極品煮意 鷄煲.烤魚.火煱 (Closed)

黎葵芳除左去葵廣掃街之外，宜家多左一個坐低食野既選擇，餐廳仲要係正葵廣對面🤗 又平又靚又正的雞煲/烤魚放題，我覺得係香港真係買少見少。星期五晚每位$168任食兩個鐘，如果一大班朋友黎食下傾下計，都幾抵！今次揀左雞煲，叫完雞煲後，餐廳會為每位客人送一隻鮮蝦。雞件唔會好‘鞋’口，而且聽講這家的雞件唔夠食可以任加，但係我覺得煲入面的份量已經好足夠，因為仲要留返個胃食出面d配料。😋前菜/火鍋配料/飲品都係自己係出面拎，肥牛同豬腩片等等就寫紙剔，一次最多叫8碟。前菜有大約15款選擇，我最鍾意食蓮藕，帶少少辣又好爽口！火鍋配料就有兩個大凍櫃，第一次見芝士雙響丸，即刻夾左兩件試食，食落竟然有陣粟米味，好似日本有種粟米湯的零食，芝士餡都好多，都幾好食，未試過的朋友記得要夾返件，係出面好似好少見到這一種丸。另外麻吉燒都係其他餐廳好少見的丸，我本身好鍾意食，中間夾住年糕，煙煙靱靱，好正😋餃子我估係餐廳自己包，餃子的皮唔會好厚，完全冇粉感，不過就好似淨係得韮菜餃揀，唔鍾意食韮菜的朋友都唔緊要，因為丸類仲有好多款，根本冇甘大個胃試食曬所有😂即使係任食，但係我覺得每款配料質素都唔差，唔似出面有d餐廳會比d薄到好

去到葵芳想打邊爐、雞煲、烤魚一定係去極品煮意，地點就腳地方又大，睇住呢個地方由Neway > 韓燒>椰林閣到宜家真係好耐歷史。無訂位都有位坐，個女最開心就係對住個電視😂未講食物都講一講廁所，比想像中乾淨。都有唔少熟食同生嘅食物揀，最想飲嘅天麻魚頭湯可惜無哂了，飲品都有好多種類大概十幾種左右，而最值得一飲就係海燕窩因為佢好有益嫁！有豐富骨膠蛋白同鐵質，味道唔太甜而且唔太凍，好好味！另外熟食嘢種類都係似前菜多，事不宜遲食就揀打邊爐，我哋食芫茜湯底同蕃茄湯，湯底味道十足！火鍋食物可以岀去拎又可以剔，最多八碟，雪花肥牛、羊肉片、豬腩肉，鯇魚片等等，肉質唔係平時仼食而將貨就價嘅質素，碟碟都唔嚡口。岀面有金菇、芋絲、勝瓜、雲耳、丸類、魷魚、牛栢葉等等種類都好多，小朋友又岩食！大人又坐得舒服！

雞煲烤魚嘅餐廳開到周街都係， 要脫穎而出除咗好食之外仲要價錢親民先可以吸引到熟客返嚟。今日去開葵芳搵個朋友食飯，見到呢個極品煮意雞煲/烤魚每人都唔使$200，就可以食到個任飲任食二小時。開頭都驚會麻麻哋，但原來真係食到都幾高質嘅雞煲👍今次叫咗中辣既麻辣雞煲，但我同朋友都認為辣味唔太辣（p.s我哋喺譚仔都食小辣嘅）但係麻味就好足🤤 至於雞件方面，特別一提嘅事如果麻辣雞唔夠食嘅話，餐廳可以任加！我覺得好過出邊其他雞煲好多。呢度啲雞都幾有雞味，成隻咁上，每個部位都可以食到。而且配料洋蔥同埋芹菜都好食，配埋個秘製醬汁一齊食係正既醬料區有多達10種俾大家揀，啱晒鍾意混醬緊你😂食完雞煲可以開始打邊爐之前，見到個自助區有好多種唔同嘅食材俾大家揀。多數都係啲丸類啊蔬菜等等！食材都好新鮮下，特別一讚嘅係呢度出前一丁真係正版靚貨。除咗自助區可以任夾之外，仲有其他肉類海鮮可以比食客點，首先我哋叫咗安格斯肥牛，個肥牛真係唔同啲好有牛肉味😍最後都要講講嘅係呢度汽水同埋雪糕都係任飲任食架。我就食咗個雀巢香芋味同其他大牌子不過都差唔多姐總括嚟講呢間餐廳價錢親民而且質素都幾好。下次去開葵芳嘅都會再試，唔使下下都去到元

今日出葵芳行街街買化妝品，行完一日去咗附近睇下有咩好食。行咗去恆景商場，諗住食小廚，但人有點多，所以走左。再去附近搵下有冇邊爐吃。經過萬寧側見到好大個雞煲招牌，最終入左去試下，好彩無伏😋😋人人食雞煲都會選擇食重慶辣雞煲，但係我本身唔係太食得辣所以叫咗一個蟲草椰子雞湯底黎試下。個湯底竟然係unexpectedly咁好味！醬料區一開始仲有蝦送旁邊仲有一個自助區，有好多不同的熟食俾你選擇有個雪櫃裝住好多嘢食俾你慢慢揀嘢飲都係任飲，除咗啤酒、汽水可樂、仲有我最鍾意嘅鮮榨橙汁。最後仲食埋個甜品，有雪糕同埋木瓜雪耳糖水！埋單一個人唔洗兩舊，仲要咁多熟食俾你任夾， 真係好抵食！（p.s. 個韭菜餃真係無得輸！）

今日四個人飯聚，叫咗酸菜烤魚鍋，另外加$80食埋秘製極品雞煲🤤條酸菜烤魚（小辣）一上到黎就香噴噴，我想讚嘅係佢個酸菜好夠味，勁想買一d返屋企🤪條魚係鉗魚，肉質鮮嫩， 無咩細小嘅魚刺，腥味又唔重。同行有個摩洛哥朋友，佢勁鍾意食條魚，真係食到一啲魚肉都冇剩😝舔舔脷雞煲都好唔錯，味道好濃，雞件有好多，食落好惹味。個雞煲拎來做邊湯底都一流，放唔同嘅材料落去滾下滾下又係另一種食法😝即刻用Tick tick紙叫番啲肥牛、豬肉、羊肉食先😚肥牛真係好肥美呀！自取嘅食材超級多，有蜆、蟹柳、丸、餃子🥟、豆腐、豬頸肉、牛肉、菜等（其實數唔晒）。嘢飲都超級多，我就飲咗龍井、蜂蜜柚子，仲有酸梅湯添。當然唔少得甜品啦，有涼粉、啫喱，我就落咗花奶落去食，正！仲有雪糕、薑汁（低糖）番薯、椰汁西米露，食落都唔錯😝😚呢度嘅前菜其實都非常唔錯，有我勁鍾意食嘅酸蘿蔔，醃青瓜、木耳、海帶等，同埋佢裏面有粒肉丸，好好味喎！佢啲炸物都唔錯😝好想好想好想食齊晒全部野，但係我相信係冇可能做到架🤣唯有下一次再嚟食過啦☺️😝

今日真係食得好滿足！9:30前入座，$168一個人，兩人叫左秘製極品雞煲，又有得食雞又可以打邊爐😝一雞兩味🤣佢嘅雞真係醃得幾入味，店員話每一煲都係即叫即做，一煲一煲咁做，所以上菜嘅時候都熱辣辣，香氣撲鼻！食之前要蓋住先，再煲多陣，令佢啲香料味更加出☺️我地叫咗中辣，食到㷫烚烚，好過癮，好惹味！同埋啲雞真係幾嫩滑，大大件，有唔少雞翼位同雞脾肉，食唔停口啊😝跟住就係打邊爐時間，我哋特登留番啲雞唔食住，因為其實煮得越耐，啲雞就更加軟腍，yummy😋仲有蝦食😋呢度打邊爐嘅配料有好多，想試曬咁多款都有難度，因為選擇實在太多！🤤食呢個雞煲邊爐，一定落勁多菜，吸晒啲湯底精華🤩另外仲有豬頸肉、牛肉、餃子，勁鍾意佢厚切餐肉，其他丸都好味道，款式勁多。食到尾先醒起原來有一張任食嘅魚、肉類點餐紙，即刻又食多轉🤣🤣真係食到唔停口，飽飽飽，同埋個雞煲真係好正😋

隨便挑選了這一家餐廳，我們一共6個人，可以吃到打邊爐跟烤魚，還有自助小食，環境不錯，就餐桌比較小，不夠地方擺放食物，菜很新鮮，餃子很美味，一家大小，三五知己都很都合適，價錢便宜，吃到飽😆😆

之前在荃灣食過雞煲，今次轉地方到葵花食，屋企人話平靚正，一於去試試。訂咗六點半，食兩個鐘每位$158另收加一，如果7:30前結賬離座，每人減$10，都算抵食。近門口擺放咗好多冷盤同熱食我哋有六個人，餐廳可以提供兩個爐，一邊揀酸菜魚，魚的份量都好大條，味道都唔錯。另一邊揀雞煲，香噴噴好嘢味，食雞無限添加。除左魚同雞之外，還可以用點餐紙點肥牛、羊肉，鯇魚作火鍋料。外邊雪櫃放咗不同種類丸子、自家製餃子、蔬菜、烏冬、公仔麵等等最愛食的蝦，每人得一隻，有點失望飲品種類選擇多，有雪糕有糖水都算抵食

連續兩天晚飯吃火鍋今次嚟到葵芳呢間，湯底又多款選擇。今天有四個人一起吃所以叫咗個鹹菜豬肚雞煲。吃完先再攞其他打邊爐料滾下滾下。可能是鹹菜關係，湯底比較鹹。係等緊個雞煲滾嘅時候，你可以去自助枱上攞啲熟食嘅小吃/糖水...不過地下有啲滑，要行得比較小心。打邊爐了也有不少選擇，有好多特色丸，又有牛柏葉、豬紅、蜆仔、鬥富、雞蛋⋯⋯蔬菜也很新鮮。飲品其中有涷豆漿，甜左少少，不過都有一般嘅汽水、果茶飲品等。當然唔少得我愛嘅熱茶

放工同朋友去左葵芳搵野食行行下先見間雞煲好似幾平就入去試下上到去d位都好大唔會好逼同朋友叫左個雞煲小辣好快就嚟到 聞落好香食落都好好味 唔係話特別辣因為有時出面d雞煲叫小辣都好辣個煲勁多雞勁大舊野食野飲選擇都好多

已經去過好幾次，但一有朋友問去邊食，我都諗起呢度，朋友生日週，6位免一位，8個人又免一位，食完又有現金卷送，百幾蚊任食任飲又小食又甜品又雪糕，仲要味道吾錯…👍👍👍雞煲我試過4款，最正秘製小辣，魚就未試過，食完4轉雞，加湯打邊邊，多款丸嘅味道都吾錯，豬面青，豬紅，豬皮正，公仔麵，營多撈麵都有，飲品真係勁多選擇，餐菜小食至正滷水雞腳同埋麻辣海帶，次次都飽到呢…🤣🤣🤣年初一去竟然都係168一位，成班親朋好友黎我度拜年，咁多人梗吾煮啦，又去食左一餐，個個都話好介紹

行完年宵就黎左食雞煲，見多好評價錢又抵。晚上近8點黎到，都見到差唔多坐滿，好在我地2位唔洗等位即入得。落左雞煲之後我就出左去拎飲品，見到有d可以即刻食得既小食，拎左d填下肚先。飲品有新鮮豆漿，正呀，拎左一瓶飲。雞煲揀左小辣，上台後一滾起就食得。見到有好多洋蔥同芫茜，勁香。雞煲好多雞肉，真係抵食！差唔多食完雞煲就將台上有一壺清湯倒入煲，咁就變左打邊爐喇。各款丸、蔬菜、菇菌等都係自助形式出去凍櫃夾，肥牛、鮮魚片果d就要落單廚房拎出黎。墨丸好彈牙，魚蛋都好味。見到有印尼撈麵忍唔住拎左包撈一撈佢，真係好好味。哩度仲有2款糖水呀，有芋頭西米露同陳皮紅豆沙，二款我都覺得好好味，大滿足。

一家人初一食飯，試下雞煲。 雞煲分量都ok， 配菜選擇都唔少， 前菜涼伴都很欣賞，係咁食但另點的肉類黎得比較慢，食完我都唔記得左有點先黎。肉還可以，魚就不想再點了整體價格比還可以。地方也算寬敞。整個用餐唯一不足係冇人執台。。。前菜d碟幾隻都冇人主動黎收，搞到冇咩位放野。如果客人多可體諒。。。但當時坐位並不滿

行完葵廣黎左食晚餐，$158一位雞煲加任食火鍋，好抵食！見到哩個位上多層就黎，喺大家樂樓上。我地7:30入座，限時2個鐘。調味料、茶、白飯等以自助形式自取。有好多餐前小菜食，等緊雞煲上之前填下肚先。涼伴豆芽同豆角好味，爽口微辣食完好開胃。雞煲可以揀辣度，我地揀左BB辣，份量好大煲呀，雞肉好多，加左洋蔥、芫茜、西芹等好香又入味，估唔到咁多我地食完都飽左一半。食到差唔多就可以落定火鍋料，大部份都係凍櫃自取既，有小部份係劃紙落單。特別一提手打鯪魚滑好大粒，彈牙又新鮮，最重要係冇骨。脆鯇魚片都好正，可惜有不少短骨。哩餐真係食得好飽，野食唔錯。👍🏻

又一個sem2個前團友話要食開sem飯結果連續2日打邊爐今日嚟呢間食過一次既魚煲係因為上次另一個朋友介紹，食過覺得性格比極高，所以今次近近地再帶其他朋友黎試下因為早食，６點去到唔洗等位直入，朋友已經急不及待衝出去拎野食一般大路既火鍋料都齊，仲有甜品小菜前菜小食—因為不嬲習慣每樣拎少少，都有好幾款前菜，味道都唔錯叫番上次食過既野菌魽魚煲，之前係其他地方食過，魽魚最少骨，又唔會好鞋一如上次，魚好滑，湯好濃朋友唔食辣，下次可以試下辣同埋聞到隔黎台好多都食雞煲，聞到勁香同埋可以refill雞,下次要試下先