安安燒 (鯉景大廈) (Closed)

今日同媽咪補祝母親節,媽咪住港島, 所以平時同佢食飯多數都係出銅鑼灣,因為媽咪甘岩黎開筲箕灣拜神,甘就約佢係筲箕灣食,廢事要佢走黎走去,問佢想食咩,佢又話唔想食中餐,又唔想食西餐,我再問佢想食日本野,韓國野,定川式燒烤啊?佢話試下川式燒烤都好WO,因為佢未試過食,甘就約佢同埋爸爸,老公一齊黎呢到食四個人叫左好多野, 相入面只係其中一部分=.="之前黎過幾次,都未食過皮蛋,因為覺得就甘生食,好似好核突,點知一食落去覺得雖然好滑"SHAN SHAN",但點埋砂糖加埋一片薑係好好味, 我爸話食串燒一定要食九菜,因為食九菜, 一食就知間野有無料到,講到唔食唔得甘,甘就叫一碟俾佢食,食家(爸)話燒得岩岩好,唔會好乾,D粉,豉油又唔會話超多,遮哂本身九菜D味,同埋話唔會好老,無渣海硩份量太少,酸左D,好爽口,不過唔夠辣因為無咩粉麵飯,驚佢兩老夜晚會餓,所以就叫左個芝士撈丁SHARE,佢地話個價錢,無包"送"好似好唔抵,但食完之後又話一分錢一分貨,好味過酒樓果D龍蝦芝士麵,今次黎食,見到新加左個鐘仔,之前坐室外,成日都要等好耐先有員工行出黎,而家想落單,禁一禁個鐘就有人出黎,甘樣方便好多老公同爸飲生

朋友平时好中意食啲清淡或者甜食喇，觉得重口味嘅都太重盐吖，油吖，调味料吖之类嘅，好惊唔卫生健康咯，哩一次佢真系拿出十二分嘅精神去食烧烤类食物，就系为左陪我过牛一，真系好感动，笑死我喇。烧娃娃菜，即使娃娃菜好普通，系平时嘅家常菜，不过烤过嘅娃娃菜，表面撒啲胡椒粉之类嘅小小啲可以调味，再涂啲油吖等等，好快就可以熟喇，烤得岩岩好，中意清淡嘅老友忍唔住食左几片娃娃菜，仲大嗌好好味。烧芝士餈飯唔錯，首先外表系淺金黃色，芝士淋系最上面，一大层芝士，一啖落去，咩都有，又甜又好味，简直无得弹。極品烤餃子鑲雞翼，極品黎嘎，雞翼顏色好靚，雖然系細細啲兩隻，不過好夠味咯。蒜蓉燒扇貝，原來燒烤扇貝俾其他烹飪方式更加之好食，之前都無覺，連老友都話咁樣好入味。水峰井黑烏龍茶，邊食燒烤邊飲茶，嘆茶嘆到自己懶洋洋，龍井茶系我摯愛。烤腸烤五花肉都可以推薦。

朋友約咗我地一班好友暢聚, 話搵到個地方有得BBQ又唔洗走到入新界. 就係呢間位於筲箕灣的安安燒. 位於"南安街", 球場對面, 出咗筲箕灣地鐵行8分鐘左右就到.呢間餐廳分開咗兩邊, 一邊係室內Order 串燒黎食, 一邊係戶外可以自己開個爐黎燒. 環境望落乾淨企理. 而且室外較開揚, 坐得都舒服. 天氣開始熱熱地, 我地坐出面就當然要叫啤酒黎爽一爽去啦, 呢間好在有得叫生啤, 仲有一支支手工啤. 我自己覺得食串燒當然要生啤大大杯先過癮! BBQ爐係放係枱上面的, 4個人開一個爐都足夠, 一個爐都係$18開爐費幾抵玩. 除咗普通肉類, 我地仲叫咗D平時自己BBQ唔會食到的東東. 包括有冬菇, 雞泡魚乾, 甜薯等等. 佢配埋燒汁, 孜然粉, 同埋辣粉比我地, 口味可以自己調較, 而且個爐唔會太猛火, 我地幾個燒下燒下都覺得好好玩. 佢D食物都幾新鮮, 就算係丸類, 都唔會有雪味. 好似花枝丸咁, 佢係有粒粒花枝係裏面, 咬落好彈牙, 口感唔錯; 個雞泡魚乾都好厚肉, 燒完仲有煙煙韌韌送酒好唔錯! 因為我地幾個都好鍾意食燒茄子, 所以Order 咗一份黎食. 呢度D茄子都燒得好正呀,

大肚婆每天心情變化都不一, 我今晚就是那股吃不到串燒不甘心的樣子! 之後便拉著陳生一股作氣沖到離家不遠的安安燒!這店舖開在人流稀少的位置, 我想如果不是本區人也很難知道這位置竟然有好東西!店舖裝潢算不上華麗不過勝在夠別緻, 我個人十分喜歡室外坐位的設計, 為何? 因為坐室外的可以加$18開爐費享用自助燒烤! 不要看爐仔細細, 火力是十分足夠的! 我不是吃得太多就沒有選這項服務啦~坐在戶外亦不用擔心叫破口嚨也沒人應你!在台上已裝有服務鐘, 一按侍應就出來, 還有其他調味料供燒烤時使用!先介紹串燒, 他們的選擇種類很多, 由$10-$100不等! 較便宜的多數丸類, 素菜及肉類! 他們設有海鮮, 例如扇貝就約$49(4隻)! 羊架$79 (2隻) 豐檢由人!至於我就推介以下串燒:皇牌燒牛舌這牛舌是厚砌的! 表面加有少許辣粉, 保持了本身其牛肉鮮味亦給予口感上的剌激! 燒翠玉瓜廚師在表面上掃了少許醬汁, 清甜可口!燒花枝丸好食因為店舖本身採用靚料, 咬下去啖啖墨魚!秘製醬汁雞翼我個人是雞翼super fan 加上他們用特製醬汁作調味, 可謂皮脆肉嫩!我還點了一口午餐肉, 沙查醬雞腿菇, 燒芝

同同事farewell, 諗住放工係公司附近搵檔舒服D, 坐得耐D ge 餐廳食下. 搵搵下見到安安燒, 但今次唔係旺角, 而家筲箕灣. 而且呢間有得自己落手燒烤又無限時, 所以大家都揀咗呢間.小妹已經食過旺角安安燒, 質素不錯. 所以對筲箕灣呢間都幾有信心. 佢同旺角個間唔同, 係戶外範圍都可以食, 而且佢係放個爐係枱面, 可以自己落手燒, 一班人黎食幾個癮!我地6個人, 總共開咗兩個爐, 開爐費$18一個, 都幾抵玩. 好似打邊爐咁, 食物上枱全部都係生的, 但佢大部份都串好一串串. 所以簡單放上爐就燒得, 又唔洗整污糟對手.食材都幾新鮮, 尤其係肉類, 佢做得好入味, 而且肉質彈牙. 我食咗雞腿肉串, 豚肉串, 雞腎串都覺得好味. 豚肉串可以燒耐D, 佢D脂肪適中, 食落夠滑同埋彈牙, 可以推介比大家, 而雞腿肉串都好嫩滑, 雞腎串燒一陣就得, 我地唔記得咗所以最終搞到有少少韌, 哈哈.燒菜都好好玩 (菜都燒得!), 侍應教我地要落適量的燒汁(有提供), 咁樣就可以keep 到蔬菜應有水份又唔會乾爭爭. 我地試咗原來好易燒嫁, 娃娃菜好甜好好味!呢間重慶燒都幾好玩, 而且唔會迫,

今日朋友帶我黎呢間位於港島區的安安燒, 話有得自己動手重慶燒, 啱晒貪玩ge我地! 由地鐵站行過去10分鐘到, 都幾方便, 未行到去已經聞到陣陣重慶燒味道, 已經食慾大振!呢間安安燒有得揀室外自己燒或者係室內師傅燒, 我地今日揀咗室外自己燒, 開爐費$18, 夠4個人玩, 圍返一人都係幾蚊, 認真抵玩!自燒食物種類無師傅燒咁多, 職員話係因為有D食物比較難燒, 所以要另外叫, 話雖如此, 我地都叫咗好多野食. (見圖)值得欣賞係佢D食物比較新鮮, 所以燒完都好多肉汁, 尤其係安格斯牛, 燒完仲好多汁好惹味! 豚肉串肉質都好彈口, 最正係鴨舌, 燒到個面脆卜卜, 加埋佢D燒汁同埋重慶粉, 好地道的燒烤! 當然玻蘿都係唔少得的美食, 多汁又夠甜, 隨便燒燒就食得了.呢間安安燒有得玩又有得食, 可以推介比大家啊!

天氣無咁凍, 約咗班兄弟出黎食下野吹下水. 去咗筲箕灣安安燒, 我地鍾意坐室外, 可以食下煙. 而且呢間餐廳D野食夠惹味, 送啤酒一流, 坐得都舒服同個場都幾乾淨.鍾意佢d燒肉, 皆因燒得香又唔會乾, 咬落肉汁豐富, 尤其係佢個雞翼, 次次食都無失望. 一黎醃得夠味又唔會過咸, 二黎因為佢燒得個皮夠香, 咬落去個心D肉夠嫩滑又多汁, 可以話係黎呢度必食之選. 其次係D丸, 食落無雪味, 仲好彈牙, 食得出唔係cheap 野, 最鍾意佢個雙重芝心丸 (佢仲有隻係芝心丸, 不過雙重呢隻就濃味好多), D芝士真夠濃夠香, 食落好有口感. 燒魚皮餃都好過癮, 煙煙韌韌好有勁. 燒菜都唔差, 平時燒菜會怕好乾, 佢落咗D燒汁可以保持到個濕度, 個汁味道啱啱好, 唔會太咸搶咗D味, 正!唯一唔好就係冬天坐室外會比較凍, 要去食又想坐室外的朋友記得帶多件衫.

朋友生日, 約好咗係佢屋企附近食飯. 搵搵下搵到呢間位於筲箕灣的串燒店, 就係呢間安安燒喇! 見天氣唔會太凍, 我地4個人Book 左室外位置, 貪佢坐得舒服D, 環境都好乾淨! 睇下張Menu, 花多眼亂好多選擇. 我地樣樣都叫D, 可以一齊Share 食! 今日試咗咁多樣野, 有幾樣我覺得一定要推介, 就係:燒茄子 - 茄子好大條, 而且好多汁, 燒完出黎D肉好嫰滑, 而且可以一條條撕出黎食, 上面加咗蒜容同埋少少辣婌吊味, 好好味呀! 燒豚肉串, 雞腿肉串 - 佢D肉串大部份都做得好味好Juicy, 加咗孜然粉去一齊燒, 好重慶Feel! 甜蜜脆脆燒菠蘿 - 平時都有食開燒菠蘿, 不過呢間燒菠蘿有D唔同, 佢係加咗脆焦糖係面, 所以食落去多一重口感, 外面脆卜卜, 裏面就爆多汁爆甜, 超級推介! 職員有禮貌, 服務都好快手, 而且我地生日4個人有一支香檳送, 呢間環境同食物都好唔錯, 不失為生日暢聚好地方!

有肉、菜、生果，好健康的一頓。選擇幾多兩個人食佐4百幾叫佐好多燒菜心-第一次食，幾特別，但燒韭菜應該好味D最愛甜薯、牛肉串、菠蘿朋友說：好飽、好味😂😂

因為男友放得夜, 通常我地都會9點後先食晚飯. 好彩朋友都就到我地夜D食, 今日我地就一行3人去食安安燒~ 安安燒最出名莫過於芝士撈公仔麵~ 今次我地仲加埋蒜容, 正呀喂~ 不過朋友就講笑話返去要刷返10次牙先得啦~蒜容芝士撈公仔麵 - 真係又邪惡又好味呀~ 好多好多芝士, 應該用火槍燒過下, 有少少焦焦的效果~ 撈埋一齊, 極濃芝士味~ 麵軟梗度適中(最怕D麵好淋)一口蕃薯 - 呢隻應該係日本蕃薯, 一啖一個, 非常甜~ 而且燒得好香~ 蒜容燒鮑魚 - 鮑魚上面鋪不滿蒜容, 燒到勁香~ 金黃色~ 但鮑魚又唔會太UN~ 每一啖都有很多蒜容一齊食~ 正!

今日同班Friend 試下呢間筲箕灣安安燒, 因為其中有朋友要食煙, 所以我地選擇咗坐室外, 天氣唔算太凍, 坐室外都OK.首先講下環境, 雖然係係巷仔, 但因為有裝修, 所以都幾乾淨同光猛, 同埋最好就係唔會有太多路人經過, 坐得都幾舒服.食物方面選擇都好多, 計法係1串或者2串咁上, 肉串燒得夠香又多肉汁, 好惹味, 最重要係佢落咗孜然粉同埋川味粉, 呢兩個係燒肉絕配, 聞到已經好吸引, 食落口更加香口好味, 佢個味道唔會做得好辣, 但係好夠香, 我自己就再加多D辣粉, 送啤酒一流; 海鮮方面都唔錯, 尤其係個燒大蝦, 蝦肉彈牙又燒得夠香, 做得唔錯, 扇貝就加咗蒜蓉去燒, 同樣地好惹味; 後黎仲叫咗個焦糖脆蕃茄, 面頭係焦糖脆脆, 裏面好多汁, 作為甜品幾好味.總括黎講, 呢間燒物店環境唔錯, 環境幾好唔會太迫, 一班人幫襯都幾開心

係網上見到Openrice廣告話呢度有得玩自己燒烤仲有星期三85折, 貪玩的我們當然唔會執輸啦! 友人一早Book 好位, 我地6點半就去到喇!去到侍應同我地講, 有得揀自己燒野食之外, 或者選擇入去室內叫野食, 一場黎到, 當然要試下自己燒啦. 我地坐係室外, 天氣有少少涼, 溫度啱晒BBQ. BBQ爐係放係枱上的, 感覺乾淨企理. 而食物方面已經一串串準備好晒, 我地只放上去就OK, 唔洗自己桔燒烤叉, 乾淨好多.我地試咗D平時自己BBQ好少用到的食材, 包括有吊片魷, 鯖魚, 鴨舌, 車厘茄等等. 我最鍾意佢地可以一串串咁叫, 咁一人就可以食多D款, 唔洗就住就住怕食唔晒! 我個人最喜歡吊片魷, 我自己喜歡軟身少少同埋多D汁, 所以我地一燒到佢熟就拎上黎食, 如果喜歡乾身D可以燒到微微燶, 會更加香! 鴨舌就最重要加孜然粉同埋辣粉, 車厘茄就可以就咁燒完就食, 好多汁好好味!!! 自己燒野食雖然無師傅燒得咁好味, 但大家圍埋一齊整野食, 感覺就好似打邊爐咁, 熱熱鬧鬧又有得玩下好開心!

友人話我知筲箕灣開咗間BBQ可以有得自己燒烤, 我地就約埋班friend 貪得意去試下! 唔知呢間安安燒同旺角個間有無關係, 之前食過旺角個間都幾好味, 但就無得自己燒烤, 呢間就有. 不過唔理咁多喇, 食咗先算.呢間餐廳望落乾淨企理, 設有戶外座位, 而全部燒烤爐都係設係戶外座位個度. 因為室外關係, 所以坐係度都幾舒服又唔會焗到成身BBQ味. 佢地個爐Size 啱啱好, 放係枱上面燒側邊仲有位可以放自己個碟, 一個爐4個人share 就最fit.職員都好細心同友善, 會教我地點樣燒, 又周不時黎望下我地有無燒燶同加水(D水加落個爐底度), 圖中就係我地其中一D野食喇! 自己燒烤另一有番滋味, 鍾意燒熟D又得, 燶D又得, 多汁又得, 乾身D又得. 我地好鍾意食燒冬菇, 唔知係咪佢地D菇新鮮, 我地燒完覺得好香又多汁, 一D都唔乾. 而肉類方面都醃得幾好, 夠入味又唔會太鹹, 燒的途中可以隨個人口味加燒汁, 辣粉, 孜然粉等等.價錢公道, 大部份係以1串,. 2串咁計, 可以隨自己口味叫多幾款又唔洗怕食唔晒. 除咗自己燒之外, 都可以叫師傅係廚房幫手燒, 款式更加多~其實出黎食飯最緊

前幾日經過, 見到易拉架寫有自助燒, 禮拜五晚就忍唔住去幫襯,一向鍾意自己郁手BBQ,難得唔洗自己去街市買料,又唔洗去到新界甘遠,甘就試一試佢啦之前已經食過幾次, 呢到既串燒,自己燒都係第一次,自己燒有一張唔同既MENU,燒既種類唔算多,不過都有肉, 瓜, 丸顃可以燒,三個人, 可能禮拜五晚都幾爆下,要坐埋門口出D位置,我地叫左D羊架, 墨丸, 牛丸, 甜薯, 車里茄,雞泡魚乾, 菠蘿, 雞軟骨等既食物,另外再叫左D 蟶子, 同鮑魚, 茄子, 生蠔,呢幾樣都係廚房燒, 應該係要落蒜同蔥比較麻煩,所以無得自己燒,落單後, 等左2個字到, 食物盤就到啦,不過太心急, 唔記得左影D食物相,下次去再影返,原來燒雞泡魚乾係好易, 好快就燒好,同埋可能自己燒既關係,覺得好好食, 由於雞泡魚乾係原塊,所以跟左教剪俾人剪做一條條點沙律醬食,羊架, 比較燒得耐D, 燒既時候,記得要用檯邊一樽樽既粉,辣粉之類既野, 同埋查豉油,要用夾反下轉, 都幾過引,菠蘿, 車里茄, 一定要叫,燒完之後超JUICY, 好正,好多汁BI出黎, ENCORE左幾次車里茄,雞軟骨, 燒到香香脆脆,丸類要比較小心, 要多留意,

朋友之前經過呢度見到有得自己燒野食, 今日就特登約埋我一齊去! 呢個位置唔係正大街, 唔會有太多人同車經過, 食露天燒烤啱晒.佢係個隻放個爐係上面自己燒燒下個D, 其實之前食過佢分店, 都係Tick 野食叫師傅燒, 今次黎到呢間有得自己燒又幾好玩!侍應話推介我地燒吊片魷, 易燒又好味. 我地就試下啦! 黎到隻吊片魷好大隻, 我係日本食燒物個時都燒過類似的, 呢間比埋燒汁同埋鉸剪我地, 隻魷魚首先要原隻放上去燒, 燒到咁上下就要推搽燒汁同埋剪開一條條, 佢呢隻魷魚好厚肉, 食落好Juicy 同埋好香!另外我地仲有叫咗D肉串, 我自己好鍾意食豚肉串, 雞軟骨棒同埋雞腿肉串, 呢D都算係易熟之物, 所以燒一陣有得食! 我仲加咗孜然粉同埋辣粉, 食落好惹味!本來我想叫D海鮮自己燒, 但見Menu 無以為無提供, 原來仲有另一個Menu 可以叫師傅幫手燒, 所以最後我都叫咗佢D燒海鮮食!總括黎講, 呢間戶外燒烤環境幾好而且乾淨, 食物方面都多選揀, 如果天氣凍凍地, 坐室外大家圍住個爐燒燒下感覺非常唔錯!