Oliver's Super Sandwiches (Closed)

平常在火炭工業區吃得太多中餐，所以有時外出工作，一個人都會到沙田這裡吃．今次叫了卡邦尼三文魚&肉醬扁意粉，配熬榛子拿鐵．因為之前的只是卡邦尼三文魚，現在這個兩種口味，吃得都開心一點，而且好creamy，肉醬也很多，真的每一條麵都是醬料！而榛子拿鐵的榛子十分香口．但飲品本身加了$8,現在榛子拿鐵要再加$6，加$14是有點貴．今次多了一個新科技，我一宜以為隨便放就可以，原來這個是要放在桌上的指定感認位置，我想是剛開始沒多久，因為買東西時店員沒說，然後旁邊站了個辦公室/IT同事，幫口叫大家放好．這個方法暫時有點混亂，希望之後會好一點啦．

super sandwiches自從新裝修後，地方空間感大左，坐位多左。平時多食下午茶，因為平日下午茶有個蘇皮湯加個細意粉，加多杯熱飲，都係夜晚一個意粉嘅價錢，但係就有三種享受，係唔係特超所值呢 個湯嘅包面係我最鐘意食嘅部份。又脆又鬆軟，將包面放入熱辣辣嘅湯入面，面包脆變淋，咬落有兩個唔同層次嘅口感，再加入湯嘅味道，濃濃满口都已經被湯沾濕脆淋嘅包包圍，果一刻有種又满足又幸福嘅感覺岀現。因為食左個湯後，飽肚感已經有六成。再配合個迷利size白汁三文魚意粉，對我黎講份量剛剛好。個意粉嘅白汁味道適中，食落有忌廉和小小奶嘅味道，唔太濃。三文魚是乾身果種，與白汁嘅味道好協調。食哂再飲杯熱檸水，perfect match，又可幫助消化。

星期天，去沙田食晏，都諗唔到有乜好食，邊到有位就入去，呢度未曾食過，就試下吧～叫左cabonara salmon and meat sauce linguine, 加杯peach green tea. 五分鐘有得吃！意粉煮得剛好，肉醬不油，番茄味濃，而另一邊醬是白汁，有三文魚，味道亦不錯，杯peach green tea好香桃味，有椰果肉！清新又不過甜

小妹經過又一城，諗住同朋友搵Ｄ冇咁普通ge野食，所以就去左super sandwich。我朋友話呢到ge 焗薯好味，但始終係dinner，我驚唔夠飽，所以最後叫左個意粉餐，70蚊有個意粉，一個餐湯同一杯熱啡，對我黎講唔算平。個意粉比想像中唔飽肚，而且味道比較普通，個白汁比較淡，而且配料唔算多，所以食呢個意粉ge 感覺都比較dry 至於個餐湯，冇記錯應該係類似忌廉湯，幾好味，濃味得黎又唔似係味精粉開個種濃味（雖然我唔知佢地係咪都係用粉開xd) 整體黎講，呢餐ge性價比一般。

等朋友去食lunch等到變左食tea。朋友係super sandwich 既常客，我就好耐無食過，終於等沙田分店裝修好開番一齊去食！我未試過佢既tea set ，所以都諗左陣。朋友望兩眼已經走左去order，果然係熟客。最後我同朋友不若而同叫左同一個set，意粉加酥皮湯，連個汁都一樣係簡白汁三文魚。唯一分別係佢飲熱啡，我飲凍ot。重開之後唔太夠人手，特別係樓面，等左一陣先有人執枱。見到都覺得佢地辛苦，得兩三個人，要係open area又送餐又收野。位之間又唔太多空位，所以更唔方便佢地做野。由於太肚餓，一時唔記得要相機食先。好興奮整開左塊酥皮，入面係我最鐘意既白湯，正！不過佢個酥皮比較薄，食完仲係唔太喉。同埋整體黎講d野食唔夠熱。特別係個意粉，凍凍地。雖然個汁依舊咁好味，但唔熱真係大打折扣。希望下次黎可以回復番水準。個檸茶個味真係一般。檸檬唔係篤既，係squeeze，搞到成手檸檬汁。個茶沖得一般，隻紅茶個味怪怪地。仲好似無落糖咁，難怪附近d人都無飲哂杯檸茶。食完好飽，味道唔錯，但希望下次黎可以食到熱既野食啦。

又到吹水時間, 唔知點解今日唔係假期或前夕, 但成個新城市都係咁多人, 為咗吹水, 又嚟返呢間食, 雖然明知食唔飽, 不過可以吹水吹飽丫嘛~上次食咗意粉, 今次試下個焗薯, 睇下會唔會飽肚D?  吞拿魚焗薯、碎蛋迷你牛角包、沙律配熱檸水  吞拿魚焗薯唔係太大個, 只係一個女士拳頭咁上下大, 雖然D人話焗薯可以連皮食, 但我始終唔係咁接受到, 驚佢冇洗乾淨, 同埋唔消化, 因為焗薯個皮係比較厚身, 所以都係淨食肉好D..........估唔到佢D吞拿魚有咁多, 雖然係吞拿魚茸, 但一啖有凍凍地的吞拿魚, 又有熱熱地的薯肉, 味道唔錯  碎蛋迷你牛角包係要加配的, 好似係多幾蚊, 但我驚淨係食焗薯同沙律唔夠飽, 所以叫配理呢個...........可能係我放耐咗先食, 雖然D碎蛋仲係凍凍地, 但個牛角包已經唔暖, 好彩仲保持到好脆  沙律都係幾條菜, 加少少沙律汁, 幾開胃  熱檸水D檸檬唔係一片片的, 係1/4舊, 好難督, 要用2支木條仔, 1支叉住佢, 1支督佢, 咁先督到, 但都唔係好出到D檸味又係坐到十點先走, 不過都唔係最後果枱, 唔知下次吹水係咪又嚟呢間?

年初一同爸爸泥high tea可能年初一少人啲 好快有位環境都不錯 好乾淨啲櫈仲好舒服添不過Cashier到無餐牌好難叫餐而且得一個Cashier 效率好慢因為不太肚餓 叫左一個餐同媽媽share呢個公司三文治配薯條沙律 $8x薯條夠脆 沙律都好新鮮幾好味三文治都好足料蕃茄生菜全部好靚好新鮮而且又有兩層芝士真係好正不過覺得火腿得一塊真係少左啲令到個包唔夠肉味蕃茄芝士薯條 跟餐加15蚊就有超級好食夠熱 好好好好好好好好正蕃茄肉醬同芝士好夠唔會食到最後無哂醬撈完之後條條薯條都痴住醬真係十級好食最衰無得叫多個另外叫左杯熱騰騰嘅香蕉朱古力跟餐好似加10蚊細細杯 飲落夠熱但略嫌香蕉味太淡幾乎試唔到香蕉味不過見到個menu 仲好多野食下次會再幫襯試下其他野食

三個女人一個墟, 所以要搵個坐得耐, 唔會比人趕, 又唔會嘈到人的地方食飯, 呢度都係一個好選擇~可能係平晚關係, 所以唔算太多人, 仲有梳化位比我地坐到, 雖然旁邊都好多人坐, 但由於地方空曠, 所以我地傾計聲浪不自覺到大咗, 都未至於會嘈親人, 而且D伙計又唔會走嚟打搞你, 所以吹水真係一流..........吹水前都要先幫襯, 否則會有D唔係幾好意思............企响餐牌面前睇咗好耐, 都唔知食乜好, 樣樣都好似食唔飽, 價錢又唔係平, 所以尤其選咗個意粉算數~比完錢後坐埋位等伙計拎埋嚟, 都唔錯, 起碼唔驚自己拎會易跌, 同埋都係等咗幾分鐘就送上...........  三文魚蜆肉扁意粉一睇已經唔大碟, 而且三文魚同蜆肉都係得果少少, 食咗幾啖覺得味道偏淡, 出去拎咗芝士粉, 落咗好多先覺得有味道, 幾淡已經KO咗呢碟意粉, 其實食完都唔飽架~   熱檸水好彩都夠檸味其實呢度係啱吹水hea的地方, 要求食飽同高質素就免問~

暑假當然遲起身，今日就同左個朋友沙田食個brunch，之後先睇場戲我地去左Super Sandwiches食個平價brunch我叫左個焗薯，有沙律同焗薯仔薯仔上的配料有很多選擇，我選了碎蛋加吞拿魚呢到嘅蛋黃醬好香濃， 配上焗薯一齊食真係一絕沙律d菜都好新鮮，雜菜加麵包粒都夠哂豐富而我朋友叫左個海鮮意大利粉有蝦，有魷魚，有炒雜菌，配料都幾多朋友話食落味道啱啱好，唔會太咸不過如果多d醬汁會更加好食整體Super Sandwiches都仲係又平又好食，食物有一定質素保證，而遞餐的服務員都好有禮貌，唔該前唔該後，我地對個brunch都好滿意!

喺網上畀我搵到張 $43 晚餐套餐嘅 coupon，於是過嚟食。呢間 Oliver 環境比較嘈，凳於凳之間比較窄。 Iced Lemon Tea $24杯嘢都唔平，$24 一杯普通嘅凍檸茶。檸檬唔係一片片，而係 1/6 嘅檸檬。另外，杯嘢太甜，茶味唔夠。 Norwegian Smoked Salmon & Clams Linguine in Creamy Dill Sauce Cream of Mushroom Soup with Puff Pastery Iced Peach Green Tea服務好快，落單之後唔洗幾分鐘嘢食就嚟到。啲意粉係幾好味，不過份量太細，而且啲蝦仲要係手指尾甲嘥屎嗰種。杯綠茶唔算好甜，有茶味，但係 peach 味就好似飲唔出。因為個餐嘅份量真係實在太細，所以同班 friend 夾錢買多個餐。見將收據上面有張 $43 晚餐 coupon，所以我哋班白痴即刻返去收銀處度買多個餐，去到先知道唔可以即日用。 Oliver's Master Club Sandwiches with French Fries & Caesar Salad Hot English Bre

與同事見客前,要醫醫肚,費事見客時被聽到打鼓聲,地點簡左第一城既奧利華超級三文治雖然已經到下午茶時段,但係場內人客極多,看看MENU既選擇亦唔係便宜貨,所以就簡個菜湯通粉,ICED LATTE,仲加3隻雞翼,TOTAL$72湯夠清,帶少少酸,感覺無咁咸,雜菜已經無咩口感可言,通粉亦十分軟.當係飲菜湯都幾好既,亦唔覺有味精.伴碟既包味道亦好淡雖然落左芝士.LATTE亦唔夠濃,幸好夠滑.加錢既雞翼我直覺話比我信係CP牌,味道亦9成似,咁樣實好食既如果以72蚊既角度,都算豐富,只係唔抵姐

周圍都要排隊所以情願揾間自己等位既鋪，嗌左個全麥公司三明治，覺得塊外層有啲硬得濟，不過個三明治都係脆既，同埋好厚所以有啲昔咬，但如果係講味道就同平時無咩大分別，都係自己home made到果種，所以價有點過貴對我泥講

我都係第一次寫食評。一向無乜心機寫但今次真係 。。。我一向都有幫襯開沙田間supersandwich, 尤其中意佢以前有既飛碟。後來佢地把飛碟轉左做熱烘三文治。雖然無咁好食，但都保持都熱同脆，芝士是溶的，都幾好食。但最近幾次幫襯，真係失望到呢。。。熱烘三文治跟本沒熱烘過的，只是用多士爐烘過後，放上料，再用熱烘機夾一夾，等睇落有幾條紋。。。。但一食就知沒烘過啦。摸落個面包是濕的，入面芝士是凍的，煙火雞也是凍的。這東西真的好難吃，同是三文治熱同不熱風味是不同的，當然烘完是好吃很多。最近三次幫襯都是這樣，可能是staff開始偷懶了。真失望。

沙田市中心是任何時間都人山人海, 搵食非常艱難煩惱晚餐吃甚麼之際見到super sandwich也記起我是member有9折雖然都是多人, 但時間尚早, 黃昏6點來到不用等位這晚吃了我的例牌 - Super sandwich的皇牌 (是我一廂願的認為, 因為是在常設menu裡面):煙三文魚碎蛋沙律熱烘意大利三文治 (半份) 配凱撒沙律 + 龍蝦湯餐湯一向一款什菜湯, 一款忌廉湯, 從前的忌廉湯一向是忌廉蘑菇湯, 較早前試過轉為粟米煙肉湯, 今期更轉為龍蝦湯, 很驚喜龍蝦湯質地不算厚, 看似有點稀但味道卻夠香濃, 而且少少略鹹, 可能是味精的關係吧...眾沙律中我最喜歡凱撒沙律, 主要是羅馬生菜夠爽脆,而凱撒沙律汁夠rich (雖然可能會肥一點)雖然這凱撒沙律只是配菜, 但都有不少煙肉碎及麵包粒跟環境精緻的西餐廳所供應的凱撒沙律没大分別而三文治我要求了"少烘", 吃起來不會過硬煙三文魚份量足, 有煙燻香味不過我一向覺得super sandwich的碎蛋沙律不及pret及delifrance好吃外子就叫了他自己心目中的皇牌: 松葉蟹柳蜆肉龍蝦汁扁意粉 + 龍蝦湯這意粉不是常常有, 每次出都

在IKEA及Snoopyland前後玩了近3小時，爸爸看完戲出來啦！時間接近六點，週六的新城市廣場人山人海，特別想吃的School Food人龍長得嚇人！為了趕在8點前回家給妹妹餵粥，急忙下選了Oliver's吃一頓quick dinner。點了雞肉凱撒沙律餐 ($61)，點這個主要旨在吃多點蔬菜，但成品超多雞肉! 比菜還多很多~ 而羅馬生菜並不及早前在樓上citySuper買到的新鮮爽脆，加一杯質素很一般的熱奶茶就賣$61，感覺真一般。再選了一份升級焗薯餐 ($59)，對了，那龍蝦湯應該是屬於沙律餐的，但味道實在巨咸... 絕不推介。真正屬於焗薯餐的有燒牛肉芝士焗薯、迷你碎蛋牛角包及少量沙律菜作點綴。焗薯算是不錯，整個薯焗得平均，連近皮位置也好吃；迷你牛角包則很得囝囝的歡心，整個給他吃光了，沙律就與上面的評價一樣。飲品老公揀了咖啡，揀知也是一般。埋單$120，由於午餐吃得較遲又超飽，吃時還覺得可以，一回家就餓到不行！當媽媽後胃口真的長了幾倍不止啊～