大戶屋

Open Now

Now Closed

前日同朋友去咗大戶屋試吓佢嘅牛舌定食同特選御膳，後來轉咗迷你吞拿魚蓉飯。講真，牛舌真係唔夠香，又好韌，食落有啲失望，覺得同預期差咗一截。吞拿魚蓉飯更加係無乜味，魚生類嘅食物整體麻麻地，無咩驚喜。反而特選御膳入面嘅熟食救番一城，天婦羅炸得香脆，五花腩肥瘦剛好，醬汁幾夾，連鰻魚都整得幾唔錯，夠嫩滑，個醬都幾好，算係整餐飯嘅亮點。環境同服務就普普通通，無咩特別好或唔好嘅地方，典型嘅日式連鎖餐廳feel，乾淨企理就夠。整體嚟講，如果想食魚生或者牛舌，呢度可能唔係最好嘅選擇。但如果鍾意和食嘅熟食，例如天婦羅同燒物，特選御膳都值得一試。下次再嚟，我應該會跳過魚生同牛舌，直接叫和食類嘅嘢，應該會穩陣啲。總括一句，熟食OK，魚生同牛舌就唔使抱太大期望啦。

太古呢間大戶屋已經好多年，一到夜晚六點已經要開始等位，通常起碼要等45分鐘，就知呢間嘢有幾多人食。其實咁多年來，佢啲Menu都冇乜點變，係有時會有啲新菜式但唔多，我就一向叫開五花腩嚟食，今次就試吓醬油熟成五花腩拼燒牛扒。五花腩一如以往都係咁腍，肥膏雖然多，但五花腩又唔肥唔好食嘅。燒牛扒就餐好，雖然冇燒到熟晒，但就有啲乾，牛味亦都唔重。呢度最正係可以加多一碗飯，咁就一定夠晒飽，另外佢嘅前菜同湯就正正常常。

我過黎食飯好似係我服務你哋，好受氣，落單果陣有唔明白地方，好似好唔想答甘。結帳果陣時問一下女經理，為什麼用咗積分仲要收服務費，佢答我：係要服務費啦得唔得。之後........，我得知有得免費添一碗飯，但碗飯黎到係凍既，問一下啲 店員點解碗飯係凍嘅， 佢哋答我仲犀利，淨低得兩碗飯， 我即是無語.........................總之成個用餐體驗真係好差，真心冇下次🥲🥲🥲🥲🥲🥲🥲

雖然係外賣 但明顯可見小曱甴已經係酸菜撈左一段時間佢個size 仲要同黑芝麻相約 差啲食埋佢哋中午同晚市都好多人好多外賣 本身都等得比較耐 無諗過酸菜加左料 好睇睇到啲腳同觸鬚🤮大家食之前都要睇清楚係黑芝麻定有腳嘅生物

雖然由喺香港開到依家個menu 已經變咗好多 （啲大胃王友人以前最鍾意佢哋個免費添飯😂），但嚟到大戶屋佢哋嘅料理始終係有種温暖嘅自家製感覺，係一間性價比高嘅日式家庭料理~太古呢間係長期長龍店，晚市通常都要等，所以今次索性下晝嚟食咁就唔洗等咁耐啦~今次嚟到我依然係揀選我最愛嘅吉列熟成豬扒玉子鍋  （長情囉，咩呀😎）香脆嘅吉列豬扒外層薄又香脆嘅吉列炸衣包裹鬆化而厚身嘅豬扒，肉味濃郁唔油膩。而最正係加埋個玉子鍋，香滑嘅蛋液混合鮮味中帶甜嘅汁用嚟伴飯簡直係一流，一次滿足幾種唔同嘅口感同味道係一個昇華版嘅他人丼然後仲有友人最大力推薦嘅五花腩 🐖我哋揀咗特選增量熟成，分別有燒醬油同埋鹽麴熟成兩款口味嘅五花腩~ （個人覺得鹽麴熟成更加出色）經過烤爐高温燒過嘅五花腩有微微焦香，一方面迫咗啲油脂出嚟同時鎖住肉汁，所以食落感覺唔肥肉質緊實而且肉汁豐盈；鹽麴嘅酵素可以自然咁分解食物，從而帶出甜味同鮮味，加上鹽麴有天然鬆肉的效果，所以啲肉質係自然地更加軟嫩易入口。（又係另一個白飯殺手呀！——）屋企人要咗最穩陣嘅銀鱈魚西京燒，最經典嘅菜式。魚身雪白油脂豐厚，食落係夠嫩，帶少少入口即化嘅感覺，但個敗筆係但今次個調

這次來到大戶屋，一坐下就叫了鹽燒蓮子鯛定食和迷你滑蛋吉烈豬扒飯配烏冬。蓮子鯛嗰份量啱啱好，魚肉嫩滑得嚟又保持住魚嘅鮮味，簡直係咸香就正啦 👌🌊。至於迷你滑蛋吉烈豬扒飯嘅部分，豬扒肉質夠彈牙，嗰啲滑蛋又真係滑到出位，配埋好有嚼勁嘅烏冬，一流！🍳🍜 真係食到嘴角都甜晒，讓我𠺘非常之滿足呀！揾食做嘢，平時都幾忙嘅。有咁間大戶屋可以咁即叫即食，正！食完之後又有精神返去拼工作，真係好keep住！🔥 環境舒服，服務態度仲唔錯，感覺得到員工對食物嘅用心。等嘅時候都唔覺得耐，因為知道啲嘢食好食，呢啲等待都值得啦！下次有機會，仲要再嚟試下其他菜呀！🥢👀

Lunch time 同幾個朋友去咗呢度食lunch，大約1:30pm 落單，但食物要等成25分鐘先上到枱我哋上堂唔可以遲到，所以用最快速去食晒，好趕急！根本品嘗唔到嘢食好食定唔好食…..而且定食碗飯好細，不過呢度好處係每個餐可以添飯。

間唔中就會好想食大戶屋，但繁忙時間唔夠膽去，因為實要排隊，今次平日黃昏唔駛等就有位～。食物燒醬油五花腩拼牛扒$133真係好好味，最正係五花腩同埋果pat薯仔沙律，沙律菜都超多！今次牛扒好大舊，但有一舊趙極都趙唔到…有人話蒸蛋好味，我就冇乜感覺，個湯都好一般。不過啲茶就好夠熱，店員都會幫你加茶。平時落單店員會叫你等廿分鐘，但今次十分鐘到就有食物。。衛生留意到，通常食物快冷掉時，就會引到蒼蠅飛黎，都幾討厭，今次無所不用其極先影到一隻！而且都幾大隻！佢都幾識食！。服務可能想本人早點交檯，我一用電話店員就想收餐～前後兩次。會員制本身欣賞可以會員儲積分換野～。結論有時間本人鍾意去中環店多啲～

大户屋主打日本家常料理，周不時都會轉menu加入新菜式，裝潢同食物擺盤都充滿日式風情🎏康怡廣場既分店成日都大排長龍，最好六點幾就拎左飛再行下超級市場七點就會有位！🥢大戶屋風味燒牛扒選用牛肩部位，用石板上碟，石板既熱力將大約五成熟既肉肉變得更香嫩多汁，入口肉味濃郁，有嚼勁又有油脂香氣🥰底下既洋蔥🧅煮至軟腍，吸晒肉汁，餸飯一流。再配上大户屋特製既三種醬汁，分別係黃芥末，燒肉汁同味噌，鹹甜任你配搭，味道更多層次！📍大戶屋太古康山道1-2號AEON超級巿場地下G07號舖

次次嚟大戶屋都會嗌我最愛嘅「燒鹽麴五花腩定食」😍佢哋嘅五花腩燒得勁香口表層金黃色肉質肥瘦適中充滿肉嘅油香超級好食！而茶碗蒸就好滑濃濃蛋香薯仔沙律亦都係必食之一不過份量就少咗啲但整體我都非常滿意！

見到幅相燒腩煲飯好似好正咁, 就叫咗個定食, 點知啲燒腩係八分肥肉兩分瘦, 咬落去啲肥肉仲好韌, 相信係為咗慳錢入啲急凍肥豬肉, 但係又唔識處理肥肉淨係燒熟佢就算, 對唔太食肥肉嘅我簡直係受罪, 幾乎想𦧲返出嚟, 食淨一半燒腩肉食埋啲飯就算。仲有個定食配菜使唔使咁慳皮, 得幾粒切碎咗嘅醃菜呀?

放工之後同屋企人喺鰂魚涌附近食飯，見到大戶屋平時都好多人喺出邊排隊，今日就諗住試吓。食物質素OK ，但係服務質素真係需要大大改善。門口位大媽認真趕客，態度超級冇禮貌，由帶位，到趕我哋走，到找錢都長期黑面同埋態度好差。佢找錯單俾我哋，我哋要求佢俾返張啱嘅，佢話print 唔到 （唔知點解）。其實位位客人都要等個鐘先食到餐飯，都係想開開心心同屋企人食餐飯，冇必要受你氣，同埋無理嘅待遇（唔俾張啱嘅單）。其實鰂魚涌都好多嘢食，日本嘢都唔少，再係咁落去會俾人比落去…下次未必幫襯啦

食左好多次都好食既日本餐廳，食完可以係Aeon行下街消化下，叫左兩個定食加兩個甜品，鯖魚定食同壽喜燒定食，每次黎必定追加飯，壽喜燒個汁都夠你撈一碗白飯，太好正喇～😋😋😋食埋個甜品🍧大滿足～

平時見到好多人排隊，睇落都好似幾好食，我兩大兩細，小朋友叫兒童餐，送到上枱真係睇得出咩叫是是旦旦，我只可以評價係「唯持生命」⋯我叫咗個味增烏冬，好咸好難食，我啲仔都爭住試下食，佢地話咸到苦⋯食食下個細仔係度講，唔鍾意隻老鼠係下面行，我心諗，你咪多野講，快啲食啦！點知真係有隻老鼠行過廚房門口！我心裡只好同自己講，難食唔緊要，千祈唔好令我全家又屙又嘔⋯滿心歡喜以為會食到好野，點知最後係極之失望而走⋯不會有下次。

前幾日食lunch去左呢間日本定食平時放工夜見好多人排隊 好似好吸引決定搵日返工lunch黎試下我地叫左燒鹽麴五花腩定食🤩五花腩面燒得好靚有少少金黃色燶邊入口好脆 好香濃 佢用鹽醃製 所以腩肉部分都唔好漏口🥰定食有配茶碗蒸 蛋好滑口 蛋入面有香菇雞肉鳴門卷白果所以食落有咬口 唔會太dry每啖都有蒸蛋既汁 一齊食好滿足❤️另外朋友仲叫左花魚定食見當時唔少客人都點左呢款配飯係一流🥰