Oliver's Super Sandwiches (Closed)

今日約朋友兩人食tea經過super sandwiches 見到tea set 幾吸引，仲好想試佢個忌廉酥皮湯，一於入去試下！門口已經有紅外線自動量體溫，仲有酒精搓手液，先確保每個入黎既人體溫正常先叫野食。叫完野食之後，可以先坐底，見到每枱都有玻璃板隔住，讓大家安心食。侍應好active 去幫客人送餐，有咩需要拎佢地都好快手好helpful 幫手，減低我地食食下要再帶口罩拎野既情況。我叫左圖中burger, 一杯coffee, 加酥皮湯，味道好滿意！用完餐，佢地都好有禮貌先幫手收起餐盤。下次會再試埋其他野！

🐻樹熊今日即興邀約熊妹去又一城樹熊熊妹好耐都無到訪的飯堂《Oliver’s Super Sandwiches》食晚餐。📌一心朝著沙律過黎食，因為好大兜又多醬又多料又好味，可惜7點黎到賣清光哂咁濟，唔知而家係咪疫情關係少啲生意所以唔會refill呢？記得以前晚上8點黎食仲有一大盤的。📌無沙律就睇下晚餐menu喇，都係著名的焗薯🥔、意粉🍝同漢堡包🍔，價錢大概$77-$138，包一客湯🥣及一杯飲品，🍹，免加一，好難得喎！📌今次最新大發現，有假日二人套餐喎，包兩客餐湯，一客二人小食拼盤，一客烤雞拼薯條主菜，另一款主菜可選意粉、沙律或者三文治，再包二件精選蛋糕同一杯餐飲，價錢$198，免加一，比起叫兩款晚餐主菜仲抵食喎！一於試下呢款喇！酥皮湯，跟餐價，加$12兩客湯，樹熊忌奶點左雜菜湯，熊妹最愛奶，點了黑松露忌廉湯，樹熊同熊妹都想食酥皮湯，所以各加左$12。《Oliver’s》的酥皮湯真係做得幾出色，酥皮焗得非常脆，浸落湯食，啖啖索哂湯的精華連埋一齊食，超級滋味。黑松露都唔少，奶奶的忌廉湯慢慢滲出濃濃的黑松露味，非常之夾。二人小食拼盤小食拼盤就係炸物，有洋蔥圈🧅、芝士薯波、海鮮春卷同泰式檳檸雞槌

今天小朋友復課終於可以到餐廳享受早餐，到了又一城的 super sandwich，餐廳門口有一部探測體溫機，枱與枱之間也有膠板隔開，有些枱更貼了暫停使用貼紙。現在用餐真的很方便，以手機掃QR code便可點餐及付款，職員更會將餐送到枱上，不用離開座位。我點了的早餐超級豐富，有蕃茄濃湯貝殼粉、兩片麥包多士、吼半隻蕃茄、香腸、脆薯餅、兩隻太陽蛋，加$7轉飲凍檸茶。濃湯番茄非常好味，香脆薯餅夠鹹香，炒蛋更可轉為太陽蛋、反蛋等等。

好多年前晌City 讀書都好經常會來這間super sandwiches當然而家食就係貴左好啦。就好似我既體重一樣重左好多。而餐廳都轉型左好多既，記憶之中以前淨係有焗薯食、三文治而家多左好多野食，意粉、熱湯得都有仲有好多沙律食，而d沙律都整得有有heart感覺好似都幾健康有好多係super food，好似係紅菜頭、藜麥、南瓜。d配搭都幾特別架。整體感覺上係輕西餐，感覺輕盈d，唔會話太飽太heavy 。OL 好適合呀！

每逢星期六，都想食個豐富d嘅早餐，過一個good morning，呢間平時食lunch都會幫襯, 早餐就未試過，第一次試點左個炒蛋輕盈早晨全接觸：有齊炒蛋，腸仔，茄汁焗豆，蕃茄，仲有個迷李牛角包，都幾豐富，食完其實都幾飽。最鍾意食佢嘅腸仔，有濃郁芝士味。唯一美中不足就係跟餐附送嘅飲品，我點左杯熱檸水，但唔知係咪個檸檬浸左好耐，飲落都幾澀。

以前不食焗薯的我，宜家很喜歡食。自從同事介紹我在這裏吃焗薯，我每次到這裡都會叫的。今次，我又和同事來這裡，大家都叫呑拿魚焗薯。我叫的是套餐，有湯或熱飲，又有沙律。由於午飯時間很多人，我先去揾位等同事來。有位坐就不能出去買野食啦，點知俾我發現枱上有下單QR code，於是便即管試下。原來係網上下單，再用信用卡俾錢。不消兩分鐘，便有人送來焗薯，很有效率！我知道呢道的焗薯都係一早焗起，你叫便即時有。沙律算多，夠食，都算新鮮的。爛薯好像細過以前，呑拿魚算多，又有足夠的沙律醬，很好味。我次次都會連皮食的，每一啖都要有呑拿魚，焗薯夠熱，很美味！

之前在又一城吃飯被一間有焗薯吃的餐廳吸引了😃找到座位之後 就出門口看餐牌有什麼選擇旁邊有兩部機讓人自助落單（好像麥當勞😜）當晚人很多但等的時間不長😊👍🏻叫了兩個套餐🔸黑松露牛菌乾經典蘑菇扁意粉套餐 $89有碗忌廉粟米蟹肉湯意粉很香黑松露味 分量OK😋😋👍🏻🔸費城牛肉·車打芝士醬焗薯套餐 $79有沙律、迷你碎蛋牛角包和一碗雜菜湯牛肉上面有超多芝士醬配薯蓉一起吃😋😋👍🏻牛角包不過不失～但我誤會了雜菜湯是羅宋湯......喝不慣那個味道 好難喝 放棄了🙈🙈🙈🔸跟餐配了份肉醬芝士薯條🍟 $15有很多芝士 很邪惡 但超喜歡喔☺️我覺得味道挺好 也不貴～因為兩個人食都不用$200😂可能我覺得又一城食物是偏貴啦 哈哈

夜晚9點想係又一城覓食，朋友表示懷念super sandwiches嘅焗薯，就決定去食下啦～～☺️挪威煙三文魚沙律 · 碎蛋沙律焗薯 (super combo價 $74）所謂super combo，即係主食再加湯和飲品；而普通combo就只係加湯/飲品其中一款～ ✨我地選擇左蘑菇湯，湯內有蘑菇粒，味道唔錯，濃稠度適中，可惜湯放得太耐已經涼左，如果可以先翻熱再俾我地會更好～✨焗薯味道都幾好，我幾中意煙三文魚沙律嘅味道～ 食焗薯之前建議先將煙三文魚和碎蛋混合，因為煙三文魚嘅味道比起碎蛋濃好多🙈✨焗薯份量好充足...自問唔算細食但真係食唔哂🙈🙈 細食嘅朋友可以就咁單叫焗薯～黑松露牛肝菌忌廉蘑菇扁意粉 （super combo價 $83） ✨蘑菇汁質地偏稀，容易跟意粉混和～ 味道中規中矩，如果再濃味少少會更好～芝士肉醬薯條 （套餐+$15）✨薯仔控表示對呢個薯條好失望呀😭 放得太耐啲薯條已經淋哂...連芝士都有啲凝固左...整體調味ok，我諗新鮮炸好嗰陣應該幾好味嘅🙈🙈總結，焗薯質素唔錯，亦好大份，可以一試～😊

因為有D野做而要去九龍塘，咁又一城囉... 唔想食food court等位同要自己拎，咁又平又好食的，應該係得番Oliver's Super Sandwiches啦。公司三文治，係抵食同足料既。不過味道就冇乜特別啦，除左個包好似好過茶記之外，內容都係一般茶記丫，大家樂，大快活果D啦。飲品，湯加意粉，真係從來都唔明白，點解佢地既凍檸茶咁唔好飲的，咁多年都冇變，唔好飲。湯同蝴蝶粉都幾好食，尤其係蝴蝶粉，係好味既。但係又一城黎講，唔貴坐得舒服，唔駛自己拎食物，我真係諗唔到第二間。

曾有一段日子住在九龍塘，Oliver’s Super Sandwiches 是一間早餐常常幫襯的食肆。這個裝修已經不知是第幾代了，簡單丶雅緻丶舒適。如果妳是在九龍塘工作，有些公司的員工可有九折優惠。我與朋友剛睇完早場，雖然已食早餐，但有點肚餓，便叫一個Burger 套餐齊齊分享。餐廳已設有自助購餐服務，買咗單，侍者會俾一個定位器，放在枱上固定位置，便有人送餐給你，很方便。👍🏻我們選了漢堡配洋蔥超級套餐（$98)，包湯丶沙律丶及一杯飲品，我加錢買多一杯水果及轉Latte 。先講粟米湯，很多粟米粒，但湯底較稠，好似將金寶罐頭湯倒出丶加熱便上枱。👎🏻沙律菜少少的，只加意大利醋，清新健康。薯條雖然是新鮮炸，只是一般水平，若能轉為粗身薯條，便更好。不過要讚服務員，上菜同時俾埋茄汁，夠細心。👍🏻👍🏻👍🏻漢堡飽的牛肉有牛肉味，夾有芝士丶蕃茄及生菜，加上熱辣辣的包好味。當然，它的漢堡不是神級，只是合格之上。最後，咖啡略嫌為大路貨，咖啡香及味也不足。水果杯的生果尚算新鮮，可平衡炸物及牛肉的油膩感。若非趕時間，它一定不是首選。

因為減肥要飲代餐，所以好少出去食早餐🥣，今日就約左朋友去又一城睇獅子王，去睇戲前架要去醫下果肚啦，我地就去左#oliver’ssupersandwiches 食下早餐🥣，我係魚柳控，除左魚柳外重要黑松露炒蛋，價錢都唔算貴$51，果魚柳真係幾好食，炸得好脆及內裡唔會好乾身，成果餐都唔錯，最唔好就係杯咖啡☕️，對我而言味道實在太苦，加左好多奶都好苦😳

平時係又一城一想high tea 第一時間就諗到依到 因為依到嘅tea真係又平又抵食依到有好幾種tea set 仼君選擇之前已經試過個酥皮湯配迷你意粉 依到嘅湯本身已經好濃好正 點知連個酥皮都咁正 而個意粉係三文魚碎意粉 扁意粉加乘之下 令到個口感層次提升左 加埋小小魚鬆咁 令本來好乾身嘅feel冇左而今次 就試下隻熱狗啦 驚吾飽所以就配多左個蛋糕咁依個配搭係好有驚喜 熱狗個包好挺身 好明顯係焗過烘過再上枱 所以外身勁脆 加埋條腸口感明顯提升 薯條冇乜特別 都係熱辣辣上枱不過原來佢幾大份嫁 所以我其實吾洗加個cake都得不過佢個cake都做得不錯 尤其係上面藍莓醬總括而言 我係會繼續食的

中學的時候，經常有同學會來這裏一起吃下午茶，真的十分懷念今晚和家人到這裏吃晚飯，我們叫了一個蝴蝶粉，一個焗薯套餐和加了錢的酥皮湯。先講講那個蝴蝶粉，這個蝴蝶粉真的令我十分驚喜，因為配上十分濃郁芝士醬，加上鹹鹹香香的煙肉？火腿？令整個蝴蝶粉十分好吃。反而對那個牛肉焗薯比較失望，因為那些牛肉比較硬，和焗薯的味道不太配合，價錢比那個蝴蝶粉還要貴。最後那個酥皮湯也是另外比較驚喜的，可能很久沒有吃這個酥皮，特別覺得很好吃。雖然要另外再加錢，但也是值得的。

Needed to spend some time in Kowloon Tong this afternoon so I had a quick lunch here. The portion of this smoked salmon Caesar salad was a bit too small for me and I think they added a bit too much salad dressing which made the supposedly heathy salad less healthy. The salad vegetables and smoked salmon were fresh and the cheese tasted good. Yet it’s quite crowded and I guess it’s because of the good price point. Others’ coffee looked good so probably I would add one next time.

平日13:30去食lunch，好多人，好彩朋友到先搵左位坐低，先有位坐。其實e間已經算多位同大間，不過都係幾迫，枱密密麻麻，所以行出行入都要小心d唔好撞到人。其實都係想食個快飯，叫左三文魚意粉set，本身叫左熱檬水，點知來左個espresso ，睇番張單先發現都係espresso，只好怪自已無睇清楚啦。意粉好一般，d汁感覺似罐頭汁，暖暖地，味道無特別。其實真心唔值$68，不過係又一城其實又無咩選擇，已經算平d。性價值唔高。