極品煮意 鷄煲.烤魚.火煱 (Closed)

今天午膳時跟同事說起很久沒有吃烤魚了，好想吃！然後同事便跟我就放工一起去，原本我還以為要北上，原來她跟我說葵芳也有一間，地方就腳而且質素不差的。這家餐廳原來是可以選雞煲或者是烤魚的，但我們是為烤魚而來，當然是選烤魚吧。還未上菜時，我便到外面的自助區走了個圈，起碼有十多款的小食及前菜提供，很喜歡餐廳的南柱蘿蔔牛腩，炆得非常入味，剛好讓我快餓扁的肚子支撐一下。烤魚終於上了，魚肉厚實爽彈，重魚味，辣味可選BB辣至大辣，因為同事不太食辣，我們便選了BB辣，辣味真的吃不出，但有酸味作提調也不錯。魚的份量很大條，兩個人吃完整氣都有5分飽了。自助區還可以自由夾選火鍋配料，有腸仔類、丸類、肉類，時蔬類等，款式是蠻多的，而且都算新鮮。經理很好的送了一份新鮮海蝦給我們，海蝦很大隻，而且色澤光鮮，感覺是新鮮的，果然，蝦肉爽口彈牙，非常好吃。最後，還有甜品櫃，有涼粉還有西米露的，但西米露已清光了，只好吃涼粉了，加了些糖水，冰凍又甜入心，為豐盛的晚餐作結尾。

今晚朋友帶路說要帶我去吃一間又平又吃得飽的火鍋放題，餐廳就在葵廣二樓穿出天橋對出的中心，地點超方便呢。這家放題可選擇雞煲或烤魚，因為雞煲上星期已經吃過了，便決定食烤魚。我們選擇了酸菜烤魚鍋，魚可以選擇犬魚或者鯇魚，店員很貼心提我們犬魚會少刺點，所以我們最後選擇了犬魚。犬魚肉質厚實，但有點泥味，可能始終都是淡水魚，泥味會較重。份量都很大條，我們四人分都覺得很足夠，大約煮8-10分鐘已經熟透。有張任食的點餐紙，有美國肥牛、醋腩川、羊肉片等等，每次可點8份，但肉類都比較重脂肪。另外大堂位置設置了自助區，提供了數十款前茶及小食，個人很喜歡吃酸蘿蔔，很開胃。自助區都可以隨便揀遺自己喜愛吃的火鍋配料，有丸類、豆腐類、腸仔、粉麵等等，款式都很豐富。另一方面蔬菜類會放置在雪櫃中，保持新鮮。飲品種類都很多，有酒水亦有無酒精飲料。

朋友介紹嚟呢間葵芳極品煮意因為真係好平好抵食繁忙時段嚟食成人都係每位158計埋加一 200蚊都唔使就有雞煲或者烤魚同埋火鍋放題都真係幾抵食最重要係坐得仲好舒服添餐廳好闊落 新淨唔會殘殘舊舊冷氣又好足 打住邊爐都唔覺熱除咗打邊爐 熟食都有好多款成排放喺度任你拎可以自己調較醬汁隔離仲有橙汁同埋烏梅汁仲有多款汽水啤酒任飲熟食都煮得好好食夠入味拎咗幾款菇菌丸好好食絕對唔係平價貨嗌咗幾款肉食美國安格斯肥牛 特級豬豚肉片羊肉片脆鯇魚片脆鯇魚骨腩呢啲都係可以任嗌架最鍾意食鯇魚片夠厚肉又滑每人仲有海蝦一隻

今日喺葵廣行完街有啲肚餓想食下放題或者任食嘅嘢所以揀咗呢間極品煮意因為見佢都幾平上到去地方好闊落兩個人仲可以坐四人位可以揀雞煲烤魚或者直接食火鍋平時成日食雞煲同埋烤魚所以今次就揀咗川芎白芷天麻魚頭湯鍋這個魚頭湯果然冇令到我失望湯底超級濃郁但係藥材味唔會好濃啱啱好魚頭又大又滑有張紙可以畀我哋自己剔食物正價時段仲有多啲選擇除咗剔指出面都有好多唔同款嘅嘢食有魚頭湯同埋蕃薯糖水仲有多款熟食冷盤打邊爐就梗係唔少得丸啦呢度真係有好多款唔同嘅丸可以滿足曬一大班人嘢飲櫃都有好多選擇除咗平時放題嘅嘢飲仲有啤酒任飲仲有見到一樽樽嘅海燕窩女仔必飲呢度嘅麵都有好多唔同款剔剔紙嘅魚同埋牛都唔錯同埋打邊爐唔少得嘅雪糕

唔講唔知原來葵芳有間火鍋放題店，除左火鍋，仲有得食烤魚、雞煲！我地揀左招牌雞煲，感覺最受歡迎！因為朋友唔食得辣，就叫唔辣，估唔到味道都唔錯，配料都有好多，洋蔥，蒜頭，芫茜，所以都好香。覺得d雞好滑，好似炆左好耐，好好食。重口味既我覺得可以再咸小小。(不過唔緊要，有調味料，都有幾多選擇)食完雞煲當然要打邊爐！店員好貼心咁一早就放左壺湯係枱面，方便加湯。打邊爐都有好多選擇，丸類，菜，肉類，連蜆都有！主食仲有白飯，出前一丁，鳥冬，食到飽。飲品方面，汽水果汁都有，重點係啤酒都可以任飲！好適合放工一大班同事聚會！另外仲有橙汁，豆漿，仲有一壺唔知咩飲品，問店員話係燕窩！甜品方面，冷熱都有，冷就係雪糕，熱有腐竹糖水同芋頭西米露。依間餐廳真係應有盡有，價錢唔貴，可以再黎

經過一星期繁忙的工作，就來釋放自己，來餐大吃大喝！這間位於葵芳的「極品煮意」，是一間雞煲/烤魚/火鍋 三選一的放題，價錢實惠，百幾元就可以任吃任喝兩小時。店裡除了以上三款任食鍋，還有十多種的熟食和甜品，有酸甜的前菜，炒菜，炸物，喜歡吃醃蘿蔔，味道就是在韓國吃炸雞時的醃蘿蔔，超級清爽，解油的感覺。其他菜式大多是蔬菜類，e.g.炒西蘭花，炆冬瓜等等。而鍋類都有好多選擇，單單是雞煲都有五款口味，我們就叫了「秘製極品雞煲」。雞煲賣相好，有好香的香料味，就算我們點不辣，仍然好味道，又不會過咸要不停飲水。雞很嫩，無限添加，可以不停叫食到飽。雞煲還可以加水變成火鍋，認為這是很細心的餐廳，枱上已經一早有準備湯了！火鍋配料種類有很多，丸類，肉類，菜類應有盡有，更有海鮮如蝦、蜆。自助式設計令我們不用等。推介豆腐、豬紅、南瓜。最後當然要吃甜品。甜品主要是雀巢雪糕，所有味道都有，連最少見的紅豆都有！如果不想吃凍品，還有芋頭西米露和番薯糖水，都好好吃！而且入面很足料，很夠味～整體來說，這間餐廳以價錢來說，是十分划算的放題店，百多元就可以吃到，而且食物種類多，員工服務都好好，有禮貌，好舒服的一次經驗。

星期六行完葵廣，就係附近搵野食，想搵個地方可以坐耐ｄ慢慢食，就搵左呢間雞煲烤魚～因為我地都唔食魚，所以就揀雞煲啦～唔知呢間雞煲好似仲可以無限加雞ｘｄ餐廳環境好大，７點已經坐滿晒啦～雞煲我地叫左小辣，好惹味，食完可以自己加湯打邊爐。出去行左一圈，都幾多野食拎，仲有一行熟食可以食住等水滾，自助區除左丸／菜之外，仲可以寫紙叫牛肉羊肉等等，都幾多選擇！仲有好多野飲揀，啤酒都有得任飲，所以好多都係一家大細黎食哈哈，不過甜品就少ｄ選擇，得涼粉／ｊｅｌｌｙ／雪糕，我地好飽，就無食ｌｕ～

👍🏻👍🏻👍🏻酸菜魚😋😋😋因為帶著小朋友唔可以食辣實在有DD可惜,但淨酸菜都好好味（有得選擇唔同辣度由唔辣到超級勁辣都有），叫左條"魽魚"冇咩骨而且肉質好滑，小朋友都勁鐘意食。##條魚D配菜🐷🐷皮勁入味超好食##👍🏻餐前小食好多選擇但大多數係以辣食為主，飲品都好多選擇，啤酒都有3、4款🍻🍻，係欠少甜品冇選擇唔吸引，火鍋料都好多，整體唔錯唔錯。**3歲以下小朋友免費哦**

是日晚餐，原本想去葵廣掃街，但真係太多人，唯有轉戰，經過見到又有得食雞煲，又有得食烤魚打邊爐咪踩上去試吓！成間鋪都頗大，仲有熟食，涼拌食！d熟食有驚喜，麻辣海帶，春卷都幾岀色！最尾揀咗雞煲，味道ok，小辣還好，相信大部分食辣嘅人都接受到！雞件都多，幾大份！打邊爐材料就正正常常，都係d大路嘢，最開心有麻吉燒！仲有d自家制餃子都幾岀色！食完仲可以食雪條，竟然有黑牛🤣，都幾復古！總括黎講，味道ok，價錢抵食，又有雞又有魚，值得一試！

大胃本身唔大汗，天氣咁熱，啲汗焗住焗住出唔到，生晒粒粒都幾辛苦，聽講內服邊爐可以有助排汗，反正順便醫肚，咪試吓囉大胃一到夏天就變成水桶，幾多嘢飲都飲得落，呢度有成幾個雪櫃都係飲品，好多選擇呀配料方面選擇都多，可以自製雜菌鍋嚕等唔切啲嘢熟，仲有熟食選擇𠻹可以盡情啪丸喇蔬菜係食肉獸最掙扎嘅地方終於來了，BB辣已經夠辣，勁加湯都好辣好有味仲有餃子供應𠻹大胃最鍾意嘅環節就係混醬打邊爐總是離不開雀巢肥牛、肉片之類就要入紙申請嘅最正係竟然有無限海燕窩供應呀，飲勝其實食完冇咩出汗㗎，冷氣好夠，抽風幾好咁

又係呢到我最愛食嘅雞煲, 今次想講講呢間極品煮意. 呢間雞煲本身質素都唔差, 上網見到好多好. 咁當然雞煲呢樣嘢有啲真係好貴有啲就好平民. 加上我基本上都唔食貴嘢, 二百蚊鬆啲已經都算是標準價. 依家極品煮意如果宵夜時段食仲可以平到去百鬆啲, 平時熱門時段都係185蚊全包, 價錢方便就合理. 間舖頭面積算大, walk in入嚟多數有位, 今次同朋友兩個人去食offer咗四人卡位, 適合一班老友鬼鬼亂食飯吹水. 至於食物方便最緊要多款式同埋食緊要新鮮, 有烤魚雞煲等選擇, 我將啲雞煮到燶燶哋就加入卜卜蜆同埋牛肉, 真係好食到呢. 雖然我本身唔好唔鍾意加湯, 但係食得雞煲冇理由真係淨係食雞,卜卜蜆同埋牛肉咁啩. 出面基本上啲嘢都係自取款式多仲有熱盤, 至於肥牛肉羊肉鯇魚等海鮮就要自己喺張點餐紙度點, 冇漏單嘅情況, 食物送遞速度算快, 正價時段仲有安格斯肥牛, 比較特別係呢度啲豆腐, 豆腐種類多過出面, 好似魚蛋質地嘅豆腐真係第一次試. 至於其他嘢食就正正常常. 甜品方便呢度有少有嘅涼粉, 正.

朋友話帶我去食烤魚，其實我都係大陸食過探魚，覺得好好食，今次嚟到葵芳呢一間極品雞煲烤魚，估唔到又幾好食，條魚好大條，酸酸辣辣咁樣，四個食都覺得好多。自助吧有好多前菜，不過唔太岩食，都係炸野/泡菜/有d麻辣小菜都ok。野飲有好多，啤酒汽水仲有橙汁豆漿，蕃薯糖水😂😂😂食完就打邊爐，最推介脆肉鯇！不過唔係件件都咁脆，另外滑牛都好食。肥牛又真係比較肥，所以少食為妙🤣🤣雪糕無乜選擇，而且太飽，食左一杯就收手👍🏿

病完一輪，好口痕心郁郁想打邊爐，諗住去快餐店打邊爐，但咁岩見到有雞煲、烤魚、火鍋2小時任食，價錢亦唔貴。一上到去，除左有超多火鍋配料，格離仲有一張長長既枱，擺滿熟食，冷盤、糖水，好吸引，手拍青瓜、泡菜、酸蘿蔔、炸香腸、炸咖哩角、蝦片，椰汁西米露等等，以個價錢真係好抵。我地點鴛鴦鍋，清湯鍋和芫茜皮蛋湯鍋，火鍋湯底夠足料，好夠味，點了美國牛肉，我地最主要食牛，點了好幾盤，其他火鍋配料質素亦唔錯，腸仔竟然有廚師腸，最正就係有即炸響鈴，出去拎幾次都好快比人掃清光。

平靚正的雞煲、烤魚、火鍋，3樣更有一樣岩你，今日黎到極品煮意打邊爐，因為價錢好抵，種類選擇又多，又有熟食，糖水。鍋底有6款選擇，選了鴛鴦鍋，清湯鍋和芫茜皮蛋湯鍋。有成60款火鍋配料，仲有手包餃子，飲品都有十多款任飲，而且麵除左有出前一丁，仲有福麵、印尼撈麵、烏冬、米粉，真係比起其他餐廳真係好多選擇，我地拎左蘿蔔、芝士丸、豬皮、牛柏業、炸響鈴，我地牛魔王，點得最多美國牛肉，牛肉軟腍，薄薄一片，最後打完邊爐，食返杯雪糕，飽到上心口。

呢間餐廳係同行朋友介紹的，我自己係第一次黎。一上到黎都好驚訝應來餐廳甘大有甘多位！因為係樓下見到個入口好細😂我地兩個人黎到有卡位坐，坐位都幾舒適！等食雞煲之前餓餓地，又見到自助區好多前菜，忍唔住拎左少少黎試。極度推薦雞翼尖，又香又辣😍蝦片同花生都好脆，岩曬我呢d鍾意食香口野既人😚主角雞煲終於黎🤤估唔到兩個人食，雞的份量都甘多（最後我地仲食剩左少少雞🙈），而且雞肉好滑，不錯。因為我係第一次食，唔敢叫太辣，揀左小辣，我覺得下次我仲有空間挑戰中辣😝食左一半雞之後就加湯底打邊爐，粗略估計自助區的火鍋配料應該多過80種，肥牛生魚片豚肉就用紙落單。最推薦肥牛同餃子🥟，呢度的餃子係自家製的，一盆盆包好的餃子放係雪櫃感覺好新鮮，食落皮薄多餡，放落雞煲湯底打邊爐吸曬d辣汁好正😋通常食到最後都會食返個粉麵，呢間餐廳粉麵選擇好多，出前一丁福米烏冬呢d大路野就多數麵有，最驚訝竟然有營多撈麵😍再唔夠飽的朋友，可以食埋甜品，見自助區有糖水/涼粉/啫喱拎，今次食雞煲已經食到好飽，下次有機會我再黎食啦