蘭苑餐廳

Open Now

Now Closed

蘭苑嘅下午茶係中大好出名，但今次就係食佢嘅午餐，白汁龍脷柳配意粉，要加上少量雜菜。佢哋嘅用餐環境分為室內同室外，室內嘅商務午餐價錢比起室外嘅普通午餐貴，但係有得嘆冷氣。

招牌五層厚多士就如其名，厚！ 份量頗大而且好吃，兩個人才吃得完，下午茶來說絕對物超所值，惟朱古力醬略為沾口。但整體而言，性價比極高。牛肉漢堡裏牛肉扒的肉汁鎖得很緊，一咬下去，滿口肉汁，頗值得推介。另外，店員頗為有善，會跟顧客閒聊。服務不錯！但下午茶時段有時會頗為忙碌，一時無瑕應付所有顧客，有時需耐心等待。下午茶餐性價比高，平均一個餐只需$40，為中大裏難得一見好吃且性價比高的餐廳。推介指數：9/10

If you want to spend a day in HK and enjoy a relaxing time for mediation, chatting with friend and/ or doing a day trip in HK, if will be great to spend a day in CUHK and enjoy a great meal here.Even you are alone, the environment here will not let you feel strange and being alone. Great view with great food, relaxing and refreshing!

蘭苑其中最出名係五層厚西多士，今次專登黎試下，真係冇失望！層層都夾有幼滑花生醬，包身唔會乾。好邪惡，好好味。但一個人應該好難食得晒蘑菇漢堡餐飲係中大黎講質素算唔錯，比出面市區既好多茶餐廳好。奶茶同凍檸茶既茶底都香，但奶茶唔夠熱。

去完中大面試諗住搵下附近有無咩好食見到呢間有下午茶好似都幾吸引就決定入去會一會佢有outdoor 同indoor可惜今日落雨，就唔坐出面啦佢地嘅茶餐都幾抵，3-40蚊不等有三文治、漢堡包、意粉等選擇仲包一杯飲品我同朋友決定試一試出名嘅五層厚多士叫完好快就黎到都幾厚身，上面有舊牛油，加咗煉奶同朱古力醬，中間就夾住花生醬味道都唔錯，不過不失$36黎講好抵食至於漢堡包雖然賣相唔係好吸引但蘑菇好juicy，如果係配薯條就一流啦

「覓食大學can」是我的樂趣之一，往往都能找到一些驚喜。蘭苑，坐落在中大何添樓內，若非細心，真的不容易察覺。蘭苑分室內及室外用餐位置，室內的自然就是比較傾向西餐廳，服務多一點；而室外的就自由度大一點，靠用餐都自助形式處理，午市也設快餐類，讓學生有快速一點的選擇。這裡的彈性也頗大，單看其下午茶供應至六時十五分便可知一二。下午茶選擇也算多，價錢相宜之餘，份量及味道也佳！牛肉漢堡和炸魚漢堡絕對是優質之選！若你也有機會到未圓湖一遊，不妨走上一點，嘗嘗這裡的美食。

蘭苑餐廳位於中大崇基書院，出名平靚正！午市套餐由$60-88 我們一行四人，點了四款lunch套餐，包括了餐湯、蒜蓉包、主食、飲品及甜點，套餐有十多款選擇！今次選擇了三文魚天使麵，咖喱魚塊，海鮮咖喱薯菜和藍青口薯條。個人認為最美味是藍青口，青口鮮味跟秘制醬汁十分野味同合襯，醬汁配合隨餐附有的麵包及薯條！另外這個咖哩也不錯但就是偏辣了一點配合薯蓉也不錯的！海鮮有蝦，青口，魚塊及帶子算是多料的！這個價錢有如此質素，性價比甚高，有誠意！

幸好我算早到，還有座位。過了半小時就滿座了。我點了份午餐。午餐有約十款選擇。午餐包括餐湯，蒜蓉包，主菜，飲品。星期一至五還有送完即止的甜品。價錢70-80左右。我點了北海道花魚定食，因包括了麵豉湯，故沒餐湯。上菜不是用方型的便當盒，是個長方形的餐盤。(見相片)兩條煎得剛好的小魚，配上恰當的醬汁，很可口。重點是，吃畢也不用吐骨；魚用也不會因近肚的位置有腥味。伴碟是沙律菜，和主菜很配合。配的白飯也很有心思，飯面灑上了飯素。蘭苑是家較幽靜的餐廳，有戶外座，也有室內座位。個人喜歡室內，因為室內裝修雅致(見相片)，免除室外天氣好壞的顧慮。

蘭苑英式早餐 ($46)想試蘭苑嘅早餐好耐😍難得去到梗係要叫招牌all day breakfast一碟有齊薯餅、火腿、煙肉、沙律、蕃茄、茄汁豆、雞扒、白菌炒滑蛋同scone，唔使驚食唔飽🤓味道仲好好添，雞扒夠嫩滑，炒蛋生熟度剛好，薯餅香脆，所有野除左沙律都熱辣辣，絕對唔係一般canteen嘅質素！不過scone口感似muffin，如果可以外脆內軟會更好xd奶茶似英式嗰隻，奶滑香濃又唔會澀，幾啱我口味😋下次再講下蘭苑室內嘅lunchset！

今日落左堂有啲肚餓就同朋友去左蘭苑食下午茶。就黎畢業要好好珍惜呢啲食tea 既時光。因為我未食lunch 既關係，我叫左個日式吉列魚柳漢堡配薯條（$34） 然後我個朋友嗌左個tuna sandwich ($27) 個賣相好好，雖然簡單，但好樸實。吉列魚堡個吉列魚柳唔會太多麵粉，岩岩好，同埋炸得岩岩好，最緊要係好大塊😋好抵食。 本身覺得唯一唔好係個漢堡沙律醬比較少，不過問職員就比左啲我加落去，服務好好☺️薯條略嫌少左啲啲，不過呢個價錢都物超所食。下次大家黎中大都可以考慮黎食下呢間啦

某日O係中大既校園逛逛, 經過崇基教堂, 附近有間叫蘭苑既餐廳, 咁岩tea time, 所以就入去醫下肚.下午茶餐有幾多選擇, 日式西式同cake都有,聽聞D cake都唔錯.不過我就order左個大菇burger. 唔知點解特別鍾意食burger! XDD個burger都有好多餡料, 有cheese, 青瓜, 蕃茄.配埋薯條同野飲, 都好full~雖然價錢唔算係特別平, 但味道係唔錯既!食飽飽再閒逛下中大, 重回校園既感覺真係好呀~哈哈!

成日返學/放學/轉堂經過蘭苑，總會聞到陣陣香味，好似燒雞咁，今次同同學終於決定嚟食啦佢有分室外座位同室內，兩邊食嘅嘢唔同，室內嘅價錢比較高今日嚟到入面，諗唔到食咩好，店員姐姐推介我哋叫燒春雞，佢話好食又抵食春雞每人有半隻，有雞髀雞翼位，骨唔多，可以起到好多肉肉質都幾滑，配埋燒汁一齊食幾好食薯蓉好多，唔怕會食唔飽，旁邊嘅蔬菜多種類，都幾清新，整體配搭唔錯，感覺可以有下次

第一次光顧。食品水準不錯，服務很有效率。我要了素食套餐（$70）,有菠菜奶油湯，味道很淡，奶油不夠，比較像“粟米粉”湯,此外附上一片蒜茸包，很普通。主菜賣相、味道和分量區佳，是煎大蘑菇反，蘑菇佐以惹味的茄醬，上面纕有芝士、椰菜和蘿蔔絲，配菜有西蘭花、椰菜花和翠玉瓜，如果白米飯能換成紅米飯或糙米飯就好了。最後甜品是一小片特濃朱古力餅，超好吃！超多朱古力！是套餐最好吃的。配以熱檸檬水正好消膩。餐廳的環境很優美，外面有很多樹木，但室內實在比較擠，服務員超忙，他們之間的喊聲讓人很有壓迫感。

身為中大學生，當然要試下蘭苑下午茶的招牌：厚多士啦～在份量上，果然是不同凡響，比一般西多厚身好多，而且中間夾住濃濃的花生醬，真係幾好味咖！ 加配上奶茶，真係一絕！值得推介呀！

黎中大行下, 揾野食醫肚, 見呢間都幾多好評~~ 呢日好凍所以揀坐室內, 地方骨子.台式吉列豬扒三文治 - 好大份, 豬扒炸得乾身又熱辣辣, 好得~~招牌5層西多士 - 坐底見人食就問下, 仲有得叫就叫黎試下~~ 勁大份勁邪惡, 好漏~~仲有個豬軟骨烏冬, 但我無食就comment 唔到~~staff 後生仔多, 態度良好~~ 埋單105蚊, 好抵食~~