安安燒 (染布房街)

Open Now

Now Closed

入坐地方人迫人坐空間不足，地下好多食物碎，店員服務態度極差，好似求佢落單咁，落單又係咁吹人快d, 一向鐘意食串燒係想慢慢吹水慢慢食，食物上枱速度快，但食物質素差，趕坐上野有d食物明顯未完成，唔夠熱，價錢同食物質素唔成比例，啤酒貴過好多串燒鋪3成，叫左第一輪野食都未食完已經截單，埋單6百幾，張枱又細食物放唔到都唔理求奇放埋一碟咁，食串燒要限時一小時，45分鐘迫人埋單，夠鐘係咁趕人走，咁既服務態度就咪做串燒喇

今日到旺角食下串燒，呢間安安燒人山人海，地點又方便。去到會有圖片睇，再自己寫單。先叫了「夜魅鰻魚汁三重芝士撈丁」，香氣撲鼻，芝士汁好濃郁，混入鰻魚汁鹹鹹香香的，10分好食。仲叫了個燒芝士餈飯，飯中間夾入肉鬆，芝士喺面，別有一番風味。仲叫了個必點的燒芝士蒜蓉茄子，孜然味粉十足，又有蒜蓉香辣椒的辣味，啱晒重口味的你們！脆皮燒滑雞片果然是必點之選，皮脆肉滑肉汁仲保留度，孜然味粉也很重口味！燒四季豆就正正常常啦，清新一下！仲有個燒菠蘿都好好食，設到一嚿一嚿的，好Juicy! 燒雞軟骨串性價比十足，有兩串，一人一串就啱啱好，雞軟骨好脆卜卜！

安安燒開咗咁耐 我第一次食咋😝平時行過都好爆場 咁啱呢日5點幾行過見有位 就即刻入去試下 點知大概半個鐘已經差唔多全場坐滿 超受歡迎✨應該因為呢度地點方便 而且抵食又好食◾美國牛小排1份已經有7件🐂簡單以鹽調味 帶出濃郁牛味◽蒜蓉燒扇貝唔算好大隻但幾新鮮 除咗蒜蓉之外 仲有辣椒🌶️所以帶有少少辣味◾沙爹豬頸肉個沙嗲汁幾正喎😋豬頸肉亦比想像中燒得軟稔◽秘製醬燒雞中翼◾脆皮燒滑雞片兩款雞類主要都係用孜然粉調味🐔勝在雞肉都晒嫩滑◽惹味蒜蓉生燒茄子每次燒烤都必食🍆茄子大隻夠抵食◾串燒蜜糖燒賣意外驚喜💕燒賣超級脆 應該係我食咁多間 做得最正嘅一間◽沙律醬燒蟹棒特式小食推介🦀簡單嘅美味◾秘製三重芝士撈丁聽講係去安安燒必點嘅 我都唔執輸😌芝士都幾濃郁 食過呢個會好飽飽最後每人一罐菠蘿啤 甜甜哋幾好味🍍咁就完成咗滿足嘅一餐啦

旺角真係好多串燒店，一到晚市就間間都爆曬人🥲 今次小編去既呢間人氣食店，冇book位walk in最快都要等大半個鐘😮‍💨 建議下次book位先去就唔洗熱辣辣咁等啦🤣 而因為串燒種類較多，所以就抽幾款出黎介紹啦～🌟 惹味蒜蓉生燒茄子 ($48)茄子黎講雖然唔平，但係味道都唔錯🍆 蒜蓉好足所以好香口，啱曬重口味人士🤤 如果想更濃另外架孜然粉就更正！🌟 蒜蓉燒扇貝 ($52/四隻)扇貝size係迷你既🤭 勝在蒜蓉夠多，味道不過不失啦。🌟 脆皮燒滑雞片 ($28)與其話雞片，其實佢更似雞扒🤫 店家將雞肉燒得好滑唔鞋口，調味都算惹味，值得一試！🌟 香辣醬燒雞中翼 ($32/三隻)雞中翼都燒得嫩滑，辣度係大家都可以接受既程度🌶️ 不過小編就覺得可以再重口味d更好啦🤣🌟 烤雞腎串/皇牌燒牛舌($28/$39)牛舌既口感似平時日本餐廳滷牛舌，唔係彈牙個種～🌟 燒孜然羊肉串/燒雞軟骨串($32/$28 各兩串)小編覺得呢兩款cp值幾高，而且都係大家燒烤必食。羊肉騷味較濃烈，如果鐘意羊既朋友仔就啱曬～味道：🌕🌕🌕🌖🌑環境：🌕🌕🌕🌗🌑價錢：🌕🌕🌕🌕🌑

又一個假期天，食返餐串燒先再迎接星期一。安安燒的串燒款式多，個餐牌啲相影得特別靚🤣蒜蓉生燒茄子，上枱很大條，勁多蒜蓉，十分之惹味！燒牛舌，厚身，入口多汁又有嚼勁，正。燒鮮味海螺片，一串有六粒，微辣，煙韌。燒鹿兒島豚肉串，入口軟腍，燒過的串燒肉味香濃，入口多汁！香濃芝士燒扇貝，一份有四隻。賣相正，入口芝士味濃郁，這個比預期好味又抵食。串燒叉燒肋排粒，特別喜歡這個，新鮮燒起的叉燒肋排粒，那個叉燒汁熱熱的夠入味，即刻加多串。原隻新鮮魷魚，份量好足，入口彈牙！以為串燒唔會飽，其實這裏食物份量足，食到最後真的很飽飽。杞子龍眼菊花蜜，食串燒飲凍野，菊花味好香。

今晚到了旺角買了玩具模型後，走到了染布房街，看見一間多人排隊的 「安安燒」，它主打食各式串燒，是一間人氣燒烤。餐廳裝修走平民化，但有透明膠條作玻璃幕牆，看得面外面景色。餐牌上有超多選擇，餐廳細心將所有食物相片拍照，可以看見食物圖片再自行剔紙落單，精美食物相片十分吸引，各式串燒如雞、牛、豬、羊、海鮮、蔬菜等燒物外，還有創意芝士蒜蓉撈丁系列。蒜蓉燒扇貝有四大隻，賣相吸引，每隻都鋪上大量金銀蒜，燒得蒜味香濃，性價比高！惹味蒜蓉燒原條茄子，大大份，滿滿的蒜蓉鋪滿開邊茄子上，孜然粉加上一絲絲茄子肉一起吃，燒得多汁又爽脆，惹味之選！皇牌燒牛舌，一串四大件，肉厚入口有咬口 ，燒過後依然保留豐富肉汁！必叫之選！秘製醬燒雞中翼，外皮燒得香脆帶金黃色，醃製非常入味，雞肉嫰滑有肉汁！灸燒海中蝦，一客兩大隻，蝦肉口感爽彈又鮮甜，燒過後保留得到鮮艷吸引的色澤！鹽燒鴨舌，有兩串八隻，入口爽脆，有口感！麻吉年糕燒，口感豐富，夾心層有煙韌的年糕，外層燒得脆口而中愜牯即溶，推介！這店的串燒味道口味濃淡適中，蔬菜類也不會燒得太乾，例如燒翠玉瓜，外面燒得乾身，但吃下去裏面是保留了滿滿的水份，燒韮菜吸收了醬汁燒不會太乾身，同

同朋友等四人枱，係門口等咗差唔多一個鐘，臨入去之前問有冇安心出行，同行朋友都無，四眼話事人即刻態度惡劣地話無安心出行無枱。然後叫咗大概六台二人枱入去，就連啱啱到都可以即刻入。跟住我哋準備填紙仔，話事人即刻截停我哋，話有排等叫我哋唔使填喇。佢話好多Booking好full，咁樣一開頭點解要派飛叫我哋等？然後準備走嘅時候見到場內好多枱都係兩人坐四人枱，非常離譜完全唔想做生意。浪費咗四個人，人生一個鐘頭，仲要態度惡劣，唔使錢都唔柒食。咩安安燒火鍋撚都唔會再食！懷疑假黃店。冇安心出行唔俾食飯！

每次經過呢間舖頭嘅外面都會覺得好香，串燒嘅味道非常之吸引，今次約埋朋友一齊食，平日夜晚7:00等左一陣就有位，不過限時食60分鐘，感覺有啲少，想坐低傾多兩句都唔得😂朋友嗌咗支蘋果啤，我要咗檸檬冬瓜沙冰，又估唔到幾好飲👍🏻牛舌🍢雖然有啲貴，但係幾好食，肉入味得來仲好軟熟燒茄子🍆呢個我覺得係必然嘅食物之一🌟🌟🌟超好食兼且蒜蓉味非常充足，大大碟食得好滿足燒扇貝🐚燒完啲帶子入縮晒水，好細粒,雖然價錢唔太貴，但係一般好味燒韭菜🥬好入味，第一次食燒韭菜，估唔到咁正👍🏻仲有其他野做好好味😋呢度上菜得好快，如果冇人等位可以繼續坐

次次見到很多人排隊，今次我又排，因為老公愛吃串燒，久不久吃一餐也不錯啊！川式麻辣燒扇貝這個麻辣的確狠，辣度十足，扇貝味道鮮美，柱肉厚實，口感嫩滑，非常惹味。惹味蒜蓉生燒茄子喜歡吃蒜蓉+茄子的，十分推薦這個，多汁軟嫩的茄子肉配搭孜然粉和厚厚的蒜蓉，一試愛上!沙茶醬燒雞脾菇厚切雞髀菇，面層舖滿惹味帶辣的沙茶醬，一串四粒，勁好味!美國牛小排牛肉不韌嫩滑，牛味濃，保留了牛肉汁，肉身沒有熟透，五成熟，剛剛好!香辣醬燒雞中翼雞中翼醃製非常入味，外皮燒得卜卜脆，帶辣的味道，又是另一道最愛~鹽燒鯖花魚火喉剛好，魚皮乾身香口，還帶點脆口，不帶腥味，保留了魚肉的嫩滑。蒜蓉燒鮮味海蜆海蜆用錫紙燒熟，蜆肉不帶沙，雖未算厚肉大粒，但鮮美保留了，加上蒜蓉調味，增加了鮮味感。

今晚收工好想食熱氣野😆 去到旺角見到這間好有日本風味既串燒店，決定拉男神入去燒一燒佢👫「特式蒜蓉撈丁」幾特別，香口撈丁，如果有埋芝士應該一流呀🤩（要下次了😆）「惹味蒜蓉生燒茄子」軟軟茄子肉😍「脆脆蜜燒響鈴卷」脆口 外面有蜜糖，小心會痴牙喔😆「燒鹿兒島豚肉串」豚肉串燒至乾身中間有點肥肉🤤🤤「秘製醬燒雞中翼」燒雞翼無得輸呀❤️「串燒叉燒肋排粒」燒叉燒一樣 正呀🤩「燒雞泡魚干」「惹味黑松露墨魚滑」好特別喔，外脆內軟🥰🥰「燒自家製juicy韮菜餃」內裡真係好juicy 喔，而且外面脆卜卜👍🏻👍🏻「竹庶茅根紅蘿蔔馬蹄水」備註：🔺如果唔去BBQ，去這裡就無錯了🤣🔺咁多款式，要再去呀🍡🍢🔺唔夠味可另加調味粉，不過樣樣都夠味👍🏻

=冬瓜檸檬沙冰=甜度不是很厲害冬瓜檸檬味都很清甜吃串燒來說挺解渴的=Suntory the premium=很少串燒店有黑啤的一大杯也只是需要69=燒鮮冬菇=很喜歡他們店的串燒 因為味道濃淡適中蔬菜類不會燒得太乾 例如燒冬菇 燒得外面乾爽但裏面水份仍鎖得很緊有燙口燙口的感覺=王牌燒牛舌=有咬口 有牛味 合理好味=燒孜然羊肉串=調味適中 如果羊未能更加羶會更好=金銀蒜蓉燒生蠔=蒜蓉味十足 生蠔啖啖肉=燒原條黃立鎗=我覺得是今晚的MVP魚皮煎得碎而香 調味又適中魚肉有紋理而不會太散惹味 餸酒一流=安安燒秘製蒜蓉香辣雞翼尖=比我想像中嘅雞翼尖來都大隻酸辣香口的味道還是做得很足如果能更淋會更好=燒清香翠玉瓜=追加的蔬菜系列 喜歡他們外面燒得很乾裏面曲是保留了滿滿的瓜果汁=燒菠蘿=有的選甜脆的外皮 但我還是覺得原味的菠蘿好因為燒出嚟的菠蘿比較清甜

安安飲食既火鍋撚同楚撚記我都好喜歡，仲要成日都大排長龍！今次第一次嚟到佢地集團既串燒餐廳，訂枱既時候已經十分期待。同朋友兩個人乜野食都想試最後叫到一枱都係首先值得稱讚既係佢杯野飲，腐竹雞蛋糖水沙冰。有時飲啲沙冰入到口會甜味還甜味，冰還冰，但安安燒呢杯沙冰係無呢個問題，我諗係因為佢真材實料將糖水雪成冰再打成沙冰，而唔係糖水加冰咁打。其次就係上圖中既芝士蒜蓉撈丁，蒜蓉好多，再配上芝士既咸香簡直有簡單就是好食既感覺。但要襯熱食哂去，凍咗啲芝士會一pat pat杰哂唔好食。其他野食都好一般。要佢地自己調味既海鮮，茄子，雞翼，豬頸肉都稱唔上好食。我覺得好食既只有本身已經係好食既野，包括麻吉燒，司華力腸同燒墨魚餅本身極期待既燒粢飯都令我失望，好淡味，餡又少。咁既價錢我下次都係比貴啲上返樓上打邊爐或者去食楚撚記好了

數到中學回憶，安安燒真係不可或缺☺️晚上嚟到食串燒同撈丁！夏天食都唔怕，冷氣放送好足～格局同以前差唔多，氣氛好熱鬧。秘製三重芝士撈丁 $49三重芝士，分別為車打芝士、巴馬臣芝士、藍芝士。三種芝士撈埋質感好黏厚，好香嘅芝士味道。碗上有張紙仔提示要趁熱食。因為芝士凍咗就唔好味～食完一碗都已經好飽滯🤣溏心波蛋脆脆煙肉碎三重芝士撈丁 $55三重芝士撈丁再加埋溏心波蛋同煙肉碎。溏心波蛋賣相好似水牛芝士，戳破後有濃濃蛋黃。煙肉碎香脆可口，整體口感更豐富。串燒我地點咗幾樣share～燒清香翠玉瓜 $18 、脆脆蜜燒響鈴卷 $23、脆皮燒滑雞片 $28、秘製醬燒雞中翼 $32、蒜香燒白鱔 $50、燒蟶子皇 $45、惹味沙茶燒金菇 $32串燒保持水準！好惹味！特別係燒白鱔，白鱔肉好厚，咬落彈牙，有鮮味。食完飲返罐加多寶，爽呀！

今日放工想飲下啤酒，嚟咗呢間食下串燒一路飲。每樣都好好食，預咗會好鹹，正常都會有好多調味粉．正常都會有好多調味燒韭菜 $22燒鹿兒島豚肉串 $28秘製沙嗲醬燒豬頸肉 $32王牌燒牛舌 $39美國牛小排 $55惹味蒜蓉生燒茄子 $48脆脆蜜燒響鈴卷 $23燒一口甜樹 $23燒餈飯 $30燒白鱔 $50燒菠蘿 $22燒孜然羊肉串 $35

安安燒係旺角都岀名，次次經過都要排隊，今日見夜左，唔太多人又好耐冇食，便入座了。都有幾多款式，調味有少少辣，唔食得辣要同店員講聲喇。惹味蒜蓉生燒茄子 $48爆多蒜蓉，超惹味，茄子入晒味，自己一絲絲撕嚟食好有風味。燒菠蘿 $22清甜又多汁，消滯解膩確一流。烤雞腎串 $28 兩串串燒必點，爽脆。雞軟骨串 $28兩串軟骨脆卜卜，食極都唔厭，打孖都係28蚊，好抵食，最後再encore多碟🤣燒雞肉軟骨串 $22免治雞肉再混合了雞胸脆骨，口感好正。秘製醬燒雞翼 $32雞翼燒到外脆內嫩，好juicy惹味。麻吉年糕燒 $19打邊爐成日食，原來燒都好好食，質感好煙韌，唔會燒到好乾好硬。燒鵪鶉蛋 $20細個好鐘意食街邊嘅鹽焗鵪鶉蛋，見到有當然要食啦燒芝士餈飯 $32最後再叫個餈飯飽下肚，即叫即燒，外層微焦，中間有肉鬆，整體都不錯。一口甜薯 $23最愛甜薯軟糯嘅口感食串燒當然要點返枝啤酒飲下啦，cheers🍺