一鍋烽

Open Now

Now Closed

餐廳環境寬敞，古色古香，間隔零，每台客人之間有充分的私隱度。這間餐廳的職員富有人情味，有禮殷勤，從不怠慢，每次惠顧也有一種親切感。自助區五臟俱全，飲品款式多，有紙包、罐裝、支裝，適合不同年紀的顧客選用，還可以無限任飲。雪糕是牛奶公司，有最基本的雲呢拿和朱古力味，這個價錢算是合理。熱食款式就略少，不過對於自助火鍋，熱食只是錦上添花。不同價錢的肉類和任食食材不一樣，肉類尚算新鮮，薄切，火鍋必吃的食材也齊備，可惜丸類的雪藏味太勁，味道有點怪怪的，但其他食物質素正常。每位200多元的晚餐任食火鍋，CP值算高，單純享受環境的寧靜和親切的服務，就已值得。

到此一遊馬鞍山We go Mall, 見到火鍋一心試下，懷著興奮的心情，看似是任食的，擔粗粗走入一試下，個場比較靜，多一枱客人也沒有，入到來環境算不錯，古色古香環境，會不會中伏呢…麻辣拼皮蛋莞茜湯普通食物，好似不夠新鮮食材只有一碟豬肉供應，不是任食的40款任選懷山麵唔錯啱因有碟羊，不啱食，所以要求店員換一碟豬，職員全不理會我的要求，解釋也沒有，做法全不合理啦～一句都唔回應點解，點做生意呀！真的無下一次幫襯咩～一次性伏到一個點...不會有下次幫襯

晏晝突然好想打邊爐，就卜左呢間餐廳食晚飯。行到去門口見到有雞煲食，即係轉軚食雞煲邊爐！由於呢個商場比較偏僻，吾近地鐵站，所以食飯嘅人都比較少。店內嘅裝修都有點中國古典風，感覺私隱度比較高，加上人吾算太多，好適合傾計食飯。等左一陣個雞煲終於黎喇，食落個醬都吾錯，夠哂濃，好彩叫左小辣，因為有啲辣椒係度真係會越煮越辣。雞就普通啦，不過不失。呢個餐本身會送一碟靚牛或者海鮮，但海鮮每位要加20蚊，結果我地㨂左牛。我地叫左好多打邊爐嘅配菜，佢會因應人數去比，丸嘅話兩個人就兩粒，所以幾好。不過啲牛有啲失望，擺就擺得幾靚，不過佢未解凍，仲成舊冰咁。結果舊牛食落冇牛味，淨係知自己食緊肉。後來有一兩片好似多番少少牛味，吾知關吾關解凍事？其他野都冇乜特別。open rice 卜有8折，結果每人300蚊左右。

星期日去308套餐4人去有75折2xx好抵食，首先環境古色古鄉又夠大，飲品款式又多居然有忌廉+C平時自助吧唔會有嘅飲品，兩款啤酒全部都係任飲。任食食物水準都吾錯。比多20蚊揀左個胡椒豬肚湯味道非常好，先飲湯再打邊爐。服務態度又好，套餐牛小排只供應一碟但可以冇限叫普通肥牛，我覺得肥牛好好味仲好食過牛小排。最緊要係冇限時幾個朋友傾下計吾使比時間局限住。一定會再去

某星期四晚想搵個地方與同事吹下水，呻下老闆啲衰嘢，又唔想出旺角同人逼，就近近地在屋企附近搵左間台式火鍋。二百零蚊無限時任食任飲，仲有八折，心諗有冇咁抵呀，有冇伏架？！點知除咗環境舒服，冷氣夠涼之外，食物都有驚喜！我哋揀咗芫茜豆腐同椰子雞湯底，好入味；牛肉有澳洲和牛同美國封門柳（套餐），任食嘅美國肥牛，仲有其他任食嘅配料、丸、菜；啤酒汽水任飲，連雪糕都係任食！無限時食咗三個鐘，每人吾使三百蚊，真係好抵！我同事都話一定要再嚟！

係附近選擇比較少。😃😃今次利到，感覺簡直似係包房！如果中意靜靜地都可以選擇呢間！同埋矩有任食同埋就甘order，好似仲有午餐。個任食係有一份指定既牛係出一碟，仲有另一份牛係任食。當然前者係勁勁勁好食啦！後者就…不過打火鍋既配料就係比較普通，不過不失，加上就腳，可以好靜甘三五知己傾下計，夜晚就唔知多唔多人。總括利講，住係附近近近地想打個邊爐，又唔洗等位既話，就會選擇矩，👍🏼👍🏼👍🏼服務方面利講，都好好，環境都衛生既。

馬鞍山呢個沙漠難得有一間火鍋店即管一試，最終真係驚喜左，因為價錢都唔算貴而啲食物係真係有質素！場地都OK因為好靜幾乎冇乜客（我食嘅時候7:30，食飯時間竟然只係得三四枱客成個場都好吉，慘）但係可能亦都因為小人，我覺得好靜食得好舒服！最可惜嘅係原來預先book枱係有八八折🙃😩我地walkin 就無。有一點要讚嘅就係佢個鍋夠大，個湯底好濃（濃到有啲咸😂），我哋叫咗B套餐（黑毛豬拼牛小排+任食肥牛及任食30款雜項)講真佢個黑毛豬真係好好食，超有豬味，好食過啲牛多多聲，但係啲牛都唔差嘅😌基本上成晚氣氛、場景、食物、服務都好好，唯一覺得扣分位在於張櫈，係硬櫈、無墊，無靠背，當食到咁上下攰嘅時候冇得靠住坐就無咁好，但都明白佢個設計係咁😅所以無辦法啦！

我哋今日去左一鍋蜂打邊爐 佢嘅食物種類好多，肉類非常新鮮，其他食品款式亦很多元化，尤其魷魚超級好食，價錢相宜，而且環境好古色古香。 今次係我地第二次光顧，食物品質一如既往非常好，而且經理方面特別值得表揚，喺處理落單和員工管理各方面亦非常好 員工大致上亦非常有禮，我諗我地會繼續光顧。

恒安站一出 經過狗公園一出就見到we go mall 搭電梯到2樓一入嚟就成個環境好好 好有中國風佢哋枱與枱之間唔會好近 好鬆動兩次去都好少人 可能因為係平日好推介大家叫椰子雞湯 啲雞好滑個湯底好清甜 越煲越濃味如果你唔鍾意任食 佢哋都有單點餐牌佢哋服務質素都好好 服務好周到炸魚皮 炸響鈴 真係必叫 全部自家製 即叫即炸 真係我食過最好食嘅真係令我覺得最難忘嘅食物！蝦丸 芝心丸 都好高質 一粒接一粒總結：真心推介大家！出面好多放題都差唔多價錢但唔好食 如果要好食嘅放題可能真係要$8xx以上 但我覺得一鍋烽真係價廉物美 我好耐冇讚餐廳了 我真心希望佢呢份精神可以堅持 希望其他餐廳可以以一鍋烽做榜樣！ 唔好再比人印象係食放題就係食垃圾！

父親節前一晚四圍搵食，見到OpenRice 食評評語不俗，就去一試。入到店舖，環境裝飾有特色，清潔、企理，好舒服，而店員亦好有禮貌！食物方面，真係估唔到，食物質素好掂，咁既價錢係抵！因我唔食牛肉，只點了豚肉的餐，豬肉質地好滑，羊肉嫩口、沒有羶味；另一提係餐肉，佢地係煎好俾你放火鍋的，而響鈴及魚皮即炸，真係好正！

冷颼颼的冬天正是吃火鍋的季節，近近地就到屋企附近的We Go Mall打邊爐，原來這間新開張的一鍋烽是屬於富豪酒店集團，雖然門面似曾相識，但其實和原址舊店完全沒任何關係。內裡面積寬敞，裝修陳設古色古香，枱面又夠大，可以放到大量食物。晚餐時段有火鍋放題套餐，今次我就選了澳洲M6 和牛火鍋套餐 $358，除了牛肉和海鮮盒會按人頭計算，提供指定數量之外，其他食物都是任點任食。一坐低侍應會奉上荔枝茶，消滯解膩，不需另收茶錢。除了湯底之外，其實火鍋的醬料也決定了味覺，醬料區亦可方便人客自行混醬，混出最適合自己的口味，醬料費每位收 $20。湯底選了鴛鴦口味，以膠原竹絲雞美人鍋配上御膳人參鍋，兩款都是以養生藥膳為主，最適合冬令進補。御膳人參鍋十分足料，人參在中醫藥典有「藥中之王」的盛名，大補元氣，促進氣血循環，藥材味不會過於苦澀，容易入口之餘亦達暖胃效果。另一款膠原竹絲雞美人鍋同樣真材實料，以桃膠、烏雞、鮮雞、南棗、杞子等熬製而成，烏雞肉質緊密而油脂較少，具有益氣血，退虛熱的功效，難得的是仍可保持嫩滑多汁的口感，一點也不鞋口。桃膠滋陰養顏，富含豐富的植物蛋白，將養顏聖品集成一鍋，猶如老火湯般味濃滋補

養氏火鍋撤出後，一鍋烽接手，試一試其午巿火鍋，想不到有驚喜。點了竹笙湯底和羅宋牛肋湯底，那竹笙湯底清淡到不得了，但羅宋湯底卻很足料，味道濃郁更勝一般蕃茄湯底，牛肋條亦很足，食材滾兩滾已入味。火鍋套餐除牛肉及海鮮般按人頭提供份數，其他無限供應，豬肉片、豬潤質素很好，竹笙易入味宜口感佳，響鈴看來是用腐皮鮮製，不是一般貨色，值得欣賞！炸午餐肉厚切，另有鹽酥蚵仔和雞粒供應，水餃、雲吞亦是水準之上！紅棗桃膠蓮子糖水任食，女士恩物。沒有肥仔水任飲，卻奉上荔枝茶，脫俗。早前養氏人山人海，易手後此店似乎未被街坊發現欣賞，餐單雖與一般火鍋店無大分別，唯食材湯底質素真心不俗，希望能堅守下去，讓街坊在日式火鍋外留有其他選擇。用膳時未抱甚麼期望，只是隨意拍幾張照，及後才想起到此鼓勵，大家有興趣可親往試試。

朋友搬去馬鞍山已有一段時間，未去探訪主要是她住的位置無啖好食，但今次就唔同，因為舊年We Go Mall進駐了，雖然仍有少部份店舖未開齊，但這個沙漠中的綠州出現，就令我朋友好開心，所以就約埋幾位朋友齊齊去拾下拾下，來到這家「一鍋烽」，來頭真不少，富豪酒店集團的背景，不用多說都知有水準，入到去即時感到典雅的中國色彩，至於食物如何呢？試試再講。招牌秘製麻辣鍋 $108 ＋膠原黑白美人鍋 $188首推這裡的湯底絕非一般，我們選了鴛鴦鍋，招牌秘製麻辣鍋及膠原黑白美人鍋，就可以試齊兩種口味，前者香辣中帶少麻是我的至愛；後者膠原黑白美人鍋當中是大大的雞件及烏雞，以不同的藥材配搭成，未打火鍋前大家先飲啖美人鍋，滋潤又養顏。安格斯手切肥牛 $298牛肉一向是打火鍋不能缺，但這裡的的安格斯肥牛，入口肉味香濃，又鮮嫩，輕輕一灼，入口即溶，令人忍唔住要再來一碟。招牌手工肉丸 $108每日新鮮製，入口都感受到新鮮。招牌手工餃子 $88餃子肉汁好豐富。炸午餐肉 $38厚切午餐肉，不作火鍋料先來一口，好好味呀。老油條 $32及即炸響鈴 $58老油條放在湯底浸一陣，帶點辣更惹味。必食推介就是即炸響鈴，香脆至無得彈，

都唔知幾多年冇試過去馬鞍山，不過碰巧去朋友屋企探小朋友經過，一班人話要出街食飯，係最麻煩嘅選擇因為都唔知食乜好。對我來說食乜都冇所謂 一班人唔通食茶餐廳咩，係啲一班人食嘅中菜或者打邊爐，應該是絕對不能錯的選擇。來到一鍋烽打邊爐，聽聞呢個係馬鞍山最潮商場之中其中一間新餐廳。對於個商場我冇乜評價朝朝真係見仁見智，但呢間係一間新餐廳，而且價錢相宜好適合一家大細去。唔知知道點解，可能餐廳太新，當晚人不太多，坐得幾舒服。食物的選擇非常多，湯底都好似其他正常嘅邊爐一樣有多款俾你選擇。呢一種可以叫話新式嘅打邊爐，同平時港式打邊爐一樣有多款不同嘅湯底，有香港風格亦都有台灣風格，我哋成班女士當然叫養生鍋，不過也要叫一個台灣麻辣鍋。我想起那風格很像旺角那間新加坡過江龍，同樣以養生鍋為主，這裡的湯底雖然冇咁好但都非常足料。朋友讚這麻辣好舒適。我吃了舊豆腐和鴨血也不錯，只不過，如果你唔夠食嘅話就要加單，不像台灣一樣可以任加任吃。講下啲火鍋料，安格斯牛肉非常精彩，每次出場我哋全班女仔都好似要搶咁。另外我都吃幾喜歡食嗰雜錦餃類，皮薄餡靚。菜類選擇也有很多，當中我最喜歡水蓮。但我都幾鍾意呢個單獨食的海鮮拼盤 自己一

之前喺土瓜灣曾經有間同名嘅餐廳，算是間私房菜吧，餐廳去年已經結業，一直在心裏也想有機會再吃到，不過可惜師傅已經退休，再吃到的機會像剛剛開的六合彩機會一樣渺茫。朋友約的飯局，在短訊看到的餐廳名字竟相同，心想唔通有奇蹟出現。點知原來係一間新開的打邊爐鋪頭，而且地點不是土瓜灣，而在眾人口中嘅美食沙漠，馬鞍山。這個地方，我完全唔熟悉，朋友約好晒又安排好，去吃就是，不用煩。這個We go mall，喺Google睇相以為係一個好靚嘅商場，不過原來商場入面嘅野同我想睇到嘅有少少出入。不過最緊要都係野好食，個商場點靚都好，間餐廳一定要好食。有多種不同的鍋可以給你選擇，有而家最流行嘅麻辣鍋，有最多女士嗌嘅美人鍋，又有港式胡椒豬肚湯，亦都有好多人追求嘅養生鍋。我叫了最多人選擇的美人鍋同麻辣鍋，兩個湯底都係可以俾你先飲為敬，我特別喜歡麻辣火鍋，因為佢有台式麻辣嘅水準。麻辣嘅豆腐同鴨血都唔錯，話好食過台灣就係呃你嘅，以香港水平可以，不過，冇得任吃就有點失望。美人則有大大隻烏雞。上次吃湊湊就任食，當然價錢是另一回事。我們大部份都是海鮮迷，當然一定要嗌海鮮拼盤，海鮮拼盤選擇不少，又蝦又鮑魚又帶子，特別喜歡新鮮非