極品煮意 鷄煲.烤魚.火煱 (Closed)

火鍋、雞煲近年越開越多，而且價錢也越來越越貴，好多地方食呢類野價錢已上升到差不多要200蚊一個人。係葵芳呢個小食之重地，被女友人發現有間任食雞煲，仲要100蚊就攪掂，所以我地一行二人決定去試試佢。要平就一定有條件限制🚫，佢要1830前結帳離開，所以我二人1630就黎食，決定要食足佢兩小時。太早的關係，真係一枱客都無，之後到5時左右先有三、四枱客食。講真就真係太早就食晚餐了。因為太早關係，雞煲要等左兩三個字先整好，但一上枱就超香，雞都唔差，件件都入味，肉質又唔會太差，絕對唔係死實實果款。呢度有少量醬俾大家混，但喜歡玩混醬的朋友就一定唔夠用。我個人就覺得個雞煲已經好濃味，醬唔太重要。佢地有唔少小食俾客人自助，由於我一直等雞煲，所以試左佢好幾款，當中青瓜同腸仔都係唔錯的選擇，蓮藕少少辣都相當惹味。主要肉食係呢種，普通街市肥牛、豬肉。有脆肉脘，個肉質都唔錯。仲有好多自選火鍋配料飲品甜品呢d基本野當然都有。以100蚊黎講，呢餐真心抵玩，人唔多又食得輕鬆，服務同上菜速度都好好。

今日同老婆去葵芳行完街，去到呢間位於盛芳街嘅 ''極品煮意'' 食烤魚邊爐。兩小時任飲任食放題，每位收費都只是百零蚊。今晚人客十分多，差不多全場爆滿。一坐低先點 ''麻辣烤魚鍋''魽魚大大條，肉質嫩滑，麻辣湯底材料豐富，不俗。烤魚鍋附送兩隻鮮蝦肉質彈牙，新鮮味美。食完魽魚隨即點了牛、羊、豬打邊爐。三款肉類都好新鮮，配上麻辣湯底，好味。另外也揀了新鮮蔬菜、金菇、南瓜、響鈴、山根、豆腐、午餐肉、紅腸、肉丸、凉瓜、水餃等等.........。全場大量飲品和美食，任君選擇。還有我喜歡的雪糕，包括有朱古力、芒果和紅豆味。

喺葵涌廣場行完街想揾地方食飯，天氣開始轉涼一於去打邊爐，見附近嘅極品煮意任飲任食兩小時放題每位都係百幾蚊，有鷄煲／烤魚，打邊爐，啱晒我哋。一入門口已經見到自助小食區，試咗其中幾樣味道都好唔錯！煲底都有好多選擇，鷄煲、烤魚、湯鍋，每款都有好幾種味道可以揀。呢次揀左野味麻辣烤魚鍋，有大魚、鯇魚、魽魚可以揀，我哋揀咗魽魚，麻辣湯底入面材料豐富，魽魚爽滑，唔多骨，又麻又辣，惹味好食餐紙上有牛、羊、豬、魚片等任叫任食，我哋點左其中的牛、羊、豬，都好新鮮，味道唔錯！餐廳中間有個自助形式嘅大雪櫃，入面有幾十種打邊爐配料：有蜆、響鈴、山根、豆腐、午餐肉、腸仔、紅腸、瓜類、菇類…… 客人可以按自己嘅喜好選擇。仲好幾個裝飲品嘅雪櫃入面裝有好多唔同牌子、味道的飲料、甜品、啤酒，選擇夠晒豐富。食飽飽最後都忍唔住要嘆返幾杯雪糕，呢餐大滿足！😋😋😋

葵芳其實係運動場個邊條街都有幾多餐廳🤤今日同朋友試下呢個雞煲放題 價錢唔貴幾吸引 朋友話想食烤魚 所以就叫左個少辣 魚其實都幾滑而且有魚味 另外仲可以任食牛肉同滑魚片😊另外建議大家可以拎D薯粉放入湯底 超級吸味🤣不過我同朋友都覺得傳菜速度有D慢 有時叫店員佢地要好耐先得閒理🙈

先嗰兩個月因為工作忙又要搞搬屋，所以都冇特別去食好嘢。今日收工同老公去葵涌買嘢，見到呢間餐廳有雞煲及邊爐任食，加埋超級肚餓，咁就決定試吓啦。👆🏽星期五晚食都係$158，好抵呀！我同老公都只係等左一陣就有得入座啦！👆🏽我同老公都諗咗好耐，究竟食雞煲定烤魚鍋，最後決定食雞煲🤤最正係羊肉片有得任食🤤👆🏽火鍋材料成個大雪櫃俾你揀，超級多選擇，眼花撩亂心花怒放😍👆🏽蔬菜大大兜，又放咗喺雪櫃入邊，非常保鮮👍🏽汽水啤酒有得任飲，啤酒仲有幾款揀，有青島、skol、藍冰等👆🏽熟食都有好多選擇啊👍🏽👆🏽雞煲超正，花椒八角味香又重，雞肉大件嫩滑👍🏽我哋加添咗一次，第二碟仲多過第一煲，抵到震😆👆🏽由於食太多雞嘅關係，其他火鍋材料都比較食清啲😅不過我哋試咗羊肉片夠so味、肉質鮮，鯪魚球彈牙爽滑，帶有少少芫茜味，不俗不俗👍🏽👆🏽送咗一人一隻海蝦，幾新鮮👆🏽我哋一開始食小辣，試咗味之後覺得可以再食辣啲，經理即刻比左成碗雞煲辣汁我哋，正到爆啊😂😆總括而言，極品煮意性價比超高，非常值得再去👍🏽

仼食雞煲？有好多選擇，而我今次就選擇了葵芳的極品，在門口看見任飲任食，價錢合理，還寫住有80款選擇，所以便和朋友享用晚餐🥣原來店內並不止有雞煲，還有烤魚，食品和飲品是自助的，種類繁多，食物有不同的小食配合，例如有炸麥樂雞，滷水雞腳，炸薯餅，一些醃製的食品（青瓜，韓國芽菜等），生食既有不同丸類，火鍋配料，蔬菜等，飲品方面，有不同的汽水🥤果汁🍹酒類飲品（留意只供18歲以上人士飲用），更有不少飯後甜品🍮雞煲一上，便有香香的小辣噴出，還聞到一陣陣香濃的味道，新鮮雞的肉嫩滑，並不是冰鮮雞，雞肉的脂肪很平均，像是走地雞，雞肉滲透了小辣的口感，辣味更是慢慢在口中滲透岀來，原本是不辣的，但食到差不多的時候，辣味在口中不停盤旋，令人更想追住食！食完全隻雞，便加入上湯，上湯不會太油膩，也很鮮甜，並不會過鹹。加上火鍋配料，火鍋配料比較特別的有墨汁墨魚丸，這個丸在街市也很少見，就算有，都很昂貴，所以很出奇地竟然在這裏可以任食，而且墨汁味勁重，並配上啖啖的墨魚肉，更令人覺得值門票價。這間店舖連熟的小食，都做得很岀色， 做到真的有韓風的味道，大家不妨一試！更有安格斯肥牛和等級特選䐁肉片選擇！飯後甜品方面，比較最特

上網搵葵芳區嘅火鍋無咩選擇，大膽一試原本想試雞煲，但朋友想試蟲草花椰子雞湯鍋便選了此。等得比較耐咗少少先上枱，滾起即試食……雞🐔，好味好有雞味，好香椰子味，唔似冰鮮雞，滿意👍但一滾起要食晒雞先因再滾得耐會老。另落紙點了肥牛，豬豚肉，魚件(唔記得咩魚) 質素都ok。 其他丸類，蔬菜類，涼拌小食，飲品都以自助形式自取。整體都新鮮& 夜了都會添加。雖唔係最好嘅火鍋，但各人整體都滿意👍仲送咗4張$10禮券，下次再試雞煲或烤魚

之前都有食開，覺得還可以既。。幾日前見到佢係天橋派傳單同$10現金卷。咪去試下囉⋯⋯點知上到去。坐底已經感覺到佢冷氣唔係好夠。問佢可唔可以開大小小個冷氣？個到d人就話要問下先🤔後尾無回應。咪話轉枱囉。點知都係咁熱。。重有點焗，始終個個都一枱一個煲。我地又要求開大小小冷氣。佢都係要話問下先。都算啦。。二小時任食。。夠鐘前半小時埋單-都屬正常既。後尾到夠鐘。我地枱面重有野食係生既同熟既都重有未食哂既係個煲到。之後佢一夠鐘就即刻趕我地走。我話我地唔再order食物同去拎飲品-食埋枱面上既食物先走。純粹係真係因為不想浪費左d食物去。點知佢就話已經夠哂鐘啦⋯⋯如果你地重要坐既就$50 一位一個鐘!個時真係一肚氣😤個時既時間已經差不多十一點。得番幾枱客，都要即刻趕人走。真心覺得浪費左d食物。最可笑係。一埋左單-約最後20分鐘-竟然感覺到有猛烈的冷氣🤦🏻‍♀️好明顯係人為🤦🏻‍♀️

葵芳其實除左新都會同葵廣，係運動場個邊條街其實都幾多餐廳都有返咁上下食得過，之前同女朋友試過間西餐廳，今日同佢就試下呢個雞煲放題，望落價錢唔貴幾吸引咁上樓梯勁大幅牆寫住價錢，最貴$200都唔洗lol入到去要揀雞煲/邊爐，2樣都要就要加錢，咁當然黎呢度，梗係食雞煲~要左個小辣，而且佢話雞可以任添，所以食唔夠既同佢講就得星期日都好多人，8點幾9點去到都坐左7-8成人雞煲黎la，好香，加上芫荽洋蔥，煮一煮就入哂味，雞肉肉質正常，不過略嫌唔夠入味出面既配料非常多~~~特別係野望有成3,4個雪櫃都係裝野飲，大家一定揀到岩飲既野，佢都係自助形式食幾多拎幾多，除左肥牛要叫之外我地都夾左唔少野食，肥牛質素都ok，不過我覺肥左d。而出餐點餐都好快上，自認係大胃王既就要過黎食下

夜晚係荃灣練完波好肚餓 倜倀緊到底有咩野係可以開到九點十點又食得好飽好飽 openrice一search 呢間極品煮意好似好唔錯 果然無令我失望平時係街食問雞煲 都無試過食酸魚煲 所以決定叫一個試下 係等緊嘅時候出去睇下 發現前菜非常多 連熟食都有好多選擇 肚餓嘅我當然唔會放過任何一個食飽嘅機會 食咗手拍青瓜 麻辣連藕 香辣惹味 完全開咗個胃食其他野話咁快個辣魚煲就黎咗 原來呢個配撘好新鮮 有啲似... 泰式嘅魚煲 當然呢個抵食好多啦 食完仲可以加湯打邊爐 啲配料選擇多籮籮 咁嘅價錢真係性價比好高！ 下次一定會再黎試

又想食打邊爐，又想試烤魚，又未決定到食雞煲？極品煮意 鷄煲.烤魚.火煱可以上到去再慢慢考慮，事關這裡煲類可選擇雞煲、烤魚或湯煱！其他配料都係任飲任食！餐廳超大，隔局似西式茶廳，有卡位亦可以坐２人枱，飲品及火鍋配料都以自助形式自己夾取，非常適合大胃一族，要幾多份量又自己話事！鷄煲.烤魚或火煱類別亦豐富，除了一般雞煲，連砂煱雲吞雞都有；烤魚煱更可以自選辣度；湯煱亦有6種選擇，鴛鴦煱亦沒有附加費，好抵食！打邊爐最餓就係望住個煲未滾，咁點算？這裡還有熟食可自助取用！有雞翼，香腸等，食住等即時滿足第一層！每枱一壺湯讓顧客自行選擇加湯。而除了美國肥牛、五花豬腩肉等要填紙條交給店員，自助位置有很多款式，如丸類已有十數款，不少選擇新穎，蔬菜類也多元化，仲有誠意自家製韭菜豬肉水餃，滾大概10數分鐘就食得，鮮味與急凍的不能比！想食飽一點，這裡有出前一丁、烏東，甚至紅薯粉、福字麵，印尼撈麵！咁多選擇，滿足再升一層。飲品櫃有韓式飲品，更有自家製豆漿！清新微甜好健康。甜品時間可以揀雪糕、自家製的啫喱，甚至涼粉。就超滿足啦！

平時行開葵廣都只係食下小食，雖然平時都食開，但係又時候都想試下其他野。今次就試左朋友一致推介既極品煮意，話食雞煲一流wor由於個日係假期，所以就係$178+10(未計加一)雞煲沒幾耐就上左枱了，份量十足，而且好香口惹味，香料好夠，有香蔥同埋芫荽等等味道有小小辣都唔會好辣，十分過癮，我一班唔好辣既同學都完全接受到肉類係要用紙點的，其他火鍋配料都係自助形式的而且除了一些高質素既牛肉以外，仲有魚肉，羊肉，非常豐富食完一輪，我們大家一致覺得美國安格斯肥牛，牛味濃，肥瘦適中，絕對可以叫多幾盤食完雞煲，就一定要配個福麵，沾上雞煲既湯汁，味道一流。呢個ending not bad呀，下次可以再戰

返工咁辛苦，收工緊係搵好西享受下！星期五晚約埋一眾老友鬼鬼，試下位於葵芳既任食雞煲 － 極品煮意。任飲任食2小時，一開始先要揀好煲底，選擇都幾多種類，有秘製麻辣、胡椒豬肚、雲吞雞、醉雞同椰子雞煲。除左雞煲，原來仲有烤魚可以做底。個人而言，我就比較鍾意食辣雞，惹味得黎亦可以試下舖頭自己秘製既調味。另外可叫／拎既火鍋配料亦都唔少，相當唔錯。係選擇煲底既時候，朋友都不忘先拎熟食小食醫醫肚。意想唔到既係，一間食雞煲火鍋都有準備咁多既小食，朋友就拎到炸雞塊同蜜糖腸。好多時一D熟食放到比人拎會好易凍哂，但依到唔會，仲會保持到暖熱，十分細心。嗌完煲底後上餐都非常之快，主角上場，當然要快快手試下味。今次就叫左中辣，惹味十分。秘製調味下用左好多花椒辣椒去做個味道，雞肉亦吸哂味，同時亦都無失去雞味。辣度十足，越食越辣，非常過癮。份量方面非常足夠，煲內都加上配料吊味，洋蔥同乾蔥吸左汁，食到停唔到：P 食完一輪點夠，當然要乘勝出擊，講明任食，再叫多轉。非常既好既一點係，添加既雞會配埋辣椒一齊上，確保唔會無味，可以Keep住個惹味sourse，正！食完雞就開始食火鍋，肉類選擇幾多，牛豬魚都唔錯。另外都有正常火鍋

呢日放工，happy Friday 自然就約埋一大班朋友，食到又飽又滋味啦。一大班人自然就會諗起雞煲，份量夠多，而且味道又要夠惹味。而我地諗起🐔煲就一定係諗起葵芳既呢間極品煮意先。無他👓價錢抵食，食材夠多種類，雞煲亦都夠出色。點左個秘製極品雞煲，用左好多花椒同辣椒做個底，雞肉入晒味，好鬼惹味雞肉份量足夠，唔夠食可以無限添雞，而且上雞速度都好快3除左主角雞煲之外，當然唔可以漏左打邊爐，狂食牛肉啦🐱肥牛既雪花分佈平均，唔會太油。另外，佢上枱個陣絕對沒見到未解凍既情況，岩晒我地一見就落當然，亦都有其他火鍋既配料，選擇亦都唔少，岩晒想食多啲菜既朋友。不過，今次顯然唔係主角，所以都只係各樣野拎少少👧而且仲有一些前菜，我地就試下麥樂雞同腸，味道都尚可，正正常常，當轉下口味都未尚不可總體黎講，質素，份量同味道都好唔錯，所以成日都好多人排隊。所以通常都早點入座，費事等咁耐♥

其實之前都嚟過食一次但係食極都唔厭因為真係好抵食百零蚊超多嘢食質素好服務又好雖然冇華麗嘅裝修但係都坐得好舒服因為佢有卡位個雞煲夠晒野味有香蔥同埋芫荽等等小辣都唔會好辣唔食辣嘅都接受到肉類方面以呢個價錢都算多野揀飲品同樣多選擇！淨係忌廉梳打已經有好多款～士多啤梨好好飲！出邊仲有好多唔同嘅配料可以選擇炸魚片頭同埋紅腸都正除此之外呢度仲有homemade嘅餃子真係好有自家嘅感覺無味精個皮又夠薄五花腩肉層次分明滾完之後入口即溶而且一份有四件分量剛剛好如果仲係唔夠食嘅話出邊仲有好多小食有蜜汁腸仔加香炸花生滷水雞腳仲有麻辣風味嘅海帶青瓜等等一定要食佢哋嘅麻辣小食麻得來好過癮甜品有桂花糕又有啫喱連涼粉都有雪糕就有芒果紅豆芝麻等等不得不提其實佢哋仲有撈麵公仔麵福字麵好多唔同嘅麵可以揀