安利魚蛋粉 (Closed)

這兒的牛油比其他地方的香很多。最好味的是西多士，即叫即製的，金黃色、脆脆的外衣，再加上牛油的香及甜甜的煉奶，簡直是魔鬼的召喚。這兒的鴛鴦亦都不錯。幸好，這兒離家頗遠，不然，肯定滿肚腸肥。不過，人總是矛盾的：西多士，你等我呀，我會返來的!

我都係慕名而來又係個fan帶我去試佢大力推介好彩過左食晏時間容易搵位叫左個魚蛋撈粗撈麵真係幾好味不過d魚蛋就不敢恭維勝在有咖啡奶茶惟一推薦係個撈粗!

因為成條街太多安利, 又見呢間最多人排隊. 今日遲左少少食飯, 最適合走入去八下試下呢間應該就係傳說中的\"原老店\", 無論設備, 環境, 同其他顧客反應, 其實都睇得出, 感覺到, 味道就與對街一樣, 我又係食番魚片頭切腩面, 其實... 我覺得切腩還算可口, 其他就普通. 咁的價錢相對而言, 就好像有D貴, 價錢裡可能夾雜的是老店氣氛. 不過, 如果兩間擇, 我會來番呢間.

這店天天都有人等位啦. 不過它真的值得等.我都會叫魚蛋河, 片頭撈. 外加一個鮮油多(多士蠻厚, 剛烘香再配鮮牛油, 牛油受熱慢慢溶-讚到不怕肥).它的魚片是最好味. 但不得不提它辣油. 如果買回家吃, 記得要辣油. 因為家沒上湯, 用水做湯, 泡一魚片加一些菜, 而加點辣油點吃. 才能發揮魚的美味.唯一要留意, 新開的新店, 我吃過幾次都有牛肉味. 最近一次吃完發現有牛肉碴在底.(希望他們留意這些小事)

我見好多人話有兩間安利，唔知點分。其實「安利魚蛋粉」至係真架！「安利大排檔」，據聞係「安利魚蛋粉」老闆的親戚和老闆鬧翻後而開的。「安利魚蛋粉」最好味的有「切腩撈粗」、「片頭河」同「多士」，去到記得要食啊！排下隊都值得！

我同劧男朋友去試佢招牌切腩片頭撈粗，牛腩頗腍，片頭都ok但份量少,我就覺得好似重手少少，如果小汁可能好少少，我一心去試佢出名個，所以只係叫一個撈粗，但就試佢多士飲一杯奶茶，都係印佢個餐牌到，多士真係好好味，仲要食多件．茶就一般

一片多士咁既size既牛油夾係多宜之間..加埋煉奶~咬落去外熱內冷...片牛油入口慢慢融化,一陣陣既鹹香味係口中慢慢消失...真令人回味~

呢間每逢星期六日都好多人係門口排隊..食過魚蛋牛腩麵.....個麵幾爽口同彈牙~最愛魚片,外皮炸過好香~~不過牛腩就一般~最正係個湯,bf話係冇味精架...我連d湯都飲晒~~不過就貴左少少, 因為份量太少,食一碗都唔夠飽~同埋環境都幾迫~超爆多人...好似食完就趕住走咁~

好彩有黎….聽到同事話去安利食野….加把咀問下有咩好食,點解要由中環仆到入去食…一問之下,個同事話佢地個多士好正…哈,真係開正我果“飯”….我問佢地個奶油多好正o架…點知比個同事串…錯!!!! 唔係奶油多…係------ “鮮油奶多”呀…. o下?? 其實有咩分別呢?? 真係要食過先知完來係咁>_^平時既奶油多係d牛油係全部溶晒再加煉奶,而佢lee度既“鮮油奶多”係麵包中間有一塊厚厚地既牛油(未溶既) 再加小小煉奶….口感幾正,外熱內冷,有牛油既濃香加小小既煉奶既甜…正!! (不過如果唔想肥,小食為妙)另外我仲試左佢地個招牌切腩片頭撈粗,個撈粗都好好味…唔會太咸太油,d麵身唔硬但有口感,最重要係我食唔到有梘水味,但d牛腩我就覺得好一般唧. 我地仲叫左個魚片同炸魚皮, 個魚片好似好食過“德昌”…可能“德昌”咸左d,但個炸魚片就“德昌”好d,可能因為佢lee度d 炸魚皮厚身得濟…地方比較其實都唔知係好事定壞事….好既就係我唔會無啦啦就死入去食佢地既“鮮油奶多”….如果唔係想唔肥都幾難….壞既就我會掛住佢地既“鮮油奶多”呀…

安利都可算係响香港數一數二嘅粉麵名店，自己之前都算食過吓，念念不忘，可惜對我嚟講路途比較遠，唔能夠成日嚟食。趁今日放假，就專登坐車嚟食。一坐低即刻叫個招牌切腩片頭撈粗，牛腩屬清湯腩，頗淰，絕對唔會咬到一舊"擦字膠"；片頭只得一件，其餘都係魚片，有D揾笨(可能熟客會俾多D)，不過魚味頗濃，不錯；最精彩就係個麵，用微甜嘅醬油撈過，不油不膩，每滴醬油都可以黐响麵身上，但碗底就一滴醬油都冇，師傅確實夠功力...最surprise係佢哋嘅辣椒油夠香且辣，點落D魚片及牛腩到，回味無窮..二十五蚊一碗，算偏貴，但值嘅，皆因係出面係食唔到咁嘅水準嘅撈麵。

10年前開始已經食安利, 基本上沒有大改變, 味道一樣的好, 人一一樣的多。星期日去完石澳行山, 12:30去左筲箕灣。一諗就諗到去安利, 之前有3,4年沒有去, 點了肥切腩撈幼, 好好味! 切腩夠腍, 一個字\"正\"

我全家由避風塘開始住處筲箕灣，超過四十年。而我本身住在東大街足二十年了。現在大家見到的三間安利其實本來是一間。廿多年前已經在天后廟旁的斜路賣魚旦粉，是家庭生意。約於九十年代頭搬上鋪(中間的那一間)。後來老豆死了，兒子分家，安利一分為二，生出<安利大排檔>，二家水火不容。約在三年前，舊安利開新鋪(有很多簽名那間)，安利愈做愈旺，愈做愈貴。新舊兩家相比，<安利大排檔>較進取。年中無休+開鋪時間較長;舊安利在中式節日都會休息(新年休十日)，較有人情味。味道兩家差不多。的確，安利的食物是OK的，但已大不如前了。可能是因為太多人光顧，QC keep不到吧。魚片/片頭是可以一吃的。我家是光顧<安利大排檔>的，由於是熟客，叫魚旦河會有魚皮/片頭送，但我認為依然是太貴了。總結安利可以一試，但用不著慕名而去。

難得一日放假, 當然要好好地用它. 眼見天氣報告話周末風和日麗, 梗係去大浪灣曬曬佢先得. 出發前先去筲箕灣試下據聞有15年歷史的安利ge招牌: 切腩片頭撈粗, 鮮油多. 15:00 去到, 竟然都要排隊, 果然係名店!最有特色係右邊的撈粗, 面是啡色的, 不是靠色素, 而是用腩汁, 滷水汁浸過才淥給客人!! 聽見旁人熟練地叫著我們不知名, 又沒有寫在牆上的名: 甚麼坑腩/ 切腩/ 崩沙, 真係行家一出手, 便知有沒有.另值得一讚的是辣椒油, 香辣兼備, 半匙已令老夫涕淚橫流, 感動莫名...

上星期六去見到不止一間,和友人商量下終去了最多人等位那間(即廟對面)。真的很多人,等了廿分鐘才有位,因為太多人,大家搭檯都冇所為。傳聞o的片頭撈粗真是名不虛傳,一個字「正」。但太少,再加一個奶油多就拾到好處。

去安利通常都食出名o既"切腩片頭撈粗"啦!!不過要modify 一下:切腩要食爽腩或者崩沙腩...個人prefer 崩沙腩多o的...撈粗故然好食...都係o個句...個人鍾情河粉...所以通常會改做撈河...豉油味會更重要!!片頭的確唔錯...有o的胡椒味...不過似乎落左少少味精wor...個湯o的味精重勁...唔通常都唔會飲...有時去到反而會叫"切腩撈河要崩沙腩"!!