯就是英國人很喜歡食用的食品。「奧利華超級三文治」的招牌三文治也很明顯造成很濃厚英式風味，避免被人拿來跟美式快餐店，如潛艇三文治或漢堡包相提並論。但是吃過今次「奧利華」的公司三文治之後，我對「奧利華」的看法，又再有新的體會。由於我在下午茶時間，上門幫襯「奧利華超級三文治」，所以飲品都沒有想太多，只是揀選了一杯尋常的凍檸檬水就算數了。我最初還以為，「奧利

LUNCH時間最難搵位，LEE度食嘢係貴咗小小，不過尚可接受，最緊要唔洗點等就有位，今日約咗舊同事聚下吹吹水。我就揀咗個意粉餐，LEE個"挪威三文魚蜆肉忌廉汁扁意粉"真係好美味，料多味道佳，忌廉汁好滑，意粉軟硬道適中，份量啱啱好飽，配杯熱咖啡好香，食個晏仔簡簡單單都算唔錯。我個Friend就食咗個焗薯沙律配忌廉磨菇湯，佢話好耐無食過，覺得特別好味，最重要足料，焗薯唔會太單調，沙律夠新鮮，不過加埋個湯就太飽了，最後個湯佢轉咗外賣，仲唔洗加錢，服務真係好。

九龍灣新店報置簡單，但勝在坐得舒服，可以一路食一路慢慢傾！就算係星期五黎到，都不用等位，點餐後十分鐘已經有得食😋點左焗薯combo($54)，一個焗薯一份凱撒沙律再配飲品，不會太heavy剛剛好！沙律十分足料，唔似其他餐廳咁得幾塊菜！但焗薯就普普通通，食食下就好膩另外也點了公司三文治($94)，份量十足，有三文治、凱薩沙律、薯條、湯同飲品，細食的女仔可以兩人share一個餐，因為實在太大份喇！薯條係新鮮炸起，外脆內軟😋蘑菇忌廉湯就啖啖蘑菇，正！

今日早咗小小出門口，咁啱遇上架有位坐嘅巴士，暢通無阻，話咁快到九龍灣，心情超靚，睇下手錶有足夠時間，好好嘆番個早餐先返工。一份西式早餐，可能你會覺得好普通，但對一個每朝只會食一個麵包嘅我，真係享受嚟㗎！係你啦！正！今次食B2輕盈早餐，超級多嘅"茄汁焗豆"係我最愛，罐頭嘅"茄汁焗豆"同佢真係無得比，另外炒蛋同牛角包都好好味，唯獨條腸仔，唔係好啱我口味，好實唔香，可能係D健康嘢吧，感覺唔多鐘意，好彩都唔影響我嘅食欲，最後當然係最緊要嘅飲品，我揀咗熱嘅"百爵奶茶"，好香好味。

最鐘意post餐牌😂，因為見九龍灣分店好似冇Super sandwich 餐牌😅一開頭以為有All day Breakfast 🍳 食😟點知原來佢系breakfast only🤔叫左2個餐J3 蜜味火腿 + 車打芝士 + 蘑菇配意大利包飲品轉愛爾蘭之杖，個名都幾特別佢其實系芒果蜜桃梳打轉combo(即係多杯普通飲品) 加12蚊特飲要再加15蚊由於揀野食已經花多眼亂，而特飲款都系得呢樣所以就揀左呢杯野飲，但當我打呢篇野既時候就覺好唔抵😣E11 Super Combo $72煙三文魚沙律加碎蛋沙律焗薯配細碎蛋沙律牛角包(細) + 熱飲有餐湯粟米忌廉湯加酥皮 + $12又有涷奶茶+$6？😅➡️牛角包唔脆唔香的小牛角麵包👎🏻 ➡️碎蛋無味😰 我諗可能系sell健康😣➡️煙三文魚都可以接受➡️焗薯👍🏻👍🏻👍🏻👍🏻➡️粟米忌廉湯麻麻地，礶頭湯甘，唔係我想飲既忌廉湯，酥皮唔多脆，但夠熱😬服務員好好，提醒左2次小心個碗個耳仔燙手

今日去左九龍灣約左一個係附近返工的朋友午餐，佢提議去德福二期的super sandwich，貪佢午飯時間都應該唔洗等好耐位。其實我都已經好耐冇食過super sandwich, 印象中佢的食物是頗輕盈健康的。我點左個公司三文治套餐, 份公司三文治真係好大份、好足料。入面有生菜、雞蛋、火腿、煙肉、芝士、蕃茄、牛油果等等，面包皮又香又脆，好食咁大份我最後都要食淨少少，因為已經好飽套餐連埋餐飲都係$68, 都算好抵食！

一日之計在於晨！早餐好食全日都過得開心左！話說我一大早考車成功左！又未到返工時間，所以去左德福搵野食！可能太早所以冇咩鋪有開！又或者係太多人，所以我去左食Oliver，貪佢坐得耐又靜靜地！我叫左個All大約breakfast！份量剛剛好$4x，其實我食的不是早餐，是獨自靜靜坐下的感覺！haha不過當日係環保日，佢哋冇飲管，但銷售人員非常好禮貌，態度正確地告訴我，而且說如果有需要可以為我送上飲管！感覺好好！當然環保更好！

Super Sandwiches 座落在商場第一期時曾多次光顧, 食物、服務、整體印象不俗, 去年搬上商場第二期之後還是第一次來用膳。這是周末的下午茶時段, 店舖較入的座位幾近滿座, 結果選擇靠近門口的位置。點餐付款後, 找尋座位, 等待店員送餐到來。由於枱與枱之間太貼近, 店員每每走過來送餐/清理枱面都會碰撞到我的枱 。今期商場消費積分優惠, 其中一項是 Super Sandwich 免費“碎蛋沙律焗薯配凱撒沙律”一客。這天我用上這項優惠, 另外單點一枝鮮橙汁。沙律菜鮮甜爽脆, 煙肉、沙律汁份量亦算可以。碎蛋沙律, 一如以往的味道沒有感到太突出。但是焗薯,卻較人失望了！焗薯不夠稔, 也不夠熱, 熱度連 “暖” 也稱不上。食到中段, 發現碟邊, 有一撻撻疑似括花的紋理, 但當用手或紙巾一抹, 那些紋就被抹去了, 換句話說那可能是油漬 (應該不會是清潔劑吧), 無論它是甚麼, 反正事實就是碟未洗淨吧 ! 焗薯還好有薯皮包裹著, 沙律直接上碟, 碟不夠衛生, 又怎能食得安心。鮮橙汁, 有驚喜。根據包裝顯示, 那是自家工場製品。橙汁清甜, 有濃濃橙香, 還有橙渣半浮沉, 飲前要搖勻更鮮味。

商場呢間 Super Sandwich 搬咗位置，重新裝修過之後，第一次入去食早餐。今次叫咗一個早餐，再加一杯伯爵茶。呢個早餐的配搭有炒蛋、蕃茄、煙肉、白肉腸同埋窩夫，每一款配菜都係我喜愛的。如果呢個餐可以煮得再熱一些，同埋塊煙肉冇咩多肥肉的話，呢個餐我覺得真係會幾好食。另外，呢杯伯爵茶所沖的水真係好熱好熱，仲熨親個咀，但飲落覺得較苦，完全唔似伯爵茶的味道，呢杯飲品唔會再有下次。

食個set dinner就要快手做野，加左12蚊轉左西柚汁飲，唔會糖水味，而且都有果肉幾好。卡邦尼意粉份量唔大，可能我太餓，食完都未好飽。有少少煙肉同個汁都無好咸忌廉粟米湯都好飲既有少少粟米。

其實之前間唔中都會來 Oliver 今 lunch，後尾轉舖位，過咗幾個月終於出現翻。 好靚呀！因為新開，好整潔，我至鐘意😁其實都係一個小 lunch, 味道就一般啦，叫做食咗晏😝不過，記得佢個焗薯都唔錯，下次再來會食焗薯😅佢有分 combo 同 super combo，我通常都只會要 combo，有杯嘢飲 or 湯。 都可單叫嘅。