Oma's Kitchen

Open Now

Now Closed

連續多個weekend落大雨，天氣非常差。這星期的weekend也不爽，台風鸚鵡來襲擊，無阻心情，入馬灣走走看看。3號風球下的馬灣環境非清優，天朗氣清，青馬大橋加沙漢醉人美境，心情豁然開朗。下午茶時段，來到了Oma's Kitchen，點了一客薯條，一客雞翼，一杯生啤，再加一杯Riesling白酒，食物尚可，酒也是很不錯。美中不足，服務員態度極度差，問常所答，呼喝顧客，有恃無恐，破壞了美好的環境同心情，沒有下次。

我一向都好鍾意食德國菜，今日去到馬灣Oma’s Kitchen 見到有佢哋出名嘅德國烤豬手 + 德國五式香腸拼盤配薯餅，我哋order左一份，加咗一客德國麵包，他是小小的圓圓的德國包，食落都好香脆，但係冇我想食的德國結麵包🥨，有點失望。烤豬手的確唔錯，皮脆卜卜，肉還是有肉汁的，唔會好鹹，大家你一件我一件吃得十分開心 。煎薯餅也不錯 唔會好油膩再配上一個薯蓉，加工後薯蓉很滑好味非常飽肚。德國香腸有五款，顏色不同形狀不同但同樣好味，可能吃得太開心沒有深究五款香腸的名字，伴以酸菜好味。吃豬手當然要叫返一個啤酒，可惜今日未有德國生啤，叫了一個1664法國出品，幾好飲有果味，炎炎夏日配上清涼的啤酒特別爽。

逢星期1-5有午市套餐叫左$67（未計加一）煎雞排加薯蓉 配餐湯餐湯一般 係忌廉湯 口感略薄 可以濃厚dmain course份量充足 有兩塊雞排 一大舊薯蓉 同埋沙律雞排肉嫩 無煎得太熟 有肉汁 配埋gravy 好惹味薯蓉雖然細滑 但有混埋d薯仔粒 增加口感 只可惜薯蓉有點冷 沙律普通 可以多點醬料環境寬敞 望海景 有海風 人唔多 好休閒整體性價比高 推薦

因為我生日，男朋友就想book間浪漫得黎又靜靜地嘅餐廳於是佢帶左我黎呢度，仲book左個室外位對正條橋真係望住個景都未飲先醉我地叫左杯德國啤酒，可樂味重啲，啤酒味較淡之後仲叫左一份咸豬手加德國腸拼盤，真係好飽呀！呢份野大到都夠2個人食生日緊係要許個願好啦，食到咁上下，個侍應無啦啦走黎收晒啲野原來係男朋友偷偷地叫左個甜品，上面仲有我個名Sooooo sweet

今次Ka仔去左食德國菜Ka仔同darling就嗌左德式焗飯同烤春雞首先講左烤春雞先個雞烤得好嫩滑唔會乾柴咁鞋恰恰 超香超好食 佢仲配左一個洋蔥汁 好唔錯既配搭跟住係德式焗飯 佢係特濃厚芝士舖面 炒飯配料有煙肉同洋蔥 估唔到德式焗飯咁好味啊 濃厚既芝士本身已經深得ka心 darling就叫左杯德國白啤 亦都好易入口 德國菜食德國咸🐷手配酸菜就食得多 其他好味既德國菜式你又試過未呢❓❔未就不妨試下呢間啦❕❗️總括黎講 (max. 5⭐️)翻吃指數: ⭐️⭐️⭐️⭐️好味指數: ⭐️⭐️⭐️⭐️推介指數: ⭐️⭐️⭐️⭐️

呢排全香港人都要戴口罩，所以今日去到馬灣鬆一鬆我哋去到已經2:30 ，所以冇得點lunch set雞扒薯條好好食，雞扒有3塊，煎完都好Juicy但係煙燻豬扒就唔係好好食，好鞋 好似食緊好厚嘅煙肉扒 定厚火腿。薯蓉太有奶味 好漏優點： 份量多 好飽其實服務真係一般，枱同枱之間嘅距離都好近不過天色好 算吧

今午到OMA's Kitchen，這是一間可以對著青馬大橋進餐的餐廳。我點了脆炸鷄條配上白飯。這餐白飯份量較足，而每條鷄條都是外面脆卜卜，可是鷄條之鷄肉較實，不過其特製醬汁，整體味道都不錯呀!

因工作關係一個人來了馬灣， 到中午時間去咗沙灘位置找餐廳吃， 見到這間德國餐廳環境唔錯，感覺舒服所以入咗去， 打開餐牌見到lunch set都好抵食， 價錢大約在60至80之間， 但是侍應說因為今天是星期六所以沒有lunch set可以叫，只能散叫， 我選了德國煙燻豬扒伴薯蓉， 豬扒同想像中很不同， 豬扒味道真的很鹹， 而薯蓉就有很香濃的芝士味， 側邊有些白蘿蔔絲， 估計應該是伴著豬扒一起吃的， 伴著豬扒一起吃，感覺沒有那麼鹹了， 加埋薯蓉一起吃味道都幾特別， 散叫價錢$141另外要收加一， 星期六中午時段餐廳內只有三枱客人 ， 另有幾枱客選了坐門口的位置 ，對住沙灘個view食野好正

最近都想遠離市區, 需要多一點寧靜🌊今日黎到栢麗灣去慶祝生日🎂環境舒服伴隨海景真係一流適合情侶拍拖 或者 想Chill下嘅都可以黎沙律醬汁比較清新 整體不錯好吃😋烤得夠脆 蒜蓉醬足夠德國腸很一般🤷🏻‍♀️但煎薯餅必須點佢係用薯仔絲煎成的德國豬手皮很脆 肉不會太乾 亦不會太鹹值得一吃最後甜品都不錯 格仔餅有蛋香味 口感鬆軟

放假唔知去邊好 ?不妨入馬灣行吓 ! 一個新舊會聚的小島，既有大型屋苑亦有漁村風情，有連鎖食市也有特色小店。昨天放假二人就入馬灣尋找美食，就發現了此店，首先德國餐廳必定有啤酒飲，行到熱熱哋入門口第一件事~唔該兩杯大黑啤😍然後睇餐牌，午餐價錢相當實惠，點了(豬扒) (烤雞)。食物製作時間有點耐，一面飲啤酒一面搜尋此店資料，評分是馬灣之冠(唔計酒店在內)，更發現它的蘋果批都有一手，侍應話預10-15分鐘就得，咁食完正餐先 Order。午餐份量適中各配了粗薯條及沙律菜，豬扒大約有 20mm 厚，一般煮到全熟就好柴皮，但廚師手藝高超能表面煎香內𥚃仍嫩滑👍👍。烤雞一樣連雞胸都太嚡。味道方面亦適中，始終是幾十蚊的午餐不會太大驚喜吧。反而蘋果批有點失望，可能好少人午市會點，從雪櫃取出嚟去焗，酥皮焗唔起(濕氣重)，不過味道絕對是好味的。不計啤酒3度菜是$200有找，日頭環境加外面沙灘非常寫意有70分，夜晚係加200分。一定會找機會夜晚再去😉😉😉

今晚特登入到馬灣食晚餐，好難得會來馬灣，因為始終唔太多野行，但今日陽光普照，天氣怡人，就入左來馬灣行下，對上一次來已經好多年前🙈我一早就打去卜位，事關特登入來，無位食飯就好麻煩。接線既小姐禮貌好好，好快就幫我留左位。直到夜晚到場拎位，已經好多人，不過入面出面都有位，我地都係決定坐出面，雖然有啲熱，但大橋下既景色實在太吸引，一定要響到扮下鬼佬食outdoor😂德國野就梗係叫豬手，一個德國牛肉湯同蘋果汁，諗住唔夠再叫，最後係飽到食唔晒🙈因為豬手同腸勁大碟！好多款德國腸，每款都好味，豬手好貼心地切埋上碟，唔洗好似某大型德國餐廳咁切到手軟，但味道都拍得住大型餐廳，值得推介！牛肉湯有啲似羅宋湯，但多料食過羅宋湯，都幾飽肚。蘋果汁係普通野，如果飲得啤酒既我會推介啤酒，我見隔離係咁添杯🌝成餐飯都幾有情調，美中不足係室外既枱有點殘舊，坐既位置又係行人必經之路，會有點兒嘈吵。不過馬灣選擇不多，呢間個景色相信係除左酒店餐廳之外都算最好既頭幾間，都會推介😊

朋友搵我幫手試菜, 諗住同女朋友慶祝周年紀念首先, 餐廳嘅位置有少少偏僻, 只有2 3架居民巴士去到, 搭船就要係荃灣或者中環先有得搭不過, 間餐廳對住個海景同青馬大橋, 真係好靚, 特別係夜晚難得黎到德國餐廳, 梗係要飲反杯德國黑啤同德國豬手啦黑啤好香麥味, 容易入口, 大大杯500ml, 夠曬2個人飲我地仲叫咗杯Apple Soda, 酸酸甜甜, 幾清爽同開胃德國烤豬手套餐, 份量十足, 有德國豬手, 德國香腸, 薯泥, 沙律, 豬手十分推介, 外皮香脆, 肉質鮮嫩, 唔會柴, 但係香腸就比較普通, 冇乜特別我地仲叫咗烤豬肋骨, 肉質鮮嫩多汁, 不過味道唔係太岩我地口味總括黎講, 德國豬手真係幾出色, 性價比都幾高

同友人慶生，餐廳位置景觀一流，侍應服務態度殷勤。德國烤豬手+德國五式香腸配薯餅：除了香草腸外，另外的比較鹹，重口味。豬手拼盤的豬手味道較淡，但友人說ok，重點是烘得香脆的豬皮，豬皮入口脆卜卜，微焦的感覺更加分。個人覺得淨食已經好好味，不用沾醬汁，酸菜留給友人們吃，我只想吃脆豬皮。薯餅太乾身，不吸引。德國烤豬手：豬手係餐廳名物，食完唔夠喉，所以再點多一客原隻豬手，個人偏愛這隻，肉質嫩滑，外皮一樣酥脆，比剛剛那隻鹹少少，但不過份。薯蓉係驚喜位，忌廉味濃，所以帶少少甜味。德式蘑菇豬肉條配薯條：豬肉條都算嫩滑，但香煎得有點普通。個人十分喜愛蘑菇汁，好好味，配飯一流，不會太鹹，有忌廉菇味，但不會膩，大愛。有點後悔由白飯改配薯條。粗薯條就是正常水平。烤排骨配薯餅：Ribs一向都不是我得喜愛的菜式。手殘的我會有進食困難，味道普通，BBQ汁濃味，所以食不出肉味，可能本身肉不多🤷🏻‍♀️卡賽爾烤雞沙律：就是一般的烤雞沙律甜品窩夫：係軟身煙靭型，個人喜愛外脆內軟，配上雪糕，就似厚crepes 包雪糕。蘋果捲：酥皮包著蘋果粒去焗，個人覺得焗得有點過火，而且酥皮不算脆。蘋果蛋糕：蘋果味偏淡，蛋糕不軟綿，較結實。

今天晚上想逛逛海邊，享受一個寧靜的晚上。在青衣地鐵站轉乘巴士到馬灣，下車後坐電梯到沙灘的那一層，就會看到一列列的小餐店。各國菜式都有，而我們挑了一家德國的餐廳。餐廳位於沙灘旁邊，天氣涼快的話可以坐在外頭，能聽著海聲吹著海風吃飯，感覺一級棒。今天天氣很悶熱，所以我們預約了裡面的位置坐。西式的裝潢，有點懷舊，挺有情調的。首先來到的是綿花糖配巧克力，巧克力很香很滑，晚上喝著感覺很幸福。因為晚點要開車的原故，今天都不宜喝酒，點了一個apple soda。小伙伴喝第一口就說後悔了，無飲管的關係，現在冰塊都會把飲料最頂層的味道沖開了，味道淡而無味。我試了一小口，覺得還可以的，不過當然不如普通果汁那麼香甜。主菜點了　德國特式煙白肉扒配薯條　及　安格斯牛眼扒配薯條。我們都是第一次吃白肉扒，所以對它十分好奇。上菜的時候看到這個磚塊狀的白肉扒，覺得有點出乎意料之外的，（想起很多年前在超級市場買鴕鳥肉扒的經過，也是像這個樣的的，磚塊狀的！）「白肉」的味道像德國腸，有點像合成的豬肉，磚塊狀的切下來其實也算是蠻方便的。薯條厚寬身，薯味很重，不算是很脆的那種，但我很喜歡。還有德國的酸菜在旁，感覺真的在吃德國腸配酸

是日要去馬灣出勤，心諗已經非常開心，因為食飯嗰時可以對住個海食，即刻好有度假feel。今日就嚟咗位於馬灣海灘嘅餐廳Oma's Kitchen。餐廳環境非常靚仔，恍如一間小酒館，再加上我係星期一至五下午過嚟，所以餐廳都冇乜人，好清幽。最緊要係咩啊，就係對住個海，同對住條橋食飯。👍👍👍👍👍👍午餐選擇非常多，價錢亦都唔貴，最多去到60幾，問咗侍應哥哥，佢話呢度嘅豬扒餐同雞扒餐最多人叫，所以我今次就叫左個燒雞扒餐。餐湯係羅宋湯，都幾大碗，同埋辣辣地都幾過癮。到主菜喇，老實講雞扒嘅調味就唔算突出，但係佢分量都好多，足足有兩塊雞扒，真係非常抵食。飲品加十蚊叫咗個凍咖啡，同樣分量都係好大杯，味道唔錯。總結，食物質素唔錯，對住個靚景都係收你60幾嘅價錢，我覺得係超值。