安安燒 (鯉景大廈) (Closed)

筲箕灣除咗東大街出名，其實近電車路個邊都好多好野食😋住筲箕灣嘅fd今晚帶咗我去食串燒😍呢間安安燒成日都好多人，好彩朋友去開知道，一早book咗位，唔洗等。坐底已經聞到好香串燒味，即刻點咗野食先傾計，幾多選擇。係朋友推介之下都揀咗幾多樣，又係眼闊肚窄，不過唔做大嘥鬼！玉子燒！燒到燶燶地好吸引😍好香蛋味，不過燒得熟咗啲啲，但仲係好香滑。安格斯牛柳串🐮好嫩口，牛味好重，加埋孜然粉好野味！麻吉年糕串嘅口感就韌咗少少😣一口甜薯😋好好食，超夠甜味，又夠粉。熱辣辣食好正👍🏻芝士餈飯。估唔到燒餈飯又幾好食，切開有芝士流出嚟。好香口，餈飯夠煙韌😍烤餃子釀雞翼實物幾細隻，料唔太多😂個皮烤得幾香，但真係有啲細隻。燒茄子！！好大條好正啊😍啲香料同調味料多得嚟又仲keep到茄子味，主次分明！燒得啱啱好，啲汁鎖住晒，好juicy😚整體嚟講好值得再嚟食，同朋友飲酒傾下計一流！

三伍知己聊天,飲吓啤酒吃吓小吃,不如諗諗去串燒店,是幾好的選擇,這晚就去了筲箕灣(安安燒)出港鐵行兩三分鐘就到,交通方便,去到可以坐室內或室外,我們揀坐外面,點了特色雙併腸(墨魚腸幾好),川式麻辣燒扇貝,(好嘢味送啤酒好)芝士蒜蓉燒生蠔，頂級鹽燒多春鱼,皇牌燒牛舌(夠林)燒芝士餈飯(可以飽肚)再來最重要啤酒。

朋友約了幾次吃飯都沒空，今晚終於可以應約。問朋友可有什麼心水的餐廳想去，說今晚不想吃飯，不如來個串燒餐，家附近的這間安安燒聽說口碑不錯，來到餐廳，地方不太大，幾乎滿座，還好我們不用等，進入餐廳坐下，聞到其它食客叫的食物香味撲鼻，串燒的味道令人胃口大開，我和朋友也馬上急不可待的叫了好幾款食物，等食物的時間不算長，倆朋友可以聊著天來打發我們還叫了柑橘蜜，中和中和串燒的熱，飲品鹹中帶點兒蜜糖味，喉嚨頓感舒適

今日同女朋友去食燒烤野，但係女朋友又話怕熱氣，之後就叫咗一啲唔係燒烤嘅食品。黑松露菌醬三重芝士撈丁$63呢個芝士撈丁好似好出名，一定要趁熱食。黑松露味超級濃郁，而且仲有三重芝士，口感有彈性而且麵質比較幼，最緊要係味道了，平時自己煮個麵容乜易，但係要水份剛剛好，而且有黑松露同埋芝士香味配搭就真係好難！蒜蓉牛油焗金菇$33焗金菇份量也不少，成個比較平坦所以可以平放比較多金菇，好快就上咗嚟。最濃郁嘅都可以話係蒜蓉，基本上眼看得見大量蒜蓉，蒜蓉比牛油味更加濃郁，金菇非常爽口且入文。惹味辣汁浸海蜆$42裏面直情有啲麻椒，非常惹味，而且裏面有好多粒，每一粒都非常入味，香味十足又冇沙。喺出面坐原來可以選擇自己燒，開爐費＄18 ,下次如果貪得意想燒下大顯身手，但係又唔想食燒烤放題嗰種，都可以來呢度。

同朋友去傾下心事，就去咗做嘢附近嘅筲箕灣食飯，有室內有室外啊適合吸煙同非吸煙，店員燒烤或者自助燒烤。麻辣金針菇$32估唔到咁快上嚟，大大包金針菇，估唔到麻辣又真係夠晒入味，再加埋口感好爽，超級鍾意。*必點麻辣田雞脾$34鍾意食麻辣，就叫埋田雞脾，四隻田雞比大大隻，口感滑嫩而且麻辣香氣十足。應該係啲好大隻嘅田雞。*必點左至右->燒雞腎串$23/2串燒雞腎一定要兩串咁叫，非常爽口而且有少少香辣，非常吸引！*必點燒鹿兒島豚肉串$19 ＄19一串嘅豚肉，脂肪比例適中，而且調味亦佳，口感鬆軟唔錯。*必點小車厘茄煙腩卷$22車厘茄唔係太酸不過大大粒，加上煙腩唔係太鹹，兩者配搭好吸引呢！秘製醬燒雞中翼$28@3燒雞翼，我自細鍾意食，醬汁唔錯搞到連皮都食埋，雞翼啲肉大大件，好滿足！

難得黎到筲箕灣梗係要試吓地道嘅美食啦，一於帶老公試吓香港式的燒烤店。呢間餐廳位於筲箕灣幽靜的一角，氣氛非常休閑，近來天氣不炎熱我哋選擇坐在室外更有風味。他們的食物選擇相當相當豐富，我哋一時興奮的情況底下，叫了很多嘢食差啲食唔晒燒元貝配四川汁我都係第一次試，真的非常野味，比起我們廣東人想吃的蒜蓉粉絲蒸元貝真的是另一番風味，值得推介👍🏻燒聖子又大又新鮮，絕不欺場老公係外國人佢哋嘅至愛一定係芝士，所以我們叫齊兩款不同的芝士丸，兩款都咁美味分不出高低另外值得一提的是他們的燒牛排價錢平得驚人但質素可媲美高級餐廳$3-400的的水準他們的芝士翠玉瓜好食到不得了，我從來沒有想像過兩者是可以放在一起的。燒菠蘿一直是我的最愛，他們果然沒有令我失望，菠蘿又新鮮又多汁，非常清甜，作為最後一道菜，令我心滿意足開心回家

其實第一次寫食評，但真係正到要推介！雖然舖頭地方比較細，但坐得都算ok，我正懷孕9個月都坐到！員工友善，行動敏捷。燒蒜蓉芝士蠔無得輸！超正！燒扇貝正！燒羊架正！燒茄子正！有一款唔記得叫咩名既燒雞翼甜甜地都好正！燒墨魚咀就可能因為比較大粒，就有d硬。燒菠蘿，香蕉朱古力都超正！！我仔食到好開心！！見佢外面都有得坐，如果天氣唔太凍的話，坐外面既坐位，邊飲酒邊食串燒又一番風味，我諗最啱一眾煙民！真心推介！

約左個朋友摸杯底佢又想食下野咁我話不如試下食串燒啦我都好耐冇食間野一出mtr 行一陣就到叫下野食先腸仔鴨舌 螺串 好入味又唔熱氣個感覺芝士燒扇貝 好好味菇就賣相就唔多好食落都ok麻辣水魷 好少食到 唔太麻剛剛好雞翼d 汁好吸引人 花枝就不過不失牛排燒出來好似食緊酒店d排汁還留在入面多春魚火候夠唔係就好難食青口同扇貝一樣超多蒜頭味道比較 青口好食d 2個人食左400$飽凸可以再來

是日晚上相約朋友談心兩個女仔👭食量不多又想🍻飲下酒吹水所以簡左食串燒🍢店鋪不大，分左室內及室外叫了幾款串燒牛舌-個人比較喜歡薄牛舌煙肉車厘茄 - juicy 好食安格斯牛 - 太多肥膏燒雞泡魚干-香口，送酒一流！燒茄子 - 清清地帶點蒜蓉味，不錯手工啤酒-淡淡果香重麥味👍🏻另有菠蘿🍍啤，幾特別

戶外燒烤場已經買少見少, 一係就入到新界, 一係就上樓上酒吧天台BBQ. 不過住係筲箕灣的朋友就帶咗我黎呢間安安燒度玩下BBQ. 呢間係地舖, 與熱鬧的筲箕灣道只隔一條街, 門口設有座台式BBQ爐可以自己燒烤. 相比起其它BBQ場, 呢間衛生非常唔錯. 枱面仲設有風扇仔比我地吹我地邊燒邊傾計, 一人仲叫咗杯生啤黎飲消下暑! 食物大部份都唔錯, 燒魷魚大大塊又Juicy, 燒到有香味就食得, 用黎送酒一流! 燒丸類就最重要係加埋佢枱面的孜然粉同辣粉, 好有重慶風味. 後來我地仲叫咗D燒新鮮, 都係佢地廚房燒出來的, 有燒鮑魚, 燒扇貝同蟶子; 鮑魚燒完都好鬆化爽口, 一D都唔韌, 好有鮑魚鮮味; 蟶子同扇貝Size 都幾大, 加咗蒜蓉黎燒, 好香口惹味! 天氣雖然熱, 但室外座位都坐滿, 氣氛都幾熱鬧, 不失為好友相聚好地方!

適逢留港放大假, 就把握機會吃喝玩樂, 約咗好友同佢隻寶貝狗狗去側魚涌公園玩, 玩到攰諗住搵下野食醫肚, 帶住狗狗要搵D戶外食肆, 上網search 下就決定去呢間安安燒喇.坐的士由側魚涌公園過去大約10分鐘左右, 佢有室內外坐位, 由於我地帶咗狗狗, 所以坐室外. 夜晚天氣唔算太熱, 但我地都叫咗兩杯生啤飲. 坐係室外位置, 照明充足, 衛生都好唔錯, 同友人一邊飲啤酒一邊暢聚感覺好relax! 我地仲望見隔離枱自己燒烤好似好得意, 不過我地就好懶, 所以選擇咗Order 野食, 哈哈. 講返食物先, 小食方面, 我地叫咗海蜇, 味道酸酸地帶微辣, 好開胃, 食食下串燒都陸續上枱, 佢D串燒做得幾有風味, 燒肉係一串串的, 燒得好香好夠火喉; 另外仲有燒蔬菜同埋菠蘿, 蕃茄個D, 我自己幾鍾意, 因為唔會燒到乾晒, 食落感覺比起肉串清新D, 感覺都健康D!菠蘿同蕃茄都好多汁好甜, 作為飯後甜品係一定要食的.

友人一向奉行多菜少肉, 健康D又環保D. 所以今日去食BBQ我地都叫咗好多蔬菜類. 雖然呢間係做川式串燒, 但唔會清一色淨係得辣辣肉串, 而係有好多唔同款式可以選擇!我地叫咗都好多食物, 比較喜歡的如下:- 燒日式一口甜薯 - 甜薯係一口一粒, 個皮好薄, 黑忟忟外表一D都唔吸引, 食落就有驚喜! 裏面係香軟甜薯肉, 係甘甜的味道, 一粒連皮食, 咬落去暖暖地, 口感好好而且味道一流! 我會比個5*- 燒四季豆 - 一串都有好多條, 四季豆沾上四川粉同孜然粉好惹味, 咬落脆卜卜又唔會乾- 燒菠蘿 - 厚切菠蘿連皮燒, 咬落暖心而且好多汁, 係超香甜的菠蘿味, 我同友人都好鍾意- 燒車厘茄 - 車厘茄平平無奇, 但原來用來燒係好好味, 燒完的車厘茄裏面個心軟棉棉, 咬落去D茄汁流晒出來, 酸酸地好易入口- 原條燒黃立倉 - 魚皮燒到香脆, 魚肉都好夠鮮味軟滑, 佢配埋檸汁同埋酸甜汁, 我自己覺得加埋D汁更清新好味!其它食物都燒得唔錯, 雖然食緊BBQ, 但自我感覺非常健康, 大家都不妨可以試下多菜少肉餐單啊~! 

由於在skw有活動,順便就與友人在那吃飯,看到了instagram一個食評家推介,我們就在這安安燒吃點了一些串燒,雞翼和芝士撈丁 十分好吃!芝士夠濃味.果d肉串燒得超正,真係啖啖都勁有口感唔會乾.呢雞翼燒得好香, 而且肉汁仲保留到係D雞翼裏面, 而雞肉亦醃得夠味, 好好味 仲有d自家調味粉亦都好惹味 而且,離地鐵站都唔會太遠,方便晒d唔想行既朋友!

除咗打邊爐之外, 小妹都好鍾意BBQ. 前幾年試過新界某個重慶燒, 覺得好正. 不過地點就遠咗D. 最近男朋友搵到一間位於筲箕灣的重慶燒, 一樣可以自己加粉自己燒! 兩口子就約埋朋友一齊去喇!呢間BBQ分開咗兩部份, 室內無得玩自己燒. 所以我地都選擇咗坐室外! 雖然話係室外, 但衛生唔錯. 地下乾淨唔會痴立立, 個爐放係枱面, D野食串好晒, 就咁放上爐度燒就可以了. 佢有配埋燒汁, 孜然粉同埋辣粉比我地, 可以按自己口味加.自己燒的款式我地擇咗主要係肉類, 因為會易燒D, 豚肉串同雞腿肉串都好彈牙多汁, 啖啖肉! 雞軟骨串同埋雞腎串就適合燒耐少少, 最好個面有少少焦焦地就Perfect 池喇! 丸類都好易燒, 我自己鍾意食芝心丸同埋花枝丸, 兩樣都好彈牙. 尤其係芝心丸, 佢裏面D芝士比一般出面食到的濃! 我地仲Encore 咗一次, 非常好味.因為自己燒得未夠喉, 所以我地再加Order, 叫咗D佢地師傅燒的款式, 包括有燒茄子 - 每次我都好鍾意食, 大大條D肉又軟綿綿, 燒完之後好香, 一人夾一D開心Share 最好味! 另外仲有燒黃立倉 - 燒完條魚皮好香脆, 魚肉嫩滑,

同朋友食晚飯或宵夜好多時都揀食串燒. 這間的收費合理, 亦多選擇。朋友最愛邪惡芝士撈丁，今次仲試埋黑松味, 真係好香。每次都叫麻辣金菇, 夠辣但吾搶鮮味. 燒蒜香茄子也是例牌, 好味. 今次多試了甜品款式, 菠蘿加糖漿與冇加都試過, 兩隻都好味. 朱古力香蕉也香, 不會太甜。