大井町日式放題 (Closed)

一向gathering都鐘意食放題今次食大井町都幾有驚喜D魚生好新鮮好好味個人最鐘意三文魚同埋北寄貝！炸物方面，雞翼、芝士波波都好好食芝士波波d芝士流出黎架蟹粥細細鍋，唔會食到好飽，都值得一試。佢仲有好多不同款式既甜品可以食，木糠布甸奶味好濃

荃灣真係有好多好嘢食，咁啱約咗一個住喺荃灣嘅朋友食飯，佢就推介我麗儀間放題餐廳度食嘢，佢話人唔算太多但係嘢食質素又幾好坐得幾舒服。入到去發現餐廳嘅座位都比較舒服，大多數都係卡位今次仲好好彩咁坐到窗口位添，望住荃灣過境一路食住放題都幾正。首先梗係要叫咗刺身先啦，刺身嘅質素都幾好而且種類仲有好多款添,最好食嘅我覺得就係帶子同埋油甘魚都好新鮮食落去好鮮甜最後刺身Encore左兩次,然後叫咗幾款壽司海膽碎拖羅壽司亦都好特別味道鮮甜而且飯細細舊唔會食到好飽。另外我最鍾意食嘅就係放題嘅雜物特別係芝士年糕、芝麻雞翼同埋榴槤波波,炸物嘅質素都做得好新鮮食落去仲係好脆口感好好。然後仲叫左幾款天婦羅,炸蝦同埋南瓜亦都係我嘅至愛,餐廳嘅天婦羅炸粉唔會太厚，食落去嘅口感亦都好好,朋友都食咗好多。最後仲有我最期待嘅雪糕,我個人就最鍾意食朱古力口味,因為佢嘅口感同埋味道都係非常之濃郁用雪糕嚟做結尾真係好滿足啊。

朋友約去食放題，其實現在食量少左，食放題 or 自助餐都覺得番唔到本，但朋友話呢間刺身好正，食幾轉已經有賺了這間餐廳佔了全層，地方大，坐位寬闊， 擺手袋大褸都游刃有餘， 聖誕將到， 佈置好有節日氣氛。入口附近是生果，凍食海鮮自助區竟然有梅酒、清酒任飲，好豪呀坐低即刻搵齊咁多張單叫嘢食，因為有時限刺身當然是首選無介紹錯，真係新鮮美味， 尤其是 摯愛的北寄貝和帶子， 赤蝦 、 馬刀貝、 三文魚、中拖羅、 油甘魚 拼盤上，好滿足呀鹽燒海蝦、 牛舌、 羊架、 鯖魚， 日式蒸蛋、 焗迷你蟹蓋，唔使等好耐，好快已經到，有效率，而且無漏單，要讚食過某些放題，成日要追單，有時要落幾次，最後幾張單齊到，亂到不得了除了效率，味道煮功絕不馬虎最欣賞竟然會有個暖櫃， 有紅茶和維他奶， 天寒地凍熱飲更佳刺身有水準，encore了兩次， 天婦羅蝦可口，蟹粥和日式雞絲翅煲好大鍋蟹唔算大隻， 味鮮甜，仲有蟹鉗食 除了甜品櫃之外， 另外可以叫指定貴價雪糕雪條食到飽飽每人都係二百幾蚊， 仲有六送一優惠， 抵食又好食

同朋友仔都好喜歡食放題，呢日喺荃灣買完嘢，就揀咗呢間位於荃灣眾安街嘅大井町晚飯。餐廳環境好闊落，我哋被安排坐喺卡位度，位置闊落坐得舒服。自助區有沙律、冷盤海鮮、甜品、飲品同雪糕，其中仲有清酒同梅酒可以揀。點餐紙上邊有好多種類嘅食物。先點刺身，甜蝦、帶子、北寄貝，中拖羅、赤蝦，油甘魚……味道鮮甜，款款都唔錯。試晒咁多款火炙壽司，質量都好高，其中最喜歡火炙蒜香汁燒和牛，牛味濃郁，牛肉嫩滑，必試！手卷類都有好多選擇。燒物類有九款選擇，我哋試咗其中嘅燒菠蘿、塩燒鯖魚、雞翼同雞軟骨串，呢幾樣都幾好食。日式放題點少得天婦羅，揀咗其中比較少見嘅秋葵天婦羅，秋葵口感黏黏地，面漿都夠鬆脆，我自己就幾鐘意。軟殼蟹卷、和牛卷、辣汁炸蝦卷同青瓜鰻魚反卷，款款都幾高質，必吃！一品料理中嘅地獄辣蜆及豬骨濃湯野菜雜菌煲，都好足料。仲有日式蟹粥，粥底夠綿，味道鮮甜。日式蒸蛋，入邊有蟹柳同冬菇，口感十分滑溜，唔錯！仲有其他壽司、軍艦、炸物、湯麵，鐵板料理類 …… 未食，就已經飽了！最後食埋每人有一客嘅movenpick 或 Dreyers雪糕，為呢餐就個完美句號。😆😆

放工去到荃灣，正煩惱食乜好去到大鴻輝中心附近(舊英皇）舉頭一望大大個招牌大井町又係日本野咁不況一試上到去三樓全層地方好寬敞有一排雪櫃野飲揀 啤酒 汽水 利賓納 乜茶物茶凍清酒梅酒係用大果汁機酙落小日本瓶大量任飲怕飲凍野仲有個熱櫃坐暖紙包茶有得俾你揀食物種類都算好多有十幾張紙圖文並茂上菜速度係超級快叫完左一盆魚生瞬間其他野就擺到一台都係魚生新鮮好味食材放在一大盤冰盆上食到尾聲店員仲好細心見到載住魚生的冰開始融就會問下可否想收走怕影響食物衛生咁多種小食最鍾意就蒜片牛柳粒、單骨雞翼、燒秋刀魚、黑松露菌油炒雜姑直接返叫左幾轉其他唔係唔好食只係太多野有時總會擺到凍左大家都真係可以慢慢叫因為上菜既然咁快無謂叫左返黎擺食唔切就凍晒芝士年糕呢d 頂胃飽肚就唔浪費quota味道都偏淡期望不好太高整體性價比都超高仲有好多甜品選擇點單時份量收下手 慢慢叫所有野都會新鮮好食好多仲要呢度要坐得舒服唔駛在暗黑環境迫到像密室般的焗促下次去荃灣唔知食乜可以再黎食過 推介！

再次黎食大井町，估唔到仲維持到好高質，又多左梅酒清酒飲，真係推介！！店內環境舒服，好岩同朋友傾計，唔會好似連鎖店哥啲咁，坐得又迫又噪😂自助bar枱好多選擇，甜品同飲品都有好多款，仲有蝦同沙律，絕對唔吝嗇😆😆梅酒同清酒都任飲！仲有個細杯仔斟黎飲，特別有feelllll海鮮類都有好多選擇！刺身刺身嘅鮮味絕對係放題嘅關鍵！果然，呢間野冇令我失望😜，基本刺身（最愛嘅三文魚同魚腩😽）有齊外，而且鮮味十足！雖然三文魚並唔係特別厚切，但每塊都夠「生」同「凍」，突出佢嘅鮮味！就連本身唔係特別中意嘅有頭甜🦐，嚐到佢嘅新鮮同爽正，而且細細隻，食完甘味仲停留係口到😽只可惜今次惜浪費食物，冇叫太多，只可能少食仲真滋味。卷物係非常好食既😍牛油果卷不嬲都唔錯，鰻魚質素都高，唔會好似某啲放題餐廳咁得好細舊。軟殼蟹卷味道都唔錯，但比較乾身，可以多啲醬汁。整體壽司真係好食！灸燒不嬲我至愛，帆立貝壽司係必叫喔牛肉鍋又係必叫既，湯底又甜又夠濃，冬天食完暖笠笠，少量蔬菜岩岩好，我自己都食左一煲😆😂超有良心地每人一盒movenpick雪糕，回本啦！！😆甜品都有好多揀！可惜我太飽，只係試左佢少部分咋🙈整體係好回本既放題，確實係質

同朋友慶祝生日，嚟荃灣等佢放工，去食放題，大大滿足～呢度有十幾種類，任點任食～各類新款及懷舊飲品、雪糕、雪條，就連懷舊百福豆腐花都有～😍😋bar枱仲有各類海鮮供應，等唔切order嘅我哋，二話不說，已經拎咗幾碟埋位～手卷嘅紫菜卜卜脆，好新鮮，海膽又多又鮮甜，加州卷材料豐富好味～刺身都豐富新鮮，北寄貝、赤貝爽口，甜蝦鮮甜...濃湯牛鍋都好味，肥牛肥瘦均匀～呢兩款特色創意壽司🍣又好味，又有創意，無咁悶～好有效率，落完Order，超快上菜～服務員都一叫即到～

星期五又到放題日, 唔想去到旺角或者銅鑼灣咁遠, 今次同男朋友試咗呢間喺荃灣大鴻輝嘅放題。 大鴻輝一向多嘢食就係人都知，不過就唔係間間都食過。呢間放題店今次第一次食。一上到俾我既感覺係佢同一般嘅放題店唔同既係佢嘅座位唔係好侷促， 坐得幾舒適。之後我哋兩個大成為就梗係點咗好多嘢食啦。甜品大餐，係我至中意食既奶凍。壽司大餐，特愛煙熏三文魚。熟食大餐。比較特別係有台灣腸，細細條易入口。男友中意食隻羊架，而我就一般。炒辣蝦😂我地唔會眼闊肚窄，呢堆野食食到台把水好夠飽就得。要讚一句係佢上菜好快。甜品出面有呢幾款食物俾你任攞。個人比較鍾意d大蝦，雖然有d淡，但加芝麻醬咁食又別有一返風味。雪糕寬敞架。

話說同friend係荃灣行行下街突然好想食放題，咁岩經過大鴻輝就平平地揀左呢間食。好彩我地早，未夠6:00就到，等左一陣就入得！一坐低就梗係叫左刺身先！每款都叫左幾件。赤貝同螺片都好鮮甜，好快清哂！我自己就最鍾意食甜蝦，佢有大隻細隻⋯⋯我就覺得細隻既甜蝦最好味最甜海膽手卷海膽嘅份量都唔少，但唔算好鮮甜，可以一試，話哂唔係間間放題都有海膽食架！炙燒既壽司都唔錯，好有肉汁，juicy juicy的。蟹粥係我每次去食放題都必嗌既😂😂蟹既份量唔多，但係個粥都幾鮮甜雞翼同香芋波波都係必叫👍🏾👍🏾👍🏾最怕炸物係唔熱既，一凍左就會變得好油，呢間上到黎係熱辣辣既！7:30前走208一位，都算幾抵佢仲有movenpick雪糕食！！但係個日唔係好舒服唔敢食凍野就冇食到，下次去一定會食

難得放假同媽咪🤤🤤🤤食放題，選址就在荃灣中心晩市放題，任食2小時。餐廳內設大量沙發卡位，而且空間闊落，坐得舒服。刺身：甜蝦、赤貝、北寄貝、帶子、三文魚、牡丹蝦、鮑片，質素蠻高的，厚切且肥美。不單止厚切，而且很新鮮壽司質素不錯，更有海膽手卷，軟殼蟹手卷任食。手卷弄得小小的，不會太飽肚。創意壽司細細件，一口一件，不知不覺就吃好多火炙壽司，三文魚，和牛和左口魚，火炙後油脂走進飯裡，加上蔥花，好食到停不了口！還有大量熟食，串燒，天婦羅，有極罕見的秋葵天婦羅，味道有點似青椒。連同白蘿蔔蓉上碟，很少放題有如此質素吧！炸漿不厚，十分不錯～芝士焗蠔，味道很好，感覺用料新鮮，番本之選！雞絲翅煲，雞絲斯得幼幼，超級足料蟹粥都超足料，又蟹鉗蟹蓋🤤🤤🤤仲有少少嘅沙律吧，當然唔會放過佢啦。可以食到新鮮嘅沙律菜🤤🤤🤤仲有冷盤甜品是自助吧形式自取，款式超多！每人頭可以有一客雪糕大量飲品選擇，亦是自助形式自取仲有熱維他奶機👍👍👍啲待應好好人好有禮貌，重係咁換碟😱

放題來說，自己最近較喜愛的是極尚大瀛喜，不過大井町也算很不錯。價錢合理，而且食物刺身選擇多，亦有我最愛的帆立貝刺身，海膽手卷亦是必食之選，紫菜脆口加上海膽鮮甜，唯一美中不足，是環境較一般。

放假去左荃灣行街同老公又唔知想食咩好突然街邊有人派全單米睇下咯睇落又幾吸引所以膽粗粗上左去去上到去 唔洗排隊可能因為時間尚早所以好快就點嘢食喇上左頭盆刺身都好新鮮而去很新甜食到停唔到口後黎我地又壽司剛剛食左刺身依家食壽司打下底有飯落肚都幾好 唔錯然後就走左去拎雪糕食喇好正呀 好多款簡又好味而且裡面環境唔錯 坐得舒服2公婆可以慢慢食下吹下水最緊要價錢適中唔算太貴 下次行開荃灣都可以上去大鴻輝試下咯唔錯㗎 ！！！

放題開到成行成市，但大部分質素差劣，質素較好的價錢又偏貴，這次終於遇到間價錢合理而食物及服務均有水準的放題。餐廳佔全層，地方寬敞開場，裝潢時尚雅緻，環境整潔舒適，九成軟座卡位。不得不讚餐廳的服務比一般放題店佳，店員們有禮殷勤，態度良好，效率又高，食物超快送到，沒有漏單，也極速主動收碟，不會怠慢，不像一般放題店滿枱都是空碟客人要迫著自行疊起整理。設有自助區供應各款水果和冷盤等，青口、蝦和螺都好受歡迎。另外還有超多款蛋糕、奶凍、泡芙、豆腐花等甜品。飲品的選擇不少，除了雪櫃中的罐裝和紙包飲品外，還有冷凍清酒、梅酒和果汁等任斟。刺身有好多款選擇，全部都大大件又好新鮮，不會有雪藏味。三文魚肥美鮮甜，帶子好鮮滑，馬刀貝和赤貝十分爽口，還有超大隻的赤蝦非常彈牙富鮮味，不能錯過。平時吃放題都不敢點壽司，怕唔好食又易吃飽，但這兒的壽司絕對值得吃，不但不會好大件，飯又較少，而且很有水準又多款。尤其喜愛火炙三文魚腩和火炙左口魚邊壽司，肉質超嫩滑，魚油非常豐富。還有幾款創作壽司，海膽配吞拿魚蓉雙重滋味。熟食類都絕不馬虎，鹽燒牛舌肉嫩爽口，燒羊架肉味濃郁，完全不嚡。燒菠蘿極香甜爆汁，忍不住encore。鐵板牛柳

今晚約咗老友去荃灣睇樣板。當然要食餐晚飯聚一聚舊。咁啱喺千色店附近攞樣板。當然就去附近食店林立嘅大鴻輝中心....搵間好嘢食下啦。但係見到排隊搭電梯嘅人實在太多。真係有點怕怕。點知發現係三樓有一間日式放題。大井町只需要坐扶手電梯已經上到去。咁方便當然走去一試啦。一入到去就見到有不同嘅冷盤。仲有好多不同種類嘅甜品櫃。而且見到佢哋嘅點菜紙都非常多種類。最緊要有我中意食嘅矜貴雪糕。首先嚟咗一個刺身拼盤。三文魚刺身肥美可口。而且夠曬冰凍。我同老友每人都食咗一個刺身拼盤。因為啲三文魚刺身真係好新鮮。而且佢哋上菜都好快。唔需要等好耐。衹要你落單好快就會上菜。同時亦都要叫我最鍾意食嘅海膽加鰻魚手卷。唔單止海膽夠份量。而且紫菜都好脆添。之後我同老友嗌到一臺都係野食。淨係睇到都心曠神怡。我老友食咗三個羊架。佢話呢度嘅羊架燒得好香。同埋肉質鮮嫩。我就鍾意食佢哋嘅燒海蝦。因為好爽口彈牙。最後當然要食我同老友....同樣喜愛嘅滋味雪糕啦。

平時甚少寫食評，但呢間一定要寫！惠顧的是lunch放題，到達至光顧其間，服務人員態度良好！眼看只得三名服務員？？當中一位年紀較為成熟既男服務員值得一讚不過去到自助區，實為有點令人覺得好舊 。叫左魚生、食落吾覺得新鮮！之後點左自己至愛既火灸壽司唯一等最耐既食物！不過值得推介係火炙左口魚壽司，比較出色，入口即溶。另外有茶碗蒸旦是主要吸引我去呢間店食，可惜賣相差，味道強差人意仲有叫左個辣汁炒蝦仁真係一點蝦味都無吾賣好過賣！只係勝在叫炸物、牛柳粒、焗物 都比較熱，應該即叫即整，總算有好印象？到最後叫左個只有每人一款既雪糕？其實食lunch放題而言，188未收加一真係非常不值！入門自助區既環境已扣分！好後悔來吃，其實煮出來的食物都吾會特別差，只是選材方面比較？？？另外定價過高！因為真的不值呢個價何況這區原來仲有不少放題，如何競爭呢？我諗做優惠都吾會再來吃